17 : 1 Iaso͘ koh kā ha̍kseng kóng : ” Chò hō͘ lâng poa̍htó ê tāichì lânbián lóng ē , m̄ku hō͘ lâng poa̍htó ê , i mā ē hāi .
17 : 2 Lēngkhó͘ ēng chio̍hbō pa̍k tòa i ê āmkún , kā tîm lo̍h
háinih , iau pí hō͘ i khì hāi chì bîsè tiong ê chi̍t ê khah hó .
17 : 3 Lín tio̍h kínsīn ! Nā ū lí ê hiaⁿtī tekchōe lí ,
tio̍h chíchèng i , i nā hō͘hóe , lí tio̍h goânliōng i .
17 : 4 Nā i tī chi̍t ji̍t lāi tekchōe lí chhit pái , iā tótńg
lâi chhōe lí chhit pái , lóng kóng :「Góa hō͘ hóe à」, lí mā tio̍h lóng goânliōng i . ”
17 : 5 Ha̍kseng tùi I kóng : ” Kiû Lí kethiⁿ goán ê sìnsim .
”
17 : 6 Chú Iaso͘ kóng : ” Lín nā ū chhinchhiō͘ⁿ chi̍t lia̍p á
kòachhài chí ê sìnsim , chiūsī tùi chi̍t châng iâmsng á chhiū kóng :「Lí liân kin lóng poeh khí lâi ,
khì chai tī háinih」, i mā ē
ho̍kchiông lín ê bēnglēng . ”
17 : 7 Lín ū siáⁿlâng tī i ê po̍kjîn khí chòsit ásī kò͘-iô͘ⁿ
, tùi hn̂gnih tńglâi , chiū kā i kóng :「Lí kín chē lo̍h lâi chia̍hpn̄g」leh ?
17 : 8 Kám m̄ sī kā kóng :「Khì chhoân góa ê àmtǹg , saⁿ
chhēng hō͘ sùsī lâi tîⁿtòe góa chia̍hpá āu , lí chiah limchia̍h .」mā ? ”
17 : 9 Po̍kjîn chiàu chúlâng só͘ hoanhù ê khì chò , chúlâng
kam tio̍h koh kā seh tosiā ?
17 : 10 Siāngkhoán áne , lín nā chò liáu só͘ū kautāi hō͘ lín
ê khangkhòe , tio̍h kóng :「Goán sī bô siáⁿ ēhiáu ê po̍kjîn , só͘ chò ê chiūsī goán goânpún
tio̍h chò ê .」”
17 : 11 Iaso͘ khì Iâlō͘satléng ê sî , tùi Satmálīa hām Kalīlī
ê piankài kengkòe .
17 : 12 Ji̍p khì chi̍t ê chngthâu , ū cha̍p ê kui sengkhu
hoān tio̍h phôehu pēⁿ ê lâng beh lâi kìⁿ I , in khiā tī hn̄ghn̄g ê só͘chāi ,
17 : 13 Tōasiaⁿ hoah : ” Iaso͘ , lāusu , lînbín goán ! ”
17 : 14 Iaso͘ khòaⁿ tio̍h in , chiū kā in kóng : ” Lín khì
hō chèsi kiámcha sinthé . ” Tng in khì ê sî sinthé chiū lóng ho̍kgoân .
17 : 15 In tiongkan ū chi̍t ê khòaⁿ tio̍h katī pī ihó à ,
chiū tó tńglâi Iaso͘ hia , tōasiaⁿ chiong êngkng kui hō͘ SiōngChú .
17 : 16 koh phak tī Iaso͘ ê khachêng kámsiā I , chit ê lâng
sī Satmálīa lâng .
17 : 17 Iaso͘ mn̄g : ” Tittio̍h ihó ê kám m̄ sī ū cha̍p ê ,
chhun è hit káu ê tī tóūi ?
17 : 18 Tûliáu chit ê gōapang lâng ígōa , kám bô pa̍t ê tńglâi
chiong êngkng kui hō͘ SiōngChú ?
17 : 19 Sūi kā hit ê lâng kóng : ” Khí lâi , lí thang tńgkhì
! Lí ê sìnsim hō͘ lí tittio̍h ihó à . ”
17 : 20 Hoatlīsài lâng mn̄g Iaso͘ : ” SiōngChú ê koktō͘ tangsî
ê si̍thiān ? ” Iaso͘ kóng : ” SiōngChú ê koktō͘ m̄ sī ēng ba̍kchiu khòaⁿ ē
tio̍h ê . ”
17 : 21 Mā bô lâng ē tàng kóng :「Khòaⁿ leh , SiōngChú ê koktō͘
tī chia , ásī tī hia!」Inūi
SiōngChú ê koktō͘ chiū tī lín sim lāi . “
17 : 22 I koh kā ha̍kseng kóng : ” Hia ê ji̍tchí teh beh kàu
, lín chin siō͘ⁿ beh khòaⁿ tio̍h Góa lâilîm ê hit ji̍t , m̄ ku khòaⁿ bē tio̍h .
17 : 23 Ū lâng ē kā lín kóng :「Lí khòaⁿ , I tī hia ! Ásī kóng
tī chia!」Lín lóng
m̄- thang chhut khì tòe in !
17 : 24 Inūi Góa lâilîm ê ji̍tchí , náchhiō͘ⁿ sihnà án thiⁿ
ê chit pêng teh sih , i ê kng chiò kàu thiⁿ ê hit pêng .
17 : 25 M̄ku I ittēng tio̍h seng siū chin chē khó͘ , iā hō͘
chit sètāi ê lâng kūchoa̍t .
17 : 26 Tī Góa lâilîm ê ji̍tchí , iā ē chhinchhiō͘ⁿ Na-a ê
sîtāi áne .
17 : 27 Hit sî , lâng chiàusiông limchia̍h、kèchhōa , ti̍t kàu Naa li̍p khì
tōachûn hit ji̍t , tōachúi chi̍t ē kàu , chiong in lóng im sí .
17 : 28 Mā chhinchhiō͘ⁿ Lôtek ê sîtāi , lâng siāngkhoán lim chia̍h、chò bé bē、iā chèng choh iā khí chhù .
17 : 29 Kàu tī Lôtek líkhui Só͘tomá hit ji̍t , án thiⁿ kàng lo̍h
hóe kap liûhông , kā in lóngchóng siaubia̍t .
17 : 30 Góa chhuthiān ê ji̍t , iā ē chhiō͘ⁿ áne .
17 : 31 Tī hit ji̍t , tī chhùténg ê lâng , m̄ thang lo̍h lâi
theh chhùlāi ê mi̍hkiāⁿ ; tī hn̂gnih ê , m̄ thang tńg khì chhù .
17 : 32 Lín ài ē kìtit Lôtek ê bó͘ só͘ tútio̍h ê tāichì .
17 : 33 Siōⁿ beh póchoân katī ê sèⁿmiā ê lâng , ē sit lo̍h ;
sit lo̍h sèⁿmiā ê lâng , ē póchoân i .
17 : 34 Góa kā lín kóng , tī hit mê , khùn tī siāng téng bînchhn̂g
ê nn̄g ê lâng , chi̍t ê ē pī chhōa cháu , chi̍t ê lâu leh .
17 : 35 Nn̄g ê chòhóe leh e chio̍hbō ê chabó͘ lâng , chi̍t ê
ē pī chhōacháu , lēnggōa chi̍t ê kā pang leh .
17 : 36 Nn̄g ê tī hn̂gnih ê lâng , chi̍t ê pī chhōa cháu ,
lēnggōa chi̍t ê lâu leh . ”
17 : 37 Ha̍kseng mn̄g : ” Chú à , che ē tī siáⁿmih só͘chāi
hoat-seng à ? ” Iaso͘ ìn : ” Ū sithé ê só͘chai chiū ū engchiáu chi̍p óa tī hia
. “
2019/03/03
07 : 34
2025.07.29. Siukái tī Lâmthâm
沒有留言:
張貼留言