20 : 1 Tī hittōaⁿ sîkan, ū chi̍t ji̍t, Iaso͘ siāngkhoán tī sèngtiān kàutō bînchiòng, kóng kàu SiōngChú ê hó siausit ê sî, chèsi tiō͘ⁿ hām kàusu kap tió͘ⁿló lâi kàu I hia,
20 : 2 m̄n̄g Iaso͘ kóng: ”Lí kā goán kóng, lí sī khò siáⁿmih koânpèng lâi chò chiahê tāichì? Hō͘ lí chit ê koânpèng sī siáⁿlâng?”
20 : 3 Iaso͘ ìn in: ”Góa mā beh mn̄g lín chi̍t ê būntê, chhiáⁿ lín hôetap.
20 : 4 Iokhān ê sélé sī án thiⁿténg lâi ê? A̍sī tùi lâng lâi ê?”
20 : 5 In hō͘siong chhamsiông kóng: ”Lán nā kóng「Án thiⁿténg lâi ê.」, I ittēng ē kóng:「Lín ná ē bô beh sìn i leh?」
20 : 6 Nā kóng「Án lâng lâi ê」, bînchiòng ē ēng chio̍hthâu khian lán, inūi in lóng siongsìn Iokhān sī sianti.”
20 : 7 Chôaⁿ ìn: ”Goán mā m̄ chai i sī án tóūi lâi ê.”
20 : 8 Iaso͘ kóng: “ Góa mā m̄ kā lín kóng, Góa sī khò siáⁿmih koânpèng lâi chò chiah ê tāichì.”
20 : 9 Iaso͘ tūi bînchiòng kóng chi̍t ê phílū: ”Ū chi̍t ê lâng chò chi̍t khu phôtô hn̂g, chō͘ hō͘ kúi ê lâng, chiū khì tòa tī gōakok chi̍t tōaⁿ chin tn̂g ê sîkan.
20 : 10 kàu siusêng ê sî, i phài chi̍t ê po̍kjîn khì ǹg hia ê lâng siu in tio̍h la̍p ê cho͘kim, in hoántńg phah i, hō͘ i khangchhiú tńgkhì.
20 : 11 Koh phài lēnggōa chi̍t ê po̍kjîn khì, in siāngkhoán phah i, iā bújio̍k i, chiah hō͘ i khang chhiú tńgkhì.
20 : 12 I phài tē saⁿ ê khì, in kā phah kah chin tio̍hsiong, chiah kā i kóaⁿ chhut khì.
20 : 13 Hn̂gchú katī siō͘ⁿ:「Che beh ánchóaⁿ pān chiah hó? Hó, góa beh phài góa só͘ thiàⁿ ê kiáⁿ khì siu, khólêng in ē chuntiōng i.
20 : 14 Bô phahsǹg, in chi̍t ē khòaⁿtio̍h i lâi, chiū hō͘siong chhamsiông kóng: 「Chit ê sī beh kèsêng hn̂gchú ê châisán ê, lán kā thâi hō͘ sí, chiah ê phôtô hn̂g chiū siok tī lán ê à !」
20 : 15 Chôaⁿ kā i phiaⁿ chhut khì gōabīn thâi hō͘ sí . Áne hn̂gchú beh ánchóaⁿ chhúlí chit hāng sū?
20 : 16 I ē chiong hia ê chō͘ hn̂gá ê lâng, lóngchóng thâisí, kā hn̂gá chō͘ hō͘ batlâng.” Thiaⁿ tio̍h chi̍t ê phílū ê lâng kóng: ”Chhian bān m̄ thang áne.”
20 : 17 Iaso͘ chùba̍k khòaⁿ in kóng: ”Kengchheh ū áne siá:「Khíchhù ê saihū tàn thóka̍k ê chio̍hthâu íkeng chiâⁿchò chhùkak ê tē it tè chio̍h .」Chesī siáⁿmih ìsù?”
20 : 18 ”Móe chi̍t ê poa̍h loh tī hit tè chio̍hthâu téng ê, ittēng ê chhùi kut hun si; hō͘ hit tè chio̍hthâu teh tio̍h ê lâng lóng ē chhùi kô͘kô͘ .”
20 : 19 Hit sî hia ê kàusu hām chèsi tió͘ⁿ chaiiáⁿ chi̍t ē phílū sī leh kóng in, tongtiô͘ⁿ chiū siō͘ⁿ beh lia̍h I, m̄ku koh kiaⁿ hia ê kûnchiòng.
20 : 20 In chôaⁿ kàmsī Iaso͘ , phài lâng chò pòbé'á, beh chhōe I ê ōepèⁿ, thang kā I kau hō͘ koánlí tongkio̍k.
20 : 21 Hia ê pòbé'á mn̄g Iaso͘: ”Lāusu, goán chaiiáⁿ Lí só͘ thoân só͘ kóng ê lóng chin tio̍h, tùi lâng mā bē phiansim, chiong SiōngChú ê ōe chiàusi̍t kàutō .
20 : 22 Chhiáⁿ mn̄g, lán kám tioh kiáusòe hō͘ Lômá hôngtè?”
20 : 23 Iaso͘ chaiiáⁿ in ê kèbô͘, chiū ìn in:
20 : 24 “The̍h chi̍t ê gîná hō͘ Góa khòaⁿ. Chit ê siōng kap chi̍t ê jīhō sī siáⁿlâng?” In kóng: ”Sī Lômá hôngtè.”
20 : 25 Iaso͘ chiū kóng: ”Áne, lín kā hôngtè ê mi̍hkiāⁿ kau hō͘ i, Chiong SiōngChú ê mi̍hkiāⁿ kau hō͘ SiōngChú.”
20 : 26 In tī chènglâng ê bīnchêng, tit bô tio̍h ōepèⁿ, tùi I ê hôetap mā chin ìgōa, chôaⁿ tiāmkhì.
20 : 27 Chi̍t kóa Sattokai lâng, in bô jīnûi lâng ē kohoa̍h, chiū lâi chitmn̄g Iaso͘:
20 : 28 “Lāusu ! Mô͘se kā goán kóng:「Lâng nā sí khiok bô lâu kiáⁿ hō͘ i ê bó͘, i ê hiaⁿtī tio̍h chhōa i, ūi i ê hiaⁿtī lâu āutāi.」
20 : 29 Áne, ū chhit ê hiaⁿtī ê lâng, tōa è chhōa liáu bô seⁿ kiáⁿ chiū sí;
20 : 30 Tē jī è、Tē saⁿ è iā chhōa kòe i;
20 : 31 In chhit ê lóng chhōa kòe i, lóng bô seⁿ kiáⁿ chiū sí .
20 : 32 Íāu, chit ê lújîn mā sí.
20 : 33 Áne, tī kohoa̍h ê sî, i sī tó chi̍t ūi ê bó͘? Inūi in chhit ê lóng chhōa kòe i chò bó͘.”
20 : 34 Iaso͘ kóng: ”Chit sèkan ê lâng, ū kè ū chhōa;
20 : 35 m̄ku, ē kham tit chinji̍p lâisè ê, kap án sí kohoa̍h ê lâng, in lóng bô kè iā bô chhōa;
20 : 36 Inūi in kap thiⁿsài siāngkhoán bē koh sí; kìjiân sī kohoa̍h ê lâng, chiū chiâⁿchò SiōngChú ê kiáⁿ.
20 : 37 Nā lūn silâng kohoa̍h ê sū, Mô͘se tī Chhìphè phian ū siá tio̍h, SiōngChú sī Apeklahhán ê Sîn, Ísat ê Sîn, Ngákok ê Sîn, bêngpe̍k kóng chit hāng sū à.
20 : 38 SiōngChú m̄ sī silâng ê Sîn, hoántńg sī oa̍hlâng ê Sîn; inūi in lóng ǹg SiōngChú lâi oa̍h.”
20 : 39 Ū kúi ê kàusu kóng: ”Lāu-su! Lí kóng liáu chin hó.”
20 : 40 In chiū m̄ káⁿ koh mn̄g jīmhô būntê.
20 : 41 Iaso͘ kā in kóng: ”Chènglâng sī ánchóaⁿ kóng Kitok sī Tāipi̍t ê kiáⁿsun?
20 : 42 Inūi tī Siphian Tāipi̍t katī kóng:「SiōngChú tùi góa ê Chú kóng:『Lí lâi chē tī Góa ê chiàⁿ pêng,
20 : 43 tán Góa hō͘ Lí ê tùite̍k chò Lí ê khata̍h í.』
20 : 44 Tāipi̍t kìjiân chheng Kitok chò Chú, i ná ē koh chò Tāipi̍t ê kiáⁿsun?”
20 : 45 Tng chènglâng iau leh thiaⁿ ê sî , Iaso͘ kā ha̍kseng kóng:
20 : 46 " Lín tio̍h thêhông kàusu. In ài chhēng tn̂gsaⁿ sìkòe kiâⁿ, hām tī chhàichhīá kháu hō͘ lâng mn̄g hó, mā ài tī hōetn̂g lāi chē koân ê ūi, tī iànse̍k chē tōaūi,
20 : 47 in chhimchiàm kóaⁿhū ê kegia̍p, tiaukang chò chin tn̂g ê kîtó. Chit khóaⁿ lâng ē siū koh khah tang ê hênghoa̍t ! "
2019/03/13
2025.08.03. Siukái tī Lâmthâm
沒有留言:
張貼留言