11:1 Ū chi̍t ê hō chò Lia̍psatlō͘ ê lâng, leh phòapēⁿ, i tòa tī Pektāinî, chiūsī Málīa kap i ê chímōe Mátāi ê chng-siā.
11:2 Chit ê
Málīa chiūsī bat ēng chengiû boah Chú ê kha, koh ēng I ê thâumn̂g kā chhit
ê hit ūi, I ê hiaⁿ-tī Lia̍psatlō͘ phòapēⁿ à.
11:3 Só͘í,
chit nn̄g ê chímōe phài lâng khì chhōe Iaso͘, kóng:” Chú à, Li só͘ thiàⁿ ê lâng
leh phòa-pēⁿ à.”
11:4 Iaso͘
thiaⁿliáu chiū kóng:” Chit ê pēⁿ bē tìkàu sí, sī beh lâi êngiāu Siōngchú,
hō͘ Siōngchú ê kiáⁿ thang inūi chit hāng tāichì tittio̍h êngiāu.
11:5 Chēng
kàutaⁿ, Mátāi, kap i ê chímōe Málīa hām Lia̍psatlō͘ lóng sī Iaso͘ thiàⁿ
loh sim ê lâng.
11:6 Só͘í
tng I thiaⁿtio̍h Lia̍psatlō͘ phòapēⁿ ê siausit, pèngbô sūi līkhui
hit só͘chāi, iau tī hia nn̄g ji̍t.
11:7 Āulâi
chiū kā ha̍kseng kóng:” Lán koh lâi khì Iûthài.”
11:8 Chèng
ha̍kseng mn̄g i:” Lāusu, kúiji̍t chêng Iûthài lâng chiah beh khioh
chio̍hthâu khian Lí, Lí kám beh koh khì ?”
11:9 Iaso͘
kóng:” Ji̍tsî kámsī ū cha̍pjī tiámcheng? Lâng tī ji̍tsî kiâⁿlō͘ chiah bē
poa̍htó, inūi i ē khòaⁿtio̍h chit sèkài ê kng.
11:10 M̄ku
lâng nā tī àmsî kiâⁿ, khólêng ē poa̍htó, inūi i lāibīn bô kng.
11:11
Iaso͘ kóng liáu chiah ê ōe, koh kā in kóng:” Lán ê pêngiú Lia̍psatlō͘
khùn khì à, Góa lâi khì hō͘ i chhéⁿ kòe lâi.
11:12
Ha̍kseng kā I kóng:” Chú à, I nā tu leh khùn, chiū ē hó khí lâi.”
11:13
Iaso͘ sī kóng Lia̍psatlō͘ íkeng sí à, m̄ku in lia̍hchò sī leh kóng i
chinchiàⁿ leh khùn.
11:14
Só͘í, Iaso͘ kā in bêngkóng:” Lia̍psatlō͘ sí à.
11:15 Góa
iā ūitio̍h lín lâi hoaⁿhí, inūi Góa bô khì tī hia, só͘í ēthang hō͘ lín sìn
Góa; taⁿ lán lâi khì i hia.
11:16 Hit ê
hō chò Téthó͘má ê Tomá, kā kîthaⁿ ê ha̍kseng kóng:” Lán lâi khì hām i
chòhóe sí.”
11:17 Tng
Iaso͘ kàuui ê sî chiah chaiiáⁿ Lia̍psatlō͘ íkeng khǹg tī bōng lāi, ū
sì ji̍t à.
11:18
Pektāinî lī Iâlō͘satléng tāiiok ū saⁿ konglí;
11:19 Ū
chinchē Iûthài lâng inūi Lia̍psatlō͘ sí khì, lâi anùi Mátāi hām Málīa.
11:20 Tng
Mátāi thiaⁿtio̍h Iaso͘ teh beh kàuui, chiū cháu chhut khì gêngchiap I,
m̄ku Málīa iûgoân chē tī chhùlāi.
11:21
Mátāi chiū kā Iaso͘ kóng:” Chú ah, Li nā ū tī chia, góa ê hiaⁿtī ittēng bē
sí.
11:22 M̄ku
góa chin khéngtēng, chitmá bôlūn Lí ńg Siōngchú kiû siáⁿmih, I lóng ē hō͘
Li.
11:23
Iaso͘ kā i kóng:” Lí ê hiaⁿtī ē koh oa̍h khí lâi.”
11:24
Mátāi ìn I kóng:” Góa chaiiáⁿ tī boa̍tji̍t ê sî, ta̍kê lóng kohoa̍h ê sî,
i ē oa̍h khílâi.
11:25
Iaso͘ kā i kóng:” Góa púnsin chiūsī kohoa̍h kap oa̍hmiā, sìn Góa ê lâng
suijiân sí, iáukú beh kohoa̍h.
11:26 Koh
hiānchāi iau oa̍h leh mā sìn Góa ê lâng, ittēng bô lâng ē tútio̍h sí, lí kám
ánne siongsìn?”
11:27
Mátāi ìn:” Chú ah, góa ū sìn Li sī Kitok, sī Siōngchú ê Kiáⁿ, sī teh beh lâi
sèkan hit ūi.”
11:28 I
kóng soah chiū tńg khì, tiāmtiāmà kā in siómōe Málīa kóng, Lāusu lâi ah,
I leh kiò lí.”
11:29 Málīa
chi̍t ē thiaⁿtio̍h, chiū sûisî khí lâi, khì Iaso͘ hia.
11:30
Hit sî Iaso͘ iáubōe ji̍pkhì siâⁿ lāi, thêngliû tī Mátāi gêngchiap I ê
só͘chāi.
11:31 Hia ê
lâi anùi Málīa hām i tī chhù lāi ê Iûthài lâng, tng in khòaⁿtio̍h Málīa
chiok kín tō khí lâi, kiâⁿ chhut khì gōabīn, lóng siō͘ⁿkóng i sī beh khì
bōngtē.
11:32
Málīa kàu Iaso͘ hia, khòaⁿtio̍h I chiū phak tī I ê khachêng, kóng:” Chú à,
Lí nā ū tī chia, góa ê hiaⁿtī chiū bē sí.”
11:33 Tng
Iaso͘ khòaⁿtio̍h Málīa leh thîkhàu, koh khòaⁿtio̍h kap i chòhóe lâi ê
Iûthài lâng mā leh khàu, I ê simlêng siū chin tōa ê chhiongkek.
11:34 Mn̄g
in:” Lín kā i chòng tī tóūi?” In ìn:” Chú à, tòe goán lâi khòaⁿ!”
11:35
Iaso͘ mā lâu ba̍k-sái.
11:36 Só͘í
hia ê Iûthài lâng kóng:” Lín khòaⁿ, I lōa nih thiàⁿ i ah!”
11:37
Kî0tiong ū chi̍tkóa lâng kóng:” Chit ê lâng bat hō͘ sitbêng ê lâng koh
khòaⁿkìⁿ, I kám ētàng hō͘ I ê pêngiú bē sí?”
11:38
Iaso͘ ê lāisim chin aisiong lâi kàu bōngtē. Hit ê bōngtē sī chi̍t ê
chio̍htōng, ū chi̍t tè chio̍hthâu that tī bōngkháu.
11:39
Iaso͘ kóng:” Kā chio̍hthâu kōkhui.” Hit ê sí khì ê lâng ê tōaché, Mátāi
kóng:” Chú à, i íkeng sí sì ji̍t à, kàu taⁿ ittēng chhàu à.”
11:40
Iaso͘ kā i kóng:” Góa kámbô kā lí kóng kòe, lí nā ū sìn, chiū ē khòaⁿtio̍h
Siōngchú ê êngkng?”
11:41 In
chiū kā chio̍hthâu sóakhui. Iaso͘ gia̍hba̍k ǹgthiⁿ kóng:” Pē à, Góa oló
Li, inūi Lí íkeng thiaⁿ Góa ê kîtó.”
11:42 Góa
chai Lí sîsiông thiaⁿ Góa ê kîtó, m̄ku Góa ánne kóng, sī ūitio̍h khiā tī
chia ê chènglâng, thang hō͘ in sìn sī Li phài Góa lâi chia.”
11:43 Kóng
liáu, I chiū tōasiaⁿ hoah:” Lia̍psatlō͘ chhut lâi!”
11:44 Hit ê
sílâng chiū chhut lâi, i ê kha hām chhiú hō͘ pò͘ pa̍k tiâutiâu, bin khàm
kiná. Iaso͘ hoanhù in kóng:” Kā i tháukhui, hō͘ i thang kiâⁿ!”
11:45 Hia ê
lâi ùibūn Málīa ê Iûthài lâng, khòaⁿtio̍h Iaso͘ só͘ chò ê sū, kîtiong ū
chin chē chiū lâi sìn I.
11:46 Mā ū
chi̍tkóa lâng khì chhōe Hoatlīsài phài ê lâng, ǹg in pòkò Iaso͘ só͘ chò ê
tāichì.
11:47 Inūi
ánne, hia ê chèsitió͘ⁿ hām Hoatlīsài phài ê lâng khuihōe thólūn:” Chit ê
lâng kiâⁿ chiah chē sînjiah, lán beh ánchóaⁿ pān?”
11:48 Kású
lán nā hō͘ I kèsio̍k ánne chò, ta̍k ê lóng ē khì sìn I, Lômá lâng ē lâi
chhió͘ⁿtoa̍t lán ê só͘chāi kap bîncho̍k.”
11:49
M̄ku, in kîtiong ū chi̍t ūi hō chò Kaiahoat, sī hit nî ê tōachèsi, kóng:”
Lín m̄chai pòaⁿ hāng tāichì,
11:50 mā bô
siō͘ⁿ beh liáukái, hō͘ chi̍t ê lâng thè chènglâng sí, chiah bián hō͘ choân
bîncho̍k bia̍tbông.”
11:51 I
kóng chiah ê ōe m̄sī katī ê ìsù, sī i chò hit nî ê tōachèsi, ūgiân Iaso͘
ē ūitio̍h chit ê bîncho̍k lâi sí.
11:52 M̄nā
ūitio̍h hit ê bîncho̍k, mā sī beh kā Siōngchú sìsòaⁿ tī sèsiōng ê jîlú
chiochi̍p chò chit thé ê bo̍kte̍k.
11:53 Án
hit ji̍t khí, in chiū kèōe beh thâisí Ia-so͘.
11:54 Só͘í
Iaso͘ bô koh tī Iûthài lâng ê tiongkan kongkhai oa̍htāng, I līkhui hia,
khì khòkīn khòngiá ê só͘chāi, kàu chi̍t ê hō-chò Íhoatliân ê siâⁿ, hām
ha̍kseng tòa tī hia chi̍t tōaⁿ sîkan.
11:55 Taⁿ Iûthài lâng
ê Pôaⁿkòecheh teh beh kàu à, tī siú chi̍t ê cheh chinchêng, ū chin chē lâng
án chngkha lâi kàu Iâlō͘satléng beh siú Kiatchēnglé.
11:56 In
lóng leh chhōe Iaso͘, tī Sèngtiān lāi mā hō͘siong mn̄g:” Lín ánchóaⁿ khòaⁿ?
I ittēng bē lâi kòe cheh sī bô?”
11:57
Chèsitió͘ⁿ hām Hoatlīsài phài ê lâng íkeng hālēng, nā ū lâng chaiiáⁿ I
tī tóūi, tio̍h lâi pòkò hō͘ in thang khì lia̍h I.
沒有留言:
張貼留言