Sùtô͘ Hêngtoān Tē cha̍p sì chio͘ⁿ

14:1 In Tī Íkoliām chòhóe khì Iûthàilâng ê hōetn̂g kángtō, ū chēchē Iûthàilâng kap Hilīnîlâng lâi sìn.

14:2 M̄ku hia ê m̄ khéng sìn ê Iûthàilâng, siàntōng gōakoklâng hō in oànhūn sìntô͘.

14:3 Chit nn̄g ūi sùtô͘ tī hia tòa chi̍t tōaⁿ ji̍tchí, óakhò Chú hòngtáⁿ thoân Hokim. Chú thongkòe in ê chhiú, kiâⁿ chēchē sînjiah kîsū lâi chèngbêng in só͘ thoân untián ê Chintō.

14:4 Chit ê siâⁿnih ê bînchiòng soah hun chò nn̄gpêng, ū ê tòe Iûthàilâng, ū ê tòe sùtô͘.

14:5 Tng chi̍t kóa gōakoklâng hām Iûthàilâng chhōa in ê koaⁿtió͘ⁿ beh lâi khian chio̍hthâu bújio̍k Sútô͘.

14:6 Sútô͘ chaiiáⁿ, chiū cháu khì Lūkonî ê Lō͘sūtek hām Te̍kpì chit nn̄g ê siâⁿ, íkip hùkīn ê chngthâu.

14:7 Tī hia thoân Hokim.

14:8 Tī Lō͘sutek ū chi̍t ê páiⁿkhaê, kánā ē chē bē khiā , chū chhut bóthai chiū m̄ bat kiâⁿ lō͘ kòe.

14:9 I lâi thiaⁿ Pólô káng-tō, Pólô chiū itti̍t chùì i, chaiiáⁿ i ū sìnsim ē tàng tittio̍h oânchoân itī,

14:10 chiū tōasiaⁿ kóng:“ Khiā khílâi, siangkha khiā hō͘ ti̍t! “ Hitê lâng sūi thiàu khílâi kiâⁿ.

14:11 Tng tāike khòaⁿtio̍h Pólô só͘ chò ê, in chiū ēng Lūkonî ê khio͘ⁿkháu tōasiaⁿ kóng:” Ū sînbêng hòasin chò lâng lâi kàu lán tiongkan.”

14:12 In kā Panápa hōchò “Tiūsu”, kā Pólô hōchò “ Hiníbí”, inūi lóngsī i leh hoatgiân.

14:13 Siâⁿgōa ū chi̍t ê Tiūsubiō ê chèsi, khan gûá, the̍h hoekhoân, lâi kàu siâⁿmn̂gkháu, kap chènglâng beh lâi ǹg in hiànchè.

14:14 M̄ku tng Panápa hām Pólô chi̍t ē thiaⁿtio̍h, sūi thiahli̍h saⁿ, chông li̍pkhì in lāibīn, tōasiaⁿ hoah:

14:15 Lín tāike sī ánchóaⁿ chò chiah ê tāichì? Goán m̄a sī lâng, kap lín siāngkhoán sī ū chêngkám ê. Goán lâi chia thoân Hokim hō͘ lín, sī beh ài lín līkhui hiké ê ngó͘siōng, lâi kuiǹg hitūi éngoán oa̍h ê Siōngchú. I sī thiⁿ, tē, hái kap kîtiong bānmi̍h ê Chhòngchōchiá;

14:16 Siōngchú cháchêng iôngún bānkok bānbîn kiâⁿ in katī ê lō͘,

14:17 m̄ku I bē bat bô ūi katī hián chhut chèngkù, chiū sī án thiⁿ lo̍hhō͘, chiàusî siusêng, hō͘ lín chia̍hmih chhiongchiok, koh móasim hoaⁿhí.”

14:18 Sútô͘ suijiân kóng liáu chiah ê ōe, iáukú bē tàng chó͘chí kûnchiòng ǹg in hiànchè.

14:19 Chiongsī, ū chi̍t kóa án Anthêo, Íkoliām lâi ê Iûthàilâng siàntōng kûnchiòng, ēng chio̍hthâu khian Pólô, lia̍hchò i íkeng sí à, chiū kā i thoa chhut khì siâⁿgōa.

14:20 M̄ku, tng hia ê bûntô͘ ûi óakhì ê sî, i chiū khílâi ji̍psiâⁿ. Kèji̍t, i kap Panápa līkhui hia, khì Te̍kpí.

14:21 Pólô kap Panápa tī hit ê siâⁿ thoân Hokim, hō͘ chinchē lâng chiâⁿchò bûntô͘ liáuāu, chiū tńgkhì Lō͘sūtek, Íkoliām, Anthêo,

14:22 kiankò͘ bûntô͘ ê simchì, khǹg in chhîsiok chit ê sìngióng, koh kóng:” Lán beh chìnji̍p Siōngchú ê koktō͘, ittēng ē kengkòe chinchē kankhó͘.”

14:23 In nn̄g ê tī ta̍kkeng kàuhōe siatli̍p tió͘ⁿló, kengkòe kìmchia̍h kîtó, chiong in kau hō͘ só͘ sìnkhò ê Chú.

14:24 In kengkòe Písetí lâi kàu Pônghuilīa.

14:25 In tī Pia̍tka kóng tōlí liáuāu, chiū lo̍hkhì Atāilī.

12:26 In án hia chēchûn khì Anthêo. Hit ê só͘chāi chiūsī in bat siū kauthok tī Siōngchú ê untián, lâi chò in oânmóa ê kang.

14:27 Tng in kàuui chiū chūchi̍p kàuhōe ê sìntô͘, ǹg in pòkò chēchē Siōngchú kap in só͘ chò ê kang, íkip Siōngchú ánchóaⁿ kā gōakoklâng khui sìngióng ê mn̂g.

14:28 In tī hia kap bûntô͘ chòhóe tòa chi̍t tōaⁿ sîkan.

         2025.08.28. Siukái tī Lâmthâm