Mákhó Hokimsu Te Chhit Chio͘ⁿ

7:1 Ū kúiê Hoatlīsàilâng kap kúiê kàusu chòhóe tùi Iâlō͘satléng lâikàu Iaso͘ hia.

7:2 In bat khòaⁿkìⁿ I ê ha̍kseng ū ê ēng bô chhengkhì ê chhiú, chiūsī bô séchhiú leh chia̍hpn̄g.

7:3 Inūi Hoatlī-sàilâng hām Iûthàilâng lóng ē siú kó͘chálâng ê si̍pkoàn, chhiú nā sé bô chhengkhì chiū bô chia̍hpn̄g;

7:4 khì chhàichhīá tńglâi, nābô sésengkhu mābô chia̍hpn̄g, iáuū chēchē kîthaⁿ ê kuikí, lóngsī chi̍ttâi chi̍ttāi chiàulē chunsiú, liân sé poeá, koàná, tangkhì téng mi̍hkiāⁿ iāsī.

7:5 Hoatlīsàilâng kap kàusu mn̄g I kóng:” Lí ê ha̍kseng sīánchóaⁿ bô chiàu kó͘chálâng ê si̍pkoàn, ēng bô chhengkhì ê chhiú chia̍hpn̄g?”

7:6 Iaso͘ ìn: “ Ísàiasu chí tioh lín chia ê kémō͘ûisiān ê lâng só͘ kóng ê , kóng kah chinhó. chhehlāi áne kóng:” Chiaê pehsèⁿ ēng chhùi chunkèng Góa, sim kio̍k lī Góa hn̄ghn̄g.

7:7 In ēng lâng ê kuikí tòngchò chintō lâi kàutō lâng, só͘í kèngpài Góa iāsī khangkhang.

7:8 Inūi lín íkeng khìsak Siōngchú ê kàibēng, kanta siú lâng só͘ hoanhù ê;

7:9 Koh kóng:” Lín sī chinchiàⁿ khìsak Siōngchú ê kàibēng, kanta beh siú lâu hō͘ lín ê si̍psiok.

7:10 Mô͘se kóng:【Tio̍h iúhàu pēbó.】; koh kóng【Chiùchhàm pēbó ê , tio̍h chiong i chhúsí hêng.】

7:11 lín tiantó kóng:”Lâng nā tùi katī ê pēbó kóng: Góa só͘ engkai hō͘ lín ê iónglókim, íkeng hōnghiàn hō͘ Siōngchú à.”

7:12 Áne lín chiū m̄chún i hûióng i ê pēbó.

7:13 Che chiūsī lín siú si̍psiok, khìsak Siōngchú ê tōlí ê chèngkù. Lín iau chò chēchē lūisū ê tāichì.”

7:14 Iaso͘ koh oatkòelâi ǹg kûnchiòng, tùi in kóng:” Lín tio̍h chùì thiaⁿ Góa só͘ kóng ê ōe, koh tio̍hài liáukái.

7:15 Hoânnā tùi lâng ê gōabīn ji̍pkhì ê, bē hō͘ hitê lâng acha, chíū tùi lāibīn chhutlâi ê chiahē.

7:16 Ū hīⁿkhang thang thiaⁿ ê, tio̍h chùì thiaⁿ.”

7:17 Iaso͘ līkhui in, ji̍pkhì chhùlāi, ha̍kseng lâi mn̄g I túchiah só͘ kóng ê ìsù sī siáⁿmih.

7:18 Iaso͘ sûi ìn in:” Liân lín iā chiahní bô tìhūi? Chinchiàⁿ bē liáukái hoânnā tùi lâng gōabīn ji̍pkhì ê bē hō͘ lâng acha ò͘?

7:19 Inūi m̄sī ji̍pkhì tī i ê sim, sī ji̍pkhì tī paktó͘, chòeāu pàng tī bétháng.” I áne kóng sī chí só͘ū chia̍h ji̍pkhì ê mi̍hkiāⁿ lóng íkeng sī chhengkhì ê.

7:20 Koh kóng:” Tùi lâng lāibīn chhutlâi ê chiahē hō͘ lâng acha,

7:21 Inūi lāibīn chiūsī tùi lâng ê lāisim hoat chhutlâi ê pháiⁿ liāmthâu, suthong,

7:22 thauthe̍h, thâilâng, kanîm, thamchîⁿ, siâok, chàkhi, hó͘ⁿsek, chi̍ttò͘, húipòng, kiaungō͘, cháuhóe ji̍pmô͘.

7:23 Chia̍h só͘ū ê pháiⁿ lóngsī tùi lāibīn chhutlâi ê, chiahē hō͘ lâng acha khì.”

7:24 Iaso͘ tùi hia khíkiâⁿ, ǹg Thàiní, Setùn ê só͘chāi khì, ji̍pkhì tòa tī chhùlāi, bô ài hō͘ lâng chaiiáⁿ, khiok amkhám bōetiâu.

7:25 Túhó ū chi̍tê chabó͘lâng, I ê sèhàn chabó͘kiáⁿ hō͘ pháiⁿmi̍há tîⁿtio̍h, chaiiáⁿ Iaso͘, chiū lâi kūi tī I ê khachêng.

7:26 Chitê chabó͘lâng sī Hiliap lâng, siok Sūlīhuinîki ê cho̍k; i kiû Iaso͘ chiong pháiⁿmi̍há kóaⁿ līkhui in châkiáⁿ.

7:27 Iaso͘ tùi i kóng:” Tio̍h ài hō͘ jîlú seng chia̍hpá, theh jîlú ê piáⁿ hiat hō͘ káuá chia̍h sī m̄tio̍h eh.”

7:28 Chabó͘lâng ìn I:” Chú à! Bôm̄tio̍h, khaksi̍t sī áne; m̄ku káuá mā ētàng tī tohàkha chia̍h hitê gíná laklo̍hlâi ê piáⁿiùá.”

7:29 Iaso͘ chiū tùi i kóng:” Inūi chitkù ōe, lí thang tńgkhì; tháikokúi íkeng līkhui lín chabó͘kiáⁿ à.”

7:30 I tńgkhì chhù, khòaⁿtio̍h gíná tó tī bînchhn̂g téng, tháikokúi íkeng līkhui à.

7:31 Iaso͘ koh līkhui Thàiní, kengkòe Setùn, ān Tekapholī ê tiongng lâi kàu Kalīlī ô͘.

7:32 Ū lâng chhōa chi̍tê hīⁿkhang kap nââu lóng sitkhì konglêng ê lâng lâi chhōe Iaso͘, kiû I ēng chhiú hōaⁿ tī chitê lâng sinchiō͘ⁿ lâi kîtó.

7:33 Iaso͘ khan I līkhui chènglâng, khì lēnggōa chi̍tpiⁿ, ēng chéngthâuá chhi̍h I nn̄gpêng ê hīⁿkhang, koh ēng katī ê chéngthâuá ún chhùinōa boah tī i chhùichi̍h ê thâuchêng,

7:34 Kia̍hthâu ǹg thiⁿ suh chi̍tê tōakhùi, liânāu tùi I kóng: ” Íhoattāi! ” Ìsù chiūsī “khui khílâi! ”

7:35 Hitê lâng ê hīⁿkhang sûi khuikhì, chhùichi̍h mā lēngkhì, ōe iā kóng kah chin chhengchhó.

7:36 Iaso͘ kautāi in mài tùi lâng kóngkhí chithāng sū, tānsī i jū kautài, in jū sìkòe khì kóng hō͘ lâng chai.

7:37 Thiaⁿtio̍h ê lâng lóng kámkak chin hihán, kóng : ” I só͘ chò ê sū lóng sī hó, liân hīⁿkhang pháiⁿkhì ê iā ē thiaⁿkìⁿ, bē kóngōe ê iā ē kóng. ”

            2025.10.08. Siukái tī Lâmthâm