Mákhó Hokimsu Tē La̍k Chioⁿ

6:1 Iaso͘ līkhui hia, lâikàu katī tōahàn ê só͘chāi, ha̍kseng iā tòe I khì.

6:2 Kàu anhiohji̍t, I ji̍pkhì hōetn̂g tī hia kángkái Kengchheh. Ta̍kê thiaⁿliáu lóng kámkak chin sinsián, kóng:” Chitê lâng sī tùi tóūi o̍htio̍h chiaê tìsek? Koh só͘sù hō͘ I ê tìhūi īs siok tó chi̍tkhoán? I chhiú só͘ chò ê tōa tāichì itpoaⁿ lâng kam ēhiáu ?

6:3 Chitê lâng kam m̄sī ba̍kchhiōⁿ? Málīa ê kiáⁿ, Ngákok, Iokse, Iûtāi, Sebûn ê tōahiaⁿ mah? I hiaê siómōe kamm̄sī mā kap lán chòhóe tī chia ?” In chiū inūi ahne lâi thóià I, khòaⁿ I bôtiám.

6:4 Iaso͘ chiū kā in kóng:” Chò sianti ê, tī púntē, púncho̍k, katī ê ke ígōa, bôm̄sī siū chuntiōng ê.”

6:5 Iaso͘ tī hia bētàng kiâⁿ símmi̍h tōa tāichì, kahnā hōaⁿchhiú tī kúiê pēⁿlâng ê sinchioⁿ, lâi ihó in.

6:6 I mā ūitio̍h in ê m̄sìn kámkak chin ìgōa, chiū khì hūkīn ê chngthâu soankáng Siōngchú ē ōe.

6:7 Iaso͘ tiàuchi̍p cha̍pjī ê ha̍kseng, phài in nn̄gê nn̄gê chhutkhì, iā hō͘ in koânpèng thang chèho̍k siâsîn;

6:8 koh kautài in:” Lín tī lúhêng ê sî, mbián tòa lioⁿsit, mā m̄bián tòa chîⁿtēá, tûliáu koáiⁿá ígōa, siáⁿmih lóng bián ,

6:9 kahnā chhēng chhiánthoa, iā m̄bián chhēng lāisaⁿ ,”;

6:10 koh tùi in kóng:” Lín bôlūn khì kàu tóūi, ji̍pkhì lâng ê chhù, chiū tòa tī hia, ti̍tkàu līkhui ê sî.

6:11 Bôlūn tóūi ê lâng, bô chiapthāi lín, ásī m̄ thiaⁿ lín khoànkái ê ōe, tng lín līkhui hia ê sî, tio̍h ēng siangkha chàmchàmleh, hō͘ khaté ê thô͘hún kala̍uh, kā in chò chèng.”

6:12 Ha̍kseng chiū chhutkhì thoân hósiausit, pò lâng lâi hóekái,

6:13 koh kóaⁿchhut chēchē siâsîn, iā ēng iû lâi boah chinchē pēⁿlâng, ihó in.

6:14 Iaso͘ ê miâsiaⁿ íkeng thoân chhutkhì. Hilu̍tông thiaⁿkìⁿ, chiū kóng:” Kiâⁿsélé ê Iokhān tùi sílâng tiong oa̍h khílâi à, só͘í chia̍hê tōa tāichì chioh tio̍h i kiâⁿ chhutlâi.”

6:15 M̄ku ū pa̍têlâng kóng:” Sī Ílīa.” Sī sianti, chin chhio͘ⁿ sianti tiong ê chi̍tê.”

6:16 Tānsī Hilu̍t thiaⁿliáu iáusī kóng:” Sī hō͘ góa thâisí ê Iokhān, i oa̍h khí lâi à.”

6:17 Hilu̍t inūi chhimchiàm i ê hiaⁿtī Huile̍k ê bó͘ Hilôtí lâi chò bó͘ ê goânin, phàilâng khì lia̍h Iokhān, chiong i koaiⁿ loh kaⁿlô ka pak khílâi.

6:18 Inūi Iokhān kongkhai hoántùi kóng:” LÍ chhōa líê hiaⁿtī ê bó͘ sī bô ha̍phoat ê.”

6:19 Só͘í Hilôtí iā oànhīn i ,phahsǹg beh thâi i, khiok inūi Hilu̍t bētàng hēchhiú;

6:20 inūi Hilu̍t chaiiáⁿ Iokhān sī chi̍tê chèngti̍t ê lâng, sī sèngjîn, só͘í kèngùi I, póhō͘ i, iā chinài thiaⁿ i kánglūn, suibóng ta̍kpái thiaⁿliáu simlāi chin putan.

6:21 Chinhó ê kihōe lâi à, chiūsī tī Hilu̍t seⁿji̍t hitji̍t, ū pāntoh chhiáⁿ bûnbú pahkoaⁿ, hām Kalīlī ê léngsiù.

6:22 Hilôtí ê chabó͘kiáⁿ ji̍plâi iânsia̍h ê tiongkan thiàubú, hō͘ Hilu̍t kap siangtoh ê lângkheh lóng chin móaì. Ông chiū tùi i kóng:” Bôlūn lí ka góa thó siáⁿmih, góa lóng tahèng.”

6:23 Koh tùi I chiùchōa :” Sûichāi lí kiû, chiūsī liân góa kokka ê chi̍tpòaⁿ, góa mā hō͘ lí.”

6:24 I chiū cháu chhutkhì mn̄g i ê lāubú:” Góa kā thó siáⁿmih khahhó?” “ Kiâⁿsélé Iokhān ê thâu” In lāubú áne èng.

6:25 I sûi ji̍pkhì kìⁿ ông, kóng :” Chhiáⁿ ông cheksî chiong kiâⁿsélé Iokhān ê thâukhak khǹg tī pôaⁿàténg hō͘ góa.”

6:26 Ông inūi i só͘ chiù ê chōa, lāisim kankhó͘ kah bēhiáu kóng, koh inūi siàngtoh ê lângkheh ê iânkò͘, chiū bô ka kūchoa̍t,

6:27 sûi phài chi̍tê ōepeng thoânlēng khì theh Iokhān ê thâu. Ōepeng chiū khì kaⁿlô chām Iokhān ê thâu.

6:28 Chiong thâu khǹg tī pôaⁿáténg, phânglâi hō͘ chabó͘gíná, i chiū thehkhì hō͘ in lāubú.

6:29 Iokhān ê ha̍kseng thiaⁿtio̍h siausit, chiū khì niá i ê sinsi, chòng tī bōngnih.

6:30 Sútô͘ chūchi̍p tī Iaso͘ bīnchêng, chiong itchhè só͘ chò ê sū kap só͘ thoân ê tōlí, lóng kā I pòkò.

6:31 I chiū kóng:” Lín kap góa tiāmtiāmá lâikhì khòngiá hio̍h chi̍tē.” Inūi tī hia lâióng ê lâng chinchē, soah hō͘ in liân chia̍hpn̄g ê sîkan iābô.

6:32 In chiū chēchûn tiāmtiāmá khì khòngiá.

6:33 Chènglâng khòaⁿtio̍h in chhutkhì, ū chinchē lâng bat in, chiū tùi ta̍ksiâⁿ kiâⁿchhutlâi, chòhóe cháukhì in beh khì ê só͘ chai, jîchhiáⁿ pí in khak chá kàuui.

6:34 Iaso͘ chi̍tē kàu, khòaⁿkìⁿ chiah tōatīn ê lâng, chiū lînbín in, inūi in náchhiō͘ⁿ bô lâng chhī ê iô͘ⁿ chi̍tiō͘ⁿ, chiū khaisí kángkái Siōngchú ê ōegú.

6:35 Kàu kah thiⁿsek àm à, ha̍kseng kiâⁿóalâi kóng:” Chia sī khòngiá, thiⁿ mah íkeng àm,

6:36 thang hō͘ in līkhui, khì hùkīn ê chngthâu, katī bé mi̍hkiāⁿ lâi chia̍h.”

6:37 Tānsī Iaso͘ ìn:” Lín hō͘ in chia̍h.” Ha̍kseng sûi kóng :” Háⁿ? Lí sī ài goán ēng nn̄gpahlióng gîn khì bé tōapiáⁿ lâi hō͘ in chia̍h sī bô?”

6:38 Iaso͘ mn̄g in:” Lín ū lōachē piáⁿ? Khì khòaⁿ māi leh !” Tī in chai ê sî, chiū kóng:” Lóng-chóng ū gō͘tè piáⁿ, nn̄gbóe hî.”

6:39 Iaso͘ kautài in, hō͘ só͘ū ê lâng lóng chē tī chháupo͘á téng.

6:40 Ta̍kê chiū chi̍tpâi chi̍tpâi chē lo̍hlâi, ūê chi̍tpah ê, ū ê gō͘cha̍p ê.

6:41 Iaso͘ chiū theh hit gō͘tè piáⁿ kap nn̄gbóe hî khílâi, ba̍kchiu ǹg thiⁿ lâi kámsiā , jîchhiáⁿ chiong piáⁿ pehkhui theh hō͘ ha̍kseng, pun hō͘ ta̍kê, iā chiong hit nn̄gbóe hî pehkhui pun hō͘ in.

6:42 Ta̍kê lóng ū thang chia̍h, koh chia̍h chin pá.

6:43 Ha̍kseng chiū chiong hiaê chia̍h chhun ê piáⁿ kap hî khiohkhílâi, tè bóaⁿ cha̍pjī khā nâá.

6:44 Chòhóe tī hia chia̍h piáⁿ ê chapo͘è lóngchóng ū gō͘chheng ê.

6:45 Iaso͘ sûi chhuipek ha̍kseng chiō͘ⁿ chûn, seng khì tùibīnhōaⁿ Peksàitāi hia, I lâu lo̍hlâi kiò chènglâng līkhui.

6:46 Iaso͘ hām chènglâng kòsî liáu, chiū chiō͘ⁿsoaⁿ khì kîtó.

6:47 Kàu thiⁿ íkeng àm ê sî, ha̍kseng chē ê chûn, kò kàu ô͘ ê tiongng, tānsī Iaso͘ katī iau tī hōaⁿpiⁿ;

6:48 I chi̍tē khòaⁿtio̍h ha̍kseng inūi tútio̍h tùibīn hong, chûn kò lóng bē kiâⁿ, iā kò kah chin sinkhó͘. Hitsî íkeng thàumê chitnn̄gtiám, Iaso͘ chiū kiâⁿ chiō͘ⁿ chúibīn ǹg in hia khì, beh tùi in piⁿá kengkòe.

6:49 Ha̍kseng chi̍tē khòaⁿtio̍h I tī chúibīn leh kiâⁿ, lia̍hchò sī kúihûn, chiū tōasiaⁿ hoah chhutlâi,

6:50 inūi in ta̍kê lóng ū khòaⁿkìⁿ I, koh kiaⁿ kah phīphīchhoah. Iaso͘ sûi tùi in kóng:” Anlà! Sī góa, bián kiaⁿ.”

6:51 Chiū kiâⁿ ǹg in hia khì, chiō͘ⁿ liáu chûn, hongéng iā tiāⁿkhì, in simlāi lóng chôaⁿ tio̍h chi̍tkiaⁿ.

6:52 Chesī inūi in iau bōe liáukái Iaso͘ tī punpiáⁿ ê sī só͘ hoat-seng ê sū, simsu iau bōe khui.

6:53 In kòe ô͘ liáu, chûn kiâⁿ kàu Keknîsatle̍k ê só͘chāi, chiū chiō͘ⁿhōaⁿ,

6:54 chi̍tē loh chûn, sìûi ê lâng jīnchhut sī Iaso͘,

6:55 in chiū tī hit só͘chāi cháu tháuthàu, thiaⁿtio̍h I kiâⁿ kàu tóūi, chiū chiong ū pēⁿ ê lâng ēng chhn̂gpho͘ kng khì hia.

6:56 Hoânnā Iaso͘ só͘ kàu ê só͘chāi, bôlūn īs chngálāi, ásī siâⁿnih, he̍ksī chngkha, in lóng chiong pēⁿlâng khǹg tī kelō͘ piⁿ, kiû Iaso͘ hō͘ in bong I ê saⁿáku, hiaê ū bongtio̍h Iaso͘ ê , in ê pēⁿ lóng hókhì.

    2025.10.02. Siukái tī Lâmthâm