Mákhó Hokimsu Tē cha̍pgō͘ chio͘n

15:1 Kàu thiⁿkng, chèsitió͘ⁿ kap tió͘ⁿló, kàusu kah choân gīhōe ê lâng, tāike másiōng gīkoat, kā Iaso͘ pakkhílâi, ah khì hō͘ Pília̍pto.

15:2 Pília̍pto mn̄g I kóng: ” Lí sī Iûthàilâng ê ông sībô? ” Iâso͘ ìn: ” Lí kóng ê chiūsī. ”

15:3 Tōachèsi khòngkò Iâso͘ chinchē hang sū.

15:4 Pília̍pto koh mn̄g I kóng: ” Lí khòaⁿ, in khóngkò Lí ê sūhāng chiahchē tiâu, Lí kámbô beh hôeèng? ”

15:5 Iaso͘ iûgoân tiāmtiām, hō͘ Pília̍pto kámkak chin siō͘ⁿ bēhiáu.

15:6 Ta̍k nî ê Pôaⁿkòecheh, chóngtok lóng ē sūn chènglâng ê iàukiû, páng chi̍tê in só͘ beh ê hoānlâng.

15:7 Hitsî ū chi̍tê kiòchò Palia̍ppa ê, pī lia̍h kap chokloān ê húitô͘ pa̍k chòhóe. In ū hoān kòe satjîn ànkiâⁿ.

15:8 Tāike tōasiaⁿ iàukiû chóngtok chiàu ónglē pānlí.

15:9 Pília̍pto kóng : ” Lín ài góa páng Iûthàilâng ê ông hō͘ lín sībô? ”

15:10 I púnlâi chiū chai, Tōachèsi sī inūi chi̍ttò͘ Iâso͘, chiah kā I ah lâi.

15:11 M̄ku hiaê chèsitió͘n sáilōng chènglâng, lēngkó ōaⁿchò páng Palia̍ppa hō͘ in.

15:12 Pília̍pto ìn in: ” Nā áne, lín kiò chò Iûthàilâng ê ông, góa tio̍h ánchóaⁿ pān I ? ”

15:13 In tōa siaⁿ hoah: ” Kā I tèng tiàm si̍pjīkè! ”

15:14 Pília̍pto mn̄g: ” Sī ánchóaⁿ? I ū hoān siáⁿmih chōe? ” In kohkhah tōasiaⁿ hoahhiu: ” Kā téng si̍pjīkè. ”

15:15 Pília̍pto ūitio̍h beh hō͘ chènglâng hoaⁿhí, chiū kā Paliappa páng chhut khì hō͘ in, i ēng piⁿ phah Iâso͘ liáu, kā I kau hō͘ lâng téng tī si̍pjīkè téng.

15:16 Ōepeng kā Iâso͘ ah ji̍pkhì chóngtokhú ê īⁿlāi, koh chi̍pha̍p choântūi ê jînoân.

15:17 In kā I ōaⁿ chhēng chi̍tniá chísek ê tn̂g-phâu, koh ēng chhìphòe piⁿ chitténg biánliû ngē tì tī I ê thâukhakténg,

15:18 jiânāu khaisí ǹg I kiâⁿlé kóng : ” Kionghí ò͘, Iûthàilâng ê ông! ”

15:19 Koh kiah chi̍tki lô͘tek sut I ê thâukhak, ǹg I ê bīn phùinōa, koh kūi lo̍hkhì pài I.

15:20 Áne kā híláng liáu, chiū kā hitniá chíphâu thǹg khílâi, kā I chhēng I goânpún ê saⁿ. In chiū ah I chhutkhì, beh kā téng si̍pjīkè.

15:21 Ū chi̍tê Kó͘līnāi lâng ê Sebûn, I sī Ale̍ksantāi hām Lóhu ê lāupē, tùi chngkha lâi túhó beh kengkòe hia, soah hō͘ in kiôngpek kap in chòhóe kiâⁿ, thang tàu giâ Iâso͘ ê si̍pjīkè.

15:22 In ah Iâso͘ kàu tī kiòchò Kokkokthaⁿ ê só͘chāi,「Kokkokthaⁿ ê ìsù sī thâukhak óaⁿ ê só͘ chāi」

15:23 Phâng chi̍t-au chhām bu̍tio̍h ê chiú hō͘ I lim, I m̄ lim.

15:24 Sūi kā I tèng tī si̍pjīkè téng , tī hia liukhau pun I ê iho̍k, khòaⁿ siáⁿlâng ē tittio̍h siáⁿmih.

15:25 Iâso͘ pī in tèng tī si̍pjīkè ê sî, sī chákhí káutiám.

15:26 Hit téngkoân ū kòa I ê chōechn̄g, siá「Iûthàilâng ê ông」.

15:27 In mā kā nn̄gê kiôngtō kap I chòhóe tèng tī hia, chi̍tê chhāi tī chiàⁿpêng, chi̍tê chhāi tī tòpêng.「Cháchêng ê pánpún ke chitkù:

15:28 Áne chiū sêngchoân liáu kengchheh só͘ kìchài ê : I hō͘ lâng lia̍hchò chōehoān ê chi̍tê.」

15:29 Tùi hia kengkòe ê lâng phísiò͘n I, hàiⁿthâu kóng: ” Hó͘! Lí chitê kóng beh thiahtû Sèngtiān, saⁿji̍t āu beh koh kā khí khílâi ê,

15:30 taⁿ seng kiù katī, chiū tùi si̍pjīkè téng lo̍hlâi à! ”

15:31 Khiā tī hia ê chèsitió͘n hām kàusu iā chhinchhiō͘n áne siaukhián I, hō͘siong kóng sńgchhiò : ” I kiù kòe batlâng, soah bētàng kiù katī.

15:32 Íseklia̍t ê ông Kitok, hiānchāi Lí hō͘ goán khòaⁿ Lí tùi si̍pjīkè téng lo̍hlâi, goán sūi sìn Lí. ” Liân tèng tī piⁿá ê kiôngtō mā áne thíchhiò I.

15:33 Tùi tiongtàu kàu ēpo͘ saⁿtiám, kuiē o͘thiⁿ àmtē.

15:34 Tī saⁿtiám ê sî, Iâso͘ chhut tōasiaⁿ âukiò: ” Ílôi! Ílôi! La̍hmásatpaktāinî? ”「Ìsù sī: Góa ê Siōngchú! Góa ê Siōngchú! Ūisiáⁿmi̍h pángsat Góa?」

15:35 Khiā tī piⁿá, ū thiaⁿ tio̍h I teh âukiò ê, kóng: ” Lín khòaⁿ, I teh kiò Ílīa! ”

15:36 Ū chi̍tê lâng khì theh chi̍ttè háimî ún chò͘, ēng lôtek pa̍k leh, tukhì hō͘ I suh, kóng: ” Koh tán chi̍tē, khòaⁿ Ílīa ē lâi kiù I ábē.

15:37 Iâso͘ chhám kiò chi̍tsiaⁿ, chiū tn̄gkhùi.

15:38 Sèngtiān ê tiùⁿlî tùi téngthâu li̍h lo̍hlâi kàu ēkha, pìⁿchò nn̄gpêng.

15:39 Hitsî khiā tī Iâso͘ chiàⁿ tùibīn ê liântio͘n, khòaⁿtio̍h I tn̄gkhùi ê chêngkéng, áne kóng: ” Chitê lâng chinchiàⁿ sī Siōngchú ê Kiáⁿ! ”

15:40 Iáuū chi̍tkóa khiā tī hn̄ghn̄g teh khòaⁿ ê hūlú, hit tiongkan ū Boa̍ttāilia̍p ê Málīa, kohū Sió ngákok kap Iokse ê lāubó Málīa, hām Satlôbí,

15:41 in lóngsī Iâso͘ tī Kalīlī ê sîkî, leh ho̍ksāi I, kuntòe I ê ha̍kseng, māū chinchē hām Iâso͘ chòhóe khì Iâlō͘satléng ê hūlú tī hia khòaⁿ.

15:42 Kàu ji̍tlo̍h ê sî, inūi tio̍h ūi bînáchài ê Pôaⁿkòecheh, iāsī Anhiohji̍t ê chêng chi̍tji̍t chò chúnpī,

15:43 ū chi̍tūi Alīmáthài ê Ioksek sī siū chunkèng ê gīoân, māsī him-bō͘ Siōng-chú ê koktō͘. I ióngkám khì kìⁿ Pília̍pto, chún i khì siu Iâso͘ ê ûithé;

15:44 Pília̍pto bôsiáⁿ siongsìn Iâso͘ íkeng sí à, sūi kiò liântió͘n lâi mn̄g Iâso͘ sí lōakú à.

15:45 Tng i tùi liântió͘n chaiiáⁿ sūsi̍t ê kengkòe, chiū kā Iâso͘ ê ûithé hō͘ Ioksek.

15:46 Ioksek chúnpī chi̍ttè siōnghó ê pò͘, kā Iâso͘ ê ûithé khǹg tī téngbīn kā pau hósè, khǹg li̍pkhì giâmchio̍h só͘ ó͘ ê bōngchhù lāi, koh kō chi̍ttè tōa chio̍hthâu tòng tī bōngchhù ê mn̂gkháu.

15:47 Boa̍ttāilia̍p ê Málīa kap Iokse ê lāubó Málīa ū khòaⁿtio̍h bâichòng Iâso͘ ê só͘chāi.

      2025.11.18.  Siukái tī Lâmthâm