Lō͘ka hokim su Tē chapit chio͘ⁿ

11 : 1 Iaso͘ khì tī chi̍t ê só͘chāi kîtó , tńg lâi in tiongkan ê sî , ū chi̍t ê ha̍kseng kā I kóng : ” Chhiáⁿ Lí kà goán ánchóaⁿ kîtó , chhiō͘ⁿ Iokhān kà i ê ha̍kseng siāngkhoán .”

11 : 2 Iaso͘ chiū kóng : ” Lín kîtó ê sî , tio̍h áne kóng , goán tī thiⁿni̍h ê Pē , goān Lí ê miâ sèng , Lí ê kok lîmkàu , Lí ê chíì tit chiâⁿ , tī tēnih chhinchhiō͘ⁿ tī thiⁿni̍h .

11 : 3 Kiû Lí sù goán ta̍k ji̍t só͘ suiàu ê chia̍hmi̍h .

11 : 4 Siàbián goán tekchōe Lí ê , inūi goán iā íkeng siàbián hia ê khuikhiàm goán ê lâng . M̄ thang hō͘ goán tú tio̍h chhìthàm , tio̍h kiù goán thoatlī ok chiá ê uihia̍p .”

11 : 5 Iaso͘ koh kóng : ” Lín tiongkan siáⁿlâng ū chi̍t ê chhùpiⁿ , pòaⁿmê lâi lín tau phah mn̂g , kóng : ”「Pháiⁿsè lah! Góa beh lâi chioh saⁿ tè piáⁿ ,

11 : 6 inūi góa ū pêngiú tùi hn̄glō͘ lâi chhōe góa , tú hó lóng bô mi̍hkiāⁿ thang chiauthāi i .」

11 : 7 I án lāibīn kā ìn :「Mài chhá lah , Mn̂g í-keng koaiⁿ hósè à , gíná mā hām góa tī bînchhn̂g téng leh khùn , bē tàng khí lâi theh hō͘ lí .」

11 : 8 Góa kā lín kóng , i m̄ sī inūi pêⁿpêⁿ chò chhùpiⁿ chiah khí lâi theh hō͘ i , sī inūi chi̍t ê chhùpiⁿ itti̍t tī hia chin jia̍tchhiat khúnkiû , chiah khí lâi chiàu i só͘ suiàu ê theh hō͘ i .

11 : 9 Góa koh kā lín kóng , Lín tio̍h kiû , chiu ē tittio̍h hôeèng ; chhōe chiu ē chhōe tio̍h ; lín lâi phah mn̂g , chiu ē kā lín khui .

11 : 10 Inūi jīmhô chi̍t ê kiû ê ē tittio̍h , chhōe ê ē chhōe tio̍h , phah mn̂g ê ē kā i khui .

11 : 11 Lín tiongkan chò lâng ê lāupē ê , siáⁿlâng ē tī i ê kiáⁿ thó piáⁿ ê sî , hoántńg hō͘ i chio̍hthâu? Thó hî , tiantó hō͘ i chôa?

11 : 12 Thó kenn̄g , ē hō͘ i giatá ?

11 : 13 Lín chòlâng suijiân m̄sī kài hó , mā chaiiáⁿ tio̍h theh hómi̍h hō͘ lín ê jîlú , hôhóng lín tī thiⁿténg ê Pē , I kám bē koh khah ēng Sèngsîn hō͘ kiû I ê lâng mah ? ”

11 : 14 Iaso͘ tùi chi̍t ê bē tàng kóngōe ê lâng , kóaⁿ chhut chi̍t ê siâsîn , siâsîn līkhui íāu , hit ê lâng khaisí ē kóngōe , ta̍kê lóng kámkak chin hikî .

11 : 15 Ū chi̍t kóa lâng sūi kóng : ” I sī khò kúiông Pia̍tsepok ê miâ kā kóaⁿ chhut khì ê . ”

11 : 16 Koh ū lâng lâi chhìthàm Iaso͘ , tùi I kiû chit ê án thiⁿténg lâi ê sînjiah .

11 : 17 Iaso͘ chaiiáⁿ in leh siō͘ⁿsiáⁿ , chiū kā in kóng : ” Chi̍t ê kokka ê lāipō͘ nā hunlia̍t , ē pìⁿchò pùnsò tiô͘ⁿ ; chi̍t ê kelāi nā siotak , ittēng ê phòachhùi .

11 : 18 Sattàn nā katī lāiloān , i ê kok kam îchhî ē lo̍h khì ? Inūi lín kóng Góa sī khò Pia̍tsepok lâi kóaⁿkúi .

11 : 19 Góa nā sī khò Pia̍tsepok kóaⁿ chhut hia ê siâsîn , lín ê chútē kóaⁿ kúi sī siáⁿlâng kā tàu khachhiú ? In katī ē phòaⁿtoàn lín ê siō͘ⁿhoat .

11 : 20 Chóngsī , Góa nā sī khò Siōngchú ê khùila̍t chiong hia ê siâsîn kóaⁿ chhut khì , che chiūsī Siōngchú ê kok íkeng tī lín tiongkan lah .

11 : 21 Choân hù búchong ê lâmsū chhîsiok leh kò͘siú i ê chhù , i só͘ū ê itchhè lóng bē sitlo̍h .

11 : 22 M̄ku nā ū chi̍t ê pí i khah ióngchòng ê , lâi phah iâⁿ i , chiu ē chiong i só͘ óakhò ê chongpī chhió͘ⁿ khì , iā pun só͘ chhió͘ⁿ tio̍h ê mi̍hkiāⁿ .

11 : 23 Bô kap Góa chòtīn ê chiūsī kap Góa tùili̍p ê , bô tàu khachhiú chiong lâng chio chòhóe ê , chiūsī leh phahsòaⁿ . ”

11 : 24 “Tng siâsîn līkhui lâng ê sinchiō͘ⁿ liáuāu , khì tasò bô bī ê tēhng, cháu thàuthàu leh chhōe thang hio̍hkhùn ê só͘chāi , kìjiân chhōebô , chiū katī siō͘ⁿ : ” Kuikhì tńg lâi góa tu līkhui ê hit keng chhù . ”

11 : 25 Tńg khì kàuui , khòaⁿtio̍h chhùlāi khoán kah chin chhengkhì , koh bíkoan ,

11 : 26 sūi chhut khì chio chhit ê pí i koh khah pháiⁿ ê kúi li̍p khì tòa chòhóe . Hit ê lâng chòeāu ê chênghêng pí chinchêng koh khah pichhám . ”

11 : 27 Tī Iaso͘ tú leh kóng chiah ê ōe ê sî , hit tiongkan chi̍t ê hūlú tōasiaⁿ hoah : ” Hit ê seⁿ Lí koh chhī Lí tōahàn ê , chin ū hokkhì à ! ”

11 : 28 Iaso͘ ìn i : ” Sī à , m̄ku hia ê thiaⁿ Siōngchú ê ōe lâi chhîsiú ê lâng , koh khah ū hokkhì . ”

11 : 29 Tng lâng ná chi̍p óa lâi Iaso͘ ê bīnchêng , I kèsio̍k kóng : ” Chit sètāi ê lâng ê simsu chiaⁿ bái . Kanā ài beh khòaⁿ tio̍h sînjiah , m̄ku , tûliáu Iokná ê sînjiah ígōa , bô koh chài ū sînjiah hō͘ in .

11 : 30 Tu chhinchhiō͘ⁿ Iokná chiâⁿchò Nînîbî lâng ê sînjiah siāngkhoán , Góa mā ē chò chit sètāi ê lâng ê sînjiah .

11 : 31 Tī sìmphòaⁿ ê sî , lâmhong ê lúông beh khí lâi tēng chit sètāi ê chōe; inūi I sī tùi tēkek lâi ê , beh thiaⁿ Só͘lôbûn tìhūi ê ōe . Hiān chit má tī chia ū chi̍t ê pí Só͘lôbûn koh khah tōa ê .

11 : 32 Tī sìmphòaⁿ ê ji̍t , Nînîbî lâng beh lâi tēng chit sètāi ê lâng ê chōe , inūi Nînîbî lâng thiaⁿ tio̍h Iokná lâi thoân Siōngchú ê ōe , chiū sūi hóekái à , tī chia ū chi̍t ê pí Iokná koh khah úitāi ê . ”

11 : 33 Bô lâng kā teng tiám khí lâi khǹg tī bô lâng khòaⁿ ē tio̍h ê só͘ chāi , ásī theh mi̍hkiāⁿ kā khàm leh , ittēng hē tī tohténg thang hō͘ li̍p lâi ê lâng khòaⁿ tio̍h kng .

11 : 34 Lí ê ba̍kchiu chiūsī lí sinchiō͘ⁿ ê teng . Lí ê ba̍kchiu nā kim , kui sengkhu chiū kng piângpiâng ; ba̍kchiu nā hoe , choân sengkhu chiū àm sôsô .

11 : 35 Só͘í , lí tio̍h sèjī m̄ thang hō͘ lí lāibīn ê kng àm khì .

11 : 36 LÍ kui sengkhu nā kng , bô chi̍ttiámá àm , chiū ē kng hiàⁿhiàⁿ , chhinchhiō͘ⁿ teng ê kng leh chiò lí . ”

11 : 37 Iau teh kóng ê sî , ū chi̍t ê Hoatlīsài lâng lâi chhiáⁿ Iaso͘ kap i chòhóe chia̍hpn̄g , I chiū ji̍p khì chē toh .

11 : 38 Chit ê Hoatlīsài lâng khòaⁿ Iaso͘ tī chia̍hpn̄g chêng bô sé chhiú kámkak chin kîkoài .

11 : 39 Chú kā i kóng : ” Taⁿ lín Hoatlīsài lâng kānā kā óaⁿpôaⁿ ê gōabīn sé chhengkhì niâ , lín lāibīn khiok chhiongmóa thauthe̍h hām siâok .

11 : 40 Gong lâng à , choh gōabīn ê , kám bô siângsî choh lāibīn?

11 : 41 Lín nāsī kā lāibīn ê pun hō͘ lâng , áne , lín só͘ū ê mi̍hkiāⁿ chiū lóng chhengkhì à .

11 : 42 “ Lín Hoatlīsài lâng chhám à ! Inūi lín kà lâng chiong po̍khô、hôehiangà kap ta̍k hāng chhàise ê cha̍phun chi it hiàn hō͘ Siōngchú , hia ê kiâⁿ konggī thiàⁿ Siōngchú ê sū hoántńg bô chùtiōng . Chiah ê goânpún sī lín ài khì chò ê , koh hōnghiàn ê tāichì mā bēsái bô chò .

11 : 43 Lín Hoatlīsài lâng ē hāi ō͘ ! Inūi lín chin ài chē tī hōetn̂g lāi ê tōa ūi , koh tī chhàichhīà hō͘ lâng chhéngan mn̄ghó .

11 : 44 Lín ē siū chiùchhàm ō͘ ! Inūi lín náchhiō͘ⁿ bô lâng khòaⁿ ē chhut lâi ê bōng , lâng kiâⁿ

tī hit téng-bīn pēng bô hoathiān.

11 : 45 Hia ê lu̍thoat su ê tiongkan , ū chi̍t ê hôeèng Iaso͘ kóng : ” Lāusu! Lí kóng chia ê ōe mā kā goán bújio̍k chham lo̍h . ”

11 : 46 Iaso͘ chiū ìn i : ” Lín chia ê kàusu mā ē hāi ! Inūi lín hō͘ lâng tè tī chin chē kuitiâu ê ēbīn bē tíntāng , lín katī m̄khéng chhut chi̍t ki chéngthâuá kā póe khui . ”

11 : 47 Lín mā ū kàu chhám ! Inūi lín khíchō pī lín ê chó͘-sian só͘ sat-hāi ê sian-ti ê bōng .

11 : 48 Tùi áne chai-iáⁿ lín m̄niā jīmtēng in só͘ chò ê , koh mā chàntông ; inūi , in sathāi liáu sianti , lín lâi ūi in chò bōng .

11 : 49 Só͘í Siōngchú ê sùchiá bat kóng : 「Góa beh phài sianti hām sùtô͘ khì in hia , ū ê ē hō͘ in thâisí , ū ê ē siū chin chē khokhêng .」

11 : 50 Án sèkài ê siōng khíthâu kàu taⁿ , lâu chèng sianti ê hoeh ê hênghoa̍t beh lîmkàu lín ,

11 : 51 chiūsī tùi Apek khaisí kàu Satkalīa , i pī thâi tī chètôaⁿ hām sèngtiān ê tiongkan só͘ lâu ê hoeh ûichí . Góa kā lín kóng , hia ê só͘ ū ê hênghoa̍t lóng ē lîmkàu lín .

11 : 52 Lín chiah ê kàusu ē siū chiùchhàm ! Inūi lín kā beh li̍p khì chaibat ê mn̂g ê sósî poeh khì , katī m̄ li̍p khì , liân tú beh li̍pkhì ê lâng lín mā kā tòng tiâu leh . ”

11 : 53 Iaso͘ íkeng án hia līkhui , kàusu hām Hoatlīsài lâng khì phutphut cháu khì kā ûi leh , chitmn̄g I koh khah chē tāichì ,

11 : 54 siângsî leh siòng túhó ê kihōe , thang lia̍h I ê ōepèⁿ .

                 2019/02/12  08 : 12

                   2025.07.20. Siukái tī Lâmthâm