21 : 1 Iaso͘ kia̍hthâu khòaⁿtio̍h ū chîⁿ lâng kā in ê hōnghiàn hiat lo̍h hiànkim sio͘ⁿ,
21 : 2 koh khòaⁿtio̍h chi̍t ê sànchhiah ê kóaⁿhū hiat nn̄g ê
tangchîⁿá lo̍h khì.
21 : 3 chiū kóng: ”Góa si̍tchāi kā lín kóng, chit ê sànchhiah
ê kóaⁿhū pí kîthaⁿ ê lâng hiàn koh khah chē;
21 : 4 inūi ta̍k lâng sī án in só͘ chhun ê, theh lâi chò lémi̍h
hiàn hō͘ SiōngChú, m̄ku, chit ê kóaⁿhū sī bô thang chhun, iáukú chiong i ê sengoa̍h
hùi choânpō͘ hiat chhut lâi.”
21 : 5 Ū lâng leh tâmlūn sèngtiān sī ēng chin súi ê chio̍hthâu
hām lémi̍h lâi chò chongsek; hit sî Iaso͘ kóng:
21 : 6 “Nā kóng lín só͘ khòaⁿtio̍h ê chiah ê itchhè, hit ji̍t
nā kàu, tī chia bô chi̍t tè chio̍hthâu ē siotha̍h, hoántńg ē lóng pī thiathúi.”
21 : 7 Ha̍kseng sūi mn̄g I: ”Lāusu! Tangsî ē hoatseng chit khoán
tāichì? Teh beh hoatseng ê sî ū siáⁿmih chiântiāu bô?”
21 : 8 Iaso͘ ìn: ”Lín tio̍h kínsīn, m̄ thang pī bêhek; inūi
ē ū chēchē lâng mō͘ ēng Góa ê miâ kóng:「Góa sī Kitok.」koh kóng:「Sîkan teh beh kàu à.」Lín m̄ thang tòe in.”
21 : 9 Lín nā thiaⁿtio̍h chiàncheng hām jiáuloān ê tāichì,
m̄ bián chheⁿkiaⁿ; inūi chiah ê tāichì ittēng ē tāiseng ū, m̄ku m̄ sī boa̍tji̍t
chiū sūikàu.
21 : 10 Hit sî, Iaso͘ tūi in kóng: ”Bîncho̍k ē khí lâi kongkek
bîncho̍k; kokka ē phah kokka.
21 : 11 Ē ū tōa tētāng, koh ta̍k ūi ū kihng、une̍k、hām hō͘
lâng kiaⁿ ê kéngsiōng, kap án thiⁿténg lâi ê tōa sînjiah hiánhiān.
21 : 12 Tī chiah ê tāichì hoatseng chinchêng, lâng ē hē
chhiú lia̍h lín, pekhāi lín, kā lín kau hō͘ hōetn̂g, koh koaiⁿ loh kaⁿga̍k, lín
mā inūi Góa ê iânkò͘, hō͘ lâng thoa kàu kunông kap kùicho̍k ê bīnchêng.
21 : 13 Che sī lín chò kiànchèng ê kihōe.
21 : 14 só͘í, lín tio̍h chūchāi, m̄ bián siō͘ⁿ beh ánchóaⁿ
ìntap;
21 : 15 inūi Góa ē sù lín tìhūi kap kháuchâi, sī lín só͘ū ê
tùite̍k bē tàng tíkhòng kap piānpok ê.
21 : 16 Liân lín ê pēbú、hiaⁿtī、chhinchiâⁿ、pêngiú mā ē kā lín kau hō͘ koaⁿhú, lín tiongkan ū lâng ē hō͘
in hāisí.
21 : 17 Lín ē inūi Góa ê miâ ê iânkò͘, hō͘ lâng oànhīn,
21 : 18 suibóng sī áne, iauku lín ê thâumn̂g liân chi̍t ki mā bē lak khì.
21 : 19 Lín chhîsiok jímnāi, chiū ē tit tio̍h oa̍hmiā.”
21 : 20 “Tng lín khòaⁿtio̍h Iâlō͘satléng hō͘ kunpeng pauûi,
chiū ē chaiiáⁿ i bia̍tbông ê ji̍tchí kīn à.
21 : 21 ”Hit sî, tī Iûthài ê tio̍h cháu khì soaⁿnih; tī siâⁿlāi
ê tio̍h chhutlâi; tī chngkha ê m̄ thang ji̍p siâⁿ;
21 : 22 Inūi chiah ê hênghoa̍t ê ji̍tchí, sī beh ènggiām
kengchheh só͘ kìchài ê.
21 : 23 Tī hia ê ji̍tchí, hoâiīn kap hō͘ eⁿá chia̍h ni ê hūlú
ē chin chhichhám! Inūi ū tōa chailān tī chit só͘ chāi hoatseng, SiōngChú ê siūkhì
mā ē lîmkàu chiah ê lâng.
21 : 24 In ū ê pī tokiàm thâisí, ū ê pī lia̍h khì ta̍kkok.
Iâlō͘satléng hō͘ gōakok lâng sńgtn̄g, ti̍t kàu in ê ji̍tchí kàukî.”
21 : 25 “Tī khongtiong ê ji̍tthâu、goe̍hniô͘ⁿ、chheⁿsîn
ē hiānchhut chin chē tiāuthâu, tē siong ê ta̍kkok mā ū khùnkhó͘; iā ūi hōahōa háu
ê háiéng lâi kiaⁿhiâⁿ.
21 : 26 Thiⁿténg ê kngthé chiâu tíntāng khí lâi, hō͘ lâng
siō͘ⁿ tio̍h chit sèkài teh beh hoatseng ê tāichì, chiū lóng kiaⁿ kah gông khì.
21 : 27 Hit sî, lâng ē khòaⁿtio̍h Góa chhiongmóa koânlêng
kap tōa êngkng chē tī hûnténg kànglîm.
21 : 28 Chiah ê tāichì hoatseng ê sî, lín tio̍h thêngsin koh
kia̍hthâu lâi khòaⁿ, inūi lín tit tio̍h siokhôe ê ji̍tchí kàu à.”
21 : 29 Iaso͘ koh kóng chi̍t ê phíjū: ”Lín khòaⁿ bûhoakó chhiū
kap tak khoán ê chhiū,
21 : 30 tng lín khòaⁿtio̍h in teh puhíⁿ ê sî, lín chiū chaiiáⁿ
loa̍hthiⁿ teh beh kàu à.
21 : 31 Siāngkhoán áne, lín khòaⁿtio̍h chiah ê tāichì tāutâuá
hoatseng, iā thang liáukái SiōngChú ê kok kīn à.
21 : 32 Góa si̍tchāi kā lín kóng, lín chit tāi iáu bē kòe khì,
chiah ê tāichì lóng ē hoatseng.
21 : 33 Thiⁿ kap tē lóng ē bô khì, chóngsī, Góa ê ōe tekkhak
bē bô khì.
21 : 34 “Lín tio̍h sèjī, m̄ thang hō͘ thamchia̍h、chiúchùi
ásī ta̍kji̍t ê cha̍psū pìⁿ chò lín simthâu ê tangtàⁿ, inūi hit ji̍t ē hutjiân
lîmkàu;
21 : 35 hit ji̍t ē lîmkàu tī choân sèkài ê móe chi̍t ê lâng.
21 : 36 Só͘í lín tio̍h siôngsiông kéngséng, tiāⁿtiāⁿ kîtó,
hō͘ lín ē thang siámkhui itchhè beh hoatseng ê tāichì, koh thang khiā tī Góa ê
bīnchêng.”
21 : 37 Iaso͘ ta̍k ji̍t tī sèngtiān lāi kàutō chènglâng,
ta̍k àm khì kàu siâⁿgōa ê chi̍t chō soaⁿ, miâkiò Kanná soaⁿ, tī hia kòemê.
21 : 38 Chènglâng tī thàuchá lâi kàu sèngtiān chhōe Iaso͘,
beh thiaⁿ I ê kàutō.
2019/03/22
2025.08.04. Siukái tī Lâmthâm
沒有留言:
張貼留言