Mákhó Hokimsu Tē it chioⁿ

1:1 Koanhē SiōngChú ê kiáⁿ Iâso͘ Kitok ê hósiausit ê khaisí sī áne: 1:2 Chiūsī ikēng kìchài tī sianti Ísàia ê chheh ê lāibīn,  “Khòaⁿ à! Góa beh phài Góa ê sùchiá kiâⁿ tī lí ê thâuchêng, thè lí khuilō͘. ” 1:3 Koh ū lâng tī khòngiá leh hoah : “ Lâi chúnpī Chú ê lō͘, siuti̍t i ê siólō͘. ” 1:4 Chiū áne, Iokhān chhuthiān tī khòngiá kā lâng kúhêng sélé, iā soankáng hóekái ê tōlí, hō͘ lâng tùi chōeok tiong tháupàng chhutlâi. 1:5 Tòa tī Iûthài choântē hām Iâlō͘satléng ê lâng, lóng khì Iokhān hia, sêngjīn in katī ê chōe, tī Io̍ktànhô chiapsiū i ê sélé. 1:6 Iokhān chhēng lo̍ktô mn̂g ê saⁿ, chia̍h chháume̍h kap iáphang ê bi̍t. 1:7 I kóng : ” Ū chi̍tūi pí góa koh khah ū lêngle̍k ê, bô lōakú beh kàu, góa lián khû lo̍hlâi kā I tháu êtòa mā bô chukeh. 1:8 Góa sī ēng chúi kā lín kiâⁿ sélé, I khiok beh ēng Sèngsîn kā lín sé. ” 1:9 Hitsî Iâso͘ tùi Kalīlī ê Násatle̍k lâi, chiū tī Io̍ktàn hô ni̍h, tùi Iokhān niásiū sélé. 1:10 Tng I tùi chúitiong khílâi ê sî, siângsî khòaⁿ--kìⁿ thiⁿ li̍hkhui , Sèngsîn chhinchhiō͘ⁿ húnchiáuá poe lo̍hlâi hioh tī I ê sinchio͘ⁿ. 1:11 Koh tùi thiⁿténg ū siaⁿim áne kóng : “ Lí sī Góa só͘ thiàⁿ ê, Góa chin thiàⁿsioh Lí. ” 1:12 Sèngsîn chiū chhuipek Iâso͘ khì kàu khòngiá. 1:13 I tī khòngiá sìcha̍p ji̍t kú, kap iásiù tòa chòhóe, iā chiapsiū Sattàn ê chhìthàm, mā ū thiⁿsài lâi pôephōaⁿ. 1:14 Iokhān pī koaiⁿ loh kaⁿga̍k íāu, Iâso͘ lâi kàu Kalīlī soankáng koanhē Siōngchú ê hósiausit. 1:15 Kóng:” Sîkan íkeng kàu à! Siōngchú ê kok íkeng kīn lah, lín tio̍h ài chhéⁿ kòe lâi, chiapsiū chit ê hósiausit. “ 1:16 Iâ-so͘ tī Kalīlī ê ô͘piⁿ leh kiâⁿ ê sî, khòaⁿtioh Sebûn kap i ê hiaⁿtī Anteklia̍t leh phabāng, in goânpún chiūsī lia̍hhîê. 1:17 Iâso͘ ǹg in kóng:” Lâi tòe góa! Góa beh hō͘ lín tittio̍h lâng, nā chhinchhiō͘ⁿ hî .” 1:18 In thiaⁿliáu sûi chiong hîbāngá siu khí lâi, khì tòe I. 1:19 Iâso͘ koh kèsio̍k hiòngchêng kiâⁿ , khòaⁿtioh Sepíthài ê kiáⁿ Ngákok kap Iokhān, tī chûnténg leh pó͘bāng, 1:20 chiū sûi chio in chòhóe lâi khì, in chiū ǹg in ê lāupē kap tī chûn ni̍h ê kanglâng kòsî, khì tòe Iâso͘ . 1:21 In kàu Kape̍klông, tī anhiohji̍t ê sî, Iâso͘ li̍pkhì hōetn̂g lāi kap in thólūn Kengchheh. 1:22 Ta̍kê thiaⁿ liáu I ê kàutō, lóng chin hikî, inūi I ê piáuta̍t chin ū koânui, bô chhinchhiō͘ⁿ hiaê kàusu. 1:23 Tī hia túhó ū chi̍tê hō͘ siâsîn hūsin ê lâng, tōasiaⁿ hoah : 1:24 ” Násatle̍k ê Iâso͘, goán kap Lí ū siáⁿmih koanhē? Lí beh lâi siaubia̍t goán sī bô? Góan chaiiáⁿ Lí sī siáⁿlâng, chiūsī Siōngchú só͘ hunpia̍t chhut lâi ê. ” 1:25 Iaso͘ chekpī in kóng: “ Tiām-tiām, līkhui chitê lâng! ” 1:26 Siâsîn sûi hō͘ hitê lâng lia̍hkông khí lâi, koh tōasiaⁿ âukiò, chiah līkhui i. 1:27 Ta̍kê khòaⁿtio̍h chitê chênghêng lóng chin tio̍hkiaⁿ, hō͘siong chenglūn: ” Che sī siáⁿmih tāichì? Sī sin ê tōlí nē! ” I ēng koânpèng bēnglēng siâsîn, liân siâsîn iā ho̍kchiông I . ” 1:28 Chiū áne Iâso͘ ê miâsiaⁿ thoân kàu Kalīlī ê tak só͘chai. 1:29 In chi̍tē līkhui hōetn̂g, chiū hām Ngákok,   Iokhān, khìkàu Sebûn, Anteklia̍t in tau. 1:30 Sebûn ê tio͘ⁿḿ túhó leh hoatsio tó tī bînchhn̂g téng. Ū lâng kā Iâso͘ kóng. 1:31 Iâso͘ chiū ji̍pkhì khan i ê chhiú, hû i khílâi, i ê sio chiū thè, jîchhiáⁿ khílâi chiauthāi in. 1:32 Ji̍tthâu beh àm ê sî, ū lâng chhōa só͘ū phòapēⁿ ê,   pī siâsîn hūsin ê lâikàu Iâso͘ ê bīnchêng. 1:33 Choânsiâⁿ ê lâng lóng lâi chūchi̍p tī mn̂gkháu. 1:34 Iâso͘ ihó hoāntio̍h ta̍kchiòng pēⁿthiàⁿ ê lâng, iā kóaⁿchhut chinchē siâsîn, m̄chún hiaê siâsîn kóngōe, inūi siâsîn bat I. 1:35 Kèji̍t chákhí, thiⁿ iáube kng, Iâso͘ khíchhn̂g, khì kàu iágōa, tī hia kîtó. 1:36 Sebûn kap kîthaⁿ ê tângphōaⁿ cháu khì chhōe I, 1:37 chhōetio̍h chiū tùi I kóng:” Ta̍kê lóng leh chhōe Lí. ” 1:38 Iâso͘ ín kóng:” Lán lâikhì pa̍tê chngthâu, Góa thang tī hia thoântō, inūi che sī Góa lâi ê bo̍kte̍k." 1:39 Tùi áne I tī Kalīlī, ji̍p khì hōetn̂g thoântō, kóaⁿchhut siâsîn. 1:40 Ū chi̍tê kui sengkhu tioh phôehupēⁿ ê, lâi kūi tī Iâso͘ ê kha chêng kiû I : ” Lí nā khéng, góa chiū ē oânchoân hókhì. “ 1:41 Iâso͘ lînbín i, chiū chhunchhiú bong I, kóng: ” Góa khéng, lí thang oânchoân hoeho̍k! ” 1:42 Hitê lâng choân sengkhu ê phôehupēⁿ sûi siaukhì. 1:43 Iâso͘ chin sīmtiōng hoanhù I liáuāu, chiū kiò i līkhui, 1:44 tùi i áne kóng: ” Lí ài sèjī, tī lí sinchio͘ⁿ só͘ hoatseng ê tāichì, lóng m̄ thang tùi lâng kóng, kantaⁿ khì hō͘ chèsi kiámcha tō hó, koh inūi lí ê phôehupēⁿ íkeng hó, tio̍h hōnghiàn Mô͘se só͘ hoanhù ê lémi̍h, thang tittio̍h chèngbêng. 1:45 Hitê lâng chhutkhì, hoántńg kóng chinchē ōe, chiong chithāng sū thoân chhut khì, sòa hō͘ Iâso͘ íāu bētàng kongkhai ji̍psiâⁿ, chíhó tiàm tī khòngiá. Lâng chiū tùi ta̍kūi lâi chhōe I.     2025.09.21. Siukái tī Lâmthâm, Kuijîn, Tâilâm.