Mákhó Hokimsu Tē gō͘ chioⁿ

5:1 In lâi kàu ô͘ ê hitpêng hōaⁿ, kiâⁿji̍p Keklahsim lâng ê só͘ chāi.

5:2 Iaso͘ chi̍tē kiâⁿ loh chûn, sûi tútio̍h chi̍tê hō͘ pháiⁿmi̍há tîⁿtio̍h ê lâng, i túchiah tùi bōngapo͘ bōngápo͘ kiâⁿ chhutlâi.

5:3 Chitê lâng tòa tī bōngápo͘ lāi, bôlâng ētàng kā i pak khílâi, liân ēng thihliān iā bô hoattō͘;

5:4 Inūi Íkeng chinchē pái ēng thihliān kap khakhàu kā pak khílâi, tānsī ta̍kpái lóng hō͘ i chhoahtn̄g, liân khakhàu iā kòng kah chhùikhì, bôlâng thang chèap i.

5:5 i mê kah ji̍t lóng tòatī bōngápo͘ hām soaⁿlāi, tī hia tōasiaⁿ âukiò, koh ēng chio̍hthâu hám katī.

5:6 Tng i tī hn̄ghn̄g khòaⁿtio̍h Iaso͘, chiū sûi cháulâi pài I,

5:7 tōasiaⁿ hoah :” Chìkoân Siōngchú ê kiáⁿ Iaso͘, góa kap Lí ū siáⁿmih koanhē? Góa khò Siōngchú ê sè kiû Li, mài hō͘ góa tútio̍h thàngthiàⁿ! ”

5:8 Inūi Iaso͘ bat tùi i kóng:” Tháikokúi, Tùi chitê lâng ê sinchiō͘ⁿ līkhui!”

5:9 Iaso͘ mn̄g i:” Lí kiò chò siáⁿmih miâ? ” I ìn: ” Góa miâ chò「kûn」, inūi goán chin tōatīn.”

5:10 Iā chin khúnchhiat kiû Iaso͘, mài hō͘ in līkhui hit só͘chai.

5:11 Tī hia ê soaⁿphiâⁿ túhó ū chi̍t tōatīn ê ti leh chia̍h mi̍hkiāⁿ.

5:12 In chiū kiû Iaso͘:” Kiû Li hō͘ goán kàu hiaê ti ê tiongkan, li̍pkhì in ê lāibīn.”

5:13 Iaso͘ tahèng in, hittīn tháikokúi chiū chhut li̍pkhì hiaê ti ê lāibīn.Tùi ahne hittīn ti chôaⁿ tùi soaⁿphiâⁿ chông lo̍hkhì imsí tī ô͘nih, hiaê ti ioklio̍k ū nn̄gchheng chiah.

5:14 Kò͘ ti ê lâng chiū khíkhalōng, cháu khì siâⁿlāi hām chngkha, chi̍tsìkòe pò lâng chaiiáⁿ chithāng tāichì. Ta̍kê chiū cháulâi khòaⁿ sī hoatseng siáⁿmih tāichì.

5:15 In lâikàu Iaso͘ hia, khòaⁿtio̍h hitê hō͘ pháimi̍há tîⁿtio̍h ê lâng, chiūsī chìnchêng khì hō͘ siâsîn hūsin ê, taⁿ tī Iaso͘ ê chiàⁿpêng chē tiāⁿtiāⁿ , māū chhēng saⁿ, simsîn iā íkeng hoeho̍k chèngsiông, ta̍kê lóng khí tio̍hkiaⁿ.

5:16 Hiaê khòaⁿtio̍h chitkiāⁿ sū ê lâng, chiū sìkè thoân hō͘ siâsin hūsin ê hitê lâng só͘ tútio̍h, kap hittīn tiá ê tāichì;

5:17 choân tēhng ê lâng lóng kiû Iaso͘ kín līkhui in ê só͘chai.

5:18 Iaso͘ chiō͘ⁿchûn ê sî, hitê bat hō͘ pháimi̍há tîⁿtio̍h ê lâng, khúnkiû Iaso͘ únchún i kap in chòhóe khì.

5:19 M̄ku Iaso͘ bô tahèng, hoántńg hoanhù i:” Tńgkhì lín tau, ǹg líê chhinlâng soatbêng Siōngchú tī lí ê sinchiō͘ⁿ só͘ chò ê, sī hôténg tōa ê tāichì, koh I cháiⁿiūⁿ lînbín lí.”

5:20 Hitê lâng chiū līkhui, tī Tēkapolī khaisí soanthoân Iaso͘ tī i sin-chiō͘ⁿ só͘ chò ê tōa tāichì, chènglâng thiaⁿ liáu kámkak chin hihán.

5:21 Tng Iaso͘ koh chēchûn kòekhì hitpêng hōaⁿ, sûi ū chi̍t tōatīn lâng chip óalâi I hia. I túhó khiā tī hōaⁿpiⁿ.

5:22 Ū chi̍tê koánlí hōetn̂g ê chúkoán, miâchò Kailó͘, chhōetioh Iaso͘, sûi phak tī I ê khachêng,

5:23 Itchài kiû Iaso͘ :” Góa ê sèhàn chabó͘kiáⁿ tehbeh sí à, kiû Lí lâikhì ūi i hōaⁿchhiú kîtó, hō͘ i oânchoân hó khílâi, koh oa̍h thiàuthiàu.”

5:24 Iaso͘ cheksî hām i tńgkhì. Koh kui tōatīn lâng mā sioekheh lâi tòe I.

5:25 Koh ū chi̍tê hūlú, hoāntio̍h hūlúpēⁿ tiāⁿtiāⁿ chhuthoeh, íkeng ū cha̍pjī nî kú,

5:26 kengkòe chinchē iseng ê tīliâu, siū chiâⁿchē ê thàngthiàⁿ, kehóe iā khailiáuliáu, pēⁿchêng m̄niāⁿ bô khahhō, tiantò lú giâmtiōng.

5:27 I ū thiaⁿ tio̍h koanhē Iaso͘ ê sū, chiū tùi chènglâng ê āubīn kiâⁿ óa Iaso͘, khì bong I ê saⁿáku,

5:28 I siūⁿ kóng:” Góa nā bongtio̍h I ê saⁿáku, pēⁿ chiuē oânchoân hókhì.”

5:29 Tùi ahne I chhuthòe ê só͘chāi sûi thêngchí, siângsî iā kámkak sinthé ê pēⁿ hókhì à.

5:30 Hitê sùnkan Iaso͘ kámkaktio̍h ū lêngle̍k tùi I ê sinchiō͘ⁿ chhutkhì, sûi oa̍ttńgsin mn̄g hia ê ûi tī sinpiⁿ ê kûnchiòng kóng:” Siáⁿlâng bong Góa ê saⁿ?”

5:31 Ha̍kseng ìn:” Chiah chē lâng elâiekhì, Lí iau leh mn̄g「Siáⁿlâng bong Góa」ò͘ ?”

5:32 Iaso͘ chin siôngsè chi̍tê chi̍tê khòaⁿ, àibeh chhōechhut chò chithāng sū ê hūlú.

5:33 Hitê hūlú kiaⁿ kah sihsihchùn, inūi i katī chaiiáⁿ tī i sinchiō͘ⁿ só͘ chòchiâⁿ ê tāichì, chiū lâi phak tī Iaso͘ ê khachêng, chiong tāichì khaksi̍t hoatseng ê kengkòe kóng chhutlâi.

5:34 Iaso͘ tùi I kóng:” Góa ê châkiáⁿ, lí ê sìnsim hō͘ lí tittio̍h oânchoân hoeho̍k, pêngpêng anan tńgkhì! Lí ê pēⁿ íkeng hókhì à.”

5:35 I iáuleh kóng ōe ê sî, ū lâng tùi koánhōetn̂g ê chúkoán intau cháulâi kóng:” Lín châkiáⁿ síkhì à, nātohkoh lôhoân sinseⁿ?”

5:36 Iaso͘ chi̍tē thiaⁿtio̍h chiahê ōe, sûi tùi koánhōetn̂g ê kóng:” Bián kiaⁿ, sìn chiū hó !”

5:37 I sûi chhōa Pítek, Ngákok, kap Ngákok ê hiaⁿtī Iokhān chòhóe khì, m̄chún kîthaⁿ ê lâng tòelō͘.

5:38 In chi̍tē lâikàu koánhōetn̂g ê chúkoán intau, Iaso͘ khòaⁿkìⁿ hia ū lâng hoahlâi hoahkhì, māū lâng khàu kah chin tōasiaⁿ,

5:39 I chi̍tē li̍pkhì chhùlāi, sûi tùi in kóng:” lín sī ánchóaⁿ háu kah chiah chhichhám leh? Chit-ê gín-á m̄-sī sí-khì, sī te khùn.”

5:40 In lóng tùi I léngchhiò. Iaso͘ sûi chiong in kóaⁿ chhutkhì, kānā chhōa gíná ê pēbú kap saⁿê ha̍kseng, li̍pkhì gíná ê pângkeng.

5:41 Chiong gíná ê chhiú khan leh, tùi i kóng:” Tāilītāi, kó͘bí!(Ìsù sī : Châbó͘ gíná, Góa bēnglēng lí khílâi! )”

5:42 Hitê chabó͘ gíná sûi pehkhílâi kiâⁿ. Ta̍kê khòaⁿ chi̍tē, lóng kiaⁿ chi̍ttiô; chitê châbó͘ gíná íkeng cha̍pjī hòe à.

5:43 Iaso͘ chin sīmtiōng kautāi in, mài hō͘ lâng chaiiáⁿ chithāng tāichì, koh hoanhù theh mi̍hkiāⁿ hō͘ chabó͘ gíná chia̍h.

      2025.09.27. Siukái tī Lâmthâm