23 : 1 Hit-sî, choân hōe-tiô͘ⁿ ê lâng lóng khiā-khí-lâi, kā Ia-so͘ ah khì Pí-lia̍p-to ê bīn-chêng ,
23 : 2 Khòng-kò
I: ”Goán hoat-kak chit-ê lâng bê-hek lán ê kok-bîn, chó͘-chí lâng la̍p-sòe hō
Hông-tè, iáu-koh chū-chheng sī Ki-tok sī ông.”
23 : 3
Pí-lia̍p-to mn̄g Ia-so͘: ”Lí sī Iû-thài-lâng ê ông sī-bô?” Ia-so͘ ìn: ”Sī lí
kóng ê ah-ne.”
23 : 4 Pí-lia̍p-to
tùi hia-ê chè-si-tió͘ⁿ hām kûn-chiòng kóng: ”Góa chhâ bô phòaⁿ I ū-chōe ê chèng-kù.”
23 : 5
M̄-ku in koh-khah kek-lia̍t kóng: ”I tùi Ka-lī-lī-séng khai-sí siàn-tōng
bîn-chiòng, tī Iû-thài choân-kok cháu thàu-thàu, thoân I ê tō-lí, sīm-chì
lâi-kàu tī chia.”
23 : 6
Pí-lia̍p-to chi̍t-ē thiaⁿ-tio̍h ū lâng kóng tio̍h Ka-lī-lī, chiū mn̄g, chit-ê
lâng kám-sī Ka-lī-lī lâng.
23 : 7 I
chit-ē chai-iáⁿ chit-ê àn-kiāⁿ sī siok Hi-lu̍t só͘ koán-hat, chiū kā I sàng khì
Hi-lu̍t hia. Hit-sî, Hi-lu̍t tú-hó iā tī Iâ-lō͘-sat-léng.
23 : 8 Tng
Hi-lu̍t chit-ê khòaⁿ-tio̍h Ia-so͘, chiū kek-kî hoaⁿ-hí, in-ūi bat thiaⁿ-kòe
koan-hē Ia-so͘ ê tāi-chì, tn̂g-kú í-lâi chiū siō͘ⁿ beh kìⁿ Ia-so͘, iā ē-tàng
khòaⁿ-tio̍h I kiâⁿ chi̍t-ê sîn-jiah,
23 : 9
Só͘-í mn̄g Ia-so͘ chiok-chē ōe, m̄-ku I lóng-bô kā i ìn kah pòaⁿ-kù.
23 : 10
Chè-si-tió͘ⁿ hām kàu-su it-ti̍t khiā—leh, hui-siông kek-lia̍t khòng-kò I.
23 : 11
Hi-lu̍t kap i ê peng chòe-hóe bú-jio̍k Ia-so͘, hi-lāng i koh kā chhēng chi̍t-niá
súi ê tn̂g-phàu, chiah chiong I sàng hêng Pí-lia̍p-to.
23 : 12 Hi-lu̍t
kap Pí-lia̍p-to pún-lâi sī sí-tùi-thâu, chiū tī chit-ji̍t chiâⁿ-chò pêng-iú.
23 : 13
Pí-lia̍p-to tiàu-chi̍p chè-si-tió͘ⁿ hām koaⁿ-oân kap bîn-chiòng,
23 : 14
Chiū tùi in kóng: ”Lín ah chit-ê lâng lâi góa chia, kò I siàn-tōng jîn-bîn, lín
khòaⁿ góa mā tī lín ê bīn-chêng í-keng sím-mn̄g kòe I, chhâ bô lín só͘ kò ê
sū-si̍t thang phòaⁿ I ê chōe;
23 : 15
Liân Hi-lu̍t mā-sī ah-ne jīm-tēng, chiah kā I sàng tńg-lâi. Ah-ne thang chai, I
pèng-bô chò-kòe siáⁿ-mih kai phòaⁿ sí-hêng ê tāi-chì.
23 : 16
Só͘-í, Góa ē kā I phah liáu-āu, chiū pàng chhut-khì.
23 : 17 (Ta̍k-nî
tī Pôaⁿ-kòe-cheh, chóng-tok tio̍h chiàu kûn-chiòng ê iàu-kiû pàng chit-ê
hoān-lâng.)
23 : 18
M̄-ku chèng-lâng tōa-siaⁿ hoah: ”Kā hit-ê lâng chhú-sí! Tháu-pàng Pa-liap-pa
hō͘ goán.
23 : 19 Chit-ê
PA-lia̍p-pa in-ūi tī siâⁿ-lāi chok-loān koh thâi-sí lâng, pī koaiⁿ loh kaⁿ-ga̍k.
23 : 20 Pí-lia̍p-to
khah ài pàng Ia-so͘, chiū koh-chài tùi chèng-lâng kóng chi̍t-pái.
23 : 21
M̄-ku in hoah: ”Kā I tèng si̍p-jī-kè! Kā I tèng si̍p-jī-kè!”
23 : 22
Pí-lia̍p-to tē-saⁿ pái tùi in kóng: ”Sī án-chóaⁿ? I sī ū chò siáⁿ-mih hoān-hoat
ê tāi-chì? Góa chhâ bô I ū eng-kai chhú-sí ê chōe, só͘-í, góa kā I phah liáu
chiū pang I tńg-khì.”
23 : 23 In
it-ti̍t tōa-siaⁿ hoah, iàu-kiû Pí-lia̍p-to kā Ia-so͘ tèng si̍p-jī-kè. Chòe-āu
in kap chè-si-tió͘ⁿ ê siaⁿ ta̍t-kàu bo̍k-te̍k.
23 : 24
Pí-lia̍p-to chiū chiàu in ê iàu-kiû tēng Ia-so͘ ê chōe,
23 : 25 Chiong
in iàu-kiû hit-ê chok-loān thâi-lâng, pī koaiⁿ loh kaⁿ ê hoān-lâng pàng
chhut-khì, khiok kā Ia-so͘ kau hō͘ in, sûi-chāi in chhú-lí.
23 : 26 Tng
peng-á ah Ia-so͘ lī-khui ê sî, tī lō͘-tiong ū chit-ê Kó͘-lī-nāi lâng, miâ chò
Se-bûn, án chng-kha lâi, hō͘ in lia̍h lâi, kiò i giâ si̍p-jī-kè tòe Ia-so͘
āu-bīn kiâⁿ.
23 : 27 Ū
chin-chē lâng tòe Ia-so͘, kî-tiong ū chi̍t-kóa hū-lú, in ūi I pi-siong ai-khàu.
23 : 28 Ia-so͘
oa̍t-tńg-sin tùi in kóng: ”Iâ-lō͘-sat-léng ê hū-lú, m̄-bián ūi Góa ai-khàu,
tio̍h ūi ka-tī kap lín ê jî-lú lâi khàu.
23 : 29
In-ūi sî teh-beh kàu, lâng ē kóng：「Bē hoâi-īn ê kap m̄-bat hoâi-īn ê, bô kā eⁿ-á chhī-ni ê hū-lú ū hok-khì!」
23 : 30
Hit-sî , lâng beh ǹg tōa-soaⁿ kóng:「Kā goán am khí-lâi!」Kā soaⁿ-lūn-á kóng : 「Kā goán khàm khí-lâi!」
23 : 31 “
In-ūi in liân chheⁿ-chhùi ê chhiū to ah-ne chò, hia-ê ta-khì ê ē pī án-chóaⁿ
chhú-lí?”
23 : 32
Iáu-ū nn̄g-ê hoān-lâng, kap Ia-so͘ hō͘ lâng ah lâi chò-hóe chhú sí-hêng.
23 : 33 In
lâi-kàu chit-ê miâ-chò Thâu-khak-óaⁿ ê só͘-chāi, tī hia chiong Ia-so͘ kap lēng-gōa
nn̄g-ê tèng si̍p-jī-kè, chi̍t-ê tī tò-pêng, chi̍t-ê tī chiàⁿ-pêng.
23 : 34
Ia-so͘ kóng: ”A-pâ, chhiáⁿ Lí sià-bián in, in-ūi in m̄-chai-iáⁿ in só͘ chò ê.”
Hia-ê peng-á thiu-khau, lâi pun Ia-so͘ ê saⁿ.
23 : 35
Bîn-chiòng khiā tī hia leh khòaⁿ. Chi̍t-kóa koaⁿ-oân mā thí-chhiò Ia-so͘ kóng: ”I
bat kiù pa̍t-lâng, I nā-sī Ki-tok, sī Siōng-chú só͘ kéng-soán ê, taⁿ I tio̍h
kiù ka-tī ò͘!”
23 : 36
Hiah-ê peng-á mā hi-lāng I, kiâⁿ chin-chêng iōng chhò͘ hō͘ lim .
23 : 37
Kóng: ”Lí nā-sī Iû-thài lâng ê ông, tio̍h kiù Lí ka-tī!”
23 : 38 Tī
Ia-so͘ ê thâu-khak téng-bīn ū chi̍t-tè chōe-chn̄g ê pâi-á, siá: ”Chit-ê sī
Iû-thài lâng ê ông.”
23 : 39
Chò-hóe tèng tī hia ê nn̄g ê hoān-lâng, kî-tiong chi̍t-ê bú-jio̍k I, kóng: ”Lí
kám-m̄-sī Ki-tok mà? Tio̍h kiù Lí ka-tī, mā lâi kiù goán!”
23 : 40
M̄-ku lēng-gōa hit-ê sûi chhut-siaⁿ chek-pī i, kóng: ”Lí hām I siāng-khoán pī
phòaⁿ sí-hêng , iau m̄-kiaⁿ Siōng-chú sī-bô?”
23 : 41 Lán
siū chhú-sí sī eng-kai ê, in-ūi lán ū hoān tōa-chōe, tān-sī chi̍t-ê lâng
pèng-bô chò-kòe chi̍t-hāng pháiⁿ-tāi.”
23 : 42 I
ǹg Ia-so͘ kóng: ”Ia-so͘ ah, tng LÍ tī Lí ê kok lâi-lîm ê sî, chhiáⁿ Lí ê kì-tit
góa!”
23 : 43
Ia-so͘ kā i kóng: ”Góa si̍t-chāi kā lí kóng, kin-á-ji̍t lí ē kap Góa chòe-hóe
tī lo̍k-hn̂g.”
23 : 44
Hit-ê sî-chūn chha-put-to sī tiong-tàu, choân-tē lóng àm-sô-sô, it-ti̍t kàu
e-po͘ saⁿ tiám, ji̍t-thâu pìⁿ àm-khì;
23 : 45
Sèng-tiān lāi ê pò͘-lî li̍h chò nn̄g-pêng.
23 : 46
Ia-so͘ tōa-siaⁿ hoah: ”Pē ah! Góa chiong Góa ê lêng-hûn kāu hō͘ Lí.” Kóng liáu
chiū tn̄g-khùi.
23 : 47
Hit-ūi liân-tió͘ⁿ khòaⁿ-tio̍h só͘ hoat-seng ê tāi-chì, chiū o-ló Siōng-chú kóng:
”Chit-ê chin-chiàⁿ sī bô-chōe ê lâng.”
23 : 48 Ûi
tī hia leh khòaⁿ ê bîn-chiòng, khòaⁿ-tio̍h só͘ hoat-seng ê sū lóng tûi in ê heng
tńg-khì.
23 : 49
Hiah-ê bat Ia-so͘ ê lâng, hām án Ka-lī-lī-séng tòe I lâi ê hū-lú, lóng iau khiā
tī hn̄g-hn̄g leh khòaⁿ chiah ê tāi-chì.
23 : 50 Ū
chi̍t-ê miâ-chò Iok-sek ê, i sî gī-oân, chò lâng liông-siān koh ū chèng-gī-kám;
23 : 51 I
bô jīm-tông kî-thaⁿ gī-oân ê kè-chhek hām hêng-tōng. I sī chi̍t-ūi Iû-thài-séng
ê A-lī-má-thài ê lâng, mā-sī leh tán-thāi Siōng-chú kok-tō͘ ê.
23 : 52 I
khì kìⁿ Pí-lia̍p-to, chhéng-kiû siu-bai Ia-so͘ ê sin-si,
23 : 53 Chiū
khì kā Ia-so͘ ê sin-si tùi si̍p-jī-kè téng lūi lo̍h-lâi, iōng iù-tē-pò͘ pau
hó-sè, khǹg tī chi̍t-ê phah hó ê chio̍h-bōng lāi; hit lāi-bīn iáu m̄-bat ū lâng
iong-kòe.
23 : 54
Hit-ji̍t sī pài-gō͘, An-hioh-ji̍t ê sî-kan teh-beh kàu ah.
23 : 55
Hiah-ê hām Ia-so͘ án Ka-lī-lī-séng chò-hóe lâi ê hū-lú tòe tī āu-bīn, ū khòaⁿ-tio̍h
bōng kap in án-chóaⁿ an-hòng Ia-so͘ ê sin-si.
23 : 56 In
chiū kín tńg-khì, chún-pī phang-liāu kap phang-iû. An-hioh-ji̍t ê sî-kan
khai-sí, in mā chiàu lu̍t-hoat ê kui-tēng hio̍h-khùn.
2019/04/03 12 :
15
沒有留言:
張貼留言