Lō͘ka hokim su Tē cha̍p chio͘ⁿ

 10 : 1 Chiah ê tāichì liáuāu , Chú koh kéngsoán chhitcha̍p ê lâng , phài in nn̄g ê nn̄g ê chò I ê thâuchêng , khì I só͘ beh khì ê ta̍k ê siâⁿchhī ê tak só͘chāi .

10 : 2 Chiū tùi in kóng : ” Hn̂glāi tán beh siukoah ê be̍há chin chē , m̄ku kanglâng chin chió , só͘í lín tio̍h khúnkiû hn̂gá ê chúlâng , phài koh khah chē lâng lâi siukoah i ê sitthâu .

10 : 3 Lín tio̍h khì! Góa phài lín chhut khì , ná chhinchhiō͘ iô͘ⁿá ji̍p khì chi̍t tīn chhâilông ê tiongkan .

10 : 4 m bián chah chîⁿ tēá , m̄ bián phāiⁿ hênglí , liân êá mā m̄ bián tòa ; kiâⁿ tī lō͘tiong mā bián hām lâng kóngōe .

10 : 5 Bôlūn ji̍p khì tó chi̍t ê katêng , tio̍h seng kóng chiokhok ê ōe : ” Goān Siōngchú ê pêngan kap lín tôngchāi . ”

10 : 6 Tī hia nā ū chi̍t ūi beh tittio̍h pêngan ê lâng , lí só͘ kiû ê pêngan chiū lîmkàu hit ê katêng , nā bô , hit ê pêngan chiū kui hō͘ lín .

10 : 7 Lín nā tiàm tī hit ê lí só͘ chiokhok ê katêng , tio̍h kèsio̍k tòa lo̍h khì , súiōng in só͘ kiongèng ê itchhè , inūi chòkang ê tit-tio̍h kangchîⁿ sī engkai ê ; m̄ thang poaⁿ līkhui chit ê katêng .

10 : 8 Bôlūn khì kàu jīmhô só͘chāi , nā ū lâng chiapthāi lín , chhiáⁿ lín chia̍h siáⁿmih chiū theh lâi chia̍h .

10 : 9 Tio̍h itī hia ê ū pēⁿ ê lâng , koh kā in kóng : ” Siōngchú lâi kàu lín tiongkan à .”

10 : 10 Bôlūn khì kàu tó chi̍t ê siâⁿchhī , nā bô lâng chiapthāi lín , lín tio̍h khì kelō͘ na kiâⁿ na soanpò͘ ,

10 : 11 Kóng : ” Liân lín chia ê liâm tī góa êá téng ê thó͘hún , mā tī lín ê bīnchêng pōaⁿ lo̍h lâi hêng lín ; suijiân sī áne , lín tio̍h chai Siōngchú ê koktō͘ íkeng kīn à . ”

10 : 12 Góa kā lín kóng , tī sìmphòaⁿ hit ji̍t , Só͘tomá pí hiah ê siâⁿ só͘ siū ê hênghoa̍t ē khah khin!”

10 : 13 “ Kolia̍psìn à , lí hāi à! Peksàitāi à , taⁿ lí chhám à ! Inūi in tī lín tiongkan só͘ kiâⁿ chiah ê koânlêng , nā chò tī Chhuilô kap Setùn , in chá toh moa môasaⁿ koh chē tī hóehu téng jīnchōe hóekái .

10 : 14 M̄ku tī sìmphòaⁿ hitji̍t , Chhuilô kap Setùn tio̍h siū ê hênghoa̍t iau pí lín khah khin !

10 : 15 Kapeklông à , lí phahsǹg katī ē tàng pīthê chiō͘ⁿthiⁿ , kàusî ē pī tán lo̍h khì imkan . ”

10 : 16 Koh tùi ha̍kseng kóng : ” Thiaⁿ lín ê ōe ê lâng , chiūsī thiaⁿ Góa ê ; kūchoa̍t lín ê lâng , chiūsī kūchoa̍t Góa ; kūchoa̍t Góa ê lâng , chiūsī kūchoa̍t phài Góa lâi ê .

10 : 17 Hit chhitcha̍p ê ha̍kseng hoaⁿthâu híbīn tńglâi , kóng : ” Chú à! Goán hōng Lí ê miâ , liân siâsîn mā sūnho̍k . ”

10 : 18 Iaso͘ kā in kóng : ” Góa ū khòaⁿtio̍h Sattàn àn thiⁿténg poa̍h lo̍h lâi , chhinchhiō͘ⁿ siámtiān .

10 : 19 Góa íkeng sù hō͘ lín lêngle̍k thang ta̍h chôa kap giatá , koh ē tàng iâⁿkòe tùite̍k só͘ū ê khùila̍t , choa̍ttùi bô chi̍t hāng ē siongtio̍h lín .

10 : 20 Mākoh , m̄ thang inūi siâsîn sūnho̍k lín lâi hoaⁿhí , ài inūi lín ê miâ pī kì tī thiⁿténg lâi hoaⁿhí . ”

10 : 21 Tī hitsî Iaso͘ pī Sèngsîn chhiongmóa kah chin hílo̍k , chiū kóng : ” Pē à , Thiⁿtē ê Chú ! Góa oló Lí , Inūi Lí chiong chiah ê tāichì ǹg chhongbêng láuliān ê lâng chhàng khí lâi , hoántńg ǹg gíná hiánlō͘ . Thiⁿpē , sī lah! Chesī Lí khòaⁿchò kahì ê .

10 : 22 Góa só͘ū ê itchhè lóng sī Thiⁿpē kau hō͘ Góa ê ; tûliáu Thiⁿpē ígōa , bô chi̍t ê bat Kiáⁿ sī siáⁿlâng ; koh tûliáu Kiáⁿ hām Kiáⁿ só͘ goānì chísī ê lâng ígōa , bô lâng bat Thiⁿpē sī siáⁿlâng . ”

10 : 23 Iaso͘ oattńg sin sè siaⁿ kā ha̍kseng kóng : ” Khòaⁿ ē tio̍h lín só͘ khòaⁿ ê , hit tùi ba̍kchiu ē chin hoaⁿhí .

10 : 24 Góa kā lín kóng , kó͘chá chin chē sianti hām kokông siō͘ⁿ beh khòaⁿ lín só͘ khòaⁿtio̍h ê , khiok khòaⁿ bē tio̍h , ài beh thiaⁿ lín só͘ thiaⁿ ê , mā bē tàng . ”

10 : 25 Ū bó͘ chi̍t ê kà lu̍thoat ê lāusu lâi chhìthàm Iaso͘ , kóng : ” Lāusu! Góa engkai tio̍h chò siáⁿmih tāichì , chiah ē thang tittio̍h éngoán ê sèⁿmiā ? ”

10 : 26 Iaso͘ ìn : ” Lu̍thoat chheh sī siá siàⁿ ? Lí tha̍kliáu ánchóaⁿ ? ”

10 : 27 I hôetap : ” Lí tio̍h chinsim、chinsèng、chīnì thiàⁿ Chú , chiūsī lí ê Siōngchú ; koh tio̍h ài thiàⁿ chhùpiⁿ chhinchhiūⁿ katī . ”

10 : 28 Iaso͘ kóng : ” Lí kóng liáu chin tio̍h , lí chiàu áne khìchò , chiū ē tit tio̍h . ”

10 : 29 M̄ku , chit ê lâng siō͘ⁿ beh tián katī chin tio̍h , chiū mn̄g Iaso͘ : ” Siáⁿlâng sī góa ê chhùpiⁿ ? ”

10 : 30 Iaso͘ kóng : ” Ū bó͘ chi̍t ê lâng án Iâlō͘satléng khì Iâlīko siâⁿ , tú tio̍h thó͘húi , in chhió͘ⁿ i ê iho̍k , koh kā phah kah hiám sí , chiū chò in līkhui .

10 : 31 Túhó ū chi̍t ê chèsi tùi hit tiâu lō͘ kiâⁿ lâi , khòaⁿtio̍h hit ê lâng , chiū siám tùi lēnggōa chi̍t pêng kiâⁿ kòe .

10 : 32 Koh ū chi̍t ê Lībī lâng , siāngkhoán tùi chittiâu lō͘ lâi , khòaⁿtio̍h i , mā siāngkhoán án hit pêng kòe khì .

10 : 33 m̄ku ū chi̍t ê Satmálīa lâng kiâⁿ lâi kàu hia , khòaⁿtio̍h i , chiū khóliân i ,

10 : 34 kiâⁿ óa—khì iōng katī ê chiú kap iû tó tī i ê siongkháu , iōng pò͘ kā pau hō͘ hósè , koh hû i khiâ chiō͘ⁿ katī ê lûá , chhōa i khì lúkoán chiàukò͘ .

10 : 35 Keh ji̍t , chit ê Satmálīa lâng theh nng tè gîná hō͘ tiàm thâuke , kóng : ” Chhiáⁿ lí chiàukò͘ i , chîⁿ nā bô kàu , góa tòtńg lâi ittēng hêng lí . “

10 : 36 Chāi lí khòaⁿ , chit saⁿ ê lâng tó chi̍t ūi sī hit ê hō͘ lâng chhió͘ⁿ ê ê chhù-piⁿ ? ”

10 : 37 I ìn : ” Sī hit ê lînbín i ê . ” Iaso͘ kā kóng : ” Lí chiū chiàu áne khì chò ! ”

10 : 38 Iaso͘ kap ha̍kseng kèsio̍k in ê hêngthêng ê sî , I li̍p khì bó͘ chi̍t ê chngthâu . Ū chi̍t ê hūlú miâ kiò Mátāi , lâi chhōa I khì in tau hio̍hkhùn .

10 : 39 Mátāi ū chi̍t ê siómōe hōchò Málīa , khiok chē tī Iaso͘ ê khachêng , choansim thiaⁿ I só͘ kóng ê ōe .

10 : 40 Mátāi inūi bô êng teh khoán beh chiauthāi Iaso͘ , chò kah sim kông hóe to̍h chiū cháu lâi kā Iaso͘ kóng : ” Chú á ! Goán siómōe páng góa chi̍t ê leh bô êng , Lí kam bô khòaⁿtio̍h ? Chhiáⁿ Lí kiò i lâi kā góa tàu khachhiú . ”

10 : 41 M̄ku Iaso͘ kā ìn : ” Mátāi ! Mátāi ! Lí ūi tio̍h chò bē khì ê tāichì leh hoanló ,

10 : 42 m̄koh chinchiàⁿ suiàu ê kantaⁿ chi̍t hāng ; chiūsì Málīa íkeng kéngtio̍h siōnghó ê hit hūn , sī bô lâng chhió͘ⁿ ē khì ê .”

                         2019/02/08    08 : 40  2025.07.18. Siukái tī Lâmthâm