Sùtô͘ Hêngtoān Tē la̍k chio͘ⁿ

6:1 Tī hit ê sî, bûntô͘ chengka chinchē, ū kóng Hiliapōe ê Iûthàilâng leh bâioàn Hipeklâilâng, inūi in ê kóaⁿhū ê ji̍tsiông suiàu pī hutlio̍k.

6:2 Cha̍pjī ê Sútô͘ chiochi̍p chèng bûntô͘ lâi, kā in kóng:” Goán kā Siōngchú ê chintō pàng chi̍t piⁿ, lâi pānlí chia̍hpn̄g ê tāichì, sī bô sekha̍p.

6:3 só͘í, chèng hiaⁿtī chíbōe à, tio̍h tùi lín tiongkan soán chhut chhitūi ū hó miâsiaⁿ, pī Sèngsîn chhiongmóa, koh tìhūi cha̍pchiok ê lâng, goán thang úijīm in pānlí chia ê tāichì.

6:4 Hō͘ goán thang chhîsiok choansim kîtó kap thoân Siōngchú ê Chintō.”

6:5 Tāike thiaⁿ liáu lóng chin kahì, chiū soánchhut Suthêhoán, i sī chhiongmóa sìnsim kap Sèngsîn ê lâng, koh soán Huile̍k, Peklôkolô, Nîkaná, Thêbûn, Pabíná, íkip íchêng káisìn Iûthàikàu ê Anthêolâng Nîkolah,

6:6 hō͘ in khiā tī Sútô͘ ê bīnchêng. Sútô͘ chiū ūi in kîtó, iā hōaⁿchhiú tī in ê thâukhak téng.

6:7 Siōngchú ê Chintō chiū nálâi ná chēlâng chai, tī Iâlō͘satléng bûntô͘ ê lângsò͘ chengka chin chē, mā chin chē chèsi chiapsiū.

6:8 Suthêhoán sìnsim cha̍pchiok koh chhiongmóa Sèngsîn ê lêngle̍k, tī chènglâng ê tiongkan, kiâⁿ chin chē tōa ê kîsū kap sînjiah.

6:9 Tānsī ū chi̍t kóa kiò chò Chūiûphài hōetn̂g ê lâng kap tī Kó͘līnāi, Ale̍ksantāi, Kilīka, Asea lâi ê Iûthàilâng kap Suthêhoán piànlūn.

6:10 M̄ku, Sèngsîn sió͘ⁿsù i kóng tìhūi ê ōe, hō͘ in kóng bē iâⁿ,

6:11 chiū àmtiong sáilōng lâng, chhut lâi kóng:” Goán ū thiaⁿtio̍h i leh kóng húipòng Mô͘se hām Siōngchú ê ōe.

6:12 In koh siàntōng bînchiòng, tió͘ⁿló hām kàusu, lâi kongkek i, iā sûi kā lia̍h khí lâi thoa khì kāu hō͘ gīhōe,

6:13 in kiò chi̍t kóa kéchèngjîn lâi, kóng:” Chitê lâng kóng ê ōe, puttoān kongkek sèngtiān kap Mô͘se ê Lu̍thoat.

6:14 Goán bat thiaⁿ i kóng, hit ê Násatle̍klâng ê Iaso͘ beh húihoāi chit ê sèngtiān, iābeh siukái Mô͘se só͘ thoân hō͘ lán ê kuilē.

6:15 Hitsî, chē tī gīhōe tiong ê lâng, lóng lia̍h i kimkimsiòng, khòaⁿtio̍h i ê bīn-māu ná chhinchhiō͘ⁿ thiⁿsài ê bīn.

         2025.08.20. Siukái tī Lâmthâm