5 : 1 Tng Iaso͘ khiā tī
Keknîsatle̍k ô͘ ê hōaⁿpiⁿ , tāike lóng kheh óa lâi , ài beh thiaⁿ
Siōngchú ê ōe .
5 : 2 I khòaⁿtio̍h nn̄g chiah chûn
khò tī hōaⁿpiⁿ , chûn téng ê lâng lóng lo̍h chûn khì sé hîbāng .
5 : 3 Kîtiong chi̍t chiah sī Sebûn
ê , Iaso͘ chiū chiō͘ⁿ chûn , chhiáⁿ i kā chûn the khah khui hōaⁿpiⁿ siókhóa ,
chiū chē lo̍hlâi , tī chûnténg kap tāike hunhióng Siōngchú ê ōegú .
5 : 4 I hunhióng liáu chiū tùi
Sebûn kóng : ” Chhiáⁿ lí kā chûn the khì ô͘ khahchhim ê só͘ chāi , kā bāng
pha lo̍h khì . ”
5 : 5 Sebûn ìn I kóng : ” Lāusu ,
goán bôêng kuimê , lia̍h bô kúi bóe hî , m̄ku chiàu Lí kóng ê , góa chiū lâi
pha bāng . ”
5 : 6 Tng in ê bāng chi̍t ē
pha lo̍h khì , chiū bāng tio̍h chin chē hî , giú khí lâi ê sî , bāngá
hiámhiám li̍h khui ,
5 : 7 sūi kiò lēnggōa chi̍t chiah kòe lâi tàu thoa . In chiū kòe lâi tàu khachhiú kā hî thoa chiō͘ⁿ chûnténg . Hit nn̄g chiah chûn té kah tīⁿtīⁿtīⁿ , chûn chha chi̍t teà chiū tîm lo̍h .
5 : 8 Sebûn Pítek khòaⁿtio̍h
ánne , chiū lâi phak tī Iaso͘ ê kha chêng , kóng : ” Chú à ! Chhiáⁿ Lí
līkhui góa , inūi góa sī ū chōe ê lâng . ”
5 : 9 Sebûn kap chòhóe tī hia ê
lâng khòaⁿtio̍h pha kah chia̍h chē hî , lóng kámkak chin sinkî .
5 : 10 In tiongkan ū Sepíthài ê
kiáⁿ Ngákok hām Iokhān mā siāngkhoán ánne ê hoánèng . Iaso͘ tùi Sebûn
kóng : ” M̄ bián kiaⁿ, tùi taⁿ íāu , lí ē tittio̍h sèsiō͘ⁿ ê lâng . ”
5 : 11 In kā chûn thoa chiō͘ⁿ hōaⁿ
íāu , chiū chiong só͘ ū ê itchhè lóng páng tī hia , khì tòe Iaso͘ .
5 : 12 Ū chi̍t pái Iaso͘ tī bó͘
chi̍t ê siâⁿ , chi̍t ê choân sengkhu tio̍h phôehu pēⁿ ê lâng khòaⁿtio̍h I ,
chiū phak lo̍h khì tī thô͘ kha , kiû I kóng : ” Chú à! Lí nā khéng , góa chiū ē
oânchoân chhengkhì . ”
5 : 13 Iaso͘ chhun chhiú bong I ,
kóng : ” Góa khéng , lí ē cheksî tittio̍h chhengkhì . ” Hit ê pēⁿchèng chiū sūi án
i ê sengkhu oânchoân siausit .
5 : 14 Iaso͘ kautāi i : ” M̄ thang
kā lâng kóng , kánā khì hō͘ chèsi giām tó hō , iā tio̍h chiàu Mô͘ se ê kuitēng hōnghiàn
lémi̍h , tī chènglâng ê bīnchêng kiànchèng lí íkeng tittio̍h chhengkhì . ”
5 : 15 M̄ku Iaso͘ ê miâsiaⁿ jú
thoân jú hn̄g . Chin chē lâng kiâⁿ óa lâi thiaⁿ I ê hunhióng , mā ǹgbāng
tittio̍h I ê itī .
5 : 16 Iaso͘ hoántńg thè khì
khòngiá kîtó .
5 : 17 Ū chi̍t ji̍t , Iaso͘ leh
hunhióng ê sî , ū Hoatlīsài lâng hām kàusu chē tī piⁿá , in sī tùi
Kalīlī ê kok chngthâu kap Iûthài , Iâlō͘ satléng lâi ê . Siōngchú ê
lêngle̍k kap Iâso͘ tôngchāi , hō͘ I ētàng itī ū pēⁿ ê lâng .
5 : 18 Ū lâng ēng chhn̂gpho͘ kng
chi̍t ê tiònghong ê lâng , beh kā khǹg tī Iaso͘ ê bīnchêng ,
5 : 19 Inūi lâng chinchē , chhōe
bô lō͘ thang kng li̍p khì , chôaⁿ peh khì chhùténg , thiah chhùhiā , kā
chhn̂gpho͘ lūi lo̍h khì tī in tiongkan , túhó tī Iaso͘ ê bīnchêng .
5 : 20 Iaso͘ khòaⁿtio̍h in ê
sìnsim chiū tùi hit ê tiònghong ê kóng : ” Lí ê chōe tittio̍h siàbián à . ”
5 : 21 Kàusu kap Hoatlīsài lâng sūi ngâungâu liām : ” Kóng chit khoán siatto̍k ê ōe sī siáⁿlâng ?
Tûliáu Siōngchú ígōa , ū siáⁿlâng ētàng siàchōe ? ”
5 : 22 Iaso͘ chaiiáⁿ in ê simsu ,
chiū kóng:” Lín simlāi leh siō͘ⁿ siáⁿ ? ”
5 : 23 tàuté sī kóng「Lí ê chōe
tittio̍h siàbián」, ásī kóng「Lí peh khí lâi kiâⁿ」, khah kántan ?
5 : 24 Kantaⁿ beh hō͘ lín chai ,
Góa tī chit sèkan ū koân thang siàchōe . ” Sūi kā hit ê lâng kóng : ” Góa kā
lí kóng , khí lâi , kng lí ê chhn̂gpho͘ tńg khì lín tau ! ”
5 : 25 I tī tāike ê bīnchêng sūi
peh khí lâi , kiâ I ê chhn̂g pho͘ tńg khì, chiong êngkng kui hō͘
Siōngchú .
5 : 26 Tāi-ke lóng chin ìgōa , iā
chiong êngkng kui hō͘ Siōngchú , jîchhiáⁿ sim lāi ngiáungiáu chhoah , kóng :
” Goán kináji̍t khòaⁿtio̍h chin bô pêngsiông ê tāichì . ”
5 : 27 Chia̍h ê tāichì kòeliáu ,
Iaso͘ khòaⁿtio̍h chi̍t ê siu sòe ê koaⁿoân miâ chò Lībī , chē tī I ê
pānkong sek , chiū kā i kóng : ” Lí lâi tòe Góa ! ”
5 : 28 I kā só͘ ū ê tāichì kautài hó , chiū khí lâi tòe Iaso͘ .
5 : 29 Lībī tńg khì in tau pān
tōa tè toh chhiáⁿ Iaso͘ chia̍hpn̄g , ū i ê tôngsū kap pêngiú lâi kap in
chòhóe chia̍h .
5 : 30 Hoatlīsài lâng kap
kàu-su tùi Iaso͘ ê ha̍kseng se̍hse̍h liām , kóng : ” Lín sī ánchóaⁿ kap
siu sòe ê koaⁿoân , íkip ū chōe ê lâng chòhóe chia̍hpn̄g ? ”
5 : 31 Iaso͘ kā in kóng : ”
Kiānkhong ê lâng bô suiàu iseng , ū pēⁿ ê chiah suiàu .
5 : 32 Góa goânpún chiū m̄sī beh lâi
chio gīlâng hóekái , sī chio ū chōe ê lâng . ”
5 : 33 In ìn I : “ Iokhān ê
ha̍kseng tiāⁿtiāⁿ kímchia̍h kîtó , Hoatlīsài phài ê ha̍kseng mā sī áne
, chíū Lí ê ha̍kseng iā chia̍h , iā lim leh ? ”
5 : 34 Iaso͘ kā in kóng : ”
Sinlông kap lâi hō͘ i chhiáⁿ ê lâng chòhóe ê sî , lín kám ē kiò hia ê
lângkheh kímchia̍h ?
5 : 35 M̄ku sîkan nā kàu ,
sinlông ē tùi in tiongkan pī chhōa līkhui , hit ji̍t in chiū ē kímchia̍h . ”
5 : 36 Iaso͘ koh kóng chi̍t ê
phíjū : ” Bô lâng ē tùi chi̍t niá sin ê gōasaⁿ ka chi̍t-tè pò͘ , pó͘
tī kū ê gōasaⁿ , nā áne chò , hit niá sin gōasaⁿ m̄ niā ē phòakhì ,
hit tè pó͘ khí lih ê sinpò͘ ē kā kūsaⁿ thiah phòa .
5:37 Mā bô lâng kā sin ê chiú té tī
kū ê phôetēá , nāsī áne , sin ê chiú ē kā phôetēá piakli̍h , chiú chiū
lâu chhut lâi , phôetēá mā phòakhì .
5 : 38 Chóngkóng chi̍t kū , sin ê
chiú ittēng tio̍h té tī sin ê phôetēá .
5 : 39 Bô lâng lim tînnî ê chiú
liáuāu ē koh beh lim sin ê , inūi i ē kóng , ásī tînnî ê khah hó lim.
2019/01/20 2025.07.12. Siukái tī Lâmthâm
沒有留言:
張貼留言