Lō͘ka Hokim su Tē it chio͘ⁿ 路加福音 第一章

1 : 1-2 Só͘ chunkèng ê Thêahuilô sinseⁿ, íkeng ū chin chē lâng chiong tī lán tiongkan hoatseng ê sū siá chò chheh, iāsī chiàu thoântōlâng in bat chhinba̍k khòaⁿtio̍h koh thoân hō͘ goán ê.

1 : 3 Hia ê só͘ kìchài ê tāichì, góa íkeng tùi thâu kā siôngsè giánkiú kòe, só͘í koattēng chiàu tāichì hoatseng ê sūnsū siá lo̍h lâi hō͘ lí.

1 : 4 Ǹgbāng thang hō͘ lí ētàng khéngtēng lí só͘ niásiū ê chintō lóng sī chèngkhak ê.

1 : 5 Tī Hilu̍t chò Iûthài ông ê sî, ū chi̍t ê chèsi miâ chò Satkalīa, sī siok Apía pan, i ê bó͘ sī Alûn ê āutāi, miâ chò Ílīsapek.

1 : 6 Tī Siōngchú ê bīnchêng in nn̄g ê lóng sī gīlâng, hoânsū lóng ànchiàu Siōngchú ê kàibēng kap légî, m̄ bat chhut chhachhò,

1 : 7 M̄ku in khiok bô seⁿióng jîlú, inūi Ílīsapek be hoâiīn, in nn̄g ê nîkí kàu taⁿ mā chinchē à.

1 : 8 Satkalīa lûntio̍h tī Siōngchú bīnchêng chúchhî légî ê sî,

1 : 9 Che sī chiàu kuitēng liukhau, chiah ētàng ji̍p khì Siōngchú ê sèngtiān siohio͘ⁿ.

1 : 10 Tī i leh siohio͘ⁿ ê sî, ū chinchē lâng tī gōabīn kîtó.

1 : 11 Ū Chú ê thiⁿsài khiā tī hio͘ⁿlô͘ ê chiàⁿpêng, ǹg i hiánhiān.

1 : 12 Satkalīa khòaⁿ chi̍t ē kiaⁿ chi̍t tiô, mā chôaⁿ gāngkhì.

1 : 13 Thiⁿsài sūi tùi i kóng: ”Satkalīa, biánkiaⁿ! Inūi Siōngchú ū thiaⁿtio̍h lí ê kîtó à. Lí ê bó͘ Ílīsapek beh seⁿ chi̍t ê chapo͘ gíná, lí kā hō chò Iokhān.

1 : 14 Lí ē hílo̍k koh boánchiok, chēchē lâng mā ē inūi i ê chhutsì lâi hoaⁿhí.

1 : 15 I tī Siōngchú ê bīnchêng ē chiâⁿchò sio͘ⁿ tiōngiōng ê lâng, chhengchiú kap kāuchiú lóng bô lim, tī in lāubó ê paktó͘ lāi, chiū hō͘ Sèngsîn chhiongmóa.

1 : 16 I ē hō͘ chin chē Íseklia̍t ê āutāi oat tńg lâi ho̍ksāi Chú, chiūsī in ê Siōngchú.

1 : 17 I ē ū Ílīa ê ìchì kap khùila̍t kiâⁿ tī Chú ê thâuchêng , hō͘ chò pēbú ê ē  khoaniông i ê jîlú , hō͘ chòpháiⁿ ê lâng sūnthàn chèngti̍t ê lâng ê tìhūi , koh ūi Chú chōchiū beh chiapthāi i ê lâng.

1 : 18 Satkalīa tùi thiⁿsài kóng : ” Ū siáⁿmih pānhoat thang hō͘ góa chaiiáⁿ ē ánne ? Góa íkeng láukhokkhok à , góa ê bó͘ mā siāngkhoán . ”

1 : 19 Thiⁿsài ìn i : ” Góa sī tòe tī Siōngchú sinpiⁿ ê Kapeklia̍t , sī Siōngchú phài lâi kap lí kóngōe , kā chit ê hó siausit pò lí chai .

1 : 20 Kàusî chiah ê ōe chiu ē ènggiām . M̄ku inūi lí m̄ siongsìn góa só͘ kóng ê , lí ē itti̍t bô hoattō͘ kóngōe , ti̍tkàu chit hāng sū oânsêng hit ji̍t . ”

1 : 21 Hōechiòng iau teh tán Satkalīa , mā kámkak chin kîkoài , i ná ē tī sèngtiān lāi hiah kú .

1 : 22 Tng i kiâⁿ chhut lâi ê sî, soah bē tàng tùi in kóngōe , káⁿ nā ēng chhiú pí lâi pí khì , ta̍kke chiū liáukái i tī sèngtiān lāi ū khòaⁿtio̍h īⁿsiōng .

1 : 23 Kàu i tī sèngtiān ho̍kbū ê kî móa, chiū tńg khì in tau .

1 : 24 Kòe chi̍t tōaⁿ sîkan liáu āu , i ê bó͘ Ílīsapek ū sin à , ū gō͘ kò goe̍h kú m̄ káⁿ chhutmn̂g,

1 : 25 I kóng : ” Chú tī kòekhì ê nîji̍t ū khòaⁿkò͘ góa , koh tùi góa chiah nih hó , bē koh hō͘ lâng thíchhiò . ”

1 : 26 Tī tē la̍k kò goe̍h , thiⁿsài Kapeklia̍t siū phài khì Kalīlī séng ê chi̍t ê kiò chò Násatle̍k ê chngsiā ,

1 : 27 Chhōe chi̍t ê miâ chò Málīa ê chāiseklú , i íkeng kap Tāipit ke ê Ioksek ténghun ,

1 : 28 Thiⁿsài ji̍p khì tùi i kóng : ” Chin ū hokkhì ê lâng , góa lâi ǹg lí chhéngan , Siōngchú kap lí tôngchāi ! ”

1 : 29 Málīa inūi chia̍h ê ōe chin khùnjiáu , mā it chài teh sio͘ⁿ chit ê chhéngan sī siáⁿmih ìsù .

1 : 30 Thiⁿsài tùi i kóng : ” Málīa lí m̄bián kiaⁿ ! Inūi lí íkeng tittio̍h Siōngchú ê unsù à .

1 : 31 Lí beh hoâiīn seⁿkiáⁿ , tio̍h kā i hō miâ kiò chò Iâso͘ .

1 : 32 I beh chò léngsiù , iā beh pī chhengchò Siōngchú ê kiáⁿ , Chú , Siōngchú beh kā i ê sianchó͘ ê ôngūi sio͘ⁿsù hō͘ I .

1 : 33 I beh chò Ngákok ê ke ê ông , ti̍tkàu éngoán , I ê kok iā bē kiatsok .

1 : 34 Málīa ìn i kóng : ” Góa iáubē kè lâng , ná ē hoatseng chit khoán tāichì ? ”

1 : 35 Thiⁿsài kā i kóng : ” Sèngsîn ē kàng lo̍h tī lí ê thélāi , chìkoân Siōngchú ê lêngle̍k ē jiacha̍h póhō͘ lí , só͘í tùi lí só͘ seⁿ ê sī Sèngchiá , ē pī chhengho͘ sī Siōngchú ê Kiáⁿ .

1 : 36 Chhiáⁿ lí chimchiok siō͘ⁿ ! Lí ê chhinchiâⁿ Ílīsapek chiah nih lāu , mā íkeng ū sinīn , chiūsī hō͘ lâng kóng  bē-seⁿ è , iā íkeng hoâiīn la̍k kò goe̍h à !

1 : 37 Inūi Siōngchú kóng chhut ê ōe , sī tòa ū lêngle̍k ê . ”

1 : 38 Málīa ìn : ” Góa sī Chú ê lúpī , chiū chiàu lí ê ōe chiâⁿ tī góa ê sinchio͘ⁿ . ” Thiⁿsài chiah līkhui hia.

1 : 39 Kòe kúiji̍t , Málīa kóaⁿkín khì soaⁿlāi , lâikàu Iûtāi ê chi̍t ê chngsiā .

1 : 40 Chhōe tio̍h Ílīsapek ê chhù , ǹg i chhéngan .

1 : 41 Ílīsapek chi̍t ē thiaⁿtio̍h Málīa chhéngan ê siaⁿ, tī i paktó͘ lāi ê thaijî chiū koh tiô koh thiàu . Ílīsapek iā hō͘ Sèngsîn chhiongmóa ,

1 : 42 Tōa siaⁿ hoah : ” Lí tī só͘ū hūlú ê tiongkan sī siōng ū hokkhì ê ! Lí só͘ hoâi ê thaijî māsī ū hokkhì ê !

1 : 43 Góa ê Chú ê lāubú lâi kàu goán tau , che sī tùi tóūi lâi tittio̍h ê?

1 : 44 Inūi lí chhéngan ê siaⁿ chi̍t ē ji̍p góa ê hīⁿkhang , paktó͘ lāi ê thaijî chiū hoaⁿhí tiôthiàu .

1 : 45 Lí sī chin ū hokkhì ê hūlú ! Inūi Chú kā lí kóng ê ōe ittēng ē si̍thiān . ”

1 : 46 Málīa ìn : ” Góa ê sim chunkèng Góa ê Chú chò chìtōa ;

1 : 47 Góa ê lêng ēng góa ê Kiùchú chò góa ê hílo̍k ;

1 : 48 Inūi I kò͘liām lúpī ê pibî ; Tùi taⁿ íāu , bān sètāi ê lâng lóng ē kóng góa sī siōng ū hokkhì ê .

1 : 49 Hit ūi ū koânlêng ê , tī góa sinchio͘ⁿ chò liáu khongchiân bī iú ê tāichì ; I ê miâ sī to̍kitbûjī ê .

1 : 50 I lînbín kèngùi I ê lâng , ti̍t kàu éng sètāi .

1 : 51 I chhun chhut I ê chhiúkut hiánchhut tōa khùila̍t , hia ê tī simlāi teh siàusio͘ⁿ ê gōnglâng , chiū pī I kóaⁿsòaⁿ.

1 : 52 I hō͘ ôngchhin kokchhek lo̍h tâi , ko seng hā kaichân ê lâng ;

1 : 53 Hō͘ iaugō ê lâng chia̍h kah chhùichhio ba̍kchhiò , tiantó hō͘ hógia̍h lâng khangchhiú tńgkhì .

1 : 54 I oânchō͘  liáu I ê lô͘po̍k Íseklia̍t ,

1 : 55 I ánne chò sī tú chiàu I kā lán ê chó͘sian só͘ èngún ê , beh lâi kìtit Apeklahhán kap lînbín i ê kiáⁿsun kàu éng sètāi .

1 : 56 Málīa tòa tī Ílīsapek hia tāiiok ū saⁿ kò goe̍h , chiah tńg khì .

1 : 57 Ílīsapek sengsán ê sî íkeng kàu , chiū seⁿ chi̍t ê hāuseⁿ .

1 : 58 Chhùpiⁿ kap chhinchiâⁿ thiaⁿtio̍h Chú ǹg i sì lo̍h tōa lînbín , lóng kap i chòhóe hoaⁿhí .

1 : 59 Kàu tī eⁿá chhutsì ê tē peh ji̍t , in beh kúhêng eⁿá ê katlé , iā chiâu tio̍h in lāupē ê miâ kā hō chò Satkalīa .

1 : 60 M̄ku , i ê lāubú ìnsiaⁿ : ” Bē sái , tio̍h kā hō chò Iokhān . ”

1:61 In kóng : ” lí ê cho̍k lāi ā bô lâng hō chit ê miâ . ”

1 : 62 Chiū ǹg eⁿá ê lāupē pí chhiúgú , mn̄g i beh kā eⁿá hō siáⁿmih miâ .

1 : 63 I kiò in theh siá jī ê pán hō͘ I , chiū siá : ” I hō chò Iokhān . ” Ta̍kke lóng kámkak chin ìgōa .

1 : 64 Hit chūn Satkalīa ê chhùi mā sūi thí khui , chihkin iā lēng khì , chiū khaisí kóngōe lâi oló Siōngchú .

1 : 65 Tòa tī sì chiuûi ê lâng lóng chin tio̍hkiaⁿ , chia ê tāichì mā tī Iûthài séng ê soaⁿkhu thoân thàuthàu.

1 : 66 Só͘ ū thiaⁿtio̍h ê lâng lóng kā chit kiāⁿ sū khǹg tī sim-lāi, teh siō͘ⁿ : ” Chit ê gíná ê bīlâi ē ánchóaⁿ ? Inūi ū Chú kap I tàutīn kiâⁿ . ”

1 : 67 I ê lāupē Satkalīa hō͘ Sèngsîn chhiongmóa , chiū kóng ūgiân :

1 : 68 “ Chú chiūsī Íseklia̍t ê Siōngchú sī engkai tittio̍h oló ê ! Inūi I khòaⁿkò͘ I ê lâng , mā chhutchhiú chinkiù koh sio̍khôe in ,

1 : 69 Tī I lô͘po̍k Tāipit ê ke , thè lán siatli̍p chi̍t ki chinkiù ê hōthâu ,

1 : 70 Tu chhinchhiō͘ⁿ Chú tùi ū sèkài í lâi , thongkòe I só͘ kéng ê chēchē sianti ê chhùi só͘ kóng ê ōe ,

1 : 71 I beh chinkiù lán thoatlī tùite̍k kap só͘ū oànhīn lán ê lâng ê chhiú ,

1 : 72 Iā lînbín lán ê chó͘sian , lâi kìtit I só͘ li̍p sînsèng ê khèiok ,

1 : 73 Chiūsī tùi lán ê chó͘ Apeklahhán só͘ li̍p ê iok ,

1 : 74 ē kiù lán thoatlī tùite̍k ê chhiú ,

1 : 75 Thang chi̍tsìlâng tiàm I bīnchêng, ēng sèngkiat kap kong-gī, choânjiân bô kiaⁿhiâⁿ lâi ho̍ksāi I .

1 : 76 Góa ê kiáⁿ à ! Li beh hō͘ lâng chheng chò Chìkoân Siōngchú ê sianti , inūi lí beh kiâⁿ tī Chú ê thâuchêng , ūi I lâi chúnpī tōlō͘  ,

1 : 77 hō͘ siok I ê lâng , inūi chōekòa tittio̍h siàbián , iā kohkhah chhengchhó Siōngchú ê kiùun .

1 : 78 Inūi lán ê Siōngchú ū lînbín ê simhoâi , ēng thàuchá ê ji̍tthâu tùi thiⁿténg chiò lán ,

1 : 79 hō͘ chē tī o͘àm tiong íkeng choa̍tbāng ê lâng tittio̍h kngchiò , ínchhōa lán ê kha kiâⁿ chiō͘ⁿ pêngan ê lō͘ .

1 : 80 Chit ê gíná chiāmchiām tōahàn , simsîn mā ióngchōng , khì tòa tī khòngiá , ti̍t kàu I tī Íseklia̍t lâng kongkhai oa̍htāng ê sî .    

2019/01/05  09:10      2025.07.08.  Siukái  tī Lâmthâm