Mákhó Hokimsu Tē Cha̍psì Chio͘ⁿ

14:1 Koh nn̄gji̍t chiūsī Pôaⁿkòechiat, māsī Tûkàⁿcheh, chèsithâu hām kàusu chhamsiông beh ēng siáⁿmih kúikè thang lia̍h Iaso͘, lâi hāi sí I.

14:2 In lóng tôngì: ” Mài tī chiatkî ê tiongkan chìnhêng, kiaⁿ bînchiòng ē loān khílâi. ”

14:3 Hitsî Iaso͘ tī Pektāinî, khì bat hoāntio̍h phôehupēⁿ ê Sebûn in tau chia̍hpn̄g ê îs, ū chi̍tê hūlú kōaⁿ chi̍tkoàn ge̍kpân, lāibīn té chinkùi ê Náta̍t chengiû kiâⁿ ji̍plâi, tī Iaso͘ ê bīnchêng khàphòa ge̍kpân, kā chengiû tó tī I ê thâukhak téng.

14:4 Kîtiong ū chi̍tkóa lâng khòaⁿtio̍h chin bē sóngkhoài, kóng: ” Ūisiáⁿmi̍h lōnghùi chiahē chengiû?

14:5 Chitkoàn ētàng bē saⁿpah gōa ê gîná, thang pun hō͘ sànchhiahlâng. ” Só͘í tùi i se̍hse̍hliām.

14:6 Iaso͘ kóng: “ Sûi chāi i khì chò! Lín sī ánchóaⁿ kā tòng? I só͘ chò tī Góa sinchio͘ⁿ ê sī chi̍thāng hósū.

14:7 Inūi tī lín ê chiuûi tiāⁿtiāⁿ ū sànchhiahlâng, behkhì kā tàukhachhiú sûisî lóng ētàng, m̄ku Góa bô tiāⁿtiāⁿ tī lín tiongkan.

14:8 I chò chiaê sī íkeng chīn i ê khùila̍t à, i sī ūitio̍h Góa síāu lo̍hchòng, seng kā chengiû lâm tī Góa ê sinchio͘ⁿ.

14:9 Góa chin khéngtēng kā lín kóng, Hokim bô-lūn thoân kàu choân sèkài ê tóchi̍t kaklo̍h, lóng ē thêkhí chitê hūlú só͘ chò ê, lâi kìliām i. ”

14:10 Iaso͘ ê cha̍pjī ê ha̍kseng tiongkan, ū chi̍tê Kalio̍k lâng kiòchò Iûtāi, khì chhōe chèsitio͘ⁿ, kóng i beh kā Iaso͘ kau hō͘ in.

14:11 In thiaⁿliáu putchí hoaⁿhí, iā tahèng kàusî ē hō͘ i chîⁿ; Iûtāi chiū khì siòng khòaⁿ ū siáⁿmih sektòng ê kihōe thang kā Iaso͘ kau hō͘ in.

14:12 Tûkàⁿcheh ê thâu chi̍t ji̍t, sī thâi Pôaⁿkòecheh ê iûⁿákiáⁿ ê ji̍t, ha̍kseng mn̄g Iaso͘: ” Góan tio̍h khì tóūi ūi Lí chúnpī chia̍h Pôaⁿkòecheh ê àmtǹg,

14:13 Iaso͘ chiū phài nn̄gê ha̍kseng, hoanhù in: ” Lín ji̍pkhì siâⁿlāi ê sî, ē hām chi̍tê kōaⁿ chi̍tkoàn chúi ê lâng siotú, lín chiū tòe i kiâⁿ.

14:14 Bôlūn i ji̍pkhì tó chi̍tkeng chhùlāi, lín chiū tùi chhù ê chúlâng kóng:「Lāusu kóng: Góa ê khehthiaⁿ tī tóūi? Góa kap Góa ê ha̍kseng beh tī tóūi chia̍h Pôaⁿkòecheh ê àmtǹg?」

14:15 I ē pò lín khòaⁿ lâuténg chi̍tkeng íkeng pò͘tì hósè ê tōathiaⁿ, lín sûi tiàm hia chúnpī lán ê àmtǹg. ”

14:16 Hit nn̄gê ha̍kseng chiū chhutkhì, kiâⁿli̍p siâⁿlāi, só͘ hoatseng ê tāichì túhó chhinchhiūⁿ Iaso͘ só͘ kā in kóng ê. In chiū tī hia kā Pôaⁿkòecheh ê àmtǹg khoán hō͘ hósè.

14:17 Kàu tī àmsî, Ia-so͘ hām cha̍pjī ê ha̍kseng kàuui.

14:18 In chē lo̍hlâi leh chia̍hpn̄g ê sî, Iaso͘ kóng: ” Góa si̍tchāi kā lín kóng, tī lín kap Góa chòhóe leh chia̍hpn̄g ê lâng tiong-kan, ū chi̍tê ē chhutbē Góa.

14:19 In soah khí hoanló, chi̍tê chi̍tê mn̄g I kóng: ” Kámsī góa? ”

14:20 Iaso͘ ìn in: ” Sī lín tiongkan hitê hām Góa ún tī siang chi̍ttè pôaⁿálāi hitê.

14:21 Góa ē tú chiàu kengchheh só͘ kìchài ê siū sí, m̄ku chhutbē Góa ê ē chinchhám! I lēngkhó͘ bô lâi chhutsì iau khahhó. ”

14:22 In iau teh chia̍h ê sî, Iaso͘ theh piáⁿ khílâi, chioksiā liáu chiū pékhui, pun hō͘ in, kóng: ” The̍hkhì chia̍h, chesī Góa ê sengkhu. ”

14:23 Koh phâng poe khílâi, chioksiāliáu, pun hō͘ ha̍kseng, in mā lóng lim lo̍hkhì.

14:24 Iaso͘ kóng: ” Chesī Góa li̍piok ê hoeh, ūitio̍h chēchē lâng lâu chhutlâi ê.

14:25 Góa chin khéngtēng kā lín kóng, Góa bē koh lim chitê poe, ti̍tkàu Góa tī Siōngchú ê kok lim sinê chiú hit ji̍t, chiah ē. ”

14:26 In gîmsi soah, chiū chhutmn̂g, kiâⁿkhì Kaⁿnásoaⁿ.

14:27 Iaso͘ kā in kóng: ” Kàusî lín lóng ē sitchì, inūi kengchheh ū áne siá: Góa beh phahtó kò͘iô͘ⁿê, I ê iô͘ⁿ chiū sìsòaⁿ khì.

14:28 M̄ku Góa kohoa̍h í-āu, beh tāiseng lín khìkàu Kalīlī. ”

14:29 Pítek kóng; ” In suijiân ē sitchì, nāsī góa ittēng bē áne. ”

14:30 Iaso͘ tùi i kóng: ” Góa chin khéngtēng kā lí kóng, chiū sī kinàm tī ke thî nn̄gpai chìnchêng, lí ē saⁿpái m̄ jīn Góa. ”

14:31 Pí-tek khiok ēng kohkhah kiankoat ê kháukhì kóng: ” Góa nāsī tio̍hài kap Lí chòhóe sí, iā ittēng bē bô jīn Lí. ” Chhunê ha̍kseng mā lóng áne kóng.

14:32 In lâikàu chi̍tê hōchò Kheksemánî ê só͘chāi. Iaso͘ kā ha̍kseng kóng: ”Lín chē tiàm chia, tán Góa khì kîtó. ”

14:33 Chôaⁿ chhōa Pítek, Ngákok, Iokhān chòhóe kiâⁿ, chiū khaisí kiaⁿhiâⁿ, chin kiônglia̍t ê thàngthiàⁿ tùi Iaso͘ ê simkoaⁿthâu chhèng chhutlâi,

14:34 kā in kóng: ” Góa ê sim hoanló kah tehbeh sí à; lín tiàm chia tán Góa. ”

14:35 I chiū ǹg thâuchêng kiâⁿ, phak tī thô͘kha, kîkiû hō͘ I ēsái m̄bián tútio̍h hittōaⁿ sîkan.

14:36 Iaso͘ kîtó kóng: ” A-pa! Pē à! Lí bānhāng sū lóng ē, kiû Lí kā chitê poe sóakhui, m̄ku, m̄sī chiàu Góa ê ìsù, sī chiàu Lí ê anpâi. ”

14:37 Iaso͘ kòelâi ha̍kseng hia, khòaⁿ in lóng leh khùn, chiū kā Pítek kóng: ” Sebûn, lí leh khùn ò͘ ? Kám bētàng chhengchhéⁿ siókhóa sîkan ?

14:38 Lín tio̍h kéngséng kîtó, chiah bē tútio̍h chhìthàm. Lín ê simsîn suijiân goānì khìchò, m̄ku jio̍kthé khiok nńgchiáⁿ. ”

14:39 Iaso͘ koh khì kîtó, tùi Siōngchú kóng ê ōe, hām túchiah siāngkhoán,

14:40 I koh kòelâi, khòaⁿ in siāngkhoán leh khùn, inūi in ba̍kchiu sngsiap, in mā m̄chai beh ánchóaⁿ ìn.

14:41 I tēsaⁿ pái kòelâi, kā in kóng: ” Chitmá lín iáuteh khùn, iáuteh hioh o͘h? Hó à, sîkan kàu à! Khòaⁿ leh! Góa hō͘ lâng chhutbē kàu tī chōejîn ê chhiúthâu.

14:42 Kín khílâi! Lán līkhui chia. Lín khòaⁿ, hitê pōephoān Góa ê kiâⁿ óa lâi à! ”

14:43 Iaso͘ iáuleh kóng ê sî, cha̍pjī ê ha̍kseng tiongkan ê Iûtāi hutjiân chhuthiān, kohū tùi Chèsi-thâu, kàu-su, hām tiúⁿló phàilâi ê chi̍t tōatīn lâng, kiah to hām kùná tòe i lâi.

14:44 Hitê bē Iaso͘ ê lâng bat hō͘ in chi̍tê àmhō, sī: “ Góa kap siáⁿlâng chimchhùi, hitê chiūsī I. Lín sûi kā lia̍h khílâi, sèjī chhōa khì. ”

14:45 Iûtāi kiâⁿ kàuui, chhōe tio̍h Iaso͘, sûi kiò chi̍tsiaⁿ: ” Lāusu! ” Chiū chim I.

14:46 Hittīn lâng chiū chhutchhiú kā lia̍h khílâi.

14:47 Khiā tī hia ê lâng, ū chi̍tê poeh to chhutlâi, phut tio̍h Tōachèsi ê po̍kjîn, kā i ê hīⁿá siah lo̍hlâi.

14:48 Iaso͘ tùi in kóng: “Lín chahto kiah kùná lâi lia̍h Góa, náchhiō͘ⁿ leh lia̍h kiôngtō leh?

14:49 Góa chitkúiji̍t kap lín tī sèngtiān lāi, mā leh kàutō lâng, lín m̄ lâi lia̍h Góa. Chitmá áne sī leh ènggiām kengchheh só͘ kì-chài ê. ”

14:50 Hitsî só͘ū ê ha̍kseng lóng siámkhui, sûilâng sìsòaⁿ.

14:51 Túhó ū chi̍tê siàuliânlâng bô chhēngsaⁿ, kanā moaⁿ chi̍ttè iùtē pò͘ tòe tī Iaso͘ āubīn, in chiū beh lia̍h i.

14:52 I chôaⁿ kā iùtē pò͘ pàng khì, lóng bô chhēngsaⁿ tôcháu.

14:53 Iaso͘ pī in lia̍h kàu Tōachèsi hia ê sî, só͘ū ê chèsi tió͘ⁿ, tio͘ⁿló hām kàusu iā íkeng chūchi̍p chòhóe.

14:54 Siângsī Pítek iā thauthauá tòe Iaso͘, chôaⁿ kiâⁿ ji̍pkhì tī Tōachèsi ê tiâⁿnih, kap hiaê lâng chē tī hóelô͘piⁿ leh hanghóe.

14:55 Hiāntiô͘ⁿ ê chèsitió͘ⁿ kap gīoân lóng teh chhōe khòngkò Iaso͘ ê chèngkù, thang hāisí I, m̄ku chhōe bô pòaⁿhang.

14:56 Suijiân chinchē lâng thêchhut chèngkù, inūi lóng sī ké ê, soah tàu bē óalâi.

14:57 Soahloh koh ū kúiāê khiā khílâi chò ké kiànchèng khòngkò Iaso͘ kóng:

14:58 “Goán ū thiaⁿtio̍h I kóng : ”「Góa beh thiahhúi chitkeng ēng lâng ê chhiú só͘ khí ê tiān, saⁿji̍t lāi koh lēnggōa khí chi̍tchō m̄sī ēng lâng ê chhiú só͘ khí ê.」”

14:59 In ê chèngsû suijiân kóng kah áne, mābô ittì chàntông.

14:60 Tōachèsi khiā khílâi khì tī chènglâng kap Iaso͘ ê tiongkan, mn̄g Iaso͘ kóng : ” Lí lóng m̄ chhutsiaⁿ sī-bô? Chiaê chíkhòng Lí ê chèngsû sī siáⁿmih ? ”

14:61 I tiāmtiām bô ìn, liân chi̍tkū mā bô. Tōachèsi koh mn̄g I : ” Lí chūchheng sī hitūi engkai siū siòngchàn ê ê kiáⁿ, sī Kiùsèchú sī bô? ”

14:62 Iaso͘ ìn : ” Góa chiū sī. Lín beh khòaⁿkìⁿ Góa chē tī Koânlêngchiá ê chiàⁿpêng, hō͘ thiⁿténg ê hûn chái lâi lín tiongkan. ”

14:63 Tōachèsi sûi thiahli̍h i só͘ chhēng ê gōasaⁿ, kóng : ” Lán kám koh suiàu siáⁿmih chèngjîn? ”

14:64 Lín íkeng thiaⁿtio̍h I kóngchhut siatto̍k Siōngchú ê ōe à. Lín ū siáⁿmih ìkiàn ? ”In lóng gīkoat engkai kā I chhúsí.

14:65 Sūi ū lâng tùi I ê bīn phùinōa, koh ng I ê bīn, sòalo̍h ēng kûnthâubó cheng I, chhòngtī I kóng: ” Lâi ioh siáⁿlâng cheng LÍ ! ” Chi̍tkóa siúūi mā óalâi, ēng chhiú siàn I.

14:66 Pítek iau tī tiâⁿgōa ê sî, ū chi̍tê Tōachèsi ê lúpī kiâⁿlâi,

14:67 khòaⁿtio̍h Pítek leh hanghóe, chiū itti̍t siòng i, chôaⁿ kóng : ” Lí ithiòng māsī kap Násatle̍k lâng Iaso͘ chòtīn ê. ”

14:68 Pítek sūi hó͘ⁿjīn kóng: ” Gôa m̄chai, mā thiaⁿbô lí leh kóng siàⁿ. ” Sūi līkhui hia, kiâⁿkàu chêngtiâⁿ ê sî, ke chiū thî à.

14:69 Hitê lú-pī khòaⁿtio̍h i, koh kā khiā tī piⁿá ê lâng kóng: ” Chitê māsī kap in siāng tóng ê. ”

14:70 Pítek koh hó͘ⁿjīn. Kòe bô lōakú, khiā tī piⁿá ê lâng koh chí Pítek kóng: ”Lí sī kap in siangtóng ê bô m̄tio̍h! inūi lí sī Kalīlī lâng. ”

14:71 Pítek soah chiùchōa kóng: ” Lín leh kóng ê chitê lâng, góa m̄bat I. ”

14:72 Ke sūi thî, chesī tējīpái. Pítek siō͘ⁿkhí Ia-so͘ kā i kóng ê : ” Ke thî nn̄gpái chìnchêng, Lí ē saⁿpái m̄ jīn Góa. ” chiū háu chhut-lâi.

         2025.12.17. Siukái tī Lâmthâm