Sùtô͘ Hêngtoān Tē cha̍p jī chio͘ⁿ

12:1 Tāiiok tī hit ê sîchūn, Hilu̍tông khaisí pekhāi kàuhōelāi ê kúi ê lâng,

12:2 ēng to thâisí Iokhān ê hiaⁿko Ngákok.

12:3 I khòaⁿtio̍h Iûthàilâng hoaⁿhí i áne chò, chiū koh khì lia̍h Pítek. Che sī tī Tûkàⁿcheh ê kîkan hoatseng ê tāichì.

12:4 Hilu̍t kā Pítek lia̍h khílâi koaiⁿ loh kaⁿ, anpâi sì pan ōepeng kò͘siú, móe chi̍t pan ū sì ê lâng. I phahsǹg beh tī Pôaⁿkòecheh āu, kā i ah khì tī chènglâng ê bīnchêng símphòaⁿ.

12:5 Só͘í Pítek kèsio̍k pī koaiⁿ tī kaⁿga̍k, kàuhōe hoántńg kiankoat ūi i kîtó Siōngchú.

12:6 Hilu̍t tehbeh ah i chhutlâi ê chêng chi̍t àm, Pítek hō͘ lâng ēng nn̄g tiâu thihliān liān leh, khùn tī nn̄g ê ōepeng ê tiongkan. Mn̂ggōa mā ū lâng leh kò͘siú.

12:7 Hutjiân ū Chú ê thiⁿsài khiā tī i ê piⁿá, kā lôpânglāi chiò kah chin kng. Thiⁿsài tah Pítek ê kengkahthâu, kā i kiòchhéⁿ:” Kín khílâi !” Hia ê thihliān sūi tùi i ê chhiú lakkhì.

12:8 Thiⁿsài kā i kóng:” Iotòa hâ leh, ê chhēng hō͘ hó.” Pítek chiū chiàu áne chò. Thiⁿsài koh kā i kóng:” Saⁿ moa leh, tòe góa lâi!”

12:9 I chiū tòe thiⁿsài kiâⁿ chhutkhì, m̄chai thiⁿsài só͘ chò ê sī chin ê, lia̍hchò sī khòaⁿtio̍h īⁿsiōng.

12:10 Tng in kengkòe tē it koan kap tē jī koan leh kò͘siú ê ōepeng, kiâⁿ lâikàu ǹg siâⁿlāi ê mn̂gpiⁿ, hit sìⁿ mn̂g chiū chūtōng khui khì. In chhutlâi ê sî, kengkòe chit tiâu ke, thiⁿsài sūi līkhui Pítek.

12:11 Pítek chiah chhengchhéⁿ kòelâi, kóng:” Góa chitmá chiah chaiiáⁿ, Chú chinchiàⁿ phài I ê thiⁿsài, kiù góa thoatlī Hilu̍t ê chhiú kap Iûthàilâng só͘ ū ê kè-bô͘.”

12:12 I tī hia siō͘ⁿ liáu, chiū khì hōchò Mákhó ê Iokhān, in lāubú Málīa ê chhù, hia ū chinchē lâng chūchi̍p leh kîtó.

12:13 Tng Pítek tī mn̂ggōa phahmn̂g, ū chi̍t ê hōchò Lôtāi ê chabó͘ gíná, lâi mn̄g khòaⁿ sī siáⁿmih lâng,

12:14 Chi̍t ē thiaⁿchhut sī Pítek ê siaⁿ, hoaⁿhí kah bē kò͘tit khuimn̂g, chiū cháu li̍pkhì pòkò:” Pítek khiā tī mn̂ggōa.”

12:15 In chiū kā i kóng:” Lí sī leh hāmbîn ò͘!” Tānsī i chin kianchhî i thiaⁿ liáu bôchhò. In mā ìn I:” Ittēng sī Pítek ê thiⁿsài.”

12:16 Pítek tī hia kèsio̍k phahmn̂g. Tng in khuimn̂g chi̍t ē khòaⁿ, chôaⁿ chhoah chi̍ttiô.

12:17 M̄ku Pítek iochhiú ài in tiāmtiām, chiū kā in soatbêng Chú ánchóaⁿ chhōa i chhutkaⁿ; koh kóng:” Lín chiong chit hāng tāichì pò hō͘ Ngákok kap só͘ū ê hiaⁿtī chai.” Kóngsoah sūi līkhui, khì pa̍tê só͘chāi.

12:18 Kàu thiⁿkng ê sî, hiaê kò͘siú ê ūipeng m̄chai Pítek cháukhì tóūi, chiū chin lia̍hkông.

12:19 Hilu̍t phài lâng khì chhōe, lóng bô kiatkó, chiū símmn̄g hiaê ōepeng, símmn̄g liáu chiū hālēng kā in thoa chhutkhì thâi. Āulâi Hilu̍t līkhui Iûthài lo̍hkhì Kaisatlīa chiū tòa tī hia.

12:20 Hilu̍t chin siūkhì Chhuilô kap Setùn tēkhu ê lâng. Koh in ê liô͘ⁿsi̍t sī tùi ông só͘ koánhat ê tēkhu kiongèng, in chiū tāiseng phài lâng khì pàithok kionglâi ê tāisîn Peklahsūto͘ kā Hilu̍t kiûhô.

12:21 Hilu̍t tī ioktēng ê ji̍t, chhēng ôngphâu chē tī ôngūi, tùi in iánkáng.

12:22 In chiū hoah:” Chesī Siōngchú ê siaⁿ, m̄sī lâng ê siaⁿ.”

12:23 Siōngchú ê thiⁿsài cheksî kā i phahtó, in-ūi Hilu̍t bô kui êngkng hō͘ Siōngchú, i chiū hō͘ thâng kā sí.

12:24 Iáukú Siōngchú ê chintō ná thoân ná khoah ná hengōng.

12:25 Panápa hām Sólô oânsêng in khì oânchō͘ ê jīmbū liáuāu, chiū tùi Iâlō͘satléng tńglâi, chhōa hōchò Mákhó ê Iokhān chòhóe.

          2025.08.26.Siukái tī Lâmthâm