16:1 Pólô khì tī Te̍kpì kap Lōsūtek, tī hia túhó ū chi̍tê bûntô͘ miâchò Thêmô͘thài, in lāubú sī sìnChú ê Iûthàilâng, lāupē sī Hiliaplâng.
16:2 TĪ Lō͘sūtek kap Íkoliām ê sìntô͘ lóng
oló i.
16:3 Pólô ài beh chhōa i chòhóe chhutkhì,
chiū kā i kiâⁿ katlé, inūi hit só͘chāi ê Iûthàilâng lóng chaiiáⁿ in lāupē sī
Hiliaplâng.
16:4 Tng in kiâⁿ khì móe chi̍tê siâⁿchhī,
chiū chiong Iâlō͘satléng ê Sútô͘ kap tió͘ⁿló só͘ gīkoat ê kuilē, kà in chunsiú.
16:5 Chiū áne hiaê kàuhōe ê sìngióng
kohkhah kiantēng, jînsò͘ mā ji̍tji̍t chengka.
16:6 Sèngsîn ū kìmchí in tī Asea thoântō,
chiū kengkòe Hutlūka, Kalia̍pthài ê khue̍k.
16:7 Kàu Múisea ê piankài, beh khì
Pìchhuinî, Iaso͘ ê Sîn khiok bô únchún,
16:8 in chiū tùi Múisea kengkòe, lo̍hkhì
Te̍klôa.
16:9 Pólô tī àmmê khòaⁿtio̍h īⁿsiōng, ū
chi̍tê Mákîtùnlâng khiā tī i bīnchêng, kiû i kóng:” Chhiáⁿ lí lâi Mákîtùn
pangchō͘ goán.”
16:10 I khòaⁿtio̍h chi̍tê īⁿsiōng liáuāu,
sūi chúnpī līkhui hia chiânóng Mákîtùn, inūi goán khaksìn che sī Siōngchú ê
ho͘tiàu, kiò goán khì thoân Hokim hō͘ MÁkîtùnlâng.
16:11 Goán tùi Te̍klôa chēchûn kiâⁿ ti̍t ê
lō͘sòaⁿ, lâikàu Satmô͘te̍kla̍t, kòe chi̍tji̍t kàu Nîapholī.
16:12 Goán án hia khì Huili̍ppí, i sī
Mákîtùn tēkhu thâu chi̍tê siâⁿchhī, sī Lômá ê si̍tbîntē, goán tī chia tóa
kúiāji̍t.
16:13 Tī Anhiohji̍t ê sî, goán kiâⁿ khì
siâⁿgōa ê hôpiⁿ, siō͘ⁿkóng hia ū thang kîtó ê só͘chāi, goán chiū chē lo̍hlâi
hām chūchi̍p tī hia ê chi̍tkóa hūlú tâmlūn.
16:14 Ū chi̍tê bē chísekpò͘ ê hūlú, miâchò
Lūtíka mā óalâi , sī Chhuingáchhuila̍hsiâⁿ ê lâng, iā sī kèngpài Siōngchú ê, i
ê sim pī Siōngchú phahkhui, chiū choansim thiaⁿ Pólô só͘ kóng ê tāichì.
16:15 Tng i kap chhùlāi ê lâng lóng niá
sélé liáu, chiū kiû goán kóng:” Lín ná jīntēng góa sī chi̍tê chinsi̍t sìnchú ê
lâng, chhiáⁿ lâi goántau tòa. I chiū chin kiônglia̍t lâu goán tòa lo̍hlâi.
16:16 Āulâi, goán beh khì chi̍tê kîtó ê
só͘chāi, lō͘tiong tútio̍h chi̍tê lú ê chheēng i hō͘ siâsîn hūsin, ēhiáu
hoatsu̍t, thè i ê chúlâng thàn chinchē chîⁿ.
16:17 I tòe tī Pólô hām goán ê āubīn,
tōasiaⁿ hoah:” Chiahê lâng chiūsī chìkoân Siōngchú ê po̍kjîn, beh lâi ńg lín
soankáng chinkiù ê tōlí.”
16:18 I liânliân kúiāji̍t lóng áne hoah,
m̄ku Pólô hō͘ i pìⁿ-kah bô
pān-hoat jím-siū, chôaⁿ oa̍ttńg sin tùi hit ê siâsîn kóng:” Góa hōng Chú Iaso͘
ê miâ, bēnglēng lí án i ê lāibīn chhutkhì.” Siâsîn cheksî tùi hit ê lâng
līkhui.
16:19 M̄ku tng i ê chúlâng khòaⁿtio̍h i
thànchîⁿ ê ǹgbāng sitkhì, chiū kā Pólô hām Sela̍h lia̍h khí lâi, thoa khì
chhàichhīá kháu kau hō͘ tīan jînoân.
16:20 In kàu tīan tióngkoaⁿ ê bīnchêng
kóng:” Chit nn̄g ê lâng, sī Iûthàilâng, lâi jiáuloān lán ê siâⁿchhī,
16:21 jîchhiáⁿ thoân lán Lômálâng bô engkai
chiapsiū ásī chunsiú ê kuitēng.”
16:22 Kûnchiòng chiū khílâi kongkek in,
tīan tióngkoaⁿ chiū hālēng thiahli̍h in ê saⁿ, koh ēng kùná kòng in.
16:23 Kā in kòng kúiāē liáuāu, chiah
koaiⁿloh kaⁿ, bēnglēng kò͘kaⁿê tio̍h kò͘ hō͘ tiâu.
16:24 Kò͘kaⁿê tittio̍h chi̍tê bēnglēng,
chiū chiong in koaiⁿ li̍pkhì siōng lāibīn ê lôpâng, iā kā in ê kha kòa khakhàu.
16:25 M̄ku tī pòaⁿmê ê sî, Pólô hām Sela̍h
tú—leh kîtó gîmsi, oló Siōngchú, kîthaⁿ ê siūhêngjîn mā leh thiaⁿ.
16:26 Hutjiânkan, ū chintōa ê tētāng, liân
kaⁿga̍k ê tēki mā iôtāng, só͘ū lôpâng ê mn̂g lóng khuikhì, koh móe chi̍tê
siūhêngjîn ê hêngkhū mā lakkhì.
16:27 Kò͘kaⁿè chi̍tē chhéⁿ kòe lâi,
khòaⁿtio̍h kaⁿmn̂g lóng khuikhì, in siō͘ⁿ kóng siūhêngjîn lóng tôcháu à, chôaⁿ
gia̍hto beh chūsat.
16:28 Hitsî Pólô tōasiaⁿ hoah kóng:”
M̄thang sionghāi katī, goán lóng tī leh.”
16:29 Kò͘kaⁿè kiò lâng kia̍h hóepé lâi,
thiàu li̍pkhì Pólô kap Sela̍h ê lôpâng, phak tī in ê khachêng, kui sengkhu
sihsihchùn.
16:30 Jiânāu chhōa in chhutlâi, kóng:”
Sinseⁿ à, góa tio̍h ánchóaⁿ chò, chiah ē tittio̍h kiù?”
16:31 In kóng:” Lâi sìn Chú Iaso͘, lí kap
choânke ê lâng chiu ē titkiù.”
16:32 Chiū chiong Chú ê Chintō, kóng hō͘ ín
kap tī chhùlāi ê lâng thiaⁿ.
16:33 Hit chi̍t mê, kò͘kaⁿè siângsî chhōa
in khì sé sinchiō͘ⁿ ê siongkháu, in kap choânke ê lâng mā sūi siū sélé.
16:34 I chhōa in khì in tau, chhiáⁿ in
chia̍hpn̄g, choânke íkeng sìn Siōngchú liáu, chiū lóng chin hílo̍k.
16:35 Thiⁿkng āu, koaⁿhong phài lâng kiò
kò͘kaⁿè, kā in pàng chhutkhì.
16:36 Kò͘kaⁿè chiū chiong chit hāng sū kā
Pólô kóng:” Koaⁿhong phài lâng lâi kóng, pàng lín chhutkaⁿ, só͘í lín thang
pêngpêng anan tńgkhì.”
16:37 M̄ku Pó-lô kā i kóng:” Goán sī
Lômálâng, i bô símphòaⁿ chiū kongkhai phah goán, koh kā goán koaiⁿloh kaⁿ, taⁿ
beh thauthauá kā goán kóaⁿ chhutkaⁿ. Goán choa̍ttùi m̄ chhutkhì, tûliáu i
púnlâng lâi chhōa goán chhutkaⁿ.”
16:38 Phàilâi ê lâng chiong chiah ê ōe
tńgkhì pòkò, in thiaⁿtio̍h Pólô ū Lômálâng ê sinhūn lóng chin putan,
16:39 só͘í lâi khó͘khǹg in, koh chhōa in án
kaⁿga̍k chhutlâi, chhiáⁿ in līkhui hit ê siâⁿchhī.
16:40 Pólô hām Sela̍h chhutkaⁿ āu chiū khì
Lūtía ê chhù. Kap hiaê sìntô͘ saⁿkìⁿ, kó͘lē in liáu, chiah līkhui.
2025.09.01. Siukái tī Lâmthâm
沒有留言:
張貼留言