Mákhó Hokimsu Tē jī chioⁿ

2:1 Kòe kúiji̍t, Iâso͘ koh khì Kape̍klông.

2:2 Chènglâng thiaⁿkìⁿ I tī chhùlāi, chiū chi̍póalâi, lâng chē kah liân mn̂g lóng that tiâu leh, Iâso͘ chiū tùi in kángtō.

2:3 Ū lâng chhōa chi̍tê tiònghongè lâi chhōe Iâso͘, i hō͘ sìê lâng kng lâi.

2:4 Inūi lâng chinchē, kng bē kàu thâuchêng, chiū khì thiah chhùténg, chiong hitê lâng kap chhn̂gpho͘ chòhóe lūi lo̍h tī Iâso͘ ê bīnchêng.

2:5 Iâso͘ khòaⁿtioh in chiahnih ū sìnsim, chiū tùi i kóng:” Siàuliân è, lí ê chōe tittio̍h siàbián á! ”

2:6 Ū kúiê kàusu mā chē tī hia, in tī sim-lāi kakī sio͘ⁿ: ”

2:7 Chitê lâng náē ahne kóng, I ahne sī íkeng tekchōe Siōngchú á. Tûliáu Siōngchú ígōa, ū siáⁿmihlâng ētàng siàbián lâng ê chōe? ”

2:8 Iaso͘ simlāi mā chaiiáⁿ in leh sio͘ⁿ siaⁿ, chiū kóng: ” Lín sī ánchóaⁿ tìam simlāi teh chengpiān chithāng sū? “

2:9 Sī tùi chitê lâng kóng「Lí ê chōe íkeng tit siàbián á!」ásī 「Khílâi! Theh lí ê chhn̂gpho͘ khìlâi kiâⁿ.」, tó chi̍thāng khah kántan? “

2:10 Che sī beh hō͘ lín chaiiáⁿ Góa tī tēsiong ū siàchōe ê koânpèng. ” Chiū kā piànsūiè

kóng: ”

2:11 Góa kā lí kóng, khílâi! Thang theh lí ê chhn̂gpho͘ tńgkhì lín tau à. ”

2:12 I sûi khílâi koh kā chhn̂gpho͘ theh khílâi, tùi tāike ê bīnchêng kiâⁿ chhutkhì, só͘í chènglâng lóng chin tio̍hkiaⁿ, iā kui êngkng hō͘ Siōngchú kóng:” Goán chiônglâi m̄bat khòaⁿkòe chitchióng tāichì. ”

2:13 Iâso͘ koh kiâⁿkhì háipiⁿ, tāike lóng khì I hia, I chiū kàutō in.

2:14 I leh kiâⁿ ê sî, khòaⁿtioh Ale̍khui ê kiáⁿ Lībī chē tī siusòe ê só͘chāi , chiū tùi i kóng: ” Lí lâi tòe Góa. ” I chiū khílâi tòe Iâso͘.

2:15 Iâso͘ tī Lībī ê chhù chētoh ê sî, ū chinchē siusòe ê lâng kap chōejîn lâi hām Iâso͘ kap i ê ha̍kseng chē siangtoh, inūi chitkhoán lâng chinchē, in mā lâi tòe Iâso͘.

2:16 Hoatlīsàilâng hām kāusu khòaⁿkìⁿ Iaso͘ kap chōejîn hām siusòe ê lâng chòhóe chia̍hpn̄g, chiū mn̄g I ê ha̍kseng kóng:” I hām siusòe ê lâng kap chōejîn chòhóe chia̍hpn̄g ò͘ ? ”

2:17 Iaso͘ thiaⁿkìⁿ chiū tùi in kóng:” Kiānkhong ê lâng bô suiàu iseng, chíū pēⁿlâng chiah suiàu. Góa lâi sī beh chio ū chōe ê lâng, m̄sī beh chhōe hólâng.

2:18 Tng Iokhān ê ha̍kseng kap Hoatlīsàilâng tú—leh kìmchia̍h ê sî, in lâi mn̄g Iaso͘: ” Iokhān ê ha̍kseng kap Hoatlīsàilâng leh kìmchia̍h, Lí ê ha̍kseng náē bô, chesī cháiⁿiō͘ⁿ ?”

2:19 Iaso͘ ìn in kóng:” Sinlông kap phōaⁿchhōaè chòhóe ê sî, phōaⁿchhōaè kámē kìmchia̍h? Sinlông iau hām phōaⁿchhōa ê tàutīn in bē kìmchia̍h.

2:20 Tānsī ji̍tchí nā kàu, sinlông ē tùi in tiongkan pī chhōacháu, hitsî in chiū ē kìmchia̍h.

2:21 Bôlâng theh iáu bōe kòechúi ê sinpò͘ lâi pó͘ kūsaⁿ, nāū, sinpò͘ ē kiù óalâi koh khiú phòa kūê, ē hō͘ i phòa kah lú līhāi,

2:22 koh mā bôlâng chiong sin ê chiú té tī kū phôetēá, nāū, sinchiú ē kā hitkha tēá piakli̍h, chiú chiū hām tēá lóng khíliáuliáu; sinchiú chíū ētàng té tì sin phôetēá. ”

2:23 Iaso͘ tī anhiohji̍t kiâⁿkòe be̍háhn̂g ê sî, I ê ha̍kseng sūnchhiú khì tiah be̍hsūi, soah hō͘ Hoatlīsàilâng khòaⁿtioh.

2:24 In tùi Iaso͘ kóng:” Lí khòaⁿ leh! Lí ê ha̍kseng sī ánchóaⁿ chò anhiohji̍t só͘ kuitēng bēsái chò ê sū à? ”

2:25 Iaso͘ ìn in:” Tāipi̍tông kap i ê pō͘sio̍k tôbông ê sî , tī iau kah bôthang chia̍h ê sî só͘ chò ê sū, lín kámbô tha̍kkòe?

2:26 Hitchūn sī Apíatha chò chèsitiúⁿ, i cháiⁿiō͘ⁿ li̍pkhì Siōngchú ê chhù, theh pâilia̍t ê piáⁿ lâi chia̍h, iā theh hō͘ i ê pō͘sio̍k. Chitchióng piáⁿ chíū chèsi chiah ētàng chia̍h nātiāⁿ. ”

2:27 Koh kā in kóng:” Anhiohji̍t īs ūitio̍h lâng lâi siat ê, lâng m̄sī ūi anhiohji̍t lâi siat è.

2:28 só͘í, Góa iāsī anhiohji̍t ê chú. ”

    2025.09.22. Siukái tī Lâmthâm