15:1 “Góa sī chin ê phôtô chhiū, Góa ê Pē sī chéng phôtô ê lâng.
15:2 Tī Góa châng lìn ê ki, nā bô kiat kóechí, I chiū kā chián khí lâi; ū kiatchí ê ki, I chiū kā I siuchián, hō͘ I kiat kohkhah chē kóechí.
15:3 Taⁿ lín inūi Góa kā lín kóng ê ōe, íkeng chhengkhì à! “
15:4 Lín tio̍h kap Góa kiatliân, Góa mā ê kap lín kiatliân. Chhinchhiō͘ⁿ bô chiap tī phôtô chhiū ê ki, katī bētàng kiat kóechí, lín nā bô kap Góa kiatliân, mā sī ánne.
15:5 Góa sī phôtô chhiū, lín chiūsī ki. Kap Góa kiatliân ê, Góa mā kap i kiatliân, i ittēng ē kiat kóechí, līkhui Góa, lín chiū bē thang chò siáⁿmih.
15:6 Jīmhô chi̍t ê nā bô kap Góa kiatliân ê, ē chhinchhiō͘ hō͘ lâng tàn tī gōa-bīn ê ki, chiū takhì, hō͘ lâng khioh chòhóe, hiat loh hóe lāi sio.
15:7 Lín nā kap Góa kiatliân koh Góa ê ōe tiàm tī lín lāibīn, lín só͘
ài ê, nā kiû chiū hō͘ lín.
15:8 Lín nā kiat chēchē kóechí, piáusī lín katī chiūsī Góa ê
ha̍kseng, Góa ê Pē inūi ánne tittio̍h êngkng.
15:9 Siāngkhoán Pē ū thiàⁿ Góa, ánne Góa mā ū thiàⁿ lín. Lín tio̍h tiàm tī Góa ê thiàⁿ lāibīn.
15:10 Lín nā chunsiú Góa ê kàibēng, chiu ē siôngsiông tiàm tī Góa ê thiàⁿ lāibīn, tu chhinchhiō͘ⁿ Góa ū chunsiú Góa ê Pē ê kàibēng, tiàm tī I ê thiàⁿ lāibīn.
15:11 Góa íkeng kā lín kóng kòe chiah ê ōe, sī beh hō͘ Góa ê hílo̍k tiàm tī lín lāibīn, koh hō͘ lín ê hílo̍k chhiongmóa.
15:12 Lín
tio̍h saⁿthiàⁿ, chhinchhiō͘ⁿ Góa ū thiàⁿ lín siāngkhoán. Chesī Góa ê
bēnglēng.
15:13 Lâng
ūi pêngiú hiseng sèⁿmiā, lâng ê thiàⁿ bô pí che koh khah tōa ê.
15:14 Lín nā
chunsiú Góa ê bēnglēng. chiūsī Góa ê pêngiú à.
15:15 Taⁿ í āu, Góa bô koh khòaⁿ lín chò lô͘po̍k, inūi lô͘po̍k bē bêngpe̍k chúlâng ê só͘ chò. Góa khòaⁿ lín chò pêngiú, inūi Góa án Pē só͘ thiaⁿ tio̍h ê, lóng íkeng pò lín chai à.
15:16 M̄ sī lín kéng Góa, sī Góa keng lín, koh úijīm lín khì kiat kóechí, sī chûnliû kàu éngoán ê kóechí. Ánne lín hōng Góa ê miâ, bôlūn ǹg Pē kiû siáⁿmih, I chiū ē hō͘ lín.
15:17 Lín
tio̍h saⁿthiàⁿ, chesī Góa ê bēnglēng.
15:18
Sèkan lâng nā oànhīn lín, lín tio̍h chai in oànhīn lín chìnchêng, íkeng
tāiseng oànhīn Góa.
15:19 Lín nā siok chit sèkan, i ē khòaⁿ lín chò katī ê lâng lâi thiàⁿ lín. M̄ku Góa íkeng án chit sèkan kéngsoán liáu lín, lín bô siok chit sèkan, só͘í i chiū oànhīn lín.
15:20 Lín tio̍h kìtit Góa kā lín kóng kòe ê ōe, po̍kjîn bē pí chúlâng khah tōa. Lâng nā pekhāi Góa, mā ē pekhāi lín; in nā chunsiú Góa ê ōe, mā ē chunsiú lín ê ōe.
15:21 In ē
inūi Góa ê miâ lâi ǹg lín chò chiah ê sū, inūi in m̄ bat hit ūi phài Góa lâi
ê.
15:22 Góa nā bô lâi, koh kā in kóng, in chiū bô chōe. M̄ku, hiānchāi in bē tàng ūi tio̍h katī ê chōe piānkái.
15:23 Oànhīn
Góa ê, mā ē oànhīn Góa ê Pē.
15:24 Góa nā bô tī in tiongkan chò pa̍tlâng só͘ m̄ pat chò kòe ê sū, in chiū bô chōe; m̄ku, in íkeng khòaⁿtio̍h chiah ê chēchē sînjiah, iáukú oànhīn Góa kap Góa ê Pē.
15:25 Che
túhó ènggiām in ê Lu̍thoat só͘ kìchài ê ōe. In bôiân bôkò͘ oànhīn Góa.
15:26 Tng Póhūisu lâi, chiūsī Góa án Pē hia só͘ phài lâi lín chia ê Chinlí ê Sèngsîn. I ē ūi Góa chò kiànchèng.
15:27 Koh
lín mā tio̍h ūi Góa chò kiànchèng, inūi lín án khíthâu chiū kap Góa chòtīn.
20191225 2025.06.28. Siukái
沒有留言:
張貼留言