16 : 1 Pó-lô khì tī Te̍k-pì kap Lō-sū-tek, tī hia tú-hó ū chi̍t-ê bûn-tô͘ miâ-chò Thê-mô͘-thài, in lāu-bú sī sìn-Chú ê Iû-thài-lâng, lāu-pē sī Hi-liap-lâng.
16 : 2 TĪ
Lō͘-sū-tek kap Í-ko-liām ê sìn-tô͘ lóng o-ló i.
16 : 3
Pó-lô ài-beh chhōa i chò-hóe chhut-khì, chiū kā i kiâⁿ kat-lé, in-ūi hit
só͘-chāi ê Iû-thài-lâng lóng chai-iáⁿ in lāu-pē sī Hi-liap-lâng.
16 : 4 Tng
in kiâⁿ-khì móe chi̍t-ê siâⁿ-chhī, chiū chiong Iâ-lō͘-sat-léng ê Sú-tô͘ kap
tió͘ⁿ-ló só͘ gī-koat ê kui-lē, kà in chun-siú.
16 : 5 Chiū
ah-ne hia-ê kàu-hōe ê sìn-gióng koh-khah kian-tēng, jîn-sò͘ mā ji̍t-ji̍t cheng-ka.
16 : 6 Sèng-sîn
ū kìm-chí in tī A-se-a thoân-tō, chiū keng-kòe Hut-lū-ka, Ka-lia̍p-thài ê
khu-e̍k.
16 : 7 Kàu
Múi-se-a ê pian-kài, beh khì Pì-chhui-nî, Ia-so͘ ê Sîn khiok bô ún-chún,
16 : 8 In
chiū tùi Múi-se-a keng-kòe, lo̍h-khì Te̍k-lô-a.
16 : 9
Pó-lô tī àm-mê khòaⁿ-tio̍h īⁿ-siōng, ū chi̍t-ê Má-kî-tùn-lâng khiā tī i
bīn-chêng, kiû i kóng:” Chhiáⁿ lí lâi Má-kî-tùn pang-chō͘ goán.”
16 : 10 I
khòaⁿ-tio̍h chi̍t-ê īⁿ-siōng liáu-āu, sūi chún-pī lī-khui hia chiân-óng
Má-kî-tùn, in-ūi goán khak-sìn che-sī Siōng-chú ê ho͘-tiàu, kiò goán khì thoân
Hok-im hō͘ MÁ-kî-tùn-lâng.
16 : 11
Goán tùi Te̍k-lô-a chē-chûn kiâⁿ ti̍t ê lō͘-sòaⁿ, lâi-kàu Sat-mô͘-te̍k-la̍t,
kòe chi̍t-ji̍t kàu Nî-a-pho-lī.
16 : 12
Goán án hia khì Hui-li̍p-pí, i sī Má-kî-tùn tē-khu thâu-chi̍t-ê siâⁿ-chhī, sī
Lô-má ê si̍t-bîn-tē, goán tī chia tóa kúi-ā-ji̍t.
16 : 13 Tī An-hioh-ji̍t
ê sî, goán kiâⁿ khì siâⁿ-gōa ê hô-piⁿ, siō͘ⁿ-kóng hia ū thang kî-tó ê só͘-chāi,
goán chiū chē lo̍h-lâi hām chū-chi̍p tī hia ê chi̍t-kóa hū-lú tâm-lūn.
16 : 14 Ū
chi̍t-ê bē chí-sek-pò͘ ê hū-lú, miâ-chò Lū-tí-ka mā óa-lâi , sī
Chhui-ngá-chhui-la̍h-siâⁿ ê lâng, iā sī kèng-pài Siōng-chú ê, i ê sim pī
Siōng-chú phah-khui, chiū choan-sim thiaⁿ Pó-lô só͘ kóng ê tāi-chì.
16 : 15 Tng
i kap chhù-lāi ê lâng lóng niá sé-lé liáu, chiū kiû goán kóng:” Lín ná jīn-tēng
góa sī chi̍t-ê chin-si̍t sìn-chú ê lâng, chhiáⁿ lâi goán-tau tòa. I chiū chin
kiông-lia̍t lâu goán tòa lo̍h-lâi.
16 : 16 Āu-lâi,
goán beh khì chi̍t-ê kî-tó ê só͘-chāi, lō͘-tiong tú-tio̍h chi̍t-ê lú-ê chhe-ēng
i hō͘ siâ-sîn hū-sin, ē-hiáu hoat-su̍t, thè i ê chú-lâng thàn chin-chē chîⁿ.
16 : 17 I
tòe tī Pó-lô hām goán ê āu-bīn, tōa-siaⁿ hoah:” Chiah-ê-lâng chiū-sī chì-koân
Siōng-chú ê po̍k-jîn, beh-lâi ńg lín soan-káng chin-kiù ê tō-lí.”
16 : 18 I
liân-liân kúi-ā-ji̍t lóng ah-ne hoah, m̄-ku Pó-lô pìⁿ-kah bô pān-hoat jím-siū,
chôaⁿ oa̍t-tńg-sin tùi hit-ê siâ-sîn kóng:” Góa hōng Chú Ia-so͘ ê miâ, bēng-lēng
lí án i ê lāi-bīn chhut-lâi.” Siâ-sîn chek-sî tùi hit-ê lâng lī-khui.
16 : 19
M̄-ku tng i ê chú-lâng khòaⁿ-tio̍h in thàn-chîⁿ ê ǹg-bāng sit-khì, chiū kā
Pó-lô hām Se-la̍h lia̍h khí-lâi, thoa khì chhài-chhī-á-kháu kau-hō͘ tī-an
jîn-oân.
16 : 20 In
kàu tī-an tióng-koaⁿ ê bīn-chêng kóng:” Chit nn̄g-ê lâng, sī Iû-thài-lâng, lâi
jiáu-loān lán ê siâⁿ-chhī,
16 : 21
jî-chhiáⁿ thoân lán Lô-má-lâng bô eng-kai chiap-siū á-sī chun-siú ê kui-tēng.”
16 : 22 Kûn-chiòng
chiū khí-lâi kong-kek in, tī-an tióng-koaⁿ chiū hā-lēng thiah-li̍h in ê saⁿ,
koh ēng kùn-á kòng in.
16 : 23 Kā
in kòng kúi-ā-ē liáu-āu, chiah koaiⁿ-loh kaⁿ-ga̍k, bēng-lēng kò͘-kaⁿ-ê tio̍h
kò͘ hō͘ tiâu.
16 : 24
Kò͘-kaⁿ-ê tit-tio̍h chi̍t-ê bēng-lēng, chiū chiong in koaiⁿ li̍p-khì siōng
lāi-bīn ê lô-pâng, iā kā in ê kha kòa kha-khàu.
16 : 25
M̄-ku tī pòaⁿ-mê ê sî, Pó-lô hām Se-la̍h tú—leh kî-tó gîm-si, o-ló Siōng-chú,
kî-thaⁿ ê siū-hêng-jîn mā leh thiaⁿ.
16 : 26
Hut-jiân-kan, ū chin-tōa ê tē-tāng, liân kaⁿ-ga̍k ê tē-ki mā iô-tāng, só͘-ū
lô-pâng ê mn̂g lóng khui-khì, koh móe chi̍t-ê siū-hêng-jîn ê hêng-khū mā
lak-khì.
16 : 27 Kò͘-kaⁿ-è
chi̍t-ē chhéⁿ kòe-lâi, khòaⁿ-tio̍h kaⁿ-mn̂g lóng khui-khì, i siō͘ⁿ kóng siū-hêng-jîn
lóng tô-cháu ah, chôaⁿ gia̍h-to beh chū-sat.
16 : 28
M̄-ku, Pó-lô tōa-siaⁿ hoah kóng:” M̄-thang siong-hāi ka-tī, goán lóng tī leh.”
16 : 29
Kò͘-kaⁿ-è kiò lâng kia̍h hóe-pé lâi, thiàu li̍p-khì Pó-lô kap Se-la̍h ê lô-pâng,
phak tī in ê kha-chêng, kui seng-khu sih-sih-chùn.
16 : 30
Jiân-āu chhōa in chhut-lâi, kóng:” Sin-seⁿ ah, góa tio̍h án-chóaⁿ chò, chiah ē
tit-tio̍h kiù?”
16 : 31 In
kóng:” Lâi sìn Chú Ia-so͘, lí kap choân-ke ê lâng chiu-ē tit-kiù.”
16 : 32
Chiū chiong Chú ê Chin-tō, kóng hō͘ í kap tī i chhù-lāi ê lâng thiaⁿ.
16 : 33 Hit
chi̍t-mê, kò͘-kaⁿ-è siâng-sî chhōa in khì sé seng-chiō͘ⁿ ê siong-kháu, i kap
choân-ke ê lâng mā sūi siū sé-lé.
16 : 34 I
chhōa in khì in-tau, chhiáⁿ in chia̍h-pn̄g, choân-ke í-keng sìn Siōng-chú liáu,
chiū lóng chin hí-lo̍k.
16 : 35
Thiⁿ-kng liáu-āu, koaⁿ-hong phài lâng kiò kò͘-kaⁿ-è, kā in pàng chhut-khì.
16 : 36
Kò͘-kaⁿ-è chiū chiong chit-hāng sū kā Pó-lô kóng:” Koaⁿ-hong phài lâng lâi kóng,
pàng lín chhut-kaⁿ, só͘-í lín thang pêng-pêng an-an tńg-khì.”
16 : 37
M̄-ku Pó-lô kā i kóng:” Goán sī Lô-má-lâng, i bô sím-phòaⁿ chiū kong-khai phah
goán, koh kā goán koaiⁿ-loh kaⁿ, taⁿ beh thau-thau-á kā goán kóaⁿ chhut-kaⁿ.
Goán choa̍t-tùi m̄ chhut-khì, tû-liáu i pún-lâng lâi chhōa goán chhut-kaⁿ.”
16 : 38
Phài-lâi ê lâng chiong chiah-ê ōe tńg-khì pò-kò, in thiaⁿ-tio̍h Pó-lô sī
Lô-má-lâng lóng chin-kiaⁿ,
16 : 39
Só͘-í lâi khó͘-khǹg in, koh chhōa in án kaⁿ-ga̍k chhut-lâi, chhiáⁿ in lī-khui
hit-ê siâⁿ-chhī.
16 : 40
Pó-lô hām Se-la̍h chhut-kaⁿ liáu chiū khì Lū-tí-a ê chhù. Kap hia-ê sìn-tô͘
saⁿ-kìⁿ, kó͘-lē in liáu, chiah lī-khui.
2019.08.01.
沒有留言:
張貼留言