Lō͘ka hokim su Tē cha̍pgō͘ chio͘ⁿ

15 : 1 Ū chin chē siusòe ê koaⁿoân hām hoānchōe ê lâng , lâi Iaso͘ hia beh thiaⁿ I hunhióng SiōngChú ê ōe .

15 : 2 Hoatlīsài lâng hām lu̍thoat kàusu tī piⁿá chhīchhi chhūchhū : ” Chit ê lâng chiapthāi hoān tio̍h lu̍thoat ê lâng , koh kap in chòhóe chia̍hpn̄g . ”

15 : 3 Iaso͘ chiū ēng phíjū kóng :

15 : 4 ” Lín tiongkan siáⁿlâng ū chi̍tpah chiah iô͘ⁿ , nā pháng khì chi̍t chiah , bē kā káucha̍p káu chiah pàng tī khòngiá , khì chhōe hit chiah pháng khì ê iô͘ⁿ , ti̍tkàu chhōe tio̍h?

15 : 5 Tng i chhōetio̍h ê sî , chiū chin hoaⁿhí kā i kng tī kengkahthâu , tńglâi chhù ,

15 : 6 mā chhiáⁿ pêngiú chhùpiⁿ lâi in tau , tùi in kóng :「Chhiáⁿ lín lâi hām góa tàu hoaⁿhí , góa pháng khì ê hi̍t chiah iô͘ⁿà íkeng chhōe tio̍h à .」

15 : 7 Góa kā lín kóng , chi̍t ê ū chōe ê lâng hóekái , tī thiⁿni̍h mā siāngkhoán áne ūi i hoaⁿhí , pí ūitio̍h hit káucha̍p káu ê m̄ bián hóekái ê gīlâng koh khah thang hoaⁿhí . “

15 : 8 “ Á sī ū chi̍t ê hūlú , i ū cha̍p ê gîná , nā pháng khì chi̍t ê , kámbô kā hóe tiám hō͘ to̍h , lâi piàⁿsàu chhùlāi , chimchiok chhōe , itti̍t kàu chhōe tio̍h mā ?

15 : 9 Tng i chhōe tio̍h ê sî , sûi chhiáⁿ i ê chhùpiⁿ pêngiú lâi in tau , kā in kóng : 「Góa pháng khì ê hit tè gîná íkeng chhōe tio̍h à , chhiáⁿ lín lâi hām góa tàu hoaⁿhí !」

15 : 10 Chhiō͘ⁿ áne , Góa kā lín kóng , chi̍t ê ū chōe ê lâng hóekái , tī SiōngChú bīnchêng ê thiⁿsài mā iā ē theh i hoaⁿhí . ”

15 : 11 Iaso͘ koh kóng : ” Ū bó͘ chi̍t ê lâng , i ū nn̄g ê hāuseⁿ .

15 : 12 Chit ê sèhàn kiáⁿ kā i ê lāupē kóng :「Apâ , chhiáⁿ lí kā góa engkai tittio̍h ê châisán pun hō͘ góa .」In lāupē chiū chiong châisán pun hō͘ in nn̄g ê .

15 : 13 Kòe bô kúiji̍t , hit ê sèhàn kiáⁿ chiū chiong i só͘ū ê mi̍hkiāⁿ khoán chòhóe , chah līkhui khì chin hng ê kokka . Tī hia bô chāmchat chhìnchhái ēng chîⁿ , pe̍hpe̍h lōnghùi tiāu .

15 : 14 Tng i só͘ū ê chîⁿ lóng khai liáuliáu , koh tú tio̍h hit só͘chāi tōa kihng , i mā chin pháiⁿ kòeji̍t .

15 : 15 Chôaⁿ khì hō͘ hit só͘chāi ê lâng chhiàⁿ , hit ê lâng phài i khì i ê hn̂gá chhī ti .

15 : 16 I paktó͘ iau kah hīn bē thang theh ti leh chia̍h ê tāungeh lâi chíki , mâku bô lâng theh hō͘ i pòaⁿ hāng .

15 : 17 I chiah chhéⁿ kòe lâi , kóng :「Goán lāupē ū chhiàⁿ hiah chē kangá , saⁿtǹg mā chia̍h ū chhun , góa kám beh gōsí tī chia .」

15 : 18 Góa beh khoán khoán leh , tńgkhì chhōe goán lāupē , ǹg i kóng :「Apâ! Góa ū tekchōe SiōngChú , mā tekchōe lí ;

15 : 19 tùi taⁿ íāu , góa bô chukeh chò lí ê kiáⁿ , kā góa tòngchò lí ê kanga !」

15 : 20 I sûi khí kiâⁿ , khì chhōe in lāupē . Iau lī in chhù chiok hn̄g leh , in lāupē chiū khòaⁿtio̍h i , lāisim chin m̄ kam , chôaⁿ cháu chin chêng kā lám tiâutiâu , koh itti̍t ēng chhùi chim i .

15 : 21 Chit ê kiáⁿ kóng :「Apâ ! Góa ū tekchōe SiōngChú , mā tekchōe lí ; tùi taⁿ íāu góa bô chukeh chò lí ê kiáⁿ .」

15 : 22 M̄ku , in lāupē tiantó kiò po̍kjîn :「Kín khì hiaⁿh hit niá siōng hó ê gōaphâu hō͘ i chhēng ; theh chhiúchí kā kòa leh , kōaⁿ ê hō͘ chhēng ;

15 : 23 khì khan hit chiah siōng pûi ê gûá lâi thâi , pān toh lâi khèngchiok ;

15 : 24 inūi góa chit ê kiáⁿ sī án sí koh oa̍h kòe lâi , sī pháng khì koh khioh tio̍h ê .」

15 : 25 Hitsî i ê tōahàn kiáⁿ tu tī hn̂gá . I tńglâi chhù tī lī bô lōa hn̄g ê só͘chāi , thiaⁿtio̍h imga̍k kap thiàubú ê siaⁿ ,

15 : 26 tō kiò chi̍t ê po̍kjîn lâi mn̄g , hiānchāi sî hoatseng siáⁿmih tāichì .

15 : 27 Po̍kjîn hôetap :「Lín siótī tńg lâi à , lín lāupē khòaⁿtio̍h i pêngan bô pēⁿthiàⁿ tńglâi , chiū thâi pûi gûá pāntoh .」

15 : 28 Tōahàn kiáⁿ chin siūkhì , m̄ khéng ji̍pmn̂g , in lāupē chiū chhut lâi khǹg i .

15 : 29 I ìn in lāupē :「Góa tòe lí chiah chē tang , chiônglâi m̄ bat ûipōe lí ê bēnglēng , lí iā m̄ bat hō͘ góa chi̍t chiah iô͘ⁿá hām pêngiú chòhóe limchia̍h .

15 : 30 m̄ku , lí chit ê kiáⁿ hām kilu kā lí pun hō͘ i ê châisán khai liáuliáu , i chi̍t ē tńglâi , lí tiantó ūi i thâi chi̍t chiah pûi ê gûá .」

15 : 31 Lāupē kā i kóng :「Góa ê kiáⁿ ! Lí tiāⁿtiāⁿ kap góa chòhóe , góa só͘ū ê itchhè lóng sī lí ê ,

15 : 32 m̄ku lí chit ê siótī sī án sí kohoa̍h , sit khì koh tittio̍h ê , só͘í lán tongjiân ài hoaⁿhí khoàilo̍k .」”

            2019/02/26   08 : 25

                2025.07.27. Siukái tī Lâmthâm