18 : 1 Ia-so͘ koh kā ha̍k-seng kóng chi̍t-ê phí-jū, sī ài in chia̍p-chia̍p kî-tó, m̄-thang hòng-khì.
18 : 2 I ah-ne
kóng: ”Tī bó͘ chi̍t-ê siâⁿ-chhī, ū chi̍t-ê hoat-koaⁿ, m̄-kiaⁿ Siōng-chú iā bē
chun-tiōng lâng.
18 : 3 Tī
hit-ê siâⁿ-nih ū chi̍t-ê kóaⁿ-hū, tiāⁿ-tiāⁿ khì chhōe i kóng:「Ū lâng lâi chhōe góa ê mâ-hoân, kiû lí theh góa
chú-chhî kong-tō.」
18 : 4 Hoat-koaⁿ keng-kòe chi̍t-tōaⁿ sî-kan lóng bô pān-lí, āu-lâi ka-tī
siō͘ⁿ:「Góa sui-jiân m̄-kiaⁿ Siōng-chú, mā-bē chun-tiōng lâng
,
18 : 5 M̄-ku in-ūi i tiāⁿ-tiāⁿ lâi chhá góa, chiū theh i sin-oan, bián
koh hō͘ i lâi ló͘ góa!」
18 : 6 Chú koh kóng: ” Lín tio̍h thiaⁿ chi̍t-ê put-gī ê hoat-koaⁿ só͘
kóng ê ōe.
18 : 7 Hô-hóng Siōng-chú só͘ kéng-soán ê lâng, mê-ji̍t tōa-siaⁿ ǹg I
ho͘-kiû, Siōng-chú sui-jiân iau iân-tî, chòe-āu kám-bô theh in sin-oan mā?
18 : 8 Góa kā lín kóng, I ē kóaⁿ-kín theh in chú-chhî kong-tō. M̄-ku ,
Góa lâi ê sî, kám tú ē tio̍h chit sè-kan ū sìn-sim ê lâng? ”
18 : 9 Ia-so͘ ǹg hia-ê jīn-ûi ka-tī sī gī-lâng, lâi biáu-sī pa̍t-lâng ê,
kóng chi̍t-ê phí-jū,
18 : 10 “ Ū nn̄g-ê lâng ji̍p-khì sèng-tiān kî-tó, chi̍t-ê sī
hoat-lī-sài-phài ê lâng, lēng-gōa chi̍t-ê sī siu-sòe ê.
18 : 11 Hit-ê Hoat-lī-sài-phài ê lâng ka-tī khiā leh kî-tó kóng:「Siōng-chú ah, góa kám-siā Lí, góa bô chhiō͘ⁿ pa̍t-lâng khì khióng-hat lâng,
á-sī chò bô chèng-tong ê sū, sīm-chì kiâⁿ kan-îm, mā bô chhiō͘ⁿ chit-ê siu-sòe
ê.
18 : 12 Góa chi̍t lé-pài kím-chia̍h nn̄g pái, mā hiàn góa ê só͘ tit ê
cha̍p-hun chi-it hō͘ lí.」
18 : 13 M̄-ku, hit-ê siu-sòe ê, khiā tī lī i khah hn̄g ê só͘-chāi, liân
thâu mā m̄-káⁿ gia̍h khí-lâi ǹg thiⁿ, kā-nā tûi-heng kóng:「Siōng-chú ah, chhiáⁿ Lí si-un lîn-bín góa chit-ê ū chōe ê lâng!」
18 : 14 Góa kā lín kóng, chit-ê siu-sòe ê tńg-khì chhù í-āu, sī pí
lēng-gōa hit-ê khah hō͘ Siōng-chú khòaⁿ chò gī; In-ūi nā ka-tī thê-seng ka-tī ê,
ê kā ah lo̍h-khì; ka-tī chū-jīn bô-siáⁿ ê, ē ko-seng i .”
18 : 15 Ū chi̍t-kóa lâng mā phō eⁿ-á lâi Ia-so͘ hia, chhiáⁿ I bong in,
ha̍k-seng khòaⁿ-tio̍h chiū chek-pī in.
18 : 16 Ia-so͘ hoán-tńg kiò in óa-lâi, kóng: ” Kā eⁿ-á phō lâi Góa chia,
m̄-thang chó͘-tóng in, in-ūi tī Siōng-chú ê kok-tō͘ ê lâng chiū chin-chhiō͘ⁿ
eⁿ-á chi̍t-iō͘ⁿ,
18 : 17 Góa si̍t-chāi kā lín kóng, Sêng-siū Siōng-chú kok-tō͘ ê lâng,
nā-bô chin-chhiō͘ⁿ eⁿ-á chi̍t-iō͘ⁿ, it-tēng bē-tàng li̍p-khì.”
18 : 18 Ū chit-ê chò-koaⁿ ê lâi mn̄g Ia-so͘ kóng: ” Hó ê lāu-su, góa
tio̍h chò siáⁿ-mih chiah ē-thang tit-tio̍h éng-oán ê oa̍h-miā? ”
18 : 19 Ia-so͘ ìn i: ” LÍ sī án-chóaⁿ kiò Góa sī hó, tû-liáu Siōng-chú
í-gōa, bô chit-ê sī hó ê.
18 : 20 Lí chai-iáⁿ chia̍h-ê kài-bēng:「M̄-thang kiâⁿ
kan-îm, m̄-thang thâi-lâng, m̄-thang thau-the̍h, m̄-thang chò ké-kiàn-chèng, tio̍h
hàu-kèng pē-bó. 」”
18 : 21 Hit-ê lâng kóng: ” Chiah-ê kài-bēng, góa án sè-hàn chiū lóng ū chun-siú.”
18 : 22 Ia-so͘ thiaⁿ-liáu chiū kā i kóng: ” Lí iau kiám chò chi̍t-hāng,
chiū sī bē lí só͘-ū ê it-chhè, chiong chîⁿ pun hō͘ ū khiàm-khoeh ê lâng, tī
thiⁿ-téng chiū ū lí ê châi-pó tī hia , koh mā tio̍h-ài lâi tóe Góa.”
18 : 23 I
thiaⁿ-liáu chiū chin siong-sim, in-ūi i chin hó-gia̍h.
18 : 24
Ia-so͘ khòaⁿ-tio̍h i ê piáu-chêng, chiū kóng: ” Ū-chîⁿ-lâng beh ji̍p Siōng-chú
ê kok-tō͘ , sī chin bô kán-tan!
18 : 25
Lo̍k-tô nǹg kòe chiam-phīⁿ iau pí ū-chîⁿ-lâng li̍p-khì Siōng-chú ê kok khah
kán-tan leh!”
18 : 26
Thiaⁿ-tio̍h chiah-ê ôe ê lâng kóng: ” Ah-ne, ū siáⁿ-lâng thang tit-tio̍h kiù
leh?”
18 : 27
Ia-so͘ kóng: ” Tī lâng só͘ bô hoat-tō͘ chò ê, Siōng-chú lóng ē.”
18 : 28
Pí-tek kóng: ” Chhiáⁿ khòaⁿ, goán í-keng pang-lo̍h goán só͘-ū ê it-chhè, lâi
tóe Lí ah.”
18 : 29
Ia-so͘ kóng: ” Góa si̍t-chāi kā lín kóng, lín ūi Siōng-chú ê kok-tō͘ pang-lo̍h
ka-tī ê chhù-the̍h, á-sī bó͘, hiaⁿ-tī, pē-bó, jî-lú,
18 : 30 Tī
kim-sè ē tit-tio̍h kúi-ā pōe ê pò-sió͘ⁿ, tī lâi-sè ē tit-tio̍h éng-oán ê
oa̍h-miā.”
18 : 31
Ia-so͘ chhōa cha̍p-jī ê ha̍k-seng khì piⁿ-á kā ín kóng: ” Lín khòaⁿ leh , Lán
teh-beh khì kàu Iâ-lō͘-sat-léng, sian-ti só͘ siá koan-hē Góa it-chhè ê tāi-chì
lóng ē èng-giām .
18 : 32
In-ūi I ē hō͘ lâng sàng-kau gōa-kok-lâng, in ē hi-lāng I, bú-jio̍k I, phùi nōa
tī I ê bīn,
18 : 33 Koh
ēng piⁿ phah I, chòe-āu kā chhú-sí; tī tē-saⁿ ji̍t I koh-oa̍h.”
18 : 34
Ha̍k-seng tùi I só͘ kóng chiah-ê tāi-chì thiaⁿ-bô pòaⁿ-hāng, bē liáu-kái I só͘
kóng ê ì-sù, só͘-í m̄-chai Ia-so͘ leh kóng siáⁿ-mih.
18 : 35
Ia-so͘ teh-beh kiâⁿ kàu Iâ-lī-ko siâⁿ ê sî, ū chi̍t-ê ba̍k-chiu khòaⁿ-bô ê lâng
chē tī lō͘-piⁿ leh kiû-thó.
18 : 36 I
thiaⁿ-tio̍h chin-chē lâng tùi i hia keng-kòe, chiū mn̄g sī ū siáⁿ-mih tāi-chì.
18 : 37 Ū
lâng kā ìn, sī Ná-sat-le̍k ê Ia-so͘ beh tùi chia keng-kòe.
18 : 38 I
sūi tōa-siaⁿ hoah: ” Tāi-pi̍t ê kiáⁿ-sun Ia-so͘, lâi khó-liân góa!”
18 : 39
Hia-ê kā Ia-so͘ khui-lō͘ ê lâng chiū chek-pī i, kiò I tiām-khì, m̄-ku i soah lú
tōa-siaⁿ hoah: ” Tāi-pi̍t ê kiáⁿ-sun, lâi khó-liân góa o͘h!”
18 : 40
Ia-so͘ chôaⁿ thêng leh khiā tī hia, kiò lâng kā i chhōa lâi, chi̍t-ē lâi-kàu I
ê bīn-chêng, chiū mn̄g i: ”
18 : 41 “
Lí ài Góa kā lí chò siáⁿ-mih?” I ìn: ” Chú ah , Góa beh ē-tàng koh khòaⁿ-tio̍h.”
18 : 42
Ia-so͘ kóng: ” Lí ē-tàng khòaⁿ-tio̍h! Lí ê sìn-sim i-hó lí ah .”
18 : 43 I
chek-sî ū khoáiⁿ, chiū tòe Ia-so͘ kiâⁿ, kui-lō͘ chiong êng-kng kui hō͘
Siōng-chú. Tng chèng-lâng khòaⁿ-tio̍h ah-ne , mā long lâi o-ló Siōng-chú .
2019/03/03－08
沒有留言:
張貼留言