Sùtô͘ Hêngtoān Tē peh chio͘ⁿ

8:1 Án hitji̍t khí, Iâlō͘satléng ê kàuhōe siū tio̍h tōa pekhāi, sùtô͘ í gōa só͘ū ê sìntô͘ lóng sìsòaⁿ tī Iûthài hām Satmálīa ê tak só͘chāi.

8:2 Ū chi̍t kóa kèngkhiân ê lâng kā Suthêhoán bâichòng khí lâi, koh m̄kam i siūhāi chiū tōa siaⁿ thîkhàu.

8:3 Tānsī Sólô khiok hē chhiú pekhāi kàuhōe, khì kàu móe chi̍t hō͘ sìntô͘ ê chhù, bôlūn lâmlú thoa in chhutlâi, kā in koaiⁿ lo̍h kaⁿga̍k.

8:4 Tùi áne, hiah ê hunsòaⁿ chhutkhì ê sìntô͘, tī in khì ê tak só͘chāi thoân hokim.

8:5 Huile̍k lo̍hkhì Satmálīa ê siâⁿchhī, tùi hia ê lâng pòiông iúkoan Kitok ê sū.

8:6 Chènglâng thiaⁿtio̍h Huile̍k só͘ kóng ê ōe, koh khòaⁿtio̍h Huile̍k só͘ kiâⁿ ê sînjiah, chiū itsim itì thiaⁿthàn i ê ōe.

8:7 Inūi ū chinchē lâng hō͘ siâsîn hūsin, hia ê siâsîn tōasiaⁿ hoah chiū án só͘ hūsin ê lâng chhutkhì; mā ū chinchē tiònghongê, páiⁿkhaê lóng tittio̍h itī.

8:8 Hit siâⁿchhī ê lâng lóng tōa hoaⁿhí.

8:9 Tī hia ū chit ê kiòchò Sebûn ê, kengsiông kiâⁿ siâsu̍t lâi bêhek Satmálīalâng, chūkhoa chūtōa;

8:10 In bôlūn tōasè lóng thiaⁿ i só͘ kóng ê, “ Chit ê lâng chiūsī tùi Siōngchú lâi ê Tāilêngchiá.”

8:11 Inūi tn̂gkú ílâi, i ēng siâsu̍t bêhek in, só͘í in lóng thiaⁿ i ê ōe.

8:12 M̄ku, kàu in sìn Huile̍k só͘ thoânkáng Siōngchú ê hokim kap Iaso͘ Kitok ê miâ, in bôhun lâmlú lóng lâi chiapsiū sélé.

8:13 Liân Sebûn katī mā lâi sìn. I niásiū sélé íāu, chiū sîsiông kap Huile̍k chòtīn, khòaⁿtio̍h i só͘ chò ê sînjiah kap tōa koânlêng chin kámthàn.

8:14 Sútô͘ tī Iâlō͘satléng thiaⁿtio̍h Satmálīalâng chiapsiū Siōngchú ê tōlí, chiū phài Pítek, Iokhān khì in hia.

8:15 Tng in nn̄g ūi kàu hia, chiū ūi in kîtó, hō͘ in thang niásiū Sèngsîn.

8:16 Inūi Sèngsîn iáubē lîmkàu tī in jīmhô lâng, in chí ū hōng Iaso͘ ê miâ niá sélé niāniā.

8:17 Só͘í Sútô͘ chiū ēng chhiú hōaⁿ tī in ê thâukhak téng, in chiū siū Sèngsîn chhiongmóa.

8:18 Tôngsî, Sebûn khòaⁿtio̍h hō͘ Sútô͘ ēng chhiú hōaⁿ ê lâng lóng tittio̍h Sèngsîn, sûi hōnghiàn kimchîⁿ hō͘ in,

8:19 Kóng:” Chhiáⁿ lín iā hō͘ góa chit ê koân-lêng, hō͘ góa só͘ hōaⁿchhiú ê lâng, lóng ētàng niásiū Sèngsîn.”

8:20 M̄ku, Pítek tùi i kóng:”Lí ê chîⁿ kap lí chòhóe khì sí! Inūi lí siō͘ⁿ kóng Siōngchú ê unsù sī ētàng iōng chîⁿ lâi bé.

8:21 Goán ê kangchok bô lí ê hūn, kap lí mā bô koanhē; inūi tī Siōngchú ê bīnchêng lí ê simsu bô sûnchiàⁿ.

8:22 Só͘í lí tio̍h hóekái, tûkhí chit ê pháiⁿ liāmthâu, kîtó Chú kiámchhái thang siàbián lí

chitkhoán siō͘ⁿhoat.

8:23 Inūi góa liáukái lí chitmá náchhiō͘ⁿ chia̍htio̍h khó͘táⁿ ê khoán, pī siâok khúnpa̍k tiâu leh.”

8:24 Sebûn kóng:” Chhiáⁿ ūi góa kîtó Chú, m̄thang hō͘ lín só͘ kóng ê ōe hoatseng tī góa ê sinchiō͘ⁿ.”

8:25 In íkeng tī hia ūi Chú chò kiànchèng, thoânkáng Siōngchú ê tōlí chiū tńgkhì Iâlō͘satléng, iânlō͘ tī Satmálīa chinchē chngthâu soankáng Hokim.

8:26 Ū Chú ê thiⁿsài kā Huile̍k kóng:” Khí lâi! Ǹg lâm pêng khì, chiūsī án Iâlō͘satléng lo̍hkhì Kasat ê hittiâu lō͘.” Chit tiâu lō͘ sī thongkòe khòngiá ê lō͘.

8:27 I sūi khísin chiânóng, tī lō͘tiong tútio̍h chi̍t ê Aithêopek ê thàikàm, i sī Lúông Kantāiki ê Châibū tāisîn, sī chin ū koânsè ê,

8:28 I khì Iâlō͘satléng kèngpài kiatsok beh tńgkhì, chē tī chhialāi leh thak Sianti Ísàia ê chheh,

8:29 Sèngsîn tùi Huile̍k kóng:” Lí khì! Kiâⁿ óakhì hit tâi chhia.”

8:30 I chiū cháu khì thàikàm hia, thiaⁿtio̍h thàikàm leh thak Sianti Ísàia ê chheh, chiū mn̄g i kóng:” Lí kámū liáukái lí só͘ thak ê ê ìsù?”

8:31 Thàikàm ìn i:” Bôlâng káisoeh, góa náē liáukái?” Chiū chhiáⁿ i chiō͘ⁿchhia, kap i chòhóe chē.

8:32 I só͘ thak ê kengbûn sī siá:” I chhinchhiō͘ⁿ hō͘ lâng beh khan khí thâi ê iô͘ⁿ, mā chhinchhiō͘ⁿ iô͘ⁿá tī chiánmn̂g ê lâng ê bīnchêng bô chhutsiaⁿ, I māsī áne tiāmtiām bô khuichhùi.

8:33 I pī khòaⁿkhin ê sî, siūtio̍h bô konggī ê símphòaⁿ, siáⁿmihlâng ēthang kóng chhengchhó I hit ê sîtāi ê chêngkéng? Inūi I tī tēsiōng ê oa̍hmiā íkeng kiatsok à.

8:34 Thàikàm mn̄g Huile̍k:” Chhiáⁿ mn̄g, Sianti Ísàia kóng chiahê ōe, sī leh chí siáⁿlâng? Sī chí I katī, ásī chí pa̍tlâng?”

8:35 Huile̍k chiū án hittōaⁿ kengbûn khaisí, tùi i thoânkáng Iaso͘ ê hokim.

8:36 In kèsio̍k tī lō͘nih leh kiâⁿ, kàu chi̍t ūi ū chúi ê só͘chāi, thàikàm kóng:” Lí khòaⁿ, chia ū chúi, góa kám ētàng tī chia niásiū sélé?”

8:37 Huile̍k kóng:” Lí nā choânsim siongsìn, chiū ē sái.” I ìn:” Góa sìn Iaso͘ Kitok sī Siōngchú ê kiáⁿ.”

8:38 Thàikàm chiū hoanhù thêngchhia, Huile̍k hām Thàikàm nn̄g ê lâng chòhóe lo̍hkhì chúinih, Huile̍k chiū kā i kiâⁿ sélé.

8:39 Tùi chúinih khílâi ê sî, Chú ê Sèngsîn kā Huile̍k chhōa līkhui, Thàikàm mā bô koh khòaⁿtio̍h i, chiū kèsio̍k i ê lō͘thêng.

8:40 Āulâi Huile̍k tī Asóto chhuthiān hō͘ lâng tútio̍h. I tī hit só͘chāi kiâⁿ thàuthàu, thoân Hokim ti̍tkàu Satkalīa.

            2025.08.22. Siukái tī Lâmthâm