18:1 Chiah-ê tāi-chì kiat-sok, Pó-lô chiū lī-khui Ngá-tián khì Ko-lîm-to.
18:2 Tú-tio̍h
chi̍t-ê miâ-chò A-ku-lah ê Iû-thài-lâng, i tī Pún-to͘ chhut-sì; kap i ê bó͘
Pek-ki-lah chòe-kīn chiah án Ì-tāi-lī poaⁿ-lâi, in-ūi Kek-ló-tiu hā-lēng só͘-ū
ê Iû-thài-lâng lóng tio̍h lī-khui Lô-má. Pó-lô chiū khì chhōe in,
18:3 koh in-ūi in
siāng-khoán sī chò pò͘-pêⁿ ê hang-gia̍p, chiū kap in chò-hóe tòa, chò-hóe
kang-chok.
18:4 Móe chi̍t-ê
An-hioh-ji̍t Pó-lô lóng tī hōe-tn̂g khui-thiah chin-tō, hōe-tiong ū
Iû-thài-lâng kap Hi-lī-nî lâng.
18:5 M̄-ku, tng
Se-lah hām Thê-mô͘-thài án Má-kî-tùn lo̍h-lâi liáu-āu, Pó-lô pī Sèng-sîn
chhui-pek, chiū ǹg Iû-thài-lâng kap Hi-lī-nî lâng kiàn-chèng Ia-so͘ sī Ki-tok.
18:6 Tng in
hoán-tùi Pó-lô koh kā i húi-pòng ê sî, i sūi kā i ê saⁿ-á-téng ê thô͘-soa hún-á
pōaⁿ-tiāu, iā tùi in kóng:” Lín ê sí-oa̍h chāi tī lín, kap góa bô-koan; tùi taⁿ
í-āu, góa beh khì gōa-kok-lâng ê tiong-kan.
18:7 Pó-lô
lī-khui hia, khì chi̍t-ūi miâ-chò Thê-to Iû-sū-to͘ in tau, i sī kèng-ùi
Siōng-chú ê lâng, tòa tī hōe-tn̂g ê keh-piah.
18:8 Hōe-tn̂g ê
chú-koán miâ-chò Kek-lí-sū-pò͘ hām i chhù-lāi ê lâng lóng sìn Chú. Chin-chē
Ko-lîm-to lâng thiaⁿ-liáu chin-tō mā sìn lâi siū-sé.
18:9 Chú tī àm-sî
ê īⁿ-siōng tiong, kā Pó-lô kóng:” M̄-bián-kiaⁿ, chó lí kè-sio̍k kóng, hó-táⁿ
khui-chhùi.
18:10 In-ūi Góa
kap lí tông-chāi, bô-lâng ē-tàng chhut-chhiú hāi lí, koh tī chit-ê siâⁿ-chhī ū
chin-chē siok Góa ê lâng.
18:11 Pó-lô tī
hia seng-oa̍h chi̍t-tang koh la̍k-kò-ge̍h, kap hia-ê lâng hun-hióng Siōng-chú ê
chin-tō.
18:12 Ka-liû chò
A-kai-a chóng-tok ê sî, Iû-thài-lâng ha̍p-óa-lâi kong-kek Pó-lô, kā I giú-khì
hoat-têng,
18:13 Kóng:”
Chit-ê lâng soat-ho̍k lâng bián chun-chiàu Lu̍t-hoat lâi kèng-pài Siōng-chú.”
18:14 M̄-ku Pó-lô
tú-beh khui-chhùi ê sî, Ka-liû kā Iû-thài-lâng kóng:” Iû-thài-lâng ah, Ná
chin-chiàⁿ ū oan-óng á-sī hoān-chōe ê sū hoat-seng, góa it-tēng nāi-sim thiaⁿ
lín kóng.
18:15 Chóng-sī,
lín ná leh cheng-lūn lín ê Lu̍t-hoat ê jī-gán á-sī bêng-chheng, chò lín ka-tī
khì pān to̍h-hó, in-ūi góa bô beh chò chit-khoán àn-kiâⁿ ê sím-phòaⁿ-chiá.”
18:16 I
chiū kóaⁿ in lī-khui hoat-têng.
18:17
Liân-āu Hi-liap-lâng lia̍h hōe-tn̂g ê chú-koán Só͘-thê-nî, tī hoat-īⁿ
thâu-chêng phah i. Chiah-ê tāi-chì Ka-liû lóng m̄ siū-lí.
18:18 Pó-lô
tī chit-ê tāi-chì liáu-āu, koh tòa kúi-ji̍t-á, chiū kap sìn-tô͘ kò-sî, hām
Pek-ku-lah kap A-ku-lah chò-hóe chē-chûn khì Sū-lī-a. Pó-lô ū hē-goān kòe chôaⁿ
tī Kian-kek-lí thì kng-thâu.
18:19 Pó-lô
lâi-kàu Í-hu̍t-só͘ kā kî-thaⁿ ê lâng lâu tī hōe-tn̂g gōa, ka-tī ji̍p-khì hām
Iû-thài-lâng piàn-lūn chin-tō.
18:20 Tng tāi-ke
iàu-kiû i kap in chò-hóe khah kú ê sî-kan, i khiok siā-choa̍t in.
18:21 M̄-ku
tī kò-sî ê sî-chūn, kóng:” Ná-sī Siōng-chú ê ì-sù, góa ē koh tńg-lâi lín chia,
góa ē ēng-chīn só͘-ū ê hong-hoat kàu tī Iâ-lō͘-sat-léng ê iân-sia̍h.” Chiū
chē-chûn lī-khui Í-hu̍t-só͘.
18:22 Tng
Pó-lô tī Kai-sat-lī-a chiō͘ⁿ-hōaⁿ, chiū khì ǹg kàu-hōe chhiáⁿ-an, chiah
lo̍h-khì An-thê-o.
18:23 Tòa
tī hia kúi-ji̍t liáu-āu chiah lī-khui, keng-kòe Ka-lia̍p-thài, Hut-lū-ka ê
tē-khu,
kian-kò͘
bûn-tô͘ ê sìn-gióng.
18:24 Taⁿ ū
chit-ê miâ-chò A-po-lô ê Iû-thài-lâng lâi-kàu Í-hu̍t-só͘, i sī tī
A-le̍k-san-tāi chhut-sì, sī chi̍t-ê ha̍k-chiá, tùi keng-chheh mā chin
cheng-thong.
18:25 I bat
ha̍k-sip Chú ê chin-tō, iā jia̍t-sim chiong Ia-so͘ ê tāi-chì kóng hō͘ lâng chai, i ê kàu-tō mā chèng-khak, sui-jiân i chí-ū
chai-iáⁿ Iok-hān ê sé-lé.
18:26 I
tōa-táⁿ tī hōe-tn̂g káng-tō; m̄-ku Pek-ki-lah hām A-ku-lah thiaⁿ-liáu, chiū kā i
chhōa lâi piⁿ-á, chiong Siōng-chú ê chin-tō ǹg i soeh-bêng hō͘ koh-khah
chèng-khak.
18:27 Tng i
koat-tēng beh-khì A-kai-a ê sî, chèng sìn-tô͘ lóng kó͘-lē i, iā siá-phoe hō͘
hia-ê bûn-tô͘ chiap-thāi i. I kàu hia liáu-āu, hō͘ hia-ê khò Siōng-chú un-tián
lâi sìn-Chú ê lâng, tit-tio̍h chin tōa ê pang-chō͘;
沒有留言:
張貼留言