19 : 1 Ia-so͘ kiâⁿ-li̍p Iâ-lī-ko siâⁿ, tú-leh kiâⁿ-kòe ê sî,
19 : 2 Ū
chi̍t-ê miâ-chò Sa̍t-kai ê lâng, i sī sòe-bū-tió͘ⁿ, sī chi̍t-ê hó-gia̍h lâng.
19 : 3 I mā
beh khòaⁿ Ia-so͘ sī siáⁿ-mih khoán lâng, m̄-ku lâng chin-chē, i koh seⁿ-chò
chin-é, só͘-í khòaⁿ bē tio̍h,
19 : 4
Chôaⁿ cháu chò-chêng, peh chiō͘ⁿ iâm-sng-á chhiū,beh khòaⁿ Ia-so͘ , in-ūi
Ia-so͘ ē tùi hia kiâⁿ kòe.
19 : 5
Ia-so͘ chi̍t-ē kiâⁿ kàu chhiū-kha, chiū gia̍h-thâu khòaⁿ i, tùi i kóng: ”Sa̍t-kai,
kín lo̍h-lâi! In-ūi Góa kin-á-ji̍t it-tēng beh tòa tī lín tau.”
19 : 6
Sa̍t-kai sûi-sî lo̍h-lâi, chhùi-chhiò ba̍k-chhiò chiap-thāi Ia-so͘ khì in tau.
19 : 7
Ta̍k-ke khòaⁿ-tio̍h ah-ne, lóng su-hā gī-lūn hun-hun , ì-sù sī kóng: ”Ia-so͘
soah beh khì tòa tī chit-ê ū chōe ê lâng in tau.”
19 : 8
Sa̍t-kai chôaⁿ khiā tī hia tùi Ia-so͘ kóng: ” Chú ah, góa it-tēng kā góa
châi-sán ê chi̍t-pòaⁿ pun hō͘ bô-chîⁿ ê lâng, nā kā siáⁿ-lâng láu-chîⁿ, góa
it-tēng sì-pē hêng i.”
19 : 9
Ia-so͘ kóng: ”Kin-á-ji̍t kiù-un kàu tī chit-ê ke, in-ūi i mā-sī A-pek-lah-hán ê
kiáⁿ-sun.
19 : 10
In-ūi Góa lâi sī beh chhōe pháng-khì ê lâng, koh kā i kiù tńg-lâi,”
19 : 11 Tng
in leh thiaⁿ chiah-ê ōe ê sî, Ia-so͘ in-ūi the-beh kiâⁿ óa Iâ-lō͘-sat-léng, koh
in
lia̍h-chò
Siōng-chú ê kok-tō͘ chin-kín chiū ē chhut-hiān, só͘-í Ia-so͘ koh kā in kóng
chi̍t-ê phí-jū:
19 : 12 “Ū
chi̍t-ê kùi-cho̍k khì chin-hng ê só͘-chāi, beh niá-siū i ê ông-koân, chiah koh tńg-lâi,
19 : 13
Chhut-mn̂g ê sî kiò cha̍p-ê po̍k-jîn lâi, hō͘ in móe chi̍t-ê lâng cha̍p-lió͘ⁿ
gîn, kóng: ”Lín the̍h-khì chò seng-lí, kàu kah góa tńg-lâi,”
19 : 14 M̄-ku
i pún-kok ê jîn-bîn kap i chò-tùi, chiū phài sú-chiá tòe i āu-bīn , tùi lâng
kóng:「Goán m̄-ài chit-ê lâng chò goán ê
ông.」
19 : 15 I
tit-tio̍h ông-koân tńg-lâi í-āu, sūi kiò hia-ê ū niá gîn-á ê po̍k-jîn lâi, beh
chai-iáⁿ in khì chò seng-lí ū thàn lōa-chē chîⁿ.
19 : 16
Tē-it ê lâi i bīn-chêng ê, kóng:「Thâu-ke, lí ê cha̍p-nió͘ⁿ gîn í-keng thàn cha̍p-pōe khah-ke à.」
19 : 17 Chú-lâng
kā i kóng:「Chin-hó! Lí sī
góa ê hó chō͘-chhiú, lí kì-jiân tī sió-khóa ê tāi-chì chin-tiong, taⁿ hō͘ lí
khí koán-lí cha̍p-chō siâⁿ-tìn.」
19 : 18
Tē-jī ê lâi, kóng:「Thâu-ke, Lí ê
cha̍p-nió͘ⁿ gîn, í-keng thàn ū gō͘ pōe à.」
19 : 19
Chú-lâng kóng:「Mā hō͘ lí khì
koán-lí gō͘-chō siâⁿ-tìn.」
19 : 20 Koh
chit-ê kòe-lâi kóng:「Thâu-ke, Lí
khòaⁿ, LÍ ê cha̍p-nió͘ⁿ gîn tī chia, góa ēng chhiú-kin kā pau khí-lâi, siu hō͘
hó-sè.
19 : 21 Góa
chin kiaⁿ lí, in-ūi lí ê iàu-kiû chin chē , bô tâu-chu mā siō͘ⁿ beh thàn; bô chéng-choh
mā beh khì siu-sêng.」
19 : 22
Chú-lâng tùi i kóng:「Lí chit-ê bô
lō͘-ēng lâng! Góa beh chiàu lí só͘ kóng ê chò ah-ne ê koat-tēng. Lí kì-jiân
chai-iáⁿ góa ê iàu-kiû chin-chē, bô tâu-chu mā siō͘ⁿ beh thàn; bô chéng-choh mā
beh khì siu-sêng,
19 : 23 Sī
án-chóaⁿ lí m̄ chiong góa ê gîn-á kià tī gîn-hâng, tán góa tńg-lâi ê sî, ē-tàng
thàn-tio̍h lī-sek?」
19 : 24 Chiū
kā khiā tī piⁿ-á ê lâng kóng:「Khì kā i ê cha̍p-nió͘ⁿ gîn the̍h-lâi, kau hō͘ hit-ê ū chi̍t-pah nió͘ⁿ
gîn ê.」
19 : 25
Ta̍k-ke lóng hoán-èng:「Thâu-ke ah , i
í-keng ū chi̍t-pah nió͘ⁿ ah.」
19 : 26
Chú-lâng kóng:「Góa kā lín kóng,
í-keng ū ê lâng, Góa ē hō͘ i koh-khah chē; bô ê lâng liân i só͘-ū ê mā ē kā
theh tńg-lâi.
19 : 27 Lûn-kàu
hia-ê hām góa chò-tùi m̄-ài góa chò in ê ông ê lâng, khì kā in lia̍h lâi tī góa
ê bīn-chêng chhú-sí.」”
19 : 28
Ia-so͘ kóng soah, chiū kiâⁿ chò-chêng, kè-sio̍k kiâⁿ ǹg Iâ-lō͘-sat-léng.
19 : 29 Tī teh-beh
kiâⁿ kàu chit-ê kiò chò Kan-ná-soaⁿ hia ê Pek-hoat-kî kap Pek-tāi-nî ê hù-kīn,
chiū phài nn̄g-ê ha̍k-seng, kā in kóng:
19 : 30
“Lín khì tùi-bīn ê chng-lāi, kiâⁿ ji̍p-khì ê sî, ē khòaⁿ-tio̍h chi̍t-chiah
iáu-bē ū lâng khiâ-kòe ê lû-á pa̍k tī hia, lín thang kā tháu-khui khan lâi chia.
19 : 31 Nā
ū lâng mn̄g sī án-chóaⁿ tháu-khui lû-á, lín kā ìn:「Chú su-iàu i.」
19 : 32 Hit
nn̄g-ê ha̍k-seng pī phài khì, só͘ tú-tio̍h ê tāi-chì chin-chiàⁿ sī Ia-so͘ kā in
kóng ê.
19 : 33 In
leh tháu lû-á ê sî, chú-lâng mn̄g in kóng:”Sī án-chóaⁿ leh tháu lû-á?”
19 : 34 In kā ìn:
”Chú su-iàu i.”
19 : 35 Chiū khan
lû-á lâi Ia-so͘ hia, kā ka-tī ê saⁿ pho͘ tī lû-á téng, hû Ia-so͘ khiâ khí-lih.
19 : 36 Ia-so͘
khiâ lû-á khai-sí kiâⁿ ê sî, ta̍k-ke mā kā saⁿ-á pho͘ tī lō͘-nih.
19 : 37 I kiâⁿ óa
Iâ-lō͘-sat-léng, chiū-sī án Kan-ná soaⁿ beh lo̍h-kiā ê sî, só͘-ū ê ha̍k-seng
ūi-tio̍h só͘ khòaⁿ-tio̍h it-chhè ê kéng-siōng, khai-sí tōa-siaⁿ o-ló Siōng-chú,
19 : 38 Kóng:”Hōng
Siōng-chú ê miâ lâi ê, sī eng-kai tit-tio̍h o-ló ê! Goān thiⁿ-téng ū pêng-an,
tī chì-koân ê só͘-chāi ū êng-kng.”
19 : 39
Chèng-lâng ê tiong-kan ū kúi-ê Hoat-lī-sài-phài ê lâng kā Ia-so͘ kóng: ”Lāu-su,
chhiáⁿ LÍ chí-chek Lí ê ha̍k-seng!”
19 : 40 Ia-so͘ ìn:
”Góa kā lín kóng, in nā tiām-tiām bô chhut-siaⁿ, chiah-ê chio̍h-thâu mā ē
tōa-siaⁿ hoah khí-lâi.”
19 : 41 Ia-so͘
liâm-piⁿ tiō beh kiâⁿ kàu Iâ-lō͘-sat-léng, khòaⁿ-tio̍h kui-ē siâⁿ, chiū ūi i
lâu-lo̍h ba̍k-sái.
19 : 42 Kóng: ”Chin
ǹg-bāng lí kin-á-ji̍t í-keng chai-iáⁿ koan-hē lí ka-tī pêng-an ê tāi-chì, m̄-ku
in iau pī khám tiâu leh, hō͘ lín ê ba̍k-chiu khòaⁿ bē chhut-lâi.
19 : 43 In-ūi
hia-ê ji̍t-chí teh-beh kàu à, lí ê te̍k-jîn ē tī lí ê sì-kho͘-ûi chò
thô͘-chhiô͘ⁿ, kā lí ûi khí-lâi,
19 : 44 Iā beh
siau-bia̍t lí, hām kap lí chò-hóe ê jî-lú. In bē lâu nng-tè sio-tha̍h ê
chio̍h-thâu hō͘ lí, in-ūi lí m̄-chai thang tit-tio̍h koàn-kò͘ ê sî-khek.”
19 : 45 Ia-so͘
kiâⁿ li̍p khì sèng-tiān, kā tī hit lāi-bīn leh chò bé-bē ê lâng kóaⁿ chhut-khì,
19 : 46 Tùi in
kóng: ”Keng-chheh ū kì-chài, Góa ê chhù sī kî-tó ê chhù, lín tian-tó hō͘ i pìⁿ-chò
chha̍t-siū ah.”
19 : 47 Ia-so͘
chiū ta̍k-ji̍t tī sèng-tiān lāi kàu-tō lâng. Chè-si hām kàu-su í-kip bîn-chiòng
ê siú-léng lóng siō͘ⁿ beh siau-bia̍t I.
19 : 48 M̄-ku
lóng siō͘ⁿ bô pān-hoat, in-ūi chèng-lâng lóng chin jīn-chin thiaⁿ I ê ōe.
2019/03/12
沒有留言:
張貼留言