Sùtô͘ Hêngtoān Tē cha̍p gō͘ chio͘ⁿ

15:1 Ū chi̍t kóa án Iûthàiséng lohlâi Anthêo ê lâng, kàutō hiaê sìntô͘ kóng:” Nábô chunchiàu Mô͘se ê lu̍thoat kiâⁿ katlé, lín bē titkiù.”

15:2 Só͘í, tng Pólô kap Panápa hām in tī keklia̍t ê chenglūn liáu, tāike chiū chíphài Pólô kap Panápa, íkip in tiongkan lēnggōa kúiê lâng, chiō͘ⁿ Iâlō͘satléng khì kìⁿ Sútô͘ kap tió͘ⁿló, hām in thólūn só͘ chengpiān ê tāichì.

15:3 Kàuhōe chènglâng sàng in khíthêng. In kengkòe Huinîki kap Satmálīa, hām chèng sìntô͘ kóngkhí gōakoklâng kui Chú ê tāichì, hō͘ in thiaⁿliáu lóng chin hoaⁿhí.

15:4 In kàu Iâlō͘satléng ê sî, siūtio̍h kàuhōe hām Sútô͘ kap tió͘ⁿló ê gêngchiap, in chiū pòkò Siōngchú kap in tôngchāi só͘ chò itchhè ê tāichì.

15:5 M̄ku ū kúināê sìntô͘, in goânpún siok Hoatlīsàiphài, khiā khílâi kóng:” Tekkhak tio̍h kā hiaê lâi sìn ê gōakoklâng kiâⁿ katlé, koh bēnglēng in tio̍h chunsiú Mô͘se ê lu̍thoat.”

15:6 Chèng Sútô͘ hām tió͘ⁿló pī tiàuchi̍p lâi chhamsiông chithāng tāichì.

15:7 Tī kengkòe chiokchē ê piànlūn, Pítek khiā khílâi, kóng:” Kokūi hiaⁿtī à, cháchêng Siōngchú tī lín tiongkan kéngsoán góa, hō͘ gōakoklâng tùi góa ê chhùi thiaⁿtio̍h Hósiausit ê chintō lâi sìn.

15:8 Chaiiáⁿ lâng lāisim ê Siōngchú kā in chòchèng, iā ū sió͘ⁿsù Sèngsîn hō͘ gōakoklâng, tu chhinchhiō͘ⁿ chò tī lán ê siāngkhoán.

15:9 Tī I pēngbô hunpia̍t in kap lán, lóng sī chiàtio̍h sìn kā in ê sim sé chhengkhì.

15:10 Kîjiân sī áne, lín hiānchāi sī ánchóaⁿ leh chhìthàm Siōngchú, ēng lán ê chó͘sian kap lán só͘ taⁿbēkhí ê tàⁿ, khǹg tī hiaê sìntô͘ ê kengkahthâu?

15:11 Lán khaksìn, lán sī tùi Chú Iaso͘ ê untián chiah titkiù ê, chhinchhiō͘ⁿ in siāng-khoán.

15:12 Tāike lóng póchhî anchēng, lâi thiaⁿ Panápa kap Pólô ê pòkò, chiūsī Siōngchú chiàtio̍h in tī gōakoklâng ê tiongkan só͘ chò ê kîsū kap sînjiah.

15:13 In kóng liáu, Ngákok chiū ìn:” Kokūi hiaⁿtī, chhiáⁿ thiaⁿ góa kóng.

15:14 Túchiah Sebûn íkeng pòkò, Siōngchú thâu chi̍tpái ánchóaⁿ chò tī gōakoklâng ê kengkòe, ū án in tiongkan kéngsoán lâng lâi siok I ê miâ ē.

15:15 Che kap sianti só͘ kóng ê ōe hûha̍p. Kengchheh ū kìchài :

15:16 “ Kengkòe chēchē sū íāu, Góa ittēng tńglâi. Góa tekkhak têngkhí Tāipi̍t tólo̍hkhì ê tió͘ⁿbō͘. Góa iā ittēng ē kā hiaê pī húihoāiê koh khíchō hósè. Góa ittēng ē kā I kiànli̍p khílâi.

15:17 Thang hō͘ só͘ chhun lo̍hlâi ê lâng, íkip hōng Góa ê miâ só͘ tiàuchi̍p ê gōakoklâng, lâi chhiauchhōe Góa.

15:18 Chiahê sū sī Siōngchú tī sèkan ê khíthâu chiū kóng kah chin chhengchhó.

15:19 Só͘í góa ê khòaⁿhoat sī áne, tùi tī hiaê íkeng kuiǹg Chú ê gōakoklâng, lán m̄thang kā in chèchō khùnjiáu.

15:20 Lán chíū siáphoe hoanhù in, tio̍h khìsak pài ngó͘siōng tòa lâi ê ùòe kap kanîm, íkip chhuisí ê chengseⁿ hām hoeh.

15:21 Inūi chū kó͘ ílâi, tī ta̍kê siâⁿchhī lóng ēng Mô͘se ê Lu̍thoat lâi kàutō, koh móe chi̍tê Anhiohji̍t tī ta̍kê hōetn̂g lâi thak i.

15:22 Hitsî chèng Sútô͘, tió͘ⁿló kap hōechiòng thiaⁿliáu kámkak chin hó, chiū án in tiongkan soán hōechiòng ê nn̄gê léngsiù, chiūsī hō chò Pasatpa ê Iûtāi hām Selah, phài in kap Pólô, Panápa khì Anthêo.

15:23 Kautài in tòakhì ê phoe sī áne siá:” Chèng Sútô͘, tió͘ⁿló hām sìntô͘, ǹg tòa tī Anthêo, Sūlīa hām Kilīka ê chèng sìntô͘ chhéngan.

15:24 Inūi goán ū thiaⁿtio̍h ān goán tiongkan chhutkhì ê kúiê lâng, tī lín hia ēng ōe jiáuloān lín, hūnloān lín ê simsu. Kóng: Lín tio̍h kiâⁿ katlé hām siú Mô͘se ê lu̍thoat. Hiaê lâng pēng m̄sī goán chíphài ê.

15:25 Goán ū ittì ê koattēng, chôaⁿ soánphài kúiêlâng tòe goán só͘ thiàⁿ ê Panápa kap Pólô chòhóe khì lín hia,

15:26 Chit nn̄gê lâng ūitio̍h lán ê Chú Iaso͘ Kitok ê miâ, íkeng mō͘tio̍h in sèⁿmiā ê huihiám.

15:27 Só͘í goán phài Iûtāi hām Selah, in iā ē chhinchhùi kā lín kóngkhì chiahê tāichì.

15:28 Inūi Sèngsîn kap goán khòaⁿchò sī hó, tûliáu ēbīn kúihāng iàukín ê tāichì ìgōa, bôkoh chengka lín ê hūtam.

15:29 Chiūsī tio̍h khìsak chèpàikòe ngó͘siōng ê mi̍hkiāⁿ, khìsak chhuisí ê chengseⁿ hām hoeh, íkip îmloān. Lín ná ēthang pósiú chiahê chiū chinhó. Goān lín pêngan.”

15:30 Só͘í, tng in hōng chhephài kàutī Anthêo. Chūchi̍p chèng sìntô͘, kā phoe kau hō͘ in.

15:31 Tāike thaktio̍h hittio͘ⁿ phoe liáuāu, chin siū kó͘lē, pī hílo̍k só͘ chhiongmóa.

15:32 Iûtāi kap Selah in māsī sianti, ēng chēchē ōe kó͘lē in, kiankò͘ in ê sìngióng.

15:33 In tòa hia chi̍ttōaⁿ sîkan liáuāu, tòatio̍h chèng sìntô͘ chhéngan ê ōe, ān hia tńgkhì Sutô͘ hia.

15:34-35 M̄ku Pólô hām Panápa lâulo̍hlâi tī Anthêo, kap kîthaⁿ ê lâng siāngkhoán kàutō hām soaniông Siōngchú ê chintō.

15:36 Kòe kúiji̍t liáuāu, Pólô ǹg Panápa kóng:” Lán chitmá tńglâikhì, sūnsòa thàmhóng chêng lán khì thoân Siōngchú chintō ê móe chi̍tê siâⁿchhī ê sìntô͘, ǹg in chhéngan.

15:37 Panápa kèōe chhōa hōchò Mákhó ê Iokhān iā chòhóe khì.

15:38 M̄ku Pó-lô bô jīnûi áne sī hó ê phahsǹg, inūi i bat tī Pônghuilīa kiukhílâi, bô kap in chòhóe tī hia chòkang.

15:39 Inūi in nn̄gê lâng ū chin keklia̍t ê chengpiān, só͘í chôaⁿ punkhui. Panápa chhōa Mákhó chēchûn khì Kupílō͘.

15:40 Tānsī, Pólô kéng Selah chòhóe līkhui hia, sìntô͘ kā in kauthok tī Chú ê untián tiong.

15:41 I khì tī Sūlīa kap Kilīka kiankò͘ ta̍kkeng kàuhōe.

         2025.08.31 Tī Lâmthâm siukái.