Lō͘ka hokim su Tē cha̍psaⁿ cho͘ⁿ

13 : 1 Tng hit ê sī , siângsî ū kui ê lâng lâi Iaso͘ ê bīnchêng , kóng khí Pília̍pto thâisí tī sèngtiān hiànchè ê Kalīlī lâng , iā chiong in ê hoeh chham tī chèmi̍h lāibīn , chit hāng sū .

13 : 2 Iaso͘ mn̄g in : ” Lín lia̍hchò chiah ê Kalīlī lâng , pí só͘ū ê Kalīlī lâng khah ū chōe ,só͘í pī thâi sī bô ?

13 : 3 Góa kā lín kóng , m̄ sī ! Lín nām̄ hóekái , mā lóng ē áne bia̍tbông !

13 : 4 ásī lín jīnûi chìnchêng Selôa ê thah , tó lo̍h lâi tehsí hit cha̍ppeh ê lâng , pí hia ê só͘ū tòa tī Iâlō͘satléng ê lâng ê chōe khah tāng sī bô ?

13 : 5 Góa kā lín kóng , m̄ sī ! Lín nā m̄ hóekái , mā lóng ē áne bia̍tbô ! ”

13 : 6 Chôaⁿ ēng chi̍t ê phí-jū kóng : ” Ū chi̍t ê lâng , i chiong chi̍t châng bûhoakó chhiū chéng tī phôtô hn̂g . Íāu , i lâi chhōe khòaⁿ ū kóechí thang bán bô , soah chhōe bô .

13 : 7 Sûi kā kò͘hn̂g è kóng :「Khòaⁿ leh! Chit saⁿ nî lâi , góa lâi chit châng bûhoakó chhiū chia , kèngjiân lóng chhōe bô kóechí , lâi kā i chhò khí-lâi , bián tit khang chiàm thó͘tē .

13 : 8 Kò͘hn̂gè kóng : ” Thâuke à , kinnî koh kā lâu leh , tán góa kā thô͘ ku̍t hō͘ sang , koh lohpûi ;

13 : 9 mênî nā ū kiat to̍h hó , nā bô , chiah kā chhò khí lâi .」”

13 : 10 Ū chi̍t ê anhiohji̍t , Iaso͘ tī hōetn̂g hām lâng hunhióng Sèngkeng .

13 : 11 Tī hia ū chi̍t ê pī siâsîn hūsin ê hūlú , íkeng kankhó͘ cha̍ppeh nî , iochiahkut lóng bē tàng ti̍t khí lâi .

13 : 12 Iaso͘ khòaⁿtio̍h i , chiū kiò i kòe lâi , tùi i kóng : ” Chit ūi lúsū , lí íkeng thoatlī lí ê pēⁿ à ! ”

13 : 13 Chôaⁿ ēng siangchhiú hōaⁿ i , i ê io sûi ti̍t khí lâi , chiū lâi oló Siōngchú .

13 : 14 Hōetn̂g ê koánlí oân , inūi Iaso͘ tī Anhiohji̍t kā lâng ipēⁿ , chiū chin siūkhì tùi tāike kóng : ” Tī la̍kji̍t lāi engkai chò kang , só͘í hit la̍kji̍t ē sái chhōe iseng , khiok bē sái tī Anhiohji̍t chò .”

13 : 15 Chú kóng : ” Kéhó ê lâng à! Kám kóng lín ta̍k lâng tī Anhiohji̍t ê sî , bô khì gûtiâu tháukhui gû ásī lû , khian in khì lim-chúi ?

13 : 16 Koh kóng , chit ūi lúsū goânpún sī Apeklahhán ê kiáⁿsun , íkeng hō͘ siâsîn khúnpa̍k cha̍ppeh nî , kám bô engkai tī Anhiohji̍t kā tháukhui ? ”

13 : 17 Tī Iaso͘ kóng chiah ê ōe liáuāu , hiah ê hoántùi I ê lâng chôaⁿ chin kiànsiàu; Chènglâng inūi I só͘ chò ê itchhè sī êngiāu SiōngChú ê sū , chiū lóng chin hoaⁿhí .

13 : 18 Iaso͘ kóng : ” SiōngChú ê kok nā chhiō͘ⁿ siáⁿmih? Góa beh ēng siáⁿmih lâi chò píkàu ?

13 : 19 I nā chhiō͘ⁿ chi̍t lia̍p kòachhài chí , ū lâng theh khì tiām tī i ê hn̂gá , tōa châng khí lâi pìⁿchò chi̍t châng tōa chhiū , khongtiong ê poechiáu lâi tī téngkoân hio̍hkhùn chòsiū .

13 : 20 koh kóng : ” Góa ē tàng ēng siáⁿmih lâi phíjū leh?

13 : 21 i nā chhiō͘ⁿ kàⁿbó , ū chi̍t ê chabó͘ lâng , kā theh khì chhiau tī saⁿ lâng hūn ê mīhún lāité , kàu i lóng hoat khí lâi . ”

13 : 22 Iaso͘ kèsio̍k chiânóng Iâlō͘satléng , tī só͘ kengkòe ê ta̍k ê chngthâu kap chhīkhu hām lâng tâmlūn chinlí .

13 : 23 Ū chi̍t ê lâng mn̄g Iaso͘ : ” Lāusu , ē tit tio̍h chínkiù ê lâng chin chió sī bô ? ”

13 : 24 Iaso͘ tùi chènglâng kóng : ” Lín tio̍h phahpiàⁿ li̍p khì hit ê e̍h mn̂g . Góa kā lín kóng , íāu ū chēchē lâng iàukiû hō͘ in li̍p khì , mā bē tàng .

13 : 25 Inūi hit keng chhù ê chúlâng khí lâi kā mn̂g koaiⁿ leh à , lín chiah lâi khiā tī gōabīn phah mn̂g kóng :「Chú à! Chú à! Chhiáⁿ kā goán khui mn̂g!」I ē ìn :「Góa m̄ bat lín , ásī , Lín sī tùi tóūi lâi è!」

13 : 26 Hit sî lín ē kóng :「Goán bat tī lí ê bīnchêng limchia̍h kòe , lí mā tī kelō͘ piⁿ kà kòe goán .」

13 : 27 I ē ìn lín : 「Góa kā lín kóng , Góa m̄ chaiiáⁿ lín án tóūi lâi è . Lín chiah ê chokgia̍t ê lâng , līkhui góa khì ! 」

13 : 28 Lín ē aikhàu koh chin m̄ goān leh khòaⁿ Apeklahhán、Ísat、Ngákok hām chèng sianti lóng tī SiōngChú ê koktō͘ lāi bīn , lín tiantó ē pī kóaⁿ chhut khì gōabīn .

13 : 29 Tùi tang、tùi sai、tùi lâm、tùi pak beh ū lâng lâi chē tī SiōngChú koktō͘ ê iânsia̍h .

13 : 30 Khòaⁿ leh! Khiok ū chi̍t kóa lō͘bóe lâi ê lâng , ē chò tāiseng , tāiseng ê ē chò lō͘bóe , ”

13 : 31 Hit sî , ū kúi ê Hoatlīsài lâng lâi tùi Iaso͘ kóng : ” Kín līkhui chia , inūi Hilu̍t beh thâi Lí . ”

13 : 32 Iaso͘ ìn : ” Lín khì kā hit chiah hô͘lî kóng「Khòaⁿ leh! Kináji̍t、bînáchài Góa ipēⁿ kóaⁿkúi , tī tēsaⁿ ji̍t góa ê sùbēng chiū oânsêng à .」

13 : 33 Suijiân sī áne , kináji̍t、bînáchài、āuji̍t , Góa tio̍h kèsio̍k hiòngchêng kiâⁿ , inūi sianti tī Iâlō͘satléng ígōa pī thâi sī bô khólêng ê tāichì .

13 : 34 Iâlō͘satléng à , Iâlō͘satléng à! Lí tiāⁿtiāⁿ thâisí sianti , iā ēng chio̍hthâu khian sí SiōngChú só͘ phài lâi kàu lín tiongkan ê súchiá . Góa chēchē páiⁿ lâi beh chiochi̍p lín ê jîlú , náchhiō͘ⁿ kebó ēng si̍tkó͘ âⁿ keá kiáⁿ , m̄ku lín soah kūchoa̍t .

13 : 35 Khòaⁿ leh , Lín ê chhùtheh ē pī thiahsòaⁿ . Góa kā lín kóng , tùi taⁿ íāu lín bē koh khòaⁿtio̍h Góa , itti̍t kàu lín kóng ,「Hōng SiōngChú ê miâ lâi ê , engkai tittio̍h oló!」

     2019/02/21  11 : 00

     2025.07.23. Siukái tī Lâmthâm