8:1 Iaso͘ khì Kaⁿná soaⁿ.
8:2
Keh ji̍t chákhí I koh khì sèngtiān. Chènglâng lóng lâi I hia. I chiū chē
lo̍h lâi kàutō in.
8:3 Kàusu
kap Hoatlīsài phài ê lâng chhōa chi̍t ê chabó͘ lâng lâi, tī i leh kiâⁿ kanîm ê
sî pī lâng lia̍h tio̍h; in hō͘ i khì kiā tiàm tiongng.
8:4 Chiū
tùi Iaso͘ kóng:” Lāusu, chit ê chabó͘ lâng sī tu leh kiâⁿ kanîm ê sî pī
lâng lia̍htio̍h.
8:5 Tī
Lu̍thoat tiong, Mô͘se bēnglēng goán ēng chio̍hthâu kā chit khoán
chabó͘ lâng khian hō͘ sí, taⁿ Lí phahsńg ánchóaⁿ?”
8:6 In
ánne kóng sī beh chhìthàm Iaso͘, thang ū kò I ê líiû. Iaso͘ chiū khû lo̍h khì, ēng
chéngthâuá tī thô͘kha siá jī.
8:7 Tông sî hia ê lâng itti̍t mn̄g I, Iaso͘ chiū khiā khí lâi, koh tùi in kóng:” Lín tiongkan
siáⁿlâng bô chōe, ēsái seng theh chio̍hthâu khian i.”
8:8 Iaso͘
koh khû lo̍h-khì, ēng chéngthâuà tī thô͘kha siá jī.
8:9 In thiaⁿtio̍h
hia ê ōe, chiū án lāu kàu siàuliân è, chi̍t ê chi̍t ê kiâⁿ līkhui, chhun
Iaso͘ katī chi̍t ê, kap khiā tī I bīnchêng ê hit ê chabó͘ lâng.
8:10 Iaso͘
khiā khí lâi mn̄g I kóng:” Chímōe, hia ê lâng tī tó ūi? Bô lâng kā lí
tēngchōe, sī bô?”
8:11 I ìn:”
Chú ah, bô.” Iaso͘ kóng:” Góa mā bô beh tēng lí ê chōe, lí thang tńg khì, tùi
taⁿ í āu m̄thang koh hoānchōe.”
8:12 Iaso͘
koh kā chèng lâng kóng:” Góa sī sèkan ê kng, tòe Góa ê lâng bē kiâⁿ tī o͘àm
tiong, hoántńg ē tittio̍h oa̍hmiā ê kng.”
8:13
Hoatlīsài phài ê lâng kā Iaso͘ kóng:” Lí leh ūi katī chòchèng, LÍ ê
kiànchèng bôhāu.”
8:14 Iaso͘
ìn in:” Góa suijiân ūi katī chòchèng, iáukú Góa ê chèngkù sī chin, inūi
Góa chaiiáⁿ Góa án tóūi lâi, Góa leh kiâⁿ khì tóūi; m̄ku lín m̄chai Góa án
tóūi lâi, beh khì tóūi,
8:15 Lín
ēng lâng ê seⁿchò lâi phòaⁿtoàn i, Góa bē phòaⁿtoàn lâng.
8:16 Góa nā
phòaⁿtoàn lâng, Góa ê phòaⁿtoàn sī chin, inūi Góa m̄sī katī chi̍t ê
símphòaⁿ, iáuū phài Góa lâi ê Pē hām Góa chòhóe.
8:17 Lín ê
Lu̍thoat mā ū kìchài「Ū nn̄gê lâng ê
kiànchèng chiūsī chinsi̍t.」
8:18 Góa sī
ūi katī chòchèng, koh ū phài Góa lâi ê Pē mā ūi Góa chòchèng.”
8:19 In
chiū mn̄g I:” Lí ê pē tī tóūi?” Iaso͘ kóng:” Lín m̄bat Góa, iā m̄bat Góa ê
Pē; Lín nā bat Góa chiū bat Góa ê Pē.”
8:20 Iaso͘
tī sèngtiān ê pókhò͘ kàutō lâng ê sî, kóng chiah-ê ōe, mā bô lâng lâi lia̍h
I, inūi I ê sîkan iáubē kàu.
8:21 Iaso͘
koh kā in kóng:” Góa teh beh līkhui à, lín ē chhōe Góa, koh lín ē sí tī ka-tī
só͘ hoān ê chōe, Góa khì ê só͘chāi, lín bē tàng kàu.”
8:22 Iûthài lâng
chiū kóng:” I kóng「Góa beh khì ê
só͘chāi, lín bē tàng kàu」, kám kóng I beh khì chūsat?”
8:23 Iaso͘
kā in kóng:” Lín sī án ēbīn lâi, Góa sī án téngbīn lâi; lín sī siok chit
sèkài, Góa m̄sī.
8:24 Só͘í
Góa chiah kā lín kóng, lín ē inūi katī ê chōe lâi sí. Lín nā m̄ sìn Góa sī
hit ūi, lín ē sí tī lín ê chōeok tiong.」
8:25 In
chiū mn̄g I:” Lín sī siáⁿlâng?” Iaso͘ ìn in:” Góa án khíthâu to̍h ū kā lín
kóng kòe,
8:26
Koanhē lín ê tāichì ū chinchē thang hó kóng è, chinchē thang tēngàn ê,
m̄ku hit ūi phài Góa lâi ê sī chinsi̍t, Góa kā án I hia só͘ thiaⁿtio̍h ê
thoân hō͘ sèkan lâng.”
8:27 In
thiaⁿbô I kā in só͘ kóng ê, sī leh chí Pē.
8:28 Só͘í
Iaso͘ kā ín kóng:” Tī lín kā Jînchú gia̍h khí lâi liáuāu, lín chiū ē
chaiiáⁿ Góa chiūsī hit ūi, koh Góa bô chiàu katī ê ísù khì chò jīmhô
tāichì, sī chiàu Pē ê chísī lâi kóng chiah ê ōe.
8:29 Hit ê
phài Góa lâi ê kap Góa tôngchāi, I bô páng Góa ko͘toaⁿ chi̍t ê, inūi Góa
siôngsiông chò hō͘ I hoaⁿhí ê tāichì.
8:30 Tī
Iaso͘ kóng liáu chiah ê ōe, ū chinchē lâng sìn I.
8:31 Tùi
ánne, Iaso͘ kā sìn I ê Iûthài lâng kóng:” Lín nā siôngsiông chunsiú Góa ê
ōe, lín chiah chinchiàⁿ sī Góa ê ha̍kseng,
8:32 Lín
ittēng ē bat chinlí, jîchhiáⁿ ē hō͘ lín tittio̍h chū-iû.”
8:33 In kā
I ìn:” Goán sī Apeklahhán ê kiáⁿsun, chiônglâi m̄bat chòkòe lâng ê
lô͘châi, Lí nāē kóng「Lín ê tit
chūiû?」
8:34 Iaso͘
kóng:” Góa si̍tsi̍t chāichāi kā lín kóng, móe chi̍t ê hoānchōe ê lâng, chiū
sī chōe ê lô͘châi.
8:35 Lô͘châi
bē tàng éngoán tòa tī chúlâng ê chhù lāi, kiáⁿ chiah ē tàng.
8:36 Só͘í
Kiáⁿ nā hō͘ lín chūiû, lín chiū chinchiàⁿ chūiû.
8:37 Góa
chaiiáⁿ lín sī Apeklahhán ê kiáⁿsun, khiok itti̍t siō͘ⁿ beh thâi Góa,
inūi Góa ê ōe tī lín ê lāi sim bô tēūi.
8:38 Góa
kóng ê sī án Góa ê Pē hia só͘ khòaⁿtio̍h ê, koh lín sī án lín ê pē hia
thiaⁿtio̍h ê khì chò.”
8:39 In
ìn:” Apeklahhán sī goán ê pē.” Iaso͘ kóng:” Lín nāsī Apeklahhán ê
kiáⁿsun, lín ittēng ē chò Apeklahhán só͘ chò kòe ê sū.
8:40 M̄ku
Góa kā án Siōngchú hia só͘ thiaⁿtio̍h ê chinlí kā lín kóng, lín soah siō͘ⁿ
beh thâi Góa. Apeklahhán bô chò kòe chit khoán tāichì.
8:41 Lín sī
leh chò lín ê pē chò kòe ê tāichì.” In kóng:” Góan m̄sī án îmloān lâi seⁿ ê,
goán chí ū chi̍t ūi pē chiūsī Siōngchú.”
8:42 Iaso͘
kóng:” Siōngchú nā sī lín ê Pē, lín ē thiàⁿsioh Góa, inūi Góa sī án Pē hia
lâi ê, koh Góa sī tī chia. Góa lâi m̄ sī chiàu katī ê siō͘ⁿhoat, sī Siōngchú
phài Góa lâi ê.
8:43 Lín sī
ánchóaⁿ bē liáukái Góa só͘ kóng ê ōe? Sī inūi Góa ê ōe hō͘ lín thiaⁿ bē
li̍p khì.
8:44 Lín ê
pē sī mô͘kúi, lín itti̍t khì chò lín ê pē só͘-ài ê. I chū khíthâu chiū sī
chi̍t ê hiongchhiú, bô khiā tī chinlí, inūi in lāi sim bô chinlí. I kóng
pe̍hchha̍t ōe ê sî, sī án i ê púnsèng, in-ūi i sī phiànchú, iā sī phiànchú
ê khaisan chó͘.
8:45 Góa kā
lín kóng chinlí, lín m̄ sìn Góa.
8:46 Lín
tó chi̍t ê ētàng chíchhut Góa ê chōe? Góa nā kóng chinlí, lín sī ánchóaⁿ
m̄ sìn Góa?
8:47 Sio̍k
Siōngchú ê lâng, ē thiaⁿ Siōngchú ê ōe; lín m̄ thiaⁿ, inūi lín m̄ sī sio̍k
Siōngchú ê.”
8:48
Iûthài lâng ìn I kóng:” Lí sī Satmálīa lâng, sī hō͘ kúi hū-sin, kám ū kóng
m̄tio̍h?”
8:49 Iaso͘
kóng:” Góa m̄ sī hō͘ kúi hūsin; Góa chunchông Góa ê Pē, m̄ku lín tiantó
bújio̍k Góa.
8:50 Góa bô
kiû katī ê êngkng, ū Chi̍t ūi theh Góa kiû, koh chò Góa ê símphòaⁿchiá.
8:51 Góa
si̍tchāi kā lín kóng, nā ū jīmhô chi̍t ê lâng, siú Góa ê ōe, chiū éngoán bē
sí.”
8:52 Hia ê
Iûthài lâng tùi I kóng:” Taⁿ goán chai Lí sī hō͘ kúi hūsin à! Apeklahhán
sí à, chèng sianti mā sí, Lí soah kóng「nā ū lâng chunsiú Góa ê ōe, chiū éngoán bē sí.」
8:53”
Kám kóng LÍ pí goán ê chó͘sian Apeklahhán khah úitāi? I íkeng sí, chèng
sianti mā sí, LÍ katī siō͘ⁿ kóng Li sī siáⁿ lâng?”
8:54 Iaso͘
ìn:” Góa nā êngkng katī, Góa ê êngkng chiū khangkhang; êngkng Góa ê sī Góa
ê Pē, chiū-sī hitūi lín só͘ kóng ê lín ê Siōngchú.
8:55 Lín
iáubē bat I, Góa bat I. Góa nā kā lín kóng Góa m̄ bat I, Góa chiū hām lín
siāngkhoán sī pe̍hchha̍t ê, m̄ku Góa khiok bat mā siú I ê ōe.
8:56 Lín ê
chó͘sian Apeklahhán chin hoaⁿhí ētàng khòaⁿtio̍h Góa ê ji̍tchí. I
íkeng khòaⁿtio̍h chiū chin hílo̍k.”
8:57 Só͘í
in kā Iaso͘ kóng:” Lí tō iáubē gō͘cha̍p hòe, LÍ kám ū khòaⁿkòe I?”
8:58 Iaso͘
kóng:” Góa si̍tsit chāichāi kā lín kóng, tī Apeklahhán chhutsì
chinchêng, Góa chiū chûnchāi.”
8:59 Só͘í
in chiū khioh chio̍hthâu beh tìm I, m̄ku Iaso͘ katī bih khí lâi, kiâⁿ
līkhui sèng-tiān.
20191102 20250621 Siukái
沒有留言:
張貼留言