10:1 Góa si̍tsi̍t chāichāi kā lín kóng:” Beh ji̍p khì iô͘ⁿtiâu ê lâng, nā bô án mn̂g ji̍p khì, hoántńg án pat só͘chāi peh ji̍p khì, hit ê lâng chiūsī chat, chiūsī kiông-tō.
10:2 Chíū
án mn̂g ji̍p khì ê, chiahsī iô͘ⁿkûn ê bo̍kchiá.
10:3
Kò͘mn̂g è chiū kā bo̍kchiá khuimn̂g, iô͘ⁿ ē thiaⁿ I ê siaⁿ. I kiò katī ê
iô͘ⁿ ê miâ, chi̍t chiah chi̍t chiah chhōa in chhut lâi.
10:4 Tī kā in lóng pàng chhut lâi liáuāu, chiū kiâⁿ tī in ê thâuchêng. Iô͘ⁿ iā tòe I, inūi in ē jīnti̍t I ê siaⁿ.
10:5 Iô͘ⁿ
bē tòe seⁿhūn lâng, hoántńg ē cháu līkhui, inūi in m̄bat i ê siaⁿ.”
10:6 Iaso͘
kā in kóng chit ê phílū, tānsī in bē liáukái I ê ìsù.
10:7 Só͘í
Iaso͘ koh kā in kóng:” Góa si̍tsi̍t chāichāi kā lín kóng, Góa chiūsī iô͘ⁿ ê
mn̂g,
10:8 Só͘ū
tāiseng Góa lâi ê sī chat, sī kiôngtō, iô͘ⁿ bē thiaⁿ in.
10:9 Góa
chiūsī mn̂g, jīmhô chit ê án Góa chia li̍plâi ê, ittēng ē titkiù, koh
thang chhutji̍p chhōetio̍h bo̍kchháu.
10:10
Chha̍t lâi chíū beh thau, beh thâi, beh phòhoāi nātiāⁿ, Góa lâi sī beh hō͘
lâng tittio̍h hongsēng ê oa̍hmiā.
10:11 Góa sī
hó bo̍kchiá. Hó bo̍kchiá ē ūi iô͘ⁿ pàngsat sèⁿmiā.
10:12 Hō͘
lâng chhiàⁿ ê, i m̄sī bo̍kchiá, iô͘ⁿ mā m̄sī i ê, i khòaⁿtio̍h chhâilông
lâi, chiū kā iô͘ⁿ pang leh, chò i cháu; chhâilông chiū khì kā hia ê iô͘ⁿ, koh
kā in lōng sòaⁿ.
10:13
Kangá chò i chò, in-ūi i sī hō͘ lâng chhiàⁿ ê, só͘í bô koansim iô͘ⁿ.
10:14 Góa
sī hó bo̍kchiá, Góa bat Góa ê iô͘ⁿ, Góa ê iô͘ⁿ mā bat Góa,
10:15 Chiū
chhinchhiūⁿ Pē bat Góa, Góa iā bat Pē siāngkhoán; koh Góa ūitio̍h iô͘ⁿ
pàngsat sèⁿmiā.
10:16 Góa
iáu ū kîthaⁿ ê iô͘ⁿ, bô tī chi̍t ê tiâulāi, Góa tekkhak ài khì chhōa in lâi,
in mā ē thiaⁿ Góa ê siaⁿ, ánne in chiū chiâⁿchò chi̍t kûn, siok tī chit ê
bo̍kchiá.
10:17 Só͘í
Pē thiàⁿ Góa, inūi Góa pàngsat Góa ê sèⁿmiā, thang koh tittio̍h sèⁿmiā.
10:18 Bôlâng
chhió͘ⁿtoat Góa ê sèⁿmiā, sī Góa katī pàngsat ē. Góa ū koân pàngsat
sèⁿmiā, mā ū koân koh tittio̍h. Chesī Góa án Pē niásiū ê bēnglēng.”
10:19 Inūi
Iaso͘ kóng chiah ê ôe, tī Iûthài lâng tiongkan koh hunchò nn̄gpêng.
10:20 U
lâng kóng:” I hō͘ kúi hūsin, leh khísiáu, sī ánchóaⁿ leh thiaⁿ I kóng?”
10:21 Koh ū
lâng kóng:” Chiah ê ōe m̄sī hō͘ kúi hūsin ê lâng só͘ kóng ê. Kám kóng kúi ē
khui chheⁿmê lâng ê ba̍kchiu?”
10:22 Hit ê
sî tī Iâlō͘satléng leh kúhêng hōnghiàn sèngtiān ê légî, sī tangthiⁿ sî.
10:23
Iaso͘ túhó tī sèngtiān hit tiâu hōchò Só͘lôbûn ê cháulông leh kiâⁿ.
10:24
Iûthài lâng ûi óa lâi mn̄g I kóng:” Lí beh hō͘ goán ioh kàu tang-sî? Lí nāsī
Kitok, chiū thánpe̍k kā goán kóng.”
10:25
Iaso͘ ìn in:” Góa íkeng kā lín kóng kòe, m̄ku lín m̄ sìn. Góa hōng Góa ê Pē
ê miâ só͘ kiâⁿ ê tāichì thang ūi Góa chòchèng,
10:26 M̄ku
lín tō m̄ sìn, inūi lín m̄sī Góa ê iô͘ⁿ.
10:27 Góa ê
iô͘ⁿ thiaⁿ Góa ê siaⁿ, Góa mā bat in, in mā tòe Góa.
10:28 Góa
iā sù in éngoán ê oa̍hmiā, hō͘ in choa̍ttùi bē bia̍tbông. Jîchhiáⁿ bô lâng
ētàng án Góa ê chhiútiong kā in chhió͘ⁿ khì.
10:29 Góa ê Pē kā iô͘ⁿ sió͘ⁿsù hō͘ Góa, I pí it-chhè koh-khah úi-tāi, bô-lâng ē-tàng án Pē
ê chhiú-tiong chiong in chhió͘ⁿ-khì.
10:30 Góa goânpún kap Pē sī chit-thé.”
10:31
Iûthài lâng chôaⁿ khioh chio̍hthâu beh tìm I.
10:32
Iaso͘ kā in kóng:” Góa íkeng chò chēchē Pē hō͘ Góa chò ê hósū hō͘ lín
khòaⁿ, lín sī ūi tó chi̍t hāng ēng chio̍hthâu beh tìm Góa leh?”
10:33 Iûthài lâng
kā ìn:” Goán ēng chio̍hthâu tìm Lí, m̄sī inūi Lí chò ê hósū, sī inūi kóng
se̍kto̍k Siōngchú ê ōe, koh inūi Lí sī lâng nātiāⁿ, khiok chūchheng sī
Siōngchú.”
10:34
Iaso͘ mn̄g in:” Lín ê Lu̍thoat kám m̄sī ū siá「Góa kóng, Lín sī sîn.」mah?”
10:35
Kengchheh ê ōe sī bē pī hùitû è, kìjiân Siōngchú chheng hia ê chiapsiu I ê
ōe ê lâng sī sîn,
10:36 Nā
ánne, Pē hunpia̍t Góa chòsèng, koh phài Góa lâi chit sèkan, sī ánchóaⁿ Góa
kóng Góa sī Siōngchú ê kiáⁿ, lín chiū kóng Góa se̍kto̍k Siōngchú?
10:37 Góa
só͘ chò ê, nā m̄sī Siōngchú ê kangchok, lín chiū m̄bián sìn Góa;
10:38 M̄ku
Góa nā ū chò, chún chò lìn m̄sìn Góa, mātio̍h sìn Góa chò ê tāichì, thang hō͘
lín chai mā liáukái Pē tī Góa lāibīn, Góa tī Pē lāibīn.
10:39 In
kohchài siō͘ⁿ beh lia̍h Iaso͘, I chiū án in ê kèbô͘ tiong tôcháu.
10:40
Iaso͘ koh kòekhì Ioktàn hô hit pêng, kàu Iokhān khíthâu kā lâng kiâⁿ sélé
ê só͘chāi, chiū tòa tī hia.
10:41 Ū
chinchē lâng lâi kìⁿ Iaso͘. In kóng:” Iokhān bô kiâⁿ sînjiah, m̄ku I só͘
kóng iúkoan chit ê lâng ê móe chi̍thāng tāichì lóng ū iáⁿ.”
10:42 TĪ
hia chiū ū chinchē lâng sìn I.
沒有留言:
張貼留言