Lō͘ka hokim su Tē cha̍pjī chio͘ⁿ

12 : 1 Hit sî , ū kúi nā bān lâng chip chòehóe , tìsú kàu sio ekheh . Iaso͘ tāiseng kā ha̍kseng kóng : ” Hoatlīsài lâng ê kàⁿ , lín tio̍h thêhông leh , chiūsī in ê giânhêng pēng bô ittì .

12 : 2 Bô chi̍t hāng amkhàm ê tāichì bē lō͘hiān; bô chi̍t hāng pìbi̍t ê tāichì bē hō͘ lâng chai .

12 : 3 Só͘í , lín tī o͘àm tiong só͘ kóng ê ōe , ē tī kngbêng tiong hō͘ lâng thiaⁿtio̍h ; tī pangkeng lāi tiàm hīⁿkhang piⁿ só͘ kóng ê ōe , ē hō͘ lâng tī chhùténg bóe kongkhai soanpò͘ . ”

12 : 4 “ Góa ê pêngiú , Góa kā lí kóng , hiah ê sathāi sengkhu liáu , bē koh tang chò siáⁿmih ê , m̄ bián kiaⁿ in .

12 : 5 Góa beh chísī lín tio̍h kèngùi siáⁿlâng , I sī ū koânpèng tī lâng sí liáu-āu , hō͘ i khì kàu tēga̍k ê . Góa sīmtiōng kā lín kóng , lín tio̍h kiaⁿ I .

12 : 6 Gō͘ chiah chhekchiáuá kám m̄ sī bē nn̄g kak gîn ? Iáukú , tī Siōngchú ê bīnchêng in móe chi̍t chiah lóng bōe pī I bē kìtit ;

12 : 7 chiū liân lín ê thâumn̂g mā lóng sǹgkòe . Só͘í , biánkiaⁿ , lín sī pí chi̍t tōa tīn chhekchiáuá koh khah kùitiōng . ”

12 : 8 “ Góa koh kā lín kóng , bôlūn siáⁿlâng tī chènglâng ê bīnchêng , ūi Góa chòchèng ê , Góa mā ittēng tī Siōngchú ê thiⁿsài ê bīnchêng ūi i chòchèng ;

12 : 9 Nāsī ū lâng tī chènglâng bīnchêng kóng m̄ bat Góa ê , Góa tī Siōngchú ê thiⁿsài ê bīnchêng mā ē kóng m̄ bat i .

12 : 10 Bôlūn siáⁿlâng kóng ōe tekchōe Góa , iau ē tàng tittio̍h siàbián ; nāsī tùi Sèngsîn kóng se̍kto̍k ê ōe , ittēng bē tàng siàbián .

12 : 11 Lâng nā ah lín khì hōetn̂g , khiā tī koaⁿoân íkip chiángkoân chiá ê bīnchêng , m̄ bián sukhó beh ánchóaⁿ ìn ōe , ásī ánchóaⁿ soatbêng : 

12 : 12 Inūi hitsî Sèngsîn ē hō͘ lín chin chhengchhó tio̍h ánchóaⁿ kóng . ”

12 : 13 Hit tiongkan ū lâng tùi Iaso͘ : ” Lāusu! Chhiáⁿ LÍ hālēng hō͘ góa ê hiaⁿtī kap góa pun chó͘sán . ”

12 : 14 Iaso͘ ìn i : ” Oeh! Siáⁿlâng kiò Góa chò phòaⁿkoaⁿ , lâi kā lín pun kehóe ? ”

12 : 15 Chôaⁿ tùi tāike kóng : ” Tio̍h kínsīn lâi ioksok katī , pâitû só͘ū thamsim ê khìtô͘ , inūi lâng ê oa̍hmiā m̄sī ēng chēchē mi̍hkiāⁿ thia̍p khí lâi ê .

12 : 16 Sòalo̍h I ēng chi̍t ê phíjū : ” Ū chi̍t ê chin ū chîⁿ ê lâng , siusêng chinchē ,

12 : 17 simlāi katī leh phahsǹg :「Siu kah chiah chē khǹg bôlō͘ , beh ánchóaⁿ sī hó ?」

12 : 18 I siō͘ⁿ liáu koattēng :「Góa beh áne chinhêng , kā chhngkhò͘ thiah tiāu , khí khah tōa keng ê , thang kā góa só͘ siusêng ê , kap mi̍hkiāⁿ lóng khǹg tī hit lāibīn ,

12 : 19 Liáu āu , góa beh tùi góa ê lênghûn kóng , Lí khòaⁿ leh ! Lí ê chhngkhò͘ lāi íkeng tún chin chē mi̍hkiāⁿ , ū kàu thang ēng kúi á tang , lâi hóhóá hio̍hkhùn , hòngsim chia̍hchhēng lo̍kthiòng lâi kòe ji̍t .」

12 : 20 Siōngchú khiok lâi tùi i kóng :「Gōng lâng à ! Góa kimmê chiū beh siuhoe lí ê lênghûn , lí so͘ chúnpī ê sī beh lâu hō͘ siáⁿlâng?」

12 : 21 Ūi katī chekchū châipó ê lâng , tī Siōngchú ê bīnchêng pēng m̄ sī hùchiok ê , māsī áne .”

12 : 22 Iaso͘ koh tùi ha̍kseng kóng : ” Só͘í Góa kā lín kóng , M̄bián hoanló lín ê sèⁿmiā beh chia̍h siáⁿmih , ásī beh chhēng siáⁿmih ;

12 : 23 inūi sèⁿmiā pí chia̍hmi̍h khah tiōngiàu .

12 : 24 LÍ khòaⁿ o͘aá , in bô chèngchoh , bô siusêng , mā bô chhekchhng , bô chhngkhò͘ , sī Siōngchú leh ió͘ⁿchhī . Lín kámbô pí hia ê chhekchiáuá khah kùitiōng ?

12 : 25 Lín tó chi̍t ê ē tàng ēng khòalū hō͘ katī ê sèⁿmiā ke oa̍h chi̍t khek kú ?

12 : 26 Chiah līn siókhóa ê tāichì , lín to chò bē lâi , ūi símmih iau leh hoanló kîthaⁿ ê sū ?

12 : 27 Lí khòaⁿ pekha̍p hoe sī ánchóaⁿ tōa-châng è , i bô lôkhó͘ , mā bô phángse . M̄ku Góa kā lín kóng , chiū kóng sī Só͘lôbûn ông siōng ênghôa hùkùi ê sî ê chhēngchhah , iau khah su in kîtiong ê chi̍t lúi !

12 : 28 iágōa ê chháu , kináji̍t iau oa̍h leh , mînáchài to̍h hō͘ lâng hiat lo̍h khì hóelô͘ , Siōngchú iáu hō͘ in chng kah chia̍h súi , hôhóng sī lín , I kám bē koh khah khòaⁿkò͘ lín ?

12 : 29 M̄ bián kòethâu khòalū beh chia̍h siáⁿmih , lim siáⁿ-mih ,

12 : 30 chiaê lóngsī itpoaⁿ lâng leh chhiâuchhōe ê . Lín so͘ suiàu ê mi̍hkiāⁿ , lín ê Thiⁿpē lóng chai .

12 : 31 Lín nā chiong Siōngchú ê kok , khǹg tī tēit koansim ê , chiaê mi̍hkiāⁿ lóng ē sió͘ⁿsù lín .

12 : 32 Góa só͘ thiàⁿ ê , M̄ bián kiaⁿ , inūi lín ê Thiⁿpē chin hoaⁿhí chiong I ê kok sió͘ⁿsù hō͘ lín .

12 : 33 Lín tio̍h bē tiāu lí só͘ū ê itchhè , chiong hiahê chîⁿ pun hō͘ bô chîⁿ ê lâng , ūi katī chúnpī ēng bē pháiⁿ ê chîⁿtēá , só͘ū ê châi-pó tio̍h khiām tī thiⁿni̍h ē hō͘ lí ēng bēliáu , tī hia bô chhat lâi thau , mā bē hō͘ thâng kā chiù hāi khì .

12 : 34 Inūi lín ê châipó tī tóūi , lín ê sim iā chiū tī hia .”

12 : 35 “ Tio̍h táⁿchhah hō hósè thang chhuthoat , lín ê teng iā tio̍h tiám hō͘ to̍h ,

12 : 36 Katī náchhiō͘ⁿ po̍kjîn leh tánhāu án iànhōe tńglâi ê chúlâng . Tng chúlâng chi̍t ē kàuchhù , phahmn̂g , chiū sûi khì kā khui .

12 : 37 Chúlâng tńglâi , khòaⁿtio̍h po̍kjîn kéngséng leh tán , in chiū ū hokkhì . Góa chin khéngtēng kā lín kóng , chúlâng ē kiò in chētoh , katī ê io hā khí lâi , óa lâi suhāu in .

12 : 38 Khólêng sī àmsî chiâⁿ cha̍ptiám , ásī pòaⁿmê chiah tńglâi , khòaⁿtio̍h in , hiahê po̍kjîn chiū ū hokkhì à .

12 : 39 Che sī thang khéngtēng ê , kású nā ū chhù ê chúlâng chaiiáⁿ chha̍tá tang sî ê lâi , ittēng ē thêhông chúnpī , bē tàng hō͘ chha̍tá lâi phòhoāi i ê chhù .

12 : 40 Só͘í lín mā tio̍h chúnpī hósè , inūi Góa lâi ê sî , m̄sī tī lín ê ìliāu tiong . ”

12 : 41 Pítek mn̄g : ” Chú à ! Chit ê phíjū sī chíū tūi goán kóng , ásī tùi chènglâng kóng ? ”

12 : 42 Chú kóng : ” Siáⁿlâng sī chīntiong koh ū tìsek ê koánke , chúlâng kautāi i koánlí chhùlāi ê lâng , chiàusî pun chia̍hmih hō͘ in à ?

12 : 43 Chúlâng lâi ê sî , khòaⁿtio̍h i áne chò , i chiū ū hokkhì .

12 : 44 Góa si̍tchāi kā lín kóng , chúlâng ē chiong itchhè ê sángia̍p lóng hō͘ i koánlí .

12 : 45 Hit ê po̍kjîn nā katī siō͘ⁿ :「Góa ê chúlâng bē hiah kín tńglâi .」chiū phah kîthaⁿ ê po̍kjîn hām lúpī , koh katī chia̍h kah chùi bângbâng ;

12 : 46 Hit ê po̍kjîn ê chúlâng tī i bô phahsǹg kap chúnpī ê sîji̍t tńglâi , ē tāngtāng hênghoa̍t i , hō͘ i hām hiahê bō tiongsi̍t ê lâng siū siāngkhoán ê chhúhoa̍t .

12 : 47 Po̍kjîn bêngchai chúlâng ê siō͘ⁿhoat , khiok m̄ chúnpī , iā bô chiàu i ê ìsù khì chò , ittēng ē siū koh khah tāng ê chhúhoa̍t ;

12 : 48 nāsī hitê m̄ chai lâi chò m̄ tio̍h ê , ē siū khah khin ê chhú-hoa̍t ; Hitê tit-tio̍h khah chē ê , chúlâng ē iàukiû i hùchhut khah chē ; úithok i khah chē ê , mā siāngkhoán beh siuhôe khah chē . ”

12 : 49 “ Góa lâi sī beh ēng hóe tàn tī tēsiōng , hiānchāi chin khólêng íkeng to̍h khí lâi ?

12 : 50 Góa engkai niásiū ê sélé iáubē oânsêng , Góa sī lōaníá kîthāi ?

12 : 51 Lín lia̍hchò Góa lâi , sī beh hō͘ tēsiōng hôpêng ? Góa kā lín kóng , m̄ sī , tiantó sī beh hō͘ i hunlia̍t .

12 : 52 Tùi taⁿ íāu , nā ū gō͘ ê lâng ê katêng in ē hō͘siong tùili̍p , nā m̄ sī saⁿ ê hām nn̄g ê oanke , chiūsī nn̄g ê hām saⁿ ê tàucheng ;

12 : 53 Lāupē hām kiáⁿ , kiáⁿ hām lāupē ; lāubú hām chabó͘ kiáⁿ , chabó͘ kiáⁿ hām lāubú ; take hām sinpū , sinpū kap take hō͘siong sio-cheⁿ .”

12 : 54 Iaso͘ koh tùi chènglâng kóng : ” Lín khòaⁿtio̍h saipêng chhuthiān hûnchhái , chiū chaiiáⁿ :「The beh lo̍hhō͘ à .」, hō͘ kójiân chiū kàu .

12 : 55 Lâmhong nā chhoe lâi , lín chiū ē kóng「Thiⁿkhì the beh sioloa̍h à .」, kójiân chinchiàⁿ sī áne .

12 : 56 Lín chiaê kéhó ê lâng à , lín lóng chhengchhó thiⁿ kap tē ê piànhòa , ná ē bē liáukái chit ê sîkî ? ”

12 : 57 “ Lín ná ē bô katī tàm simlāi siôngsè siō͘ⁿ khòaⁿmāi leh ?

12 : 58 Nā ū lâng khì hoatīⁿ kò lí , tio̍h ài tī iáubē kàu hoatkoaⁿ ê bīnchêng , siō͘ⁿ pānhoat chīnliōng kap i hôkái , nā bô chin ū khólêng in giú lí khì hoat-koaⁿ ê bīnchêng , hoatkoaⁿ chiū chiong lí káu hō͘ hoatkéng , in chiū chiong lí koaiⁿ loh kaⁿga̍k .

12 : 59 Góa kā lí kóng , lí nā bô chiong hoa̍tkhóaⁿ kau hō͘ chheng-chhó , choa̍ttùi bētàng chhutkaⁿ .”                     

2019/02/18    06 : 30

2025.07.21. Siū kàu tī Lâmthâm