20:01 Chhit-ji̍t ê thâu chi̍t-ji̍t, Boa̍t-tāi-lah ê Má-lī-a, tī thiⁿ bōe kng ê sî, chiū khì-kàu bōng-hn̂g, khòaⁿ-tio̍h bōng-kháu ê tōa-tè chio̍h í-keng hō͘ lâng kō-khui.
20:02 Só͘-í
chiū cháu-khì chhōe Se-bûn Pí-tek, kap lēng-gōa hit-ê Ia-so͘ só͘ thiàⁿ ê
ha̍k-seng, kā in kóng:“ Ū lâng kā Chú án bōng-ni̍h sóa-cháu, goán m̄-chai in kā
I khǹg tī tó-ūi.“
20:03
Pí-tek kap hit-ê ha̍k-seng chiū sūi chiân-óng bōng-hn̂g.
20:04 In
nn̄g-ê chò-hóe cháu, m̄-ku hit-ê ha̍k-seng khah tāi-seng Pí-tek kàu ūi.
20:05 I áⁿ
lo̍h-khì khòaⁿ bōng-lāi, khòaⁿ-tio̍h iù-tē-pò͘ khǹg tī hia, pèng-bô ji̍p-khì
bōng-lāi.
20:06
Pí-tek tòe āu-bīn kàu-ui, koh ji̍p-khì bōng-lāi, khòaⁿ-tio̍h iù-tê-pò͘ khǹg tī
hia,
20:07 mā
khòaⁿ-tio̍h pau Ia-so͘ thâu-khak ê pò͘, bô kap iù-tê-pò͘ hē chò-hóe, sī kńg tī
lēng-gōa chi̍t-thâu.
20:08
Hit-sî hit ê tāi-seng cháu kàu bōng-hn̂g ê ha̍k-seng, iā ji̍p-khì, khóaⁿ-liáu chiū
siong-sìn.
20:09 In-ūi
in iáu-bōe liáu-kái keng-chheh só͘ siá ê ōe, ū kóng I tek-khak tio̍h tùi
sí-lâng tiong koh-oa̍h.
20:10 Tùi
án-ne, hit nn̄g-ê ha̍k-seng chiū tńg-khì in tau.
20:11
To̍k-to̍k Má-lī-a iau khiā tī bōng-gōa leh thî-khàu, i ná khàu iā ná àⁿ
lo̍h-khì khòaⁿ bōng-lāi.
20:12 I
khòaⁿ-tio̍h nn̄g-ê chhēng pe̍h-saⁿ ê thiⁿ-sài, chē tī goân-lâi hē Ia-so͘ ê
ûi-thé ê só͘-chāi, chi̍t-ê tī thâu chit-pêng, chi̍t-ê tī kha hit-pêng.
20:13 In
mn̄g i kóng:” Chit-ūi chí-mōe, lí ná-ē leh khàu?” I ìn:” Ū lâng kā góa ê Chú
sóa-cháu, góa m̄-chai in kā I hē tī siáⁿ-mih só͘-chāi.”
20:14
Chiah-ê ōe kóng liáu, Má-lī-a oat-tńg-sin, chiū khòaⁿ-tio̍h Ia-so͘ khiā tī hia,
m̄-ku m̄-chai I sī Ia-so͘.
20:15
Ia-so͘ mn̄g i kóng:” Chit-ūi chí-mōe, lí ná-ē leh khàu? Lí leh chhōe siáⁿ-lâng?”
Má-lī-a siō͘ⁿ kóng I sī hn̂g-teng, chiū ìn i kóng:” Chit-ūi sian-seⁿ, lí ná-ū
kā I soah cháu, chhiáⁿ kā góa kóng, lí kā hē tī tó-ūi? Góa thang kā siu
tńg-lâi.”
20:16
Ia-so͘ kā i kiò chi̍t-siaⁿ:” Má-lī-a.” I chiū oa̍t-tńg-sin, ēng Hi-pek-lâi-ōe
ìn:” Lia̍p-pho-nî!” sī lāu-su ê ì-sù.
20:17
Ia-so͘ kā I kóng:” M̄-thang lám Góa, in-ūi Góa iáu-bōe khì Pē hia. Lí khì chhōe
Góa ê hiaⁿ-tī, kā in kóng, Góa chiō͘ⁿ-khì Góa ê Pē, iā-sī lín ê Pē, Góa ê
Siōng-chú, mā-sī lín ê Siōng-chú hia.”
20:18 Boa̍t-tāi-lah
ê Má-lī-a chiū khì kā bûn-tô͘ kóng:” Góa í-keng khòaⁿ-tio̍h Chú ah.” Koh kā in
kóng Chú ū kā i kóng ê hiah-ê ōe.
20:19
Siāng-khoán hit-ji̍t, chiū-sī chhit-ji̍t ê thâu chi̍t-ji̍t ê àm-sî, bûn-tô͘
chū-chi̍p ê só͘-chāi ê mn̂g koaiⁿ-tiâu-tiâu, in-ūi in kiaⁿ Iú-thài-lâng, Ia-so͘
lâi khiā tī in ê tiong-kan, kā in kóng:” Goān lín pêng-an!”
20:20 I
kóng liáu, chiū kā siang-chhiú hām hia̍p-ē hō͘ in khòaⁿ. Bûn-tô͘ khòaⁿ-tio̍h
Chú lóng chin hoaⁿ-hí.
20:21 Ia-so͘
koh kā in kóng chi̍t-pái:” Goān lín pêng-an! Chhin-chhiō͘ⁿ Pē ū chhe-phài Góa,
Góa mā beh chhe-phài lín.”
20:22 Kóng
soah, chiū tùi in pûn-khùi, kóng:” Lâi niá-siū Sèng-sîn!”
20:23 Lín
sià-bián sím-mih-lâng ê chōe, in chiū tit-tio̍h sià-bián; lín bô sià-bián jīm-hô-lâng
ê chōe, in chiū bô tit-tio̍h sià-bián.”
20:24
To-má, mā kiò-chò Siang-seⁿ-á, i-sī cha̍p-jī su-tô͘ tiong ê chi̍t-ê, Ia-so͘
kàu-ui ê sî, i bô kap in chò-hóe tī hia.
20:25 Só͘-í
kî-thaⁿ ê sù-tô͘ kā i kóng:” Goán í-keng ū khòaⁿ-tio̍h Chú à.” M̄-ku To-má kā
in kóng:” Góa nā-bô khòaⁿ-tio̍h I chhiú-tiong ê teng-á-jiah, bô ēng góa ê
chéng-thâu-á thàm i-ê teng-á-jiah, bô ēng góa ê chhiú thàm i-ê hia̍p-ē, góa
choa̍t-tùi m̄ sìn.”
20:26
Kòe-liáu chhit-ji̍t, bûn-tô͘ koh tī chhù-lāi chū-chi̍p, To-má mā chò-hóe tī
hia. Mn̂g í-keng koaiⁿ hó-sè. Ia-so͘ lâi-kàu in tiong-kan, kóng:” Goān lín
pêng-an.”
20:27
Chiap-sòa kā To-má kóng:” Chhun lí ê chéng-thâu-á lâi thàm Góa ê chhiú,
chhun-chhiú lâi bong Góa ê hia̍p-ē. M̄-thang giâu-gî, tio̍h siong-sìn.”
20:28 To-má
ìn:” Góa ê Chú ah, góa ê Siōng-chú ah!”
20:29
Ia-so͘ kā i kóng:” Lí khòaⁿ-tio̍h Góa chiah siong-sìn, hia-ê bô khòaⁿ-tio̍h
chiū lâi sìn ê chin ū hok-khì ah!”
20:30
Kàu-taⁿ, Ia-so͘ tī bûn-tô͘ ê bīn-chêng iáu-ū kiâⁿ chē-chē sîn-jiah, bô kì tī
chit-pún chheh.
20:31 Kì-chài chiah-ê tāi-chì, sī-beh hō͘ lín sìn Ia-so͘ sī Ki-tok, sī Siōng-chú ê Kiáⁿ, koh hō͘ lín in tio̍h sìn, khò I ê miâ lâi tit-tio̍h oa̍h-miā.
2021/02/06
沒有留言:
張貼留言