Lō͘ka hokim su Tē káu chiō͘ⁿ

 9 : 1 Iaso͘ kiò cha̍pjī ê ha̍kseng chip óa—lâi , hō͘ in lêngle̍k、koânpèng thang chèap só͘ ū ê siâsîn kap itī ta̍kchiòng pēⁿchèng .

9 : 2 Chiū phài in chhut khì soanthoân Siōngchú ê kok , koh itī ū pēⁿ ê lâng ,

9 : 3 mā kautāi in : ” Chhutmn̂g tī lútô͘ tiong , m̄ bián chah koaiⁿá hām lúhêng tē , m̄ bián tòa chia̍hmi̍h hām só͘hūi , mā m̄ bián chah nn̄g niá gōasaⁿ .

9 : 4 Bôlūn li̍p khì siáⁿlâng ê chhù , chiū tòa tī hia , iā tùi hia līkhui .

9 : 5 Nā m̄ chiapthāi lín ê , tī lín līkhui hit ê siâⁿ ê sî , tio̍h kā lín khani̍h ê thô͘soa hún chám hiahkah , lâi chèngbêng in ê put sī . ”

9 : 6 Ha̍kseng chiū chhut khì , kàu ta̍k ê chngthâu thoân Siōngchú ê hó siausit , mā tī tak só͘chāi itī ū pēⁿ ê lâng .

9 : 7 Pī phài chò ông ê Hilu̍t , thiaⁿtio̍h Iaso͘ só͘ chò itchhè ê tāichì , soah bô katī ê khòaⁿhoat , inūi ū lâng kóng : ” Sī Iokhān tùi sí kohoa̍h . ”

9 : 8 Ū ê lâng kóng : ” Sī Ílīa hiánhiān . ” Iā ū lâng kóng : ” Sī kó͘chá ê chi̍t ūi sianti kohoa̍h . ”

9 : 9 Hilu̍t kóng : ” Iokhān íkeng hō͘ góa chāmtiàu à , chesī siáⁿmih lâng? Góa thiaⁿ kah hoe sàsà . ” Chiū leh siòng kihōe beh kìⁿ Iaso͘ .

9 : 10 Sútô͘ tòtńg lâi , chiong in só͘ chò ê sū kā Iaso͘ kóng , Iaso͘ chiū chhōa in tiāmtiāmá līkhui hia , khì lēnggōa chit ê siâⁿchhī , miâkiò Peksàitài .

9 : 11 M̄ku chènglâng mā lóng chai , chiū tòe I khì ; Iaso͘ chiū khoánthāi in , kap in hunhióng Siōngchú ê ōegú , mā itī suiàu itī ê lâng .

9 : 12 Ji̍tthâu the beh àm à , sùtô͘ lâi kā Iaso͘ kóng : ” Chhiáⁿ kiò tāike līkhui , hō͘ in khì tak chngthâu kap hūkīn ê só͘chāi chhōe tòa kap chia̍h , inūi lán chia sī hongkau iágōa .”

9 : 13 Iaso͘ mn̄g in : ” Lín lâi chhoân hō͘ in chia̍h! ” In ìn I : ” Goán kanā ū gō͘ tè piáⁿ , nn̄g bóe hî niāniā , goán nā bô khì bé , chiū bô kàu thang chia̍h .”

9 : 14 Tī hia ê kûnchiòng tāikhài ū gō͘ chheng lâng . Iaso͘ tùi in kóng : ” Hō͘ in chi̍t pâi chi̍tpâi chē lo̍h lâi , móe chi̍t pâi ioklio̍k gō͘cha̍p lâng .

9 : 15 Ha̍kseng chiū áne chò , hō͘ ta̍k ê lóng chē lo̍h lâi .

9 : 16 Jiânāu , Iaso͘ the̍h hit gō͘ tè piáⁿ , nn̄g bóe hî , kia̍hba̍k ǹg thiⁿ lâi chioksiā , iā khaisí peh khui theh hō͘ ha̍kseng , pâi tī tāike ê bīnchêng .

9 : 17 In chiū the̍h khì chia̍h , lóng chia̍hpá liáuāu , ha̍kseng khì khioh in chia̍h chhun ê , tébóaⁿ cha̍pjī nâ .

9 : 18 Iaso͘ katī chi̍t ê kîtó ê sî , ha̍kseng mā hām I chòhóe tī hia . Iaso͘ mn̄g in : ” In ta̍k ê lóng kóng Góa sī siáⁿmih lâng ? ”

9 : 19 In ìn : ” Ū lâng kóng Lí sī kiâⁿ sélé ê Iokhān ; mā ū lâng kóng sī Ílīa ; koh ū ê kóng sī kó͘chá ê chi̍t ūi sianti kohoa̍h à . ”

9 : 20 Iaso͘ mn̄g : ” Lín kóng Góa sī siàⁿ lâng ? ” Pítek ìn : ” Lí sī Siōngchú só͘ siatli̍p ê Kitok . ”

9 : 21 Iaso͘ sūi giâmgiâm kautài in , m̄ thang kā chit ê tāichì pò lâng chai ,

9 : 22 koh kóng : ” Góa ittēng tio̍h siū chin chē thòngkhó͘ , hō͘ tió͘ⁿló、chèsi tió͘ⁿ

hām kàusu khìsak , koh hō͘ in hāisí , iā tī tē saⁿ ji̍t kohoa̍h . ”

9 : 23 Iaso͘ tùi tāike kóng : ” Nā ū lâng beh tòe Góa , tio̍h chūngó͘ hó͘ⁿtēng , koh ta̍k ji̍t giâ i ê si̍pjīkè lâi tòe Góa . ”

9 : 24 inūi hia ê kanā kò͘ katī ê sèⁿmiā ê , ē sit lo̍h i , m̄ku ūi Góa lâi sit lo̍h katī ê sèⁿmiā ê , hoántńg ē tittio̍h .

9 : 25 Chi̍t-ê lâng nā thàn tio̍h choân sèkài , soah songsit katī , ásī súnsit chhámtiōng , kam chinchiàⁿ ū kèta̍t?

9 : 26 Nā ū lâng chiong Góa kap Góa ê ōe lia̍hchò sī i ê kiànsiàu , tī Góa kap Thiⁿpē kap sèng thiⁿsài ê êngkng chòhóe lâilîm ê sî , mā ē lia̍h hit ê lâng chò kiànsiàu .

9 : 27 Góa si̍tchāi kā lín kóng , khiā tī chia ê lâng , ū ê tī iáubē tam tio̍h sí ê chubī íchêng , ē khòaⁿtio̍h Siōngchú ê kok . ”

9 : 28 Chia ê ōe kóng liáu , tāiiok kengkòe peh ji̍t , Iaso͘ chhōa Pítek、Iokhān、Ngákok siō͘ⁿsoaⁿ khì kîtó .

9 : 29 Tu leh kîtó ê sî , Iaso͘ ê bīnmāu soah piàn bô siāngkhoán , liân saⁿ mā pe̍h kah kng phiângphiâng .

9 : 30 Hutjiânkan ū Mô͘se、Ílīa nn̄g lâng , lâi hām Iaso͘ kóngōe ;

9 : 31 In tī êngkng tiong chhuthiān , tâmlūn iúkoan Iaso͘ teh beh tī Iâlō͘satléng siū khó͘ , thang oânsêng Siōngchú ê kèōe .

9 : 32 Pítek hām chòhóe tī hia ê lâng lóng khùn tangbîn , tng in chhéⁿ lâi ê sî , sūi khòaⁿtio̍h Iaso͘ tiàm tī tōakng ê tiongkan , mā ū nn̄g ê lâng kap I khiā chòhóe .

9 : 33 Kòe chi̍tsîá , hit nn̄g ê lâng tī beh līkhui Iaso͘ ê sî , Pítek kā Iaso͘ kóng : ” Lāusu , lán tī chia chin hó ! Hō͘ goán lâi tah saⁿ keng liâuá , chi̍t keng hō͘ Lí , chi̍t keng hō͘ Mô͘se , koh chi̍t keng hō͘ Ílīa . ” M̄ku i soah m̄ chai katī leh kóng siáⁿhòe .

9 : 34 Tng i leh kóng chia ê ōe ê sî , ū chit tui chin kāu ê hûnchhái kā in ûi khí lâi , hō͘ in kámkak chin kiaⁿhiâⁿ .

9 : 35 Koh ū siaⁿim àn hûn nih hoatchhut : ” Chit ūi sī Góa ê kiáⁿ , sī Góa só͘ kéng ê , lín tio̍h thiaⁿ I ê ōe . ”

9 : 36 Hit ê siaⁿim tiāmkhì liáuāu , kanā khòaⁿtio̍h Iaso͘ chi̍t ê lâng tī hia . Tī hia ê ji̍tchí , ha̍kseng lóng póchhî tiāmtiām , bô ǹg jīmhô lâng kóng khí in só͘ khòaⁿtio̍h ê chiah ê tāichì .

9 : 37 Keh ji̍t , in án soaⁿténg lo̍h lâi , chin chē lâng lâi gêngchiap Iaso͘ .

9 : 38 Hit tiongkan ū chi̍t ê lâng tōasiaⁿ hoah : ” Lāusu! Kiû Lí lâi khòaⁿ góa ê kiáⁿ , inūi góa kanā ū chit ê niâ .

9 : 39 I hō͘ siâsîn chhòngtī , ē hutjiânkan hoahhiu , koh siak loh thô͘kha , kui ê lâng itti̍t chhoah , chhùi phùi pe̍hnōa , hō͘ i siong kah chin siongtiōng , lóng m̄ pàng i soah .

9 : 40 Góa ū chhiáⁿ kòe Lí ê ha̍kseng lâi kóaⁿ siâsîn chhut khì , in khiok bô hoattō͘ . ”

9 : 41 Iaso͘ kóng : ” Ah! M̄ sìn koh pōege̍k ê sètāi ! Góa tī lín chia tio̍h koh lōa kú ? Tio̍h koh límnāi lín lōa kú à ? Khì kā lín kiáⁿ chhōa lâi ! ”

9 : 42 Chhōa lâi ê sî , siâsîn kā i siak loh thô͘kha , koh hō͘ i kiùkin chhoah kah chin līhāi . Iaso͘ sūi chíchek hit ê siâsîn , hō͘ gíná hoeho̍k chèngsiông , kau hō͘ in lāu-pē .

9 : 43 Tāike khòaⁿtio̍h Siōngchú ê koânlêng lóng chin tio̍h kiaⁿ . In lóng iau leh siō͘ⁿ bô Iaso͘ sī ánchóaⁿ ē chò chia ê tāichì ê sî , Iaso͘ kā ha̍kseng kóng :

9 : 44 Lín tio̍h ài kā chia ê ōe kì hō͘ tiâu , inūi Góa teh beh pī sàngkau tī lâng ê chhiúthâu . ”

9 : 45 In bē tàng líkái chit kù ōe , inūi iau bōe bêng kóng , hō͘ in sa bô niauá mn̂g , in iā m̄ káⁿ mn̄g chit kù ōe ê ìsù .

9 : 46 Ha̍kseng ê tiongkan , leh chenglūn siáⁿ lâng siōng tiōngiàu .

9 : 47 Iaso͘ chaiiáⁿ in simlāi só͘ siō͘ⁿ ê , chiū khì chhōa chi̍t ê gíná lâi khiā tī I ê sinpiⁿ ,

9 : 48 Tùi in kóng : ” Nā ū lâng inūi Góa ê miâ , chiapthāi chit ê gíná , chiūsī chiapthāi Góa , koh hia ê chiapthāi Góa ê , chiūsī chiapthāi chhe Góa lâi ê , inūi tī lín tiongkan siō͘ⁿ pibî ê chiūsì siō͘ⁿ tōa ê . ”

9 : 49 Iokhān mn̄g : ” Lāusu , goán bat khòaⁿtio̍h chi̍t ê lâng hōng Lí ê miâ kóaⁿ kúi , goán chiū kā tòng leh , inūi i bô kap goán chòhóe lâi tòe Lí . ”

9 : 50 Iaso͘ kóng : ”M̄ bián kìmchí in , inūi bô chó͘tòng lín ê , chiūsī leh tàu khachhiú ê .

9 : 51 Iaso͘ pī chiap siō͘ⁿthiⁿ ê ji̍t teh beh kàu à , I ê sim chin kiankoat beh khì Iâlō͘satléng ,

9 : 52 chiū phài lâng kiâⁿ tī I ê thâuchêng . In kiâⁿ kàu Satmálīa ê chi̍t ê chngthâu , khì theh Iaso͘ chúnpī .

9 : 53 In m̄ khéng chiapthāi I , inūi I sī beh khì Iâlō͘satléng .

9 : 54 I ê ha̍kseng Ngákok kap Iokhān chi̍t ē chaiiáⁿ áne , chiū kóng : ” Chú à , kám beh hō͘ goán kiò hóe án thiⁿténg lo̍h lâi siaubia̍t in , chhinchhiō͘ⁿ tng sî Ílīa só͘ chò ê ? ”

9 : 55 I sūi oattńg sin chekpī in : ” Lín chûn siáⁿmih liāmthâu , lín katī m̄chai .

9 : 56 Góa lâi m̄ sī beh siaubia̍t lâng , sī beh tittio̍h lâng . ” Kóng liáu chiū khì pa̍t ê chngthâu .

9 : 57 In tī lō͘tiong , ū chi̍t ê lâng kā Iaso͘ kóng : ” Bôlūn Lí khì tóūi , góa lóng beh tòe Lí . ”

9 : 58 Iaso͘ ìn i : ” Hô͘lî ū khang , thiⁿténg ê chiáu ū siū , kanā Góa liân khǹg chímthâu ê só͘chāi tobô . ”

9 : 59 Koh tùi chi̍t ê kóng : ” Lâi tòe Góa!” I ìn : ” Chhiáⁿ hō͘ góa seng tńg khì bâichòng góa ê lāupē . ”

9 : 60 Iaso͘ kóng : ” Sûichāi hiah ê silâng khì bâichòng silâng , lí tio̍h khì thoân Siōngchú ê koktō͘ . ”

9 : 61 Koh ū chi̍t ê kóng : ” Chú à , góa beh tòe Lí , m̄ku seng iôngún góa tńg khì kap chhùlāi ê lâng saⁿsî . ”

9 : 62 Iaso͘ kóng : ” Chhiú leh sái gûlê , khiok oatthâu khòaⁿ ê , bē tàng li̍p Siōngchú ê kok-tō͘ .   

2019/02/05    08 : 15     

2025.07.17. Siukái tī Lâmthâm