12:1 Tī Pôaⁿkòecheh ê chêng la̍k ji̍t, Iaso͘ lâi kàu Pektāinî, chiūsī I hō͘ Lia̍psatlō͘ án sí kohoa̍h só͘ tòa ê só͘chāi.
12:2 Só͘í in tī hia ūi Iaso͘ chúnpī àmtǹg, Mátāi tī piⁿá suhāu, Lia̍psatlō͘ mā tī hit tiongkan hām Iaso͘ siāng toh.
12:3 Málīa the̍h chi̍t koàn sûn koh chin ta̍tchîⁿ ê chēngiû, lâi boah I ê kha, koh ēng katī ê thâumn̂g kā Iaso͘ ê kha chhit hō͘ ta, kuikeng chhùlāi chôaⁿ phang chhèngchhèng.
12:4 M̄ku
I ê ha̍kseng tiong ū chi̍t ê, chiūsī āu lâi chhutbē Iaso͘ ê Kalio̍k lâng
Iûtāi kóng:
12:5 “Ná m̄
kā chit koàn chēngiû the̍h khì bē saⁿpah gîn, lâi chinchè à?”
12:6 I ánne kóng, m̄sī inūi i koansim sànchhiah lâng, sī inūi i sī chat, tiāⁿtiāⁿ thauthe̍h i só͘ koánlí ê kongkhoán.
12:7 Iaso͘
chiū ìn:” Chhut chāi i khì chò. Hō͘ i kā chit ê chengiû lâu kàu Góa bâichòng
ê ji̍t thang ēng.
12:8 Lín
put sî ū sànchhiah lâng kap lín chòhóe, m̄ku Góa bô tiāⁿtiāⁿ hām lín tàutīn.”
12:9 U chinchē Iûthài lâng thiaⁿtio̍h Iaso͘ tī Pektāinî, chiū khì hia, in m̄niā beh khòaⁿ Iaso͘, m̄ beh khòaⁿ Iaso͘ hō͘ hit ê àn sí kohoa̍h ê Lia̍psatlō͘.
12:10
Só͘í, hia ê chèsi tió͘ⁿ chhamsiông beh chhúsí Lia̍psatlō͘.
12:11 Inūi
ū chinchē Iûthài lâng ūi tio̍h Lia̍psatlō͘ ê iânkò͘, līkhui in khì sìn
Ia-so͘.
12:12
Kehji̍t, chi̍t tōatīn lâng lâi kòe cheh, thiaⁿtio̍h Iaso͘ beh lâi
Iâlō͘satléng ê siausit,
12:13 Chiū kia̍h changchhiū ki chhut khì gêngchiap. Hoah kóng:” Hôsànná, hōng Chú ê miâ lâi ê hit ūi, engkai tittio̍h oló !”
12:14
Iaso͘ khòaⁿtio̍h chi̍t chiah lûá, chiū khan lâi khiâ. Chiàu kengchheh só͘
kì:
12:15
Sekan ê chabó͘kiáⁿ, m̄bián kiaⁿ, khòaⁿ leh ! lí ê Óng lâi ah, I khiâ tī
lûá téng.
12:16 Hit ê sîchūn ha̍kseng bô liáukái chithāng tāichì, m̄ku tng Iaso͘ pīthê chinji̍p I ê êngkng ê sî, in chiah siō͘ⁿ khí kengchheh só͘ kìchài chit hāng sū sī leh chí Ia-so͘. Tāichì mā kójiân ánne hoatseng tī I ê sinchiō͘ⁿ.
12:17 Iaso͘ kiò Lia̍psatlō͘ án bōng lāi chhutlâi hō͘ i kohoa̍h ê sî, chāitiô͘ⁿ ê lâng kèsio̍k leh kóng chit hāng sū.
12:18
Chènglâng mā ánne chhut khì gêngchiap I, inūi ū thiaⁿtio̍h I só͘ kiâⁿ ê
chit hāng sînjiah.
12:19 Hoatlīsài phài ê lâng hō͘siong kóng:” Lí khòaⁿ, lán só͘ chò ê lóng bô chháikang, choân sèkài lóng tòe I khì à!”
12:20 Tī
chehkî tiong lâi Iâlō͘satléng kèngpài ê lâng lāibīn, ū chi̍t kóa
Hiliap lâng.
12:21 In
lâi chhōe Kalīlī séng ê Peksàitāi lâng Huile̍k, chhéngkiû i kóng:“ Goán
ài beh kìⁿ Iaso͘.”
12:22
Huile̍k chiong chiah ê ōe kā Anteklia̍t kóng, i chiū hām Huile̍k chòhóe
khì kā Iaso͘ kóng.
12:23
Iaso͘ ìn in:” Jînchú tittio̍h êngkng ê sî kàu ah.”
12:24 Góa si̍tsi̍t chāichāi kā lín kóng:“ Chi̍t lia̍p be̍h ê chéngchí nā bô chéng loh tēnih, chiongkio̍k mā sī chi̍t lia̍p be̍há nātiāⁿ. Nā chèng lo̍h khì, chiū ē kiat chinchē be̍há.
12:25 Thiàⁿsioh katī sèⁿmiā ê lâng, ē sitlo̍h i ê sèⁿmiā; tī sèkan bô sioh katī ê sèⁿmiā ê, ittēng ē kā pósioh ti̍tkàu éngoán.
12:26 Nā ū lâng beh lâi ho̍ksāi Góa, chiū hō͘ i tòe Góa; Góa tī tóūi, ho̍ksāi Góa ê lâng mā tī tóūi. Jīm hô chit ê chiâⁿchò Góa ê po̍kjîn ê, Góa ê Pē ē chuntiōng i.
12:27 “Taⁿ Góa ê sim chin hoân, Góa beh kóng siáⁿhòe? Kám beh kóng, Pē ah, kiù Góa thoatlī chit ê sîkhek? M̄sī, Góa sī ūitio̍h chit ê sîkhek chiah lâi è.”
12:28 “Pē ah, goān Lí êngkng Lí ê miâ.” Jiânāu ū siaⁿ tùi thiⁿténg lâi, Góa íkeng ū êngiāu Góa ê miâ,mā beh koh chài êngiāu chi̍tpái.”
12:29 Khiā tī piⁿá ê kûnchiòng ū thiaⁿtio̍h siaⁿ chiū kóng:” Leh tân lûikong.” Ū ê kóng:” Thiⁿsài leh kā I kóng ōe.”
12:30
Iaso͘ ìn kóng:“ Chit ê siaⁿ m̄sī ūitio̍h Góa, sī ūitio̍h lín lâi ê.”
12:31
Hiānkim sī chit ê sèkài siū símphòaⁿ ê sîchūn, chitmá chit ê sèkài ê
thóngtīchiá ē pī thuihoan.
12:32 Nā sī
Góa tī tēchiō͘ⁿ pī chiap chiō͘ⁿthiⁿ ê sî, ē hō͘ chènglâng lâi kàu Góa chia.”
12:33
Iaso͘ ánne kóng sī piáubêng I ē ánchóaⁿ sí.
12:34 Chènglâng sūi ìn I kóng：” Lu̍thoat chheh ū kìchài Kitok ē éngoán oa̍h leh. Lí náē kóng Jînchú ē pī kúkhí? Chit ê jînchú sī siáⁿlâng?”
12:35 Iaso͘ kā in kóng:” Tī lín tiongkan ê kng chhun bô lōakú, siângsî lín tio̍h thàn ū kng ê sî, kèsio̍k chêng chìn, chiah bē hō͘ o͘àm jiakhàm, tī o͘àm tiong leh kiâⁿ ê lâng, m̄chai beh kiâⁿ khì tóūi?”
12:36 Thàn ū kng ê sî, lín tio̍h sìn chit ê kng, hō͘ lín thang chiâⁿchò kngbêng ê jîlú. Chiah ê ōe kóng liáu, Iaso͘ chiū līkhui in, ū chi̍t tōaⁿ sîkan hō͘ in bē koh tútio̍h.
12:37
Suijiân I tī in ê bīnchêng kiâⁿ hiah chē sînjiah, in iáukú m̄ sìn I.
12:38 Che sī beh ènggiām sianti Ísàia ê ōe, kóng:“ Chú ah ! Ū siáⁿlâng sìn goán só͘ thoân ê? Chú ê khùila̍t ǹg siáⁿlâng hiánbêng?“
12:39 In
bētàng siongsìn ê goânin, sī inūi Ísàia mā koh ánne kóng:“
12:40 Siōngchú hō͘ in ê ba̍kchiu khòaⁿbô, hō͘ in ê sim ngē, inūi khióngkiaⁿ in ê ba̍kchiu khòaⁿū, in ê sim hiáungō͘, koh lâi kui ǹg Góa, Góa chiū kā in ihó.
12:41
Ísàia ánne kóng, sī inūi i ū khòaⁿkòe Iaso͘ ê êngkng, chiah kóng koanhē
I ê tāichì.
12:42 Suijiân sī ánne, iáu-ku ū chin chē chiángkoân chiá lâi sìn Iaso͘, m̄ku inūi kiaⁿ Hoatlīsài phài ê lâng, chôaⁿ bô kongkhai sêngjīn, chiah bián hō͘ in kóaⁿ chhut hōetn̂g.
12:43
Chiah ê Hoatlīsài phài ê lâng ài lâng ê chhengchàn, iâⁿkòe Siōngchú ê
oló.
12:44
Iaso͘ tōasiaⁿ hoah:“ Sìn Góa ê lâng m̄sī sìn Góa, sī sìn phài Góa lâi ê
hit ūi.
12:45
Khòaⁿtio̍h Góa ê lâng chiūsī khòaⁿtio̍h hit ūi phài Góa lâi ê.
12:46 Góa
chiūsī lâikàu chit sèkan ê kng, só͘í sìn Góa ê, bô lâng ē koh kèsio̍k tī
o͘àm tiong sengoa̍h.
12:47 Jīmhô chi̍t ê thiaⁿtio̍h Góa ê ōe, m̄ chunsiú ê, Góa bē símphòaⁿ i; inūi Góa lâi m̄sī beh símphòaⁿ sèkan, sī beh chinkiù sèkan.
12:48 Kūchoa̍t Góa mā m̄ chiapla̍p Góa ê ōe ê lâng, bē bô símphòaⁿ, hit ê chiūsī Góa só͘ kóng kòe ê ōe, tī boa̍tji̍t ē símphòaⁿ i.
12:49 Inūi Góa m̄sī chiàu katī ê ìsù kóng, sī chiàu phài Góa lâi ē Pē ê bēnglēng, lâi kóng siáⁿmih, kap ánchóaⁿ thoân.
12:50 Koh Góa chaiiáⁿ Siōngchú ê bēnglēng sī éngoán ê oa̍hmiā, só͘í Góa só͘ kóng ê lóng sī chiàu Pē kā Góa kóng ê.“
沒有留言:
張貼留言