Sùtô͘ Hêngtoān Te jīcha̍p peh chiōⁿ

28:1 Goán íkeng lóng pī kiù khílâi, chiah chaiiáⁿ hitê tó miâchò Bílītāi.

28:2 Tongtēlâng tùi goán piáuhiān chhut huisiông ê iúsiān. Inūi túleh lo̍hhō͘ koh kôaⁿ, chiū khíhóe hō͘ goán móe chi̍tê lâng hang, lâi chiapthāi .

28:3 Tng Pólô khioh chi̍tpé chhâ, hiatlo̍h hóetui ê sî, inūi hóe ê jia̍ttō͘, ū chi̍tbóe to̍kchôa chông chhutlâi, sūi kā i ê chhiú chôaⁿ sńg tiâu leh.

28:4 Tongtēlâng khòaⁿtio̍h hitbóe to̍kchôa tī i ê chhiú iau kòa tiâu leh, chiū hō͘siong kóng: ” Chitê lâng ittēng sī hiongchhiú, suijiân i án háilān tiong khiohtio̍h sèⁿmiā, Thianlí iûgoân m̄chún i oa̍h lo̍hkhì.

28:5 M̄ku Pólô kā hitbóe to̍kchôa hiat lo̍hkhì hóeni̍h, pèng bô siūsiong.

28:6 In lóng phahsǹg i ê chhiú ê chéng khílâi, ahsī hutjiânkan tólo̍h chôaⁿ síkhì, tānsī tán chinkú lóng bô khòaⁿtio̍h i hoatseng tāichì, in chiū káipiàn siō͘ⁿhoat, jīntēng i sī sînbêng.

28:7 Tī hit hùkīn ū chi̍tkóa chhânhn̂g sī siok hit ê tó ê thâubak Pō͘pekliû só͘iú. I chin jia̍tchêng chiapthāi goán ū saⁿji̍t kú.

28:8 Hitsî Pō͘pekliû ê lāupē hoatsio kiam làusái, tó tī chhn̂gténg. Pólô chiū ji̍pkhì kā i hōaⁿchhiú kîtó, hō͘ i ê pēⁿ siauthè.

28:9 Inūi ahne, chittè tó kîthaⁿ ê pēⁿlâng mā lóng óalâi, iā tittio̍h itī.

28:10 In iā kohkhah kèngtiōng goán, tī goán beh khuichûn ê sî, chiong goán só͘ suiàu ê mi̍hkiāⁿ sàng lâi chûnténg.

28:11 Saⁿgoe̍hji̍t āu, goán chē Ale̍ksantāi ê chûn khíthêng, hitchiah chûn hōchò「Tiūsu ê siangseⁿá kiáⁿ」tī hittè tó kòe tangthiⁿ.

28:12 Lâikàu Sūlahkó͘, goán tī hia thêng saⁿji̍t.

28:13 Án hia se̍h kàu Līkîong. Kehji̍t thàu lâmhong, koh kòe chi̍tji̍t goán chiū kàu Pō͘tiúlī;

28:14 Tī hia tútio̍h kúiê sìntô͘, in chhiáⁿ goán tòa tī in hia, ū chhitji̍t kú. Ahne goán chiū kàu Lômá.

28:15 Lômá ê sìntô͘ thiaⁿtio̍h goán ê siausit, chiū lâi Apío͘ chhī hām Samkoán gêngchiap goán. Pólô khòaⁿtio̍h in chiū kámsiā Siōngchú, chiaⁿ tittio̍h keklē.

28:16 Tng goán kiâⁿji̍p Lômásiâⁿ íāu, Pólô tittio̍h únchún hām khòaⁿsiú i ê pengá lēnggōa tòa chi̍tūi.

28:17 Kòe saⁿji̍t, Pólô chhiáⁿ Iûthàilâng ê tāipiáu chip óalâi, tùi in kóng:” Hiaⁿtī à, suijiân góa m̄bat hoāntio̍h kokjîn kap chó͘sian ê si̍psio̍k, khiok tī Iâlō͘satléng pī lia̍h, hō͘ lâng kau tī Lômálâng ê chhiúthâu.

28:18 In tī símmn̄g góa íāu, jīnûi góa bô hoāntio̍h kaisí ê chōe, chiū siō͘ⁿ beh pàng góa.

28:19 M̄ku kò góa ê lâng phianphian hoántùi, góa puttekí chiah lâi tùi Kaisat siōngsò͘, pēng

msī beh khòng kò katī ê tôngpau.

28:20 Ūitio̍h ahne, chiah chhiáⁿ lín lâi hōebīn, ńg tāike pòkò. Góa sī ūitio̍h Íseklia̍t só͘ leh ǹgbāng ê, chiah pī chitê thihliān khàu tiâu leh.

28:21 In kā Pólô kóng:” Goán m̄bat án Iûthài siūtio̍h thêkhí iúkoan lí ê tāichì ê phoesìn, mābô chi̍tê hiaⁿtī lâi goán chia pòkò, kóngkhí lí ê m̄sī.

28:22 M̄ku goán beh thiaⁿ lí ê siō͘ⁿhoat. Inūi goán chaiiáⁿ chitê kàuphài, khìkàu tóūi lóng hō͘ lâng hoántùi.

28:23 Tī in kap Pólô ioktēng ê hitji̍t, chinchēlâng lâi i tòa ê só͘chāi. Pólô án cháikhí kàu engàm, ǹg in kángkái iúkoan Siōngchú ê koktō͘, iā íniōng Mô͘se ê Lu̍thoat hām Sianti ê chheh chòchèng, lâi soatho̍k in sìnkhò Iaso͘.

28:24 I só͘ kóng ê ōe, ū ê siongsìn, ū ê m̄sìn.

28:25 In hō͘siong bē ha̍h chôaⁿ sòaⁿhōe; tī bē sòaⁿkhì chìnchêng, Pólô kóng chi̍ttōaⁿ ōe:” Sèngsîn thongkòe Sianti Ísàia ǹg lín ê chó͘sian só͘ kóng ê, chin-chiàⁿ tio̍h.

28:26 I ahne kóng:「Khì kā chiahê lâng kóng, Lín leh thiaⁿ sī ū thiaⁿtio̍h, m̄ku khiok bē liáukái, lín leh khòaⁿ tō ū khòaⁿtioh, mā—ku khòaⁿ bē bêngpe̍k.

28:27 Inūi in ê tūn, hīkhang tāng, ba̍kchiu khehkheh; khióngkiaⁿ in ê ba̍kchiu khòaⁿtio̍h, hīkhang thiaⁿtio̍h, simlāi bêngpe̍k, Góa chiū ē ihó in.

28:28 Só͘í lín tio̍hài chai, Siōngchú ê kiùun taⁿ íkeng thoân hō͘ chēchē gōakok lâng, in mā thiaⁿtio̍h à.

28:29 Pólô kóng chiahê ōe liáu, Iûthàilâng chiū gīlūn hunhun līkhui.

28:30 Pólô tòa tī katī cho͘ ê chhù chiokchiok ū nn̄gnî kú, mā chiapthāi só͘ū lâi chhōe i ê lâng.

28:31 I ióngkhì cha̍pchiok thôaⁿkóng Siōngchú ê koktō͘, iā kàutō koanhē Chú Iaso͘ ê sū, pèngbô lâng kā kìmchí.

          2025.09.19. Siukái tī Lâmthâm