18:1 Ia-so͘ kóng chiah-ê ōe í-āu, I kap ha̍k-seng chhut-khì, kòe-khì Khip-lûn-khe hit-pêng. Tī hia ū chi̍t-khu hn̂g-á, Ia-so͘ hām I ê ha̍k-seng ji̍p-khì.
18:2 Chhut-bē
Ia-so͘ ê Iû-tāi mā chai-iáⁿ hit-ê só͘-chāi, in-ūi Ia-so͘ siông-siông kap
ha̍k-seng tī hia chū-chi̍p.
18:3 Só͘-í Iû-tāi
chiū chhōa chi̍t-tūi Lô-má-peng kap kúi-ê án Tōa-chè-si í-kip Hoat-lī-sài-phài
ê lâng, só͘ phài ê sèng-tiān ê koaⁿ-oân lâi kàu hia. In chhiú kiah-tio̍h teng, hóe-pé
kap bú-khì.
18:4 Ia-so͘
chai-iáⁿ teh-beh hoat-seng tī I sin-chiō͘ⁿ ê tāi-chì, chiū kiâⁿ chin-chêng, kā
in kóng:” Lín leh chhōe siáⁿ-lâng? “
18:5 In ìn:”
Ná-sat-le̍k-lâng ê Ia-so͘.” Ia-so͘ kā in kóng:” Góa chiū-sī.“ Chhut-bē Ia-so͘ ê
Iû-tāi mā kap in khiā chò-hóe.
18:6 Tng Ia-so͘
kā in kóng,「Góa chiū-sī」ê sî, in soah tò-siàng-hiàⁿ, poa̍h-lo̍h
thô͘-kha.
18:7 Só͘-í Ia-so͘
koh chi̍t-pái mn̄g in:” Lín leh chhōe siáⁿ-lâng? ” In ìn:” Ná-sat-le̍k-lâng
Ia-so͘. “
18:8 Ia-so͘ kóng:”
Góa í-keng kā lín kóng-kòe, Góa chiū-sī. Só͘-í, lín nā-sī leh chhōe Góa, tio̍h
hō͘ chiah-ê lâng lī-khui.
18:9 Che-sī beh
èng-giām I chá-chêng kóng ê ōe, “ Lí só͘ hō͘ Góa ê lâng, Góa bô sit-lo̍h
pòaⁿ-ê. “
18:10 Se-mn̂g
Pí-tek ū chah chi̍t-ki to, chiū poeh chhut-lâi phut tùi Tōa-chè-si ê po̍k-jîn,
kā i chiàⁿ-pêng ê hīⁿ-á siah lo̍h-lâi. Chit-ê po̍k-jîn miâ-chò Má-le̍k-kó͘.
18:11 Só͘-í Ia-so͘
kā Pí-tek kóng:“ Kā to siu ji̍p-khì to-siù, Pē só͘ hō͘ Góa ê khó͘-poe, Góa kám
ē-sái bô lim? “
18:12 Jiân-āu,
hit tūi Lô-má-peng hām in ê iâⁿ-tió͘ⁿ kap Iû-thài-lâng sèng-tiān ê koaⁿ-oân lâi
lia̍h Ia-so͘, koh kā pa̍k khí-lâi.
18:13 In
seng kā I ah-khì A-ná hia, in-ūi A-ná sī tng-nî Tōa-chè-si Kai-a-hoat ê
tiō͘ⁿ-lâng.
18:14
Chit-ê Kai-a-hoat bat kiàn-gī kòe Iû-thài-lâng kóng:” Lêng-khó͘ hō͘ chit-ê lâng
theh chèng-lâng sí khah-hó. “
18:15
Pí-tek tòe Ia-so͘ kiâⁿ, lēng-gōa chi̍t-ê ha̍k-seng mā án-ne. Hit-ê ha̍k-seng sī
Tōa-chè-si
se̍k-sāi ê, chí-ū i kap Ia-so͘ ji̍p-khì tōa-chè-si in-tau ê chêng-tiâⁿ.
18:16 M̄-ku
Pí-tek khiā tī tōa-mn̂g gōa-kháu leh tán. Hit-ê Tōa-chè-si bat ê ha̍k-seng,
chhut-lâi kā kò͘-mn̂g ê lú-pī kóng, chiū chhōa Pí-tek chò-hóe ji̍p-khì.
18:17
Kò͘-mn̂g ê lú-pī mn̄g Pí-tek kóng:” Lí m̄-sī chit-ê lâng ê ha̍k-seng hó͘ⁿ? “ I
ìn:” M̄-sī. “
18:18 In-ūi
thiⁿ-khì léng, hia-ê po̍k-jîn hām koaⁿ-oân khí chi̍t-ê hóe-thòaⁿ-lô͘, khiā-leh
ûi chòe-hóe hang-hóe ; Pí-tek mā kap in khiā chò-hóe hang-sio.
18:19
Tōa-chè-si mn̄g Ia-so͘ iú-koan I ê ha̍k-seng kap kàu-tō.
18:20
Ia-so͘ ìn i:” Góa lóng-sī kong-khai tùi sè-kan-lâng kóng-ōe. Góa tiāⁿ-tiāⁿ tī
Iû-thài-lâng chū-chi̍p ê hōe-tn̂g á-sī sèng-tiān kàu-tō lâng. Góa pèng-bô tī
àm-tiong kóng siáⁿ-mih. “
18:21 LÍ
ūi-siáⁿ-mi̍h mn̄g Góa? Khì mn̄g hia-ê thiaⁿ-kòe Góa kóng-ōe ê lâng, khòaⁿ Góa
kā in kóng siáⁿ, in chai-iáⁿ Góa só͘ kóng ê. “
18:22
Ia-so͘ kóng liáu chiah-ê ōe, khiā tī piⁿ-á ū chi̍t-ê koaⁿ-oân siàn I ê
chhùi-phóe, kóng: “Lí ná-ē án-ne ìn Tōa-chè-si? “
18:23
Ia-so͘ kā i kóng:” Góa nā kóng m̄-tio̍h, lí thang chí-chèng Góa ê chhò-gō͘;
nā-sī tio̍h, ūi-siáⁿ-mi̍h phah Góa? “
18:24
Jiân-āu A-ná iû-goân kā Ia-so͘ pa̍k leh, ah khì Tōa-chè-si Kai-a-hoat hia.
18:25
Pí-tek iau kè-sio̍k khiā tī hia leh hang-hóe thang tóng-kôaⁿ ê sî, hia-ê lâng
tùi I kóng: “Lí m̄-sī I ê ha̍k-seng tiong ê chi̍t-ê hò͘ⁿ? “I hò͘ⁿ-jīn kóng: “Góa
m̄-sī. “
18:26 Ū
chi̍t-ê Tōa-chè-si ê po̍k-jîn, chiū-sī hō͘ Pí-tek siah hīⁿ-á hit-ê lâng ê
chin-chiâⁿ, mn̄g i kóng:” Góa kám-m̄-sī khòaⁿ-tio̍h lí hām I chò-hóe tī
kan-á-hn̂g ? “
18:27
Pí-tek koh chài hò͘ⁿ-jīn, hit-sî, ke sûi-sî thî.
18:28 Thiⁿ
beh kng ê sî, Iû-thài-lâng kā Ia-so͘ án Kai-a-hoat hia, ah khì chóng-tok-hú. In
ka-tī bô li̍p-khì chóng-tok-hú, án-ne chiah-bē bô-chheng-khì, thang chia̍h
Pôaⁿ-kòe-chat ê àm-tǹg.
18:29 Só͘-í
Pí-lia̍p-to chhut-lâi gōa-bīn kìⁿ in, mn̄g in: ” Lín kò chit-ê lâng siáⁿ-mih
chōe?“
18:30 In ìn
kóng: “Chit-ê lâng nā-bô chò pháiⁿ, goán bē kā I kau hō͘ lí. “
18:31
Pí-lia̍p-to kā in kóng:“ Lín chò lín chhōa I khì, chiàu lín ê hoat-lu̍t
sím-phòaⁿ I. Hia-ê Iû-thài-lâng ìn I:“ Goán bô-koân kā lâng phòaⁿ sí-hêng.
18:32
Che-sī beh èng-giām Ia-so͘ chin-chêng só͘ kóng ê ōe, piáu-bêng I teh-beh
án-chóaⁿ sí.
18:33 Só͘-í
Pí-lia̍p-to oat ji̍p-khì chóng-tok-hú, tiàu Ia-so͘ lâi mn̄g:“ Lí kám-sī
Iû-thài-lâng ê ông ? “
18:34
Ia-so͘ ìn:“ Lí án-ne kóng sī lí ka-tī ê ì-sù, á-sī thiaⁿ pa̍t-lâng kā lí kóng
iú-koan Góa ê tāi-chì ? “
18:35
Pí-lia̍p-to kóng:“ Góa kám-sī Iû-thài-lâng ? LÍ pún-kok ê lâng hām chè-si-tió͘ⁿ
kā LÍ ah lâi góa chia. LÍ ū chò siáⁿ-mih tāi-chì ? “
18:36
Ia-so͘ kóng:“ Góa ê kok m̄-sī siok chit sè-kan, Góa ê kok nā siok chit sè-kan,
Góa ê po̍k-jîn ē ūi Góa cheng-chiàn, bián-tit Góa siū chhut-bē hō͘
Iû-thài-lâng, m̄-ku Góa ê kok bô siok chit sè-kan.
18:37
Pí-lia̍p-to chiū mn̄g I kóng:“ Án-ne, Lí sī ông, sī-bô ? “ Ia-so͘ ìn:” LÍ kóng
liáu chin-tio̍h, Góa sī ông. Góa in-ūi án-ne lâi chhut-sì, mā ūi-tio̍h án-ne
lâi-kàu chit sè-kan, sī beh ūi chin-lí chò-chèng. Móe chi̍t-ê siok chin-lí ê
lâng lóng ē thiaⁿ Góa ê siaⁿ.
18:38
Pí-lia̍p-to mn̄g I:” Siáⁿ-mih sī chin-lí ? “ Chiah-ê ōe kóng liáu, I chiū koh
khì hia-ê Iû-thài-lâng hia, kā in kóng:” Góa chhâ-bô I ū siáⁿ-mih chōe.
18:39 Lín ū
chi̍t-ê koàn-lē, tī Pôaⁿ-kòe-chat góa tio̍h pang chi̍t-ê hoān-lâng hō͘ lín, lín
ài góa pàng Iû-thài-lâng ê ông hō͘ lín bô? “
18:40 In
koh tōa-siaⁿ hoah-hiu:“ M̄-sī chit-ê, sī Pa-lia̍p-pa.“ Pa-lia̍p-pa sī chi̍t-ê
kiông-tō.
2020/01/12
沒有留言:
張貼留言