Lō͘ka hokim su Tē sì chio͘ⁿ 路加福音 第四章

4 : 1 Iâso͘ hō͘ Sèngsîn chhiongmóaⁿ āu án Io̍ktàn hô tńg lâi , Sèngsîn chhōa I khì khòngiá , tī hia kengkòe sìcha̍p ji̍t kú , mô͘ kúi lâi chhìthàm I .

4 : 2 Tī chit tōaⁿ ji̍tchí lóng bô chia̍h mi̍hkiāⁿ, I chin iau .

4 : 3 Mô͘ kúi kā I kóng : ” Lí nā sī Siōngchú ê kiáⁿ , chiū hoanhù chit tè chio̍hthâu piàn chò piáⁿ . ”

4 : 4 Iâso͘ ìn I : ” Kengchheh ū kìchài : 「Lâng oa̍h leh , m̄ nā sī óakhò chia̍hmi̍h , iáu ū Siōngchú só͘ kóng itchhè ê ōe . 」”

4 : 5 Mô͘ kúi koh chhōa I peh chiō͘ⁿ koân soaⁿténg , chi̍t sùnkan kā thiⁿkha ē ê ta̍kkok kí hō͘ I khòaⁿ .

4 : 6 Koh tùi I kóng : ” Góa ē kā chiah ê itchhè koânpèng êngkng lóng hō͘ Lí , inūi che goânpún sī kau hō͘ góa , só͘ í góa ū koân koattēng beh hō͘ siáⁿlâng .

4 : 7 Lí nā lâi pài góa , chiah ē chiū lóngsī Lí ê . ”

4 : 8 Iâso͘ kā i kóng : ” Mô͘ kúi ! thèkhì ! Kengchheh mā kìchài : Tio̍h kèngpài lí ê Chú , lí ê Siōngchú , to̍kto̍k ho̍ksāi I chit ūi . ”

4 : 9 Mô͘ kúi koh chhōa I khì Iâlo͘ satléng , khiā tiàm sèngtiān siōng koân ê só͘ chāi , kā I kóng : ” Lí nā sī Siōngchú ê kiáⁿ , chiū kā thiàu lo̍h khì ,

4 : 10 Inūi kengchheh ū siá : 「Siōngchú ē ūitio̍h Lí lâi bēnglēng thiⁿsài khì póhō͘ Lí .

4 : 11 in ē ēng chhiú kā Lí tú tiâu leh , biántit Lí tǹg lo̍h khì thô͘ kha .」

4 : 12 Iâso͘ ìn i kóng : ” Kengchheh ū kìchài :「M̄thang chhìthàm Chú , lí ê Siōngchú .」”

4 : 13 Mô͘ kúi chhìthàm Iâso͘ ê pō͘ só͘  ēngliáu , chiū chiāmsî līkhui I .

4 : 14 Iâso͘ chhiongmóaⁿ Sèng-sîn ê lêngle̍k , tńg khì Kalīlī séng , I ê miâsiaⁿ thoân kàu tī ta̍k só͘ chāi .

4 : 15 I tī ta̍k ê hōetn̂g hunhióng , tāi ke lóng chin oló .

4 : 16 Iâso͘ khì Násatle̍k , chiūsī I sêngtióng ê só͘ chāi . Tī Anhiohji̍t ê sî , chiàu pêngsiông ê si̍pkoàn ji̍p khì hōetn̂g , I khiā khí lâi beh thak kengchheh .

4 : 17 Ū lâng the̍h Ísàia sianti ê chheh hō͘ I , I hiankhui chhōe tio̍h chi̍t tōaⁿ kengbûn :

4 : 18 ” Chú ê Sîn kámtōng Góa , inūi I iōng iû boah Góa , kiò Góa thoân hó siausit hō͘ sànchhiah lâng , phài Góa lâi soanpò : pī koaiⁿkaⁿ ê tittio̍h tháupàng , chheⁿmêè ē tàng khòaⁿkìⁿ , pī apchè ê tittio̍h chūiû .

4 : 19 Iā soanpò͘ Siōngchú chiapla̍p ê nî khaisí . “

4 : 20 Tha̍k liáu kā chheh kńg khí lâi , hêng hō͘ hōetn̂g ê chipsū , chiū chē lo̍h khì , tāi ke lóng lia̍h I kimkim siòng .

4 : 21 Iâ-so͘ kā in kóng : ” Chit tōaⁿ kengbûn , kináji̍t íkeng tī lín thiaⁿtio̍h ê sî si̍thiàn à . ”

4 : 22 In lóng ìnchèng I só͘ kóng ê , mā chin hihán I hia ê untián ê ōegú , koh kóng : ” Chit ê kám m̄sī Ioksek ê kiáⁿ ? ”

4 : 23 Iâso͘ kā ín kóng : ” Lín ittēng ē íniōng sio̍kgú tùi Góa kóng :「Iseng à! I Lí ka-tī lah!」 Goán thiaⁿtio̍h Lí tī Kape̍klông só͘ chò ê sū , iā tio̍h tī Lí ê kò͘ hiong lâi chò . ”

4 : 24 koh kóng : ” Góa si̍tchāi kā lín kóng , bô chi̍t ê sianti ē tàng tī i ê kò͘ hiong siū hoangêng.

4 : 25 Góa koh kā lín kóng chin—eh , tī Ílīa ê sîtāi ū chin chē kóaⁿhū , hit sî lóng bô lo̍h hō͘ chiokchiok saⁿ nî koh la̍k kògoe̍h , Íseklia̍t tak só͘ chāi tōa kihng ,

4 : 26 I pèng bô hō͘ Siōngchú phài khì in hia, kannā khì Setùn ê Satle̍khoat ê chi̍t ê kóaⁿhū in tau .

4 : 27 Tngsî Íseklia̍t tiong mā ū chin chē lâng hoāntio̍h phôehu pēⁿ , tānsī hit tiongkan , tû liáu Sūlīa kok ê Náibān ígōa , bô chi̍t ê tittio̍h chhengkhì . ”

4 : 28 Hōetn̂g lâi só͘ ū ê lâng thiaⁿtio̍h chia̍h ê ōe , chôaⁿ chin siūkhì ,

4 : 29 Chiū peh khí lâi kā I kóaⁿ chhut khì , kiò I līkhui hit ê siâⁿchhī , inūi sī tī soaⁿthâu , chiū kā kóaⁿ kàu soaⁿ ê béliu , phah-sǹg hō͘ I poa̍h lo̍h khì .

4 : 30 I khiok tùi in ê tiongkan ti̍tti̍t kiâⁿkòe .

4 : 31 Iâso͘ līkhui Kape̍klông kàu Kalīlī séng ê chi̍t chō siâⁿ , tī Anhiohji̍t kap lâng hunhióng .

4 : 32 In tùi I ê kàsī kámkak chin sinkî , inūi I ê ōe chin ū khùila̍t .

4 : 33 Tī hōetn̂g lāi ū chi̍t ê hō͘ siâsîn óa tio̍h ê , tōa siaⁿ hoah :

4 : 34 “ Násatle̍k ê Iâso͘ , goán kap Lí ū siáⁿmih koanhē ? Lí beh lâi siaubia̍t goán sī bô ? goán chaiiáⁿ Lí sī siáⁿlâng , Lí sī chìsèng Siōngchú ê Sèngchiá . ”

4 : 35 Iaso͘ chó͘ tòng I : ” Lí tiāmtiām , án chi̍t ê lâng ê lāibīn chhut lâi ! ” Siâsîn chiū tī tāike ê bīnchêng kā hit ê lâng siak hō͘ tó , chiah chhut khì , m̄ku bô sionghāi tio̍h I .

4 : 36 Tāk ê lóng gangkhì , gīlūn hunhun , “ Che sī siáⁿmih tōlí ? Inūi I ū koânpèng kap lêngle̍k bēnglēng siâsîn , siâsîn chiū līkhui . ”

4 : 37 Tùi ánne Iaso͘ ê miâ-siaⁿ thoân kàu sì chiuûi ê chngthâu .

4 : 38 Iaso͘ kiâⁿ chhut hōetn̂g , beh khì Sebûn in tau . Sebûn ê tiō͘ⁿḿ tú leh hoatsio kah chin siongtiōng , ū lâng lâi kiû Iaso͘ kòe khì .

4 : 39 Iaso͘ khiā tī i ê sinpiⁿ bēnglēng hit ê chèngthâu lī khui , sio chiū sūi thè , i iā sūi khí lâi chiauthāi in .

4 : 40 Ji̍tthâu beh àm ê sî , só͘ ū ê pēⁿlâng , bôlūn siáⁿmih chèngthâu lóng hō͘ lâng chhōa lâi Iaso͘ hia . Iaso͘ chiū ēng chhiú hōaⁿ tī in ê sinchiō͘ⁿ , lâi i hó in .

4 : 41 Mā ū chin chē siâsîn tī līkhui hia ê lâng ê sî , tōasiaⁿ hoah : ” Lí sī Siōngchú ê kiáⁿ . ” Ia-so͘ tóng in , m̄ chún in kóngōe . In-ūi in chaiiáⁿ I sī Kitok .

4 : 42 Thiⁿkng āu , Iaso͘ līkhui hia khì kàu khòngiá . Ta̍k ê sìkòe chhōe I , lâi kàu I ê bīnchêng , beh kā lâu lo̍h lâi , m̄ hō I lī-khui in .

4 : 43 M̄ku Iaso͘ tùi in kóng : ” Góa mā tio̍h khì pa̍t ê siâⁿ , pò lâng chaiiáⁿ iúkoan Siōngchú koktō͘ ê hó siausit , che sī Siōngchú phài Góa lâi ê bo̍kte̍k . ”

4 : 44 Só͘ í Iaso͘ tī Kalīlī ê ta̍k ê hōe tn̂g kóng khì Siōngchú ê hó siausit .

                                  2019/01/15   2025.07.11. Siukái   tī Lâmthâm