Lō͘-ka Hok-im-su Te-jī cho͘ⁿ 路加福音 第二章

2 : 1 Hit-ê-sî, Lô-má hông-tè A-kó͘-sū-tok hā-lēng, kiò choân-kok ê jîn-bîn lóng tio̍h khì teng-kì hō͘-kháu.

Lō͘-ka Hok-im-su Tē-it chio͘ⁿ 路加福音 第一章

1 : 1-2 Só͘ chun-kèng ê Thê-a-hui-lô sin-seⁿ, í-keng ū chin-chē lâng chiong tī lán tiong-kan hoat-seng ê tāi-chì siá chò chheh, iā-sī chiàu thoân-tō-lâng in bat chhin-ba̍k khòaⁿ-tio̍h koh thoân hō͘ goán ê.

Lō͘-ka Hok-im-su- - - Siá tī thâu-chêng ê ōe

Kin-á-ji̍t sī 2019 nî 1 goe̍h 1 ji̍t, kè-sio̍k thong-kòe chham-khó kúi-ê Sèng-keng ê hoan-e̍k-pún, pau-koa: Tiong-bûn hô-ha̍p-pún, Eng-bûn, Pa-khek-lé choân-lô, Choân-bîn Tâi-gú choân-lô téng, kái-siá siok lán Tâi-lâm khio͘ⁿ-kháu, í-kip thak khí-lâi ē khah thong-sūn, koh hó liáu-kái ê Sèng-keng Lô-má pe̍h-ōe-jī bûn.

Tī kū-nî 2018 nî 9 goe̍h tiong, só͘ kái-siá ê tē-it pún sī Má-khó hok-im-su, hit-ê sî, tu khai-sí liān-si̍p ēng pe̍h-ōe-jī lâi siá-chok (ēng tiān-náu phah-jī), pêng-kin móe-ji̍t chí-ū 6-7 chat ê chìn-tō͘ , ǹg-bāng chit-má ē khah se̍k-liān thang chìn-pō͘ kàu 10 chat, kiû Chú chān góa ná ū thé-la̍t lâi chêng-chìn.

Lō͘-ka Hok-im-su sī kái-siá ê tē-jī pún, chóng-kiōng ū 1,151 chat. Sin-iok kap Kū-iok Sèng-keng keng-chat ê chóng-sò͘, in-ūi pán-pún ê bô siāng-khoán, iok-lio̍k ū 31,100 chat, nā móe-ji̍t 20 chat ê chìn-tō͘ , tāi-khài su-iàu 4 nî koh 4 goe̍h-ji̍t ê sî-kan, ka-siōng kàu-tùi ê sî-kan ǹg-bāng 5nî lāi, chiū-sī tī 2023 nî-té ē-tàng oân-sêng.   2019/01/07