Iokhān Hokim su Tē chhit chio͘ⁿ 約翰福音 第七章

7:1 Chiah ê tāichì liáuāu, Iaso͘ tī Kalīlī séng chi̍t sìkòe kiâⁿ, bô khì Iûthài séng; inūi Iûthài lâng siō͘ⁿ beh thâi I.

7:2 Hitsî Iûthài lâng ê Tahliâucheh tehbeh kàu ah.

7:3 Iaso͘ ê hiaⁿtī kā I kóng:” Lí thang līkhui chia khì Iûthài séng, hō͘ Lí ê ha̍kseng iā khòaⁿ Lí só͘ chò ê tāichì.

7:4 Lâng nā beh chhutmiâ bē tiāmtiāmá choh, Lí kìjiân beh chò chiū katī khì kongkhai chò hō͘ sèkan lâng khòaⁿ.”

7:5 Inūi liân I ê hiaⁿtī mā m̄ sìn I.

7:6 Iaso͘ tùi in kóng:” Góa ê sîkan iáubē kàu, m̄ku lín ta̍ksî lóng ē-sái.

7:7 Sèkan lâng bē oànhūn lín, khiok ē oànhūn Góa, inūi Góa chèngsi̍t in só͘ chò ê sū sī siâok ê.

7:8 Lín chiō͘ⁿ khì chhamka chi̍t ê cheh, Góa iáu bē beh khì, inūi Góa ê sîkan iáubē kàu.”

7:9 Ia-so͘ kóng chiah ê ōe liáuāu, I kèsio̍k tī Kalīlī séng.

7:10 I ê hiaⁿtī íkeng khì liáu, Iaso͘ mā chiah chiō͘ⁿ khì, sī I katī tiāmtiām hêngtōng.

7:11 Tī chehkî ê tiongkan, Iûthài lâng leh chhōe Iaso͘, mn̄g kóng:” I tī tóūi?”

7:12 Tī kûnchiòng ê lāi bīn chin chē lâng leh gīlūn Ia-so͘, ū ê kóng:「I sī hólâng.」ū ê kóng”:「M̄sī, I sī leh chhōa lâng kiâⁿ ji̍p oaichhoa̍h ê lō͘.」

7:13 M̄ku bô lâng kongjiân kóngtio̍h Iaso͘, inūi kiaⁿ Iûthài lâng.

7:14 Chit ê cheh chhaputto kòe chi̍t pòaⁿ, Iaso͘ ji̍p khì sèngtiān khaisí kàutō lâng.

7:15 Iûthài lâng chiū chin hihán, kóng:” Chit ê lâng pèng bô tha̍kkòe chheh, nāē chia̍h ū ha̍kbūn?”

7:16 Iaso͘ kóng:” Góa só͘ kàutō ê, m̄sī Góa katī ê, sī phài Góa lâi ê hitūi ê.

7:17 Nā ū lâng koatì chunthàn Siōngchú ê chíì, I chiū ē chai chiah ê kàutō sī àn Siōngchú lâi ê, ásī Góa katī ê ìsù leh kóng.

7:18 Ēng katī ê siaⁿbōng lâi tâmlūn sī beh tittio̍h katī ê êngkng; m̄ku beh hō͘ phài I lâi ê tittio̍h êngkng, hit ê lâng sī chin, koh I ê lāibīn bô putgī.

7:19 Mô͘se kám bô kā Lu̍thoat thoân hō͘ lín? M̄ku, lín tiongkan bô chi̍t ê chunsiú Lu̍thoat. Ūisiáⁿmi̍h lín siō͘ⁿ beh thâi Góa?”

7:20 Kûnchiòng ìn I kóng:” Lí lāi sim ū kúi, siáⁿlâng siō͘ⁿ beh thâi Lí?”

7:21 Iaso͘ kā in kóng:” Góa ū chò chit hāng tāichì, koh lín lóng lia̍hchò kîkoài.

7:22 Mô͘se hoanhù lín siú katlé, só͘í lín tī Anhiohji̍t kā lâng kiâⁿ katlé. Sūsi̍t m̄ sī àn Mô͘se, sī àn lia̍tchó͘ khaisí.

7:23 Chit ê chapo͘eⁿ nā tī Anhiohji̍t chiapsiu katlé, ánne i chiū bô hoāntio̍h Mô͘se ê lu̍thoat, Góa tī Anhiohji̍t hō͘ chi̍t ê pēⁿlâng oânchoân ho̍kgoân, lín inūi ánne lâi siūkhì Góa mah?

7:24 M̄thang ēng lâng ê gōapiáu lâi phòaⁿtoàn sīhui, tio̍h ēng konggī lâi phòaⁿtoàn.”

7:25 Só͘í ū chi̍tkóa Iâlō͘satléng ê lâng kóng:” Chit ê kám m̄sī in siō͘ⁿbeh thâi ê lâng mah?

7:26 I tī chia leh kongkhai hoatgiân, in bô lâng kā tòng, kám kóng chiah ê chòkoaⁿ è khaksi̍t chai chit ê lâng sī Kitok?

7:27 M̄ku goán chaiiáⁿ chit ê lâng àn tóūi lâi, nāsī Ki-tok chhuthiān ê sî, bô lâng chaiiáⁿ I àn tóūi lâi.”

7:28 Hitsî Iaso͘ tī sèngtiān lâi leh kàutō lâng, tōasiaⁿ kóng:” Lín bat Góa, mā chaiiáⁿ Góa ê chhutsin, Góa m̄sī chiàu katī ê ìsù lâi.Phài Góa lâi ê hit ūi sī chinsi̍t, lín m̄bat I.

7:29 Góa khiok bat I, inūi Góa àn I hia lâi ê, iāsī I phài Góa lâi ê.”

7:30 Só͘í in chiū siàusiō͘ⁿ beh lia̍h I, m̄ku bôlâng chhutchhiú, inūi I ê sîkan iáubē kàu.

7:31 Kûnchiòng ê lāibīn ū chinchē sìn I ê, kóng:” Kitok lâi ê sî, kám ē pí chit ê lâng kiâⁿ koh khah chē sînjiah?”

7:32 Hoatlīsài phài ê lâng thiaⁿtio̍h kûnchiòng lóng leh gīlūn Iaso͘ ê tāichì, in chiū kap chèsitió͘ⁿ phài sèngtiān ê kèngūi khì lia̍h Iaso͘.

7:33 Iaso͘ kóng:” Góa kap lín chòhóe koh chi̍t tōaⁿ sîkan, chiū beh khì phài Góa lâi ê hia.

7:34 Lín ē chhōe Góa, mku chhōe bē tio̍h. Góa khì ê só͘chāi lín bē tàng kàu.”

7:35 In chiū hō͘siong mn̄g:” Chit ê lâng phahsǹg beh khì tóūi, hō͘ lán chhōe bô? Kám ē beh khì sìsòaⁿ tī Hilīnî lâng tiongkan ê Iûthài lâng hia, chítō Hilīnî lâng?

7:36 I kóng「Lín ē chhōe Góa, m̄ku chhōe bē tio̍h; Góa khì ê só͘chāi lín bô hoattō͘ kàu.」Che sī siáⁿmih ìsù?”

7:37 Chehkî ê chòeāu hit ji̍t sī siōng tiongiàu ê ji̍t, Iaso͘ khiā khí lâi tōasiaⁿ kóng:” Nā ū lâng chhùita, ēsái lâi Góa chia lim.

7:38 Jīmhô chit ê sìn Góa ê lâng, I ē chiàu kengchheh só͘ kìchài:「Àn I ê paklāi lâuchhut oa̍hchúi ê kanghô lâi.」”

7:39 I ánne kóng sī kap Sèngsîn iúkoan, chiūsī sìn I ê lâng ē niásiū tio̍h Sèngsîn, inūi tngsî Siōngchú iáubē sù loh Sèngsîn, in-ūi Iaso͘ iáubē tittio̍h êngkng.

7:40 In thiaⁿtio̍h chiah ê ōe, ū lâng kóng:” Chit ê chiah sī chinchiàⁿ ê Sianti.”

7:41 Ū ê kóng:” Chit ê lâng sī Kitok.” M̄ku ū ê kóng:” Kitok kámē án Kalīlī chhut?”

7:42 Kengchheh kám m̄sī kóng「Kitok sī Tāipi̍t ê āutāi, tī I ê kò͘hiong Peklīhêng chhutsì mā?」

7:43 Tùi ánne kûnchiòng inūi Iaso͘ hun chò nn̄g pêng.

7:44 Kîtiong ū lâng beh lia̍h I, khiok bô lâng hēchhiú.

7:45 Hia ê kèngūi tńgkhì chèsithâu hām Hoatlīsài phài ê lâng hia. In mn̄g kèngūi:” Lín sī ánchóaⁿ bô ah I lâi?”

7:46 Kèngūi ìn:” M̄ bat ū lâng kóngōe chhinchhiō͘ⁿ hit ê lâng.”

7:47 Hoatlīsài phài ê lâng mn̄g:” Lín kám mā hō͘ I siàntōng khì ah?

7:48 Hia ê chiángkoân ê hām Hoatlīsài phài ê lâng, kám ū lâng sìn I?

7:49 M̄ku hit tīn m̄bat Lu̍thoat ê pehsèⁿ ē siū chiùchó͘.”

7:50 Nîkotíbú tī in tiongkan, chiūsī chêng ū khì chhōe Iaso͘ hitūi, tùi in kóng:

7:51 “ Lán ê Lu̍thoat phòaⁿ chi̍t ê lâng ê chōe, kám bô seng thiaⁿ I kóng iā khòaⁿ I ê só͘ kiâⁿ mah?”

7:52 In chiū ìn i:” Lí kám iā sī tùi Kalīlī séng lâi è? Lí khì giánkiú chi̍t eh, chiū chaiiáⁿ Kalīlī séng bô chhut sian-ti.

                               20191028  Tī Ô͘-chì-bêng-chhī Oa̍t-lâm

                               2025.06.20 Siukái