Iok-hān hok-im-su sī góa siá" tha̍k Sèng-keng ê lí-kái" ê tē-sì pún.
" Góa kò-jîn tī tha̍k Sèng-keng ê lí-kái",
koat-tēng án「Má-khó hok-im-su」khai-sí ê goân-in : Chi̍t hong-bīn sī in-ūi beh ēng siō͘ⁿ-chió
ê phian-hok lâi kài-siāu Ki-tok Ia-so͘, kî-chhù sī ē-thang khah-kín oân-sêng
chit-pún chheh ê kì-lo̍k, lâi tit-tio̍h tām-po̍h-á sêng-chiū-kám lâi kó͘-lē ka-tī.
Tē-jī pún sī「Lō͘-ka hok-im-su」, che-sī in-ūi chok-chiá
sī gōa-kok-lâng, chin chū-jiân iā sī siá hō͘ hui-Iû-thài-lâng tha̍k ê, hām Má-thài Hok-im-su sī siá hō͘ Iú-thài-lâng khòaⁿ ê chin bô-siâng-khoán, jî-chhiáⁿ sī chiàu tāi-chì hoat-seng ê chhù-sū lâi kì-lo̍k, siá-chok, ē-tàng kóng sī
toān-kì-sek ê chheh, hō͘ tho̍k-chiá tī tha̍k kò͘-sū ê tiong-kan, jīm-bat Ki-tok
Ia-so͘ kap I ê tiong-sim su-sióng.
Tē-saⁿ pún sī「Sú-tô͘ hêng-toān」, chit-pún hām「Lō͘-ka hok-im」sī siāng chi̍t-ūi chok-chiá, i kè-sio̍k chiàu
sî-kan ê chhù-sū kì-lo̍k Chū Ia-so͘ lī-khui sè-kan í-āu, I hia-ê bûn-tô͘ tī
niá-siū Sèng-sîn kàng-lîm liáu-āu, chiâⁿ-chò I ê kiàn-chèng-jîn kè-siok Ki-tok Ia-so͘ thoân Siōng-chú-kok ê Hok-im, tī Sèng-sîn ê
ín-chhōa, ióng-kám ǹg Iû-thài-lâng kap Gōa-kok-lâng kiàn-chèng Ia-so͘ chiū-sī Ki-tok, iā-sī Siōng-chú ê kiáⁿ, I í-keng tùi sí koh-oa̍h, lâi iau-chhiáⁿ in chiap-siū Ia-so͘ Ki-tok chò in múi-chi̍t-ê lâng ê Chú kap Kiù-chú.
Chit saⁿ-pún chheh, thang kóng sī
Ki-tok-tô͘ seng-oa̍h kap kàu-hōe ē-tàng kè-sio̍k chûn-chāi ê ki-pún kàu-châi.
Koh chit-má só͘-siá ê chit-pún「Iok-hān
hok-im-su」sī kàu-hōe chhî-siok
hoat-tián, he̍k-sī Ki-tok-tô͘ sìn-gióng tióng-chìn ê Lêng-siu chí-lâm. Góa tī
1988 nî niá-siū Sèng-sîn ê khui-khé í-āu, chiah bān-bān bêng-pe̍k「Iok-hān hok-im-su」chit-pún chheh, mā lú-lâi-lú ì-ài chit-pún chheh. Ǹg-bāng ē-thang ēng koh-khah
hō͘ tho̍k-chiá ē lí-kái ê bûn-jī, lâi ūi Chú Ia-so͘ chò kiàn-chèng.
2019/09/24 Tī Tâi-lâm Kui-jîn Lâm-thâm
沒有留言:
張貼留言