Mákhó Hokimsu Tē Peh Chio͘ⁿ

8:1 Tng hit kúiji̍t, koh ū chi̍t tōatīn lâng chūchi̍p tī hia, iā bô siáⁿmih mi̍hkiāⁿ thang chia̍h. I kiò ha̍kseng lâi, ka in kóng:

8:2 “ Góa chin m̄kam chiah tōatīn ê lâng, inūi in kap Góa chòhóe tī chia íkeng saⁿji̍t, mābô chia̍h siáⁿ.

8:3 Góa nā hō͘ in hiānchāi tńgkhì, in tī lō͘tiong ittēng ē chin phîlô, inūi kîtiong ū lâng tùi hn̄ghn̄g ê só͘chāi lâi ê.

8:4 Ha̍kseng ìn :” Tī chiahní phianphiah ê só͘chāi, beh khì tóūi theh piáⁿ, thang hō͘ chiahê lâng chia̍hpá ? ”

8:5 Iaso͘ mn̄g in:” Lín ū jōachē piáⁿ?” “ Chhit tè.” In ìn.

8:6 I kiò ta̍kê chē lo̍hlâi, chiū theh chit chhit tè piáⁿ lâi kîtó, chiokhok liáu pehkhui theh hō͘ ha̍kseng, kà in pâi hō͘ hósè, in chiū chiong pékhui ê piáⁿ pâi tī chènglâng ê bīnchêng.

8:7 Iáū chi̍tkóa sèbóe hî, Iaso͘ kîtó liáu, iā kà in pâi tī chènglâng ê bīnchêng.

8:8 Móe chi̍tê lâng lóng ū thang chia̍h, iā chia̍h kah chin pá, koh chia̍h ū chhun, siū siuleh iáu ū thang té chhit nâ.

8:9 Chòhóe chia̍h piáⁿ ê lâng chóngkiōng ū sìchheng ê. Iaso͘ chiū hō͘ in tńgkhì,

8:10 sûi kap ha̍kseng chiō͘ⁿ chûn, kàu Tāimálôtāi ê só͘chāi.

8:11 Hoatlīsàilâng cháu lâi tiâucha Iaso͘, kiò I pìⁿ chi̍tê tùi thiⁿni̍h lâi ê sînjiah, beh lâi chhìthàm I.

8:12 Iaso͘ thò͘ chi̍tê tōakhùi, kóng:” Chitê sètāi ūisiáⁿmi̍h kiû sînjiah leh? Góa si̍tchāi ka lín kóng, tī chitê sètāi ittēng khòaⁿ bē tio̍h sînjiah.”

8:13 I chiū līkhui in, sûi chiō͘ⁿchûn khì tùibīn hōaⁿ.

8:14 Ha̍kseng bēkìtit tòa piáⁿ, chûnténg kantaⁿ ū chi̍ttè piáⁿ, ígōa lóngbô mi̍hkiāⁿ.

8:15 Iaso͘ tùi in kóng:” Lín tio̍h kéngséng, chùì Hoatlīsàilâng ê kàⁿ kap Hilu̍t ê kàⁿ.”

8:16 Ha̍kseng hō͘siong thólūn chhaichhek:” Lāusu sīm̄sī leh kóng lán bô tòa piáⁿ chithāng sū!”

8:17 Iaso͘ chaiiáⁿ in leh siōⁿsiàⁿ, chiū kóng:” Lín ūisiáⁿmi̍h leh thólūn tòa piáⁿ ê sū? Lín kám iáubē léngngō, iáubē chhengchhó mah? Kám kóng lín ê sim-hiàu iáu-bē khui mah?”

8:18 Lín ū ba̍kchiu khiok khòaⁿbô, ū hīⁿkhang iā thiaⁿbô, iā lóng bēkìtit mah?

8:19 Góa peh gō͘ tè piáⁿ pun hō͘ gō͘chheng ê lâng, lín khioh chia̍h chhun ê, té jōachē láng?” In ìn:” Cha̍pjī láng.”

8:20 “ Koh peh chhit tè piáⁿ hō͘ sìchheng lâng chia̍h, lín khioh chia̍h chhun ê, té jōachē láng?” In kóng “Ū chhit láng.”

8:21 Iaso͘ mn̄g in:” Áne lín bêngpe̍k ábē?”

8:22 In kiâⁿ lâikàu Peksàitài, ū lâng chhōa chi̍tê ba̍kchiu bô khòaⁿkìⁿ ê, lâi kiû Iaso͘ bong i.

8:23 Iaso͘ chiū khan hitê lâng ê chhiú, chhōa I khì chnggōa, chiū phùinōa tī I ê nn̄glúi ba̍kchiu, koh hōaⁿchhiú tī i ê sinchiō͘ⁿ, mn̄g I kóng:” Lí khòaⁿtio̍h siáⁿmih?”

8:24 I sûi kia̍h chi̍tēá thâu, kóng:” Góa khòaⁿtio̍h lâng, in náchhiō͘ⁿ chhiūá, leh kiâⁿ lō͘.”

8:25 Sòalo̍h Iaso͘ hōaⁿchhiú tī i ê ba̍kchiu, i chi̍tē thíkhui koh siôngsè khòaⁿ, chiū oânchoân hoeho̍k, ta̍khāng mi̍h-kiāⁿ lóng khòaⁿkah chin chhengchhó.

8:26 Iaso͘ chiū kiò i tńgkhì intau, koh kóng:” Liân ji̍pkhì chi̍tê chngthâu mā m̄thang.”

8:27 Iaso͘ kap ha̍kseng kèsio̍k khíkiâⁿ, ǹg Kaisatlīa Huili̍ppí hiaê chngthâu khì, leh kiâⁿ ê sî mn̄g ha̍kseng :” Lín ū thiaⁿ lâng leh kóng Góa sī siáⁿmihlâng bô?”

8:28 In kóng:” Ū lâng kóng Lí sī kiâⁿ sélé ê Iokhān; māū lâng kóng sī Ílīa; koh ū lâng kóng Lí sī sianti tiong ê chi̍tê.”

8:29 I koh mn̄g in kóng:” Nāsī lín leh! Lín kóng Góa sī siⁿmihlâng?” Pítek ìn I :” Lí sī Kitok.”

8:30 Iaso͘ chiū chin sīmtiōng thêchhéⁿ in, m̄thang kā pa̍tlâng kóng.

8:31 Iā khaisí tùi in kóng bêng:” Góa tekkhak ē siū chinchē thòngkhó͘, hō͘ tiúⁿlo, chèsi hām kàusu khìsak, koh pī chhú síhêng, kengkòe saⁿji̍t āu ē kohoa̍h.”

8:32 Iaso͘ chiong chiahē ōe kóng kah chiaⁿpe̍h, Pítek khiok kiú lâi khó͘khǹg I.

8:33 M̄ku Iaso͘ oatkòekhì ǹg ha̍kseng, lâi chíchek Pítek kóng:” Sat-tàn! Thèkhì Góa ê āubīn! Inūi lí ê sio͘ⁿhoat m̄sī Siōngchú ê, sī lâng ê.”

8:34 Sûi kiò chènglâng kap ha̍kseng óalâi, tùi in kóng:” Nā ū lâng beh tòe Góa, tio̍hài seng chiong katī ê sio͘ⁿhoat khǹg chi̍tpiⁿ, giâ i katī ê si̍pjīkè lâi tòe Góa.

8:35 Inūi sio͘ⁿ beh póchûn katī ê sèⁿmiā ê, tekkhak ē sitkhì, m̄ku hiaê ūitio̍h Góa kap Siōngchú ê hósiausit lâi hòngkhì ê, ittēng ē tittio̍h sèⁿmiā.

8:36 Lâng nā thántio̍h choân sèkài, lâi sitlo̍h i ê sèⁿmiā, ū siáⁿmih līek?”

8:37 Lâng iau ētàng ēng siáⁿmih chiong sèⁿmiā ōaⁿ tòtńglâi leh?

8:38 Tī chitê hoān kanîm kap siâok ê sètāi, nāū lâng ūitio̍h sìn Góa kap Góa ê ōe lâi kámkak kiànsiàu ê, tng Góa tī Pē ê êngkng kap chēchē sèng ê thiⁿsài lâi ê sî, iābeh lia̍h hitê lâng chò kiànsiàu.”

        2025.10.16. Siukái tī Lâmthâm