17:1 Ia-so͘ kóng chiah-ê ōe liáu-āu, gia̍h-thâu ǹg thiⁿ kóng: “Pē ah, sî í-keng kàu, goān Lí êng-iāu Lí ê Kiáⁿ, hō͘ Kiáⁿ thang êng-iāu LÍ.
17:2 In-ūi
Lí ū chiong thóng-tī bān-bîn ê koân-pèng hō͘ Kiáⁿ, hō͘ I thang kā éng-oán ê
oa̍h-miā sù hō͘ só͘-ū Lí kau-thok I ê lâng.
17:3 Chit-ê
éng-oán ê oa̍h-miā chiū-sī, jīn-bat Lí sī to̍k-it chin ê Sîn, kap Lí só͘ phài
lâi ê Ia-so͘ Ki-tok.
17:4 Góa
í-keng tī tē-chiōⁿ oân-sêng liáu LÍ só͘ kau-tāi ê kang-chok, lâi êng-iāu Lí.
17:5 Pē ah,
hiān-chāi kiû LÍ, hō͘ Góa tī LÍ ê bīn-chêng tit-tio̍h êng-iāu, chiū-sī chit
sè-kài khai-sí í-chêng, Góa kap Lí í-keng ū ê êng-kng.
17:6 Lí tùi
chit sè-kài kéng chhut-lâi sió͘ⁿ-sù hō͘ Góa ê lâng, Góa í-keng kā Lí ê miâ ǹg
in kóng-bêng. In sī LÍ ê, LÍ chiong in sió͘ⁿ-sù Góa, in iā í-keng chun-siú Lí ê
ōe.
17:7 Taⁿ in
chai-iáⁿ, LÍ hō͘ Góa ê ta̍k-hāng, lóng-sī tùi Lí lâi.
17:8 In-ūi
Góa ū kā Lí hō͘ Góa ê ōe hō͘ in, koh in í-keng chiap-siu I, iā chin-chiàⁿ chai,
Góa án Lí hia lâi, koh siong-sìn Lí phài Góa lâi.
17:9 Góa ūi in
kî-tó. Góa m̄-sī ūi sè-kan-lâng, chí-ū ūi-tio̍h hia-ê LÍ sió͘ⁿ-sù Góa ê lâng,
in-ūi in sī Lí ê.
17:10 Góa ê só͘-ū
lóng-sī Lí ê, Lí ê só͘-ū mā-sī Góa ê. Góa ū thong-kòe in tit-tio̍h êng-iāu.
17:11 Góa bô-koh
tiàm chit sè-kan, m̄-ku in iau tiàm chit sè-kan, Góa teh-beh tńg-khì Lí hia.
Chì-sèng ê Pē ah, kiû Lí ēng LÍ hō͘ Góa ê miâ pó-siú in thang chiâⁿ-chò
chit-thé. Chhin-chhiō͘ⁿ Lán sī chit-thé.
17:12 Tī Góa kap
in chò-hóe ê sî, ū hōng Lí ê miâ, chiū-sī Lí hō͘ Góa ê, lâi pó-siú in. Góa iā ū
pó-hō͘ in, bô chi̍t-ê tîm-lûn, tû-liáu hit-ê chù-tiāⁿ tîm-lûn ê í-gōa, īs
èng-giām keng-chheh só͘ siá.
17:13 Taⁿ Góa
teh-beh tńg-khì Lí hia, Góa iau tī chit sè-kan kóng chiah-ê ōe, sī beh hō͘ in
sim-lāi chhiong-móa Góa ê hoaⁿ-hí.
17:14 Góa ū kā Lí
ê ōe thoân hō͘ in, sè-kan oàn-hīn in, in-ūi in bô siok chit sè-kan,
chhin-chhiō͘ⁿ Góa bô siok chit sè-kan.
17:15 Góa m̄-sī
kiû Lí chhōa in lī-khui chit sè-kan, sī kiû Lí pó-siú in thoat-lī hit-ê
ok-chiá.
17:16 In m̄-sī
siok chit sè-kan, chhin-chhiō͘ⁿ Góa bô siok chit sè-kan.
17:17 Kiû Lí ēng
Chin-lí hō͘ in chiâⁿ-sèng, in-ūi Lí ê ōe chiū-sī Chin-lí.
17:18
Chhin-chhiō͘ⁿ Lí ū phài Góa ji̍p chit sè-kan, Góa iā phài in chìn-ji̍p.
17:19 Koh Góa
ūi-tio̍h in ê iân-kò͘ lâi sèng-hòa Góa ka-tī, thang hō͘ in mā ē-tàng thong-kòe
chin-lí lâi sèng-hòa in ka-tī.
17:20 Góa m̄-niā
ūi-tio̍h chiah-ê lâng kiû, mā ūi-tio̍h thong-kòe in ê ōe lâi sìn Góa ê lâng
kiû,
17:21 Hō͘ in lóng
ha̍p chò chi̍t-ê, tu chhin-chhiō͘ⁿ Pē, Lí tī Góa lāi-bīn, Góa tī Lí lāi-bīn,
kiû Lí hō͘ in mā án-ne tī Lán lāi-bīn, thang hō͘ sè-kan-lâng sìn, sī LÍ phài
Góa lâi ê.
17:22 LÍ hō͘ Góa
ê êng-kng, Góa mā ū hō͘ in, thang hō͘ in chiâⁿ-chò chi̍t-ê, chhin-chhiō͘ⁿ Lán
sī chi̍t-ê.
17:23 Góa tī in
lāi-bīn, koh Lí tī Góa lāi-bīn, sī beh hō͘ in oân-choân chiâⁿ-chò chi̍t-ê,
thang hō͘ sè-kan-lâng chai, sī Lí phài Góa lâi ê, mā chai Lí ū thiàⁿ in,
chhin-chhiō͘ⁿ Lí ū thiàⁿ Góa.
17:24 Pē ah, Góa
chin ì-ài in, chiū-sī LÍ só͘ hō͘ Góa ê lâng, ē-thang kap Góa chò-hóe tī Góa só͘
khì ê só͘-chāi, hō͘ in khòaⁿ-tio̍h Lí só͘ sù Góa ê êng-kng, in-ūi LÍ tī
chhòng-chō sè-kài í-chêng chiū í-keng thiàⁿ Góa.
17:25 Kong-gī ê
Pē ah, sui-jiân sè-kan-lâng m̄-bat Lí, m̄-ku Góa bat LÍ, chiah-ê lâng mā chai
Lí ū phài Góa.
17:26 Góa í-keng
hō͘ in bat Lí ê miâ, mā-ē kè-sio̍k hō͘ in bat, hō͘ Lí thiàⁿ liáu Góa ê thiàⁿ tī
in lāi-bīn, Góa iā tī in lāi-bīn.
沒有留言:
張貼留言