16:1 Chiah ê tāichì Góa íkeng ū kā lín kóng, bián tit lín ê sìnsim iôtāng.
16:2 Lâng ē kā lín kóaⁿchhut hōetn̂g. Sūsi̍t siōng, kàu sî, tng ū lâng sathāi lín ê sî, i ē jīnûi in sī leh ho̍ksāi Siōngchú.
16:3 In
ánne chò, sī inūi in m̄ bat Pē, mā m̄ bat Góa.
16:4 Góa
íkeng ū chiong chiah ê tāichì kā lín kóng, hō͘ lín kàu sî ē kì tit Góa ū kā
lín thêchhéⁿ. Góa bô án khíthâu chiū kā lín kóng chiah ê sū, sī inūi Góa kap
lín chòtīn.
16:5 Hiānchāi
Góa beh khì phài Góa lâi ê Pē hia, lín tiongkan bô lâng mn̄g Góa, “ LÍ beh khì
tóūi ? “
16:6 Góa kā
lín kóng chiah ê tāichì, soah hō͘ lín móasim iusiong ò͘.
16:7 M̄ku
Góa tio̍h kā si̍tchêng kā lín kóng, Góa khì sī tùi lín ū līek; Góa nā bô khì,
Póhūisu bē lâi kàu lín chia. Góa nā khì chiū phài I lâi.
16:8 I lâi
ê sî, I ē hō͘ sèkan lâng tùi chōe, tùi gī, kap sím-phòaⁿ, chai ka-tī ê
sit-chhò.
16:9
Koanhē chōe, sī inūi in m̄ sìn Góa;
16:10
Koanhē gī, sī inūi Góa tńg khì Pē hia, lín bē tàng koh khòaⁿtio̍h Góa;
16:11
Koanhē símphòaⁿ, sī inūi chit sèkài ê chúchài chiá pī tēngchōe.
16:12 Góa
iáu ū chin chē tāichì beh kā lín kóng, sī chhiaukòe lín chitmá ē tàng
sêngsiū ê.
16:13 M̄ku
chí iàu Sèngsîn lâi, I ē chhōa lín chin ji̍p itchhè ê chinlí. Inūi I m̄ sī
chiàu katī ê ìsù kóng, sī chiàu só͘ thiaⁿtio̍h ê lâi kóng, iā ē kā teh beh
lâi ê sū kā lín kóng.
16:14 I ē
êngkng Góa, inūi I ē kā Góa tio̍h niásiū ê, pò hō͘ lín chai.
16:15 Só͘ū
siok tī Pē ê, lóng sī Góa ê; só͘í Góa chiah kóng, I ē kā Góa só͘ tio̍h niásiū
ê, ǹg lín kóng.
16:16 Koh
bô lōa kú, lín bē tàng khòaⁿtio̍h Góa, koh kòe bô lōa kú, lín chiū ē
khòaⁿtio̍h Góa.
16:17 Ū
kúi ê ha̍kseng leh gīlūn:“ I kā lán kóng:「Koh bô lōa kú lín bē tàng khòaⁿtio̍h Góa, koh kòe bô lōa kú lín ē
khòaⁿtio̍h Góa.」mā koh kóng「Inūi Góa teh beh tńg khì Pē hia.」chesī siáⁿmih ìsù ah? “
16:18 Só͘í
in itti̍t mn̄g, “ I só͘ kóng ê「Koh bô lōa kú」goán bē
liáukái chesī siáⁿmih ìsù ? “
16:19
Iaso͘ chai in ài beh mn̄g I, chiū kā in kóng:” Góa kóng「koh bô lōa kú, lín bē tàng
khòaⁿtio̍h Góa, koh kòe bô lōa kú, lín ē khòaⁿtio̍h Góa.」lín ūi tio̍h ánne leh hō͘siong
thólūn sī bô ? “
16:20 Góa
si̍tsi̍t chāichāi kā lín kóng:” Lín teh beh aisiong thîkhàu, m̄ku
sèkan lâng siângsî ē hoaⁿhí; Lín ē iusiong, m̄ku lín ê iusiong ē pìⁿ chò
hoaⁿhí. “
16:21
Sengsán ê hūlú, sánkî ē ū chūnthiàⁿ, m̄ku tng eⁿá seⁿ chhutlâi chiū
bē kìtit thàngthiàⁿ; inūi i leh hoaⁿhí ū eⁿá tī sèkan chhutsì.
16:22
Siāngkhoán sī ánne, lín hiānchāi leh iusiong, m̄ku Góa ē koh khòaⁿtio̍h
lín, lín ê sim chiu ē hoaⁿhí, bô lâng ē tàng kā lín ê hoaⁿhí theh cháu.
16:23 Kàu
hit ji̍t, lín bē koh mn̄g Góa jīmhô tāichì. Góa si̍tchāi kā lín kóng, Góa ê
Pē ē kā lín hōng Góa ê mâi só͘ kiû ê, sió͘ⁿsù hō͘ lín.
16:24 Kàu
taⁿ, lín iau m̄ bat hōng Góa ê miâ kiû siáⁿmih, taⁿ lín tio̍h kiû, chiu ē
tittio̍h, koh hoaⁿhí móamóa.
16:25
Chiah ê tāichì, Góa chêng sī ēng phíjū kā lín kóng. Sîkan teh beh kàu, Góa
bē koh ēng phíjū kā lín kóng, Góa ē chin bêngkhak kā lín kóng koanhē Pē ê
tāichì.
16:26 Kàu
hit ji̍t, lín tio̍h hōng Góa ê miâ kîtó, Góa pèngbô kā lín kóng, Góa ē theh
lín ǹg Pē kiûthó.
16:27 Pē
katī thiàⁿ lín, inūi lín ū thiàⁿ Góa, koh siongsìn Góa sī tùi Pē hia lâi ê.
16:28 Góa
án Pē hia lâi, koh chinji̍p chit sèkài, taⁿ Góa beh līkhui chit sèkài
tńg khì Pē hia.
16:29 Ha̍kseng
kóng:” Taⁿ Lí tùi goán kóng kah chin bêng-khak, bô koh ēng phíjū.
16:30 Goán
chaiiáⁿ ta̍khāng tāichì Lí lóng chai, iā bô suiàu lâng lâi mn̄g Lí, só͘í goán
siongsìn Lí sī án Siōngchú hia lâi ê.
16:31
Iaso͘ kóng:” Lín chóngsǹg siongsìn à ! “
16:32 M̄ku
sî teh beh kàu ah, mā íkeng kàu ah, lín ē sìsòaⁿ, sûilâng ē tńg khì katī ê
chhù, pàng Góa katī chi̍t ê, kîsi̍t Góa m̄ sī katī chi̍t ê, inūi ū Pē kap
Góa tôngchāi.
16:33 Góa
íkeng chiong chiah ê tāichì kā lín kóng, sī beh hō͘ lín tī Góa ê lāibīn ū
pêngan. Lín tī sèkan ē ū khó͘lān, m̄ku lín thang hòng-sim, inūi Góa íkeng phah iâⁿ sè-kài.
20191230 Tī Ô͘-chì-bêng-chhī 2025.06.29. Tī Lâmthâm Kui jîn Tâilâm
沒有留言:
張貼留言