Mákhó Hokimsu Tē sì chioⁿ

4:1 Iaso͘ koh tī ô͘piⁿ kàutō chènglâng. Ū chinchē lâng chip óalâi I hia, I chôaⁿ khì chē tī ô͘nih ê chûn. Chènglâng lóng khiāóa tī hōaⁿpiⁿ.

4:2 Iaso͘ ēng chinchē phìjū lâi kà in bat chēchē tìsek. Tī kàutō ê tiongkan, tùi in kóng:

4:3 “ Chhiáⁿ siôngsè thiaⁿ ! Ū chi̍tê chòsitlâng khì iā chéngchí.

4:4 Iā ê sî, ū chi̍tkóa iā tī lō͘nih, chiáuá poe lâi, chiū ka I chia̍h khì.

4:5 Ū ê iā tī chhiántô͘ ê chio̍hthâuá tē, tô͘bah bôkàu chhim, chinkín chiū puhgê,

4:6 ji̍tthâu chhutlâi ê sī, pha̍k chi̍tēá, inūi bô kin chiū takhì;

4:7 Ū ê iā tī cha̍pchháu tiong, hiaê chháuá hoat pí in kha kín, ka in kheh tiâu leh, in chiū bētàng kiatliap;

4:8 Koh ū ê iā tī hótô͘ téng, puhgê seⁿchò chin tōachâng, kiatlia̍p chēchē, ū ê saⁿcha̍p pōe, ū ê la̍kcha̍p pōe, iāū chi̍tpah pōe ê. ”;

4:9 koh kóng:” Ū hīⁿkhang thang thiaⁿ ê, tio̍h chùì thiaⁿ!”

4:10 Tng chènglâng lóng sòaⁿkhì ê sî, hiaê tòe tī Iaso͘ sinpiⁿ ê lâng kap cha̍pjī ê ha̍kseng mn̄g I koanhē chitê phìjū ê ìsù.

4:11 I ahne hôetap:” Siōngtèkok ê òpì, lín íkeng chaiiáⁿ, m̄ku tùi kîthaⁿ ê lâng chiū ēng phíjū,

4:12 che nā chhin-chhiō͘ⁿ Kengchheh só͘ kì:” In leh khòaⁿ tō ūleh khòaⁿ, khiok bōe liáukái; thiaⁿ tō ūleh thiaⁿ, khiok bōe chhengchhó; kiaⁿliáu in ê simsu kuiǹg Siōngchú, chiū tittio̍h siàbián.”

4:13 koh tùi in kóng:” Lín bōe liáukái chitê phíjū sībô? Ahne náē bêngpe̍k só͘ū ê phìjū?

4:14 Iāchéng ê lâng só͘ iā ê chiūsī Siōngchú ê ōe.

4:15 Hitê iā tī lō͘piⁿ ê ìsù, chiūsī tng lâng leh chiapsiū Siōngchú ê ōe ê sî , sûi hō͘ Sattàn chhió͘ⁿkhì.

4:16 Hiaê iā tī chio̍hthâuá tē ê, sī leh kóng ū ê lâng thiaⁿtio̍h Siōngchú ê ōe, chin hoaⁿhí chiū másiōng chiapsiū,

4:17 tānsī in ê kin téng bô chhim, oa̍h bôkú. Tī tútio̍h hoānlān ahsī pekhāi, chiū hòngkhì Siōngchú ê kàsī.

4:18 Iáuū iā loh tī cha̍pchháu lāi ê, sī leh kóng chiaê lâng niásiū liáu Siōngchú ê ōe, 4:19 iāu tútio̍h sèkan ê khòalū、chîⁿchâi ê bêhek kap kîtha ê suio̍k, chiong tùi Siōngchú só͘ tittio̍h ê ōe pàng chi̍tpiⁿ, soah bē kiatchí.

4:20 Hiaê iā tī hó tô͘ ê, sī chí thiaⁿtio̍h Siōngchú ê ōe koh chiapsiū ê, chiū kiatchí, ū saⁿcha̍p pōe, ū la̍kcha̍p pōe, chi̍tpah pōe ê.”

4:21 Iaso͘ koh tùi in kóng:” Kámū lâng chiong tengáhóe khǹg tī nâá lāi, ahsī bînchhn̂g kha, bô beh chhāi tī tohténg ê?

4:22 Inūi só͘ū pī amkhám ê tāichì, ittēng ê hō͘ lâng chaiiáⁿ; únmôa ê sū iā bô m̄ pī hoathiān.

4:23 Ū hīⁿkhang thang thiaⁿ ê, tio̍h chùì thiaⁿ!”

4:24 Koh kóng:” Lín só͘ thiaⁿ ê tio̍h khǹg tī simlāi. Lín ēng siáⁿmih phiauchún tùithāi lâng, lâng iāē ahne tùithāi lín, sīmchì ke koh kha hó.

4:25 Inūi bôlūn siáⁿlâng nā jīnûi katī sī ū, Siōngchú beh koh kethiⁿ hō͘ I; nā katī jīnûi bô è, chiū ē chiong I só͘ ū ê mā kā siu tǹgkhì.”

4:26 Koh kóng:” Siōngchú ê koktō͘ chhin-chhiō͘ⁿ lâng khì iā chéngchí tī chhântē

4:27 kàu àmmê i khì khùn, kèji̍t khílâi, só͘ iā ê chéngchí puhgê chiāmchiām tōa, hitê lâng khiok m̄chai in sī ánchóaⁿ hoatseng ê.

4:28 Thó͘tē sengsán ngó͘kok sī chūjiân ê hiānsiōng: Tāiseng puhgê, jiânāu thiusūi, thiūsūi pátīⁿ chiū kiat liap;

4:29 kàu i íkeng sek, chiū kiah liâmle̍ká khì siukoah, inūi siusêng ê sîchūn kàu à.”

4:30 Iaso͘ koh kóng:”Lán thang ēng siáⁿmih lâi kap Siōngchú ê koktō͘ saⁿpí? Ēsái ēng siáⁿmih phìjū lâi soatbêng?

4:31 I náchhiō͘ⁿ chi̍tlia̍p kòachhàichí, chéng loh thô͘ni̍h, suijiân pí só͘ū ê chéngchí khah sèlia̍p,

4:32 tānsī chéng loh tô͘ íāu, tōachâng khílâi , khiok pí kîtha ê chhài koh khah tōachâng, māū hoat oe, sīmchì ētàng hō͘ chiáuá chòsiū, hioh tī iê chhiūńg ē.”

4:33 Iaso͘ ēng chinchē lūisū ê phíjū, chiàu in só͘ ēthang liáukái ê, lâi ǹg in kánglūn.

4:34 Nābô ēng phíjū, chiū bô kóng hō͘ in thiaⁿ, tī bôlâng ê sî, chiah chiong só͘ū ê

chaibat ǹg ha̍kseng kángkái.

4:35 Chiū tī hitê àmsî, Ia-so͘ tùi ha̍kseng kóng:” Lán lâikhì lēnggōa hitpêng hōaⁿ.”

4:36 Ha̍kseng chiāmchiām līkhui chènglâng, chio͘ⁿlâi chûnténg kap Iaso͘ chòhóe kòekhì; māū kúichiah sèchiah chûn tòe in kiâⁿ.

4:37 Hutjiân thàu tōahong, háiéng puttoān piàⁿli̍p chûnlāi, hiān khòaⁿ chúi chiū tehbeh tīⁿ à.

4:38 Iaso͘ katī tī chûnbóe, tótī chímthâu téng leh khùn. Ha̍kseng kā kiòchhéⁿ kóng:” Lāusu! Goán tehbeh sí à, Lí iau bôiàu bôkín, sībô?

4:39 Iaso͘ chi̍tē chhéⁿlâi, sûi chíchek tng leh thàu ê hong, tùi háiéng kóng:” Hóà! Tiāⁿkhì!” Hong chiū tiāmkhì, éng iā thè kah lī--lī--lī.

4:40 Iaso͘ tùi in kóng:” Lín sīteh kiaⁿ siáⁿmih? Lín kiám iaubô sìnsim mà?”

4:41 In ta̍kê kiaⁿ kah phīphīchhoah, hō͘siong mn̄g :” I tàuté sī siáⁿmih lâng, liân hong kap hái lóng koaikoaia thiaⁿ I ê ōe.”

      2025.09.24. Siukái tī Lâmthâm