Lō͘ka hokim su Tē cha̍psì chiō͘ⁿ

14 : 1 Tī chi̍t ê Anhiohji̍t , Iaso͘ khì Hoatlīsài lâng ê léngsiú tiong ê chi̍t ūi in tau chia̍hpn̄g , chi̍t kóa Hoatlīsài lâng chiū tòe khì thaukhòaⁿ I .

14 : 2 Tú hó tī I ê bīnchêng ū chi̍t ê hoān tio̍h chúichéng pēⁿ ê lâng .

14 : 3 Iaso͘ mn̄g kàusu kap Hoatlīsài lâng : ” Tī Anhiohji̍t ipēⁿ kám ū hoānhoat ? ”

14 : 4 In soah lóng tiāmtiām . Iaso͘ chiū khan i kòe lâi i hó i , chiah hō͘ līkhui ;

14 : 5 Iaso͘ mn̄g in : ” Lín tiongkan , siáⁿlâng ū gû ásī lûá tī Anhiohji̍t poa̍h lo̍h chéⁿ lāi , bē sûi khì kā thoa khí lâi à ? ”

14 : 6 In mā bô hôetap chiah ê ōe .

14 : 7 Tng Iaso͘ khòaⁿtio̍h hiah ê siū iauchhiáⁿ lâi ê lângkheh , lóng leh kéng siōng hó ê ūi , chiū kā in kóng chi̍t ê phí-jū : ”

14 : 8 Tī lín siū lâng iauchhiáⁿ chhamka kiathun ê híiàn ê sî , m̄ thang chē tiàm siōng hó ê ūi , kiaⁿliáu ū pí lí koh khah tiongiàu ê lâng mā siū iauchhiáⁿ lâi ;

14 : 9 hit ê chhiáⁿ lín lâi ê lâng , ē kā lí kóng :「Chhiáⁿ lí niō͘ⁿ hō͘ chit ūi sinseⁿ chē .」

Lí ē chin pháiⁿsè koh bānbāná sóa khì chē tī siōng bóeá ê ūi .

14 : 10 m̄ku , lí nā siū chhiáⁿ khì ê sî , chiū chē tī siōng lō͘bóe ê ūi , áne chhiáⁿ lí lâi ê lâng ē lâi tùi lí kóng :「Pêngiú , chhiáⁿ lí lâi chē siōng hó ê ūi .」Hit sî , li tī siāng toh ê lâng ê bīnchêng chiū chin ū bīnchú à .

14 : 11 Inūi jīmhô chi̍t ê lâng nā katī phònghong , ē hō͘ lâng chhak phòa , katī kò͘khiam ê , ē pī thêpoa̍t koseng i . ”

14 : 12 Iaso͘ iā kā chhiáⁿ I ê lâng kóng : ” Lí chú ētàu tǹg ásī àmtǹg m̄bián chhiáⁿ lí ê pêngiú、hiaⁿtī、chhinchiâⁿ hām ūchîⁿ ê chhùpiⁿ , chiah bē hō͘ in iā chhiáⁿ lí , áne , lí tō siū lâng ê hôepò à .

14 : 13 Lí pāntoh , nāsī tiantó chhiáⁿ hia ê bôchîⁿ ê、chânchiòng ê、páikha ê、sitbêng ê , lí chiū ū hokkhì lah !

14 : 14 Inūi in bô siáⁿmih thang pòtap lí . Tī gīlâng kohoa̍h ê sî , lí ē tittio̍h pòtap .”

14 : 15 Chē tī siang chi̍t toh ê chi̍t ê lâng thiaⁿtio̍h chia ê ōe , tùi Iaso͘ kóng : ” Ē tàng tī SiōngChú ê koktō͘ limchia̍h ê lâng chin ū hokkhì à ! ”

14 : 16 Iaso͘ kā i kóng : ” Ū bó͘ chi̍t ê lâng pān chin chē toh , chhiáⁿ chin chē lâng lâi chia̍h àmtǹg .

14 : 17 Kàu beh khui toh ê sî , i phài po̍kjîn khí kā só͘ iauchhiáⁿ ê lângkheh kóng : 「Chhiáⁿ lín lâi ! Ta̍khāng lóng chhoân hó sè à .」

14 : 18 In sûiê sûiê lóng siāngkhoán kā thesî . Tē it ê kóng :「Góa bé chi̍t tè thó͘tē , ittēng ài khì khòaⁿ hō͘ hó sè . Chhiáⁿ lí liōngkái .」

14 : 19 Lēnggōa chi̍tê kóng :「Góa bé gō͘ tùi gû , tio̍h ài khì sái khòaⁿ māi leh . Chin pháiⁿsè .」

14 : 20 Tē saⁿ ê kóng :「Góa túchiah chhōa bó͘ , só͘í bē tàng khì .」

14 : 21 Hit ê po̍kjîn tńg lâi , chiong chia ê tāichì itit ǹg i ê chúlâng pòkò . Chúlâng chiok siūkhì kiò i :「Kín khì siâⁿ nih ê tōa ke sió hāng , chhōa hia ê bô chîⁿ ê、chânchiòng ê、páiⁿkha ê、sitbêng ê lâi .」

14 : 22 Hit ê po̍kjîn lâi ǹg chúlâng pòkò :「Thâuke , lí só͘ kautāi ê íkeng chiàupān , m̄ku iau chiok chē khangūi .」

14 : 23 Chúlâng tùi i kóng :「Lí koh chhut khì , khì lō͘ nih ásī chhiô͘ⁿá piⁿ biánkióng lâng lâi , thang kā góa ê chhùlāi chē hō͘ tīⁿ .」

14 : 24 Góa kā lín kóng , hia ê góa chìnchêng só͘ iauchhiáⁿ ê lâng , bô chi̍t ê ē tàng tām tio̍h góa só͘ chúnpī chin chheⁿchhau ê àmtǹg . ”

14 : 25 Ū chi̍t tōa tīn lâng lâi hām Iaso͘ chòhóe kiâⁿ . Iaso͘ oa̍t kòe khì kā in kóng :

14 : 26 “ Jīmhô beh tòe Góa ê lâng , nā bô līkhui katī ê lāupē、lāubú、bó͘、kiáⁿ、hiaⁿtī、chíbōe sīmchì sèⁿmiā , chiū bē tàng chò Góa ê ha̍kseng .

14 : 27 Bôlūn toh chi̍tê , bô giâ katī ê si̍pjīkè lâi tòe Góa ê , iā bētàng chò Góa ê ha̍kseng .

14 : 28 Lín tó chi̍tê beh khí chi̍t keng kiàntiok bu̍t , bē seng chē lo̍h lâi sǹg khòaⁿ ài lōa chē hùiiōng , chiah khí ê khí lâi ? ”

14 : 29 Nā m̄sī áne , chiū kā tē-ki ó͘ lo̍h khì , kiatkó khí bô sêng , ē hō͘ khòaⁿtio̍h ê lâng chhiò i , kóng :

14 : 30「Chit ê lâng khaikang liáu , soah bē oânkang .」

14 : 31 Ásī ū chi̍t ê ông beh khì hām pa̍t ê ông siochiàn , i kám bô seng chē lo̍h lâi kèsǹg , kám ē tàng ēng chi̍t bān ê peng khì tùikhòng chhōa nn̄gbān ê peng lâi kongkek i ê ông ?

14 : 32 Nā bē , chiū thàn tùite̍k iau tī hn̄ghn̄g ê sî , phài súchiá khì chhéngkiû hôkái ê tiâukiāⁿ .

14 : 33 Áne , lín bôlūn siáⁿlâng , nā bô hòngkhì katī só͘ū ê itchhè , tō bē tàng chò Góa ê ha̍kseng . ”

14 : 34 “ Iâm goânpún chiūsī ē kiâm , nā bē , kam ē tàng ēng siáⁿmih hō͘ i koh kiâm ?

14 : 35 kā i khǹg tī hn̂gnih ásī the̍h khì tuipûi lóng bô ha̍h , chí hó kā hiat tī gōabīn . Ū hīⁿkhang thang thiaⁿ ê , tio̍h thiaⁿ ! ”

             2019/02/24   09 : 05

               2025.07.25. Siukái tī Lâmthâm