2:1 Tē-saⁿ ji̍t, tī Ka-lī-lī ê Ka-ná ū chi̍t-tiô͘ⁿ hun-lé ê iân-sia̍h. Ia-so͘ ê ma-ma ū khì tī hia.
2:2 Ia-so͘
mā siū iau-chhiáⁿ, hām i ê ha̍k-seng khì chham-ka hun-iàn.
2:3 Tī bô
chiú thang lim ê sî, Ia-so͘ ê ma-ma kā Ia-so͘ kóng:” In bô chiú à!”
2:4 Ia-so͘
ìn i kóng:” A-bú, che kap lí hām góa ū siáⁿ-mih koan-hē? Góa ê sî-kan iáu-bē
kàu.”
2:5 I ê
ma-ma chiū kā ho̍k-bū-oân kóng:” Bô-lūn I kā lín kóng siáⁿ, lín khì chò
chiū-sī.”
2:6
Àn-chiàu Iû-thài-lâng kiat-chēng ê lé-gî só͘ kui-tēng, tī hia ài pâi la̍k-kha
chio̍h-kng, móe chi̍t-kha ē-tàng té peh-káu-cha̍p li̍p ê chúi.
2:7 Ia-so͘
tùi ho̍k-bū-oân kóng:“ Lín khì chhiō͘ⁿ-chúi lâi kā chio̍h-kng té hō͘ tīⁿ.” In
chiū khì kā chúi tò li̍p-khì chio̍h-kng, kàu kah móa chhut-lâi.
2:8 Koh kā
in kóng:” Chit-má ió͘ⁿ chi̍t-kóa chhut-lâi, phâng hō͘ pān-toh ê chóng-phò͘-sai.
In chiū phâng khì hō͘ i.
2:9 Tng chóng-phò͘-sai
tam-tio̍h chúi só͘ piàn-sêng ê chiú, mā m̄-chai sī án tó-ūi lâi ê, (m̄-ku
phâng-lâi ê lâng chai-iáⁿ) chiū kiò sin-lông lâi,
2:10 Kā i
kóng:” Lâng lóng tāi-seng chhut hó-chiú, kàu lâng-kheh lim kah leh chùi, chiū
chhut khah-bái ê. Lí hoán-tńg kā hó-chiú lâu-kàu chit-má.”
2:11 Che-sī
Ia-so͘ tī Ka-lī-lī ê Ka-ná kiâⁿ chē-chē sîn-jiah ê thâu chi̍t-ê, lâi hián-chhut
I ê êng-kng, hia-ê ha̍k-seng chiū lóng sìn I.
2:12 Chit-ê
tāi-chì liáu-āu, Ia-so͘ kap I ê ma-ma, hiaⁿ-tī, ha̍k-seng chò-hóe loh-khì
Ka-pe̍k-lông, tī hia tòa kúi-ji̍t-à nā-niā.
2:13
Iû-thài-lâng ê Pôaⁿ-kòe-chat teh-beh kàu à, Ia-so͘ chiū chiō͘ⁿ-khì
Iâ-lō͘-sat-léng.
2:14 I
khòaⁿ-tio̍h sèng-tiān lāi, ū lâng leh bē gû, iô͘ⁿ, hún-chiáu, ōaⁿ-chîⁿ-è mā chē
tī hia,
2:15 Chiū
theh chit-tiâu soh-à chò piⁿ, kā gû hām iô͘ⁿ lóng kóaⁿ-chhut sèng-tiān, koh kā
ōaⁿ-chîⁿ-è ê chîⁿ piàⁿ chhut-lâi, chhia-tó i ê toh-à.
2:16 Chôaⁿ
kā hia-ê bē hún-chiáu ê lâng kóng:” Tio̍h kā chia-ê mi̍h-kiāⁿ poaⁿ chhut-khì,
m̄-thang kā Góa ê Pē ê chhù pìⁿ-chò kau-e̍k-só͘.”
2:17 I ê
ha̍k-seng chiū siō͘ⁿ-khí keng-chheh ū siá:” Ūi-tio̍h Lí ê sèng-tiān ê jia̍t-sim
teh-beh kā Góa chia̍h-khì.”
2:18 Só͘-í
Iû-thài-lâng tùi I kóng:” Lí chò chiah-ē tāi-chì, sī beh hō͘ goán khòaⁿ
siáⁿ-mih sîn-jiah?”
2:19 Ia-so͘
ìn in kóng:” Lín thiah-húi chit-keng sèng-tiān, m̄-ku saⁿ-ji̍t lāi, Góa beh-koh
kā khí khí-lâi.”
2:20 Hia-ê
Iû-thài-lâng chiū kóng:” Chit-keng sèng-tiān ēng sì-cha̍p-la̍k-tang chiah
khí-hó, Lí saⁿ-ji̍t lāi chiū kā khí khí-lâi ò͘ ?”
2:21
Kî-si̍t, Ia-so͘ kóng ê sèng-tiān sī leh chí I ê seng-khu.
2:22 Só͘-í
tng I án sí koh-oa̍h ê sî, I ê ha̍k-seng chiū siō͘ⁿ-khí I kóng-kòe ê chit-hāng
sū, mā siong-sìn keng-chheh kap Ia-so͘ só͘ kóng ê ōe.
2:23
Pôaⁿ-kòe-cheh ê sî, Ia-so͘ tī Iâ-lō͘-sat-léng chham-ka khèng-chiok, chi̍t-tōaⁿ
kî-kan, chin-chē lâng khòaⁿ-tio̍h I kiâⁿ chē-chē sîn-jiah, chiū sìn I.
2:24 M̄-ku
Ia-so͘ pèng-bô kā ka-tī sìn-thok hō͘ in, in-ūi I chai chèng-lâng ê sim-su.
2:25 Mā in-ūi I ka-tī chai-iáⁿ tī lâng ê lāi-bīn sī siáⁿ-hòe, chiū bô su-iàu jīm-hô lâng lâi chèng-bêng.
20191004
沒有留言:
張貼留言