16:1 Anhiohji̍t íkeng kiatsok, Boa̍ttāilia̍p ê Málīa kap Ngákok ê lāubó Málīa hām Satlôbí, chúnpī hó chengiû beh khì boah Iâso͘ ê ûithé.
16:2 Chiūsī tī chhitji̍t ê thâuchi̍tji̍t ê thàuchá,
ji̍tthâu chiahbē chhutlâi ê sî, in lâikàu bōngtē,
16:3 na kiâⁿ na kóng: ”Ū siáⁿlâng thang thè lán kā
bōngchio̍h sóakhui leh ? ”
16:4 Inūi hittè chio̍hthâu siongtong tōatè, tng in
kia̍hthâu chi̍tē khòaⁿ, hittè chio̍hthâu chá chiū sóakhui à.
16:5 In li̍pkhì bōngchhù lāi ê sî, khòaⁿtio̍h chi̍tê
chhēng pe̍hsaⁿ ê siàuliânlâng chē tī chiàⁿpêng, soah khì hō͘ chhòa chi̍ttiô.
16:6 I tùi in kóng: ” Biánkiaⁿ! Lín beh chhōe ê hitūi
hō͘ lâng téng si̍pjīkè ê Násatle̍k lâng Iâso͘, I íkeng kohoa̍h à, I íkeng bô tī
chia. Lâi khòaⁿ khǹg I ê só͘chāi.
16:7 Lín khì kā I ê ha̍kseng kap Pítek kóng:「Iâso͘ ē pí lín khahchá kàu Kalīlī. Lín ē tī hia khòaⁿtio̍h I. Sī chiàu I
chinchêng só͘ hoanhù ê.」
16:8 In kiâⁿchhut bōngchhù, chiū kíncháu līkhui bōngtē,
kiaⁿ kah phihphihchhoah, m̄káⁿ kap jīmhôlâng kóng ōe, chinchiàⁿ khì hō͘ kiaⁿtio̍h.
16:9 Tī chhitji̍t ê thâuchi̍tji̍t , ji̍tthâu chiah beh
chhutlâi ê sî, Iâso͘ chiū kohoa̍h, I seng ǹg Boa̍ttāilia̍p ê Málīa hián-hiān,(Iâso͘
bat kā I sin-siōng ê chhitê siâsîn kóaⁿ chhutkhì.)
16:10 I khì kā hiaê sò͘siông kap Iâso͘ chòtīn ê lâng
kóng, hitsî in tn̄gleh aisiong thîkhàu.
16:11 In thiaⁿtio̍h Iâso͘ kohoa̍h à, khì hō͘ Málīa
khòaⁿtio̍h, khiok m̄khéng sìn.
16:12 Sòalo̍h, ha̍kseng ê tiongkan ū nn̄gê khì chngkha.
Tī pòaⁿlō͘ ê sî, Iâso͘ piàn lēnggōa chi̍tkhoán hêngchōng, ǹg in hiánhiān.
16:13 In tn̄gkhì kā kîthaⁿ ê ha̍kseng kóng, hiaê ha̍kseng
mā m̄ siongsìn.
16:14 Chòeāu, cha̍pit ê ha̍kseng chē chòhóe chia̍hpn̄g
ê sî, Iâso͘ ǹg in hiánhiān, chekpī in ê m̄sìn, kap tiâuti̍t, in-ūi in m̄sìn hiaê
tī I kohoa̍h íāu, khòaⁿtio̍h I ê lâng só͘ kóng ê ōe.
16:15 I koh tùi in kóng: ” Lín khì sèkài ê ta̍k kaklo̍h,
thoân hósiausit hō͘ móechi̍t-ê lâng thiaⁿ,
16:16 chiapsiū koh niá sélé ê, ittēng tittio̍h kiù; m̄
chiapsiū ê ittēng pī tēngchōe.
16:17 Chiapsiu ê lâng ittēng ū ēbīn ê kìhō hiánlō͘
chhutlâi, chiūsī hōng Góa ê miâ kóaⁿkúi; kóng sin ê gúgiân;
16:18 chhiú ē lia̍hchôa; nā lim tio̍h siáⁿmih to̍kmi̍h,
mā bē siongtio̍h; chhiú hōaⁿ pēⁿlâng kîtó, ittēng ē hoeho̍k oânchoân. ”
16:19 Chú Iâso͘ kap in kóng chiaê ōe íāu, chiū pī
chiap chiō͘n thiⁿténg, chē tī Siōngchú ê chiàⁿpêng.
16:20 Ha̍kseng khì ta̍k só͘chāi thoân hósiausit. Chú
kap in tângkang, hiánchhut Siōng-chú ê chòûi, lâi ìnchèng in só͘ thoânkáng ê .
Amén.
Hoane̍k kàuchia sī Chúāu
2018.12.31.17:53
2018.09.14. Tāngpit. Kámsiā Chú!
Chóngkiōng
678 chat, pêngkin chi̍tji̍t káisiá 6-7 chat ê soktō͘ chinhêng.
2025.11.21. Siukái tī Lâmthâm.
Hùkì:
Kin’áji̍t sī
2025.09.21. kèsio̍k káisiá chêng íkeng oânsêng ê sìkoàn tiong ê te saⁿ koàn,
Mákhó hokimsu.
Sūsi̍tsiōng, Mákhó
hokimsu chiah sī góa khaisí siá “Góa só͘ tha̍k Sèngkeng ê liáukái ” ê tēitkoàn.
Khòaⁿtio̍h tī téngthâu só͘ ah ê ji̍tkî sī tī 2018 nî 9goe̍h 14ji̍t khaisí
tāngpit, kengkòe saⁿkògoe̍h gōa chiah oânkó. Chi̍tba̍knihkú, íkeng sī chhitnî
chêng ê tāichì, kîtiong thêngtùn ê goânin ū kuihang: Siōngtiōngiàu ê sī góa
kòjîn cha̍pbū siō͘ⁿche, kîtiong paukòa sengoa̍h khíku ê chūkí liāulí, íki̍p
chiânóng kokgōa, kasiōng chénglí khoânkéng--góa bo̍kchêng só͘ tòa la̍kpah gōa
phêⁿ ê chhùtē; kichhù sī tùi Sèngkeng ê líkáisiōng ūsî suiàu chhamkhó
kohkhahchē chuliāu, inūi sîkansiōng ê insò͘ bôhoattō͘ chhîsio̍k kàu
chi̍ttōaⁿlo̍h, tiāⁿtiāⁿ itchài tùi thâu khaisí.
Thang kóng sī thêngthêng iū thêngthêng, kachài SiōngChú ê lînbîn, hûchhî sngnńg ê khachhiú kèsio̍k chiânchìn, íkeng chìnji̍p Máthài hokim su ê siáchok, kîkiû Chú Sengsîn sùlo̍h khùila̍t kap tìhūi lâi oânsêng tēgō͘koàn ê siáchòk.
沒有留言:
張貼留言