Sùtô͘ Hêngtoān Tē sì chio͘ⁿ

4:1 Tng sùtô͘ leh kap bînchiòng kóngōe ê sî, hia ê chèsi hām sèngtiān ê siúūi tió͘ⁿ íkip Satto͘kai  lâng lóng lâikàu in hia.

4:2 In lóng chin siūkhì, inūi Pítek kap Iokhān kunkù Iaso͘ án sí kohoa̍h chit hāng tāichì lâi ǹg bînchiòng soankáng kap kàutō.

4:3 Só͘í chiū hēchhiú kā in lia̍h khí lâi, inūi thiⁿ íkeng àm à, chiū kā in khàuliû kàu tē jī ji̍t.

4:4 M̄ku tī hia leh thiaⁿ ê bînchiòng, ū chēchē lâng siongsìn, lâmsū ioklio̍k ū gō͘chheng lâng.

4:5 Kèji̍t chákhí, in ê koaⁿoân, tio͘ⁿló kap kàusu tī Iâlō͘satléng chūchi̍p,

4:6 koh ū Tōa chèsi Aná hām Kaiahoat, Iokhān, Ale̍ksantāi, íkip tōa chèsi ê chhincho̍k lóng chāi tiô͘ⁿ,

4:7 tng nn̄g ūi sùtô͘ lâi khiā tī in tiongng ê sî, chiū mn̄g Pítek kóng:” Lín sī ēng siáⁿmih koân, ásī chioh siáⁿmih lâng ê miâ, chò chit hāng tāichì?”

4:8 Hit sî, Pítek pī Sèngsîn chhiongmóa, tùi in kóng:”

4:9 Goán kináji̍t nā sī inūi chò chit hāng ihó chit ê páiⁿkhaè ê hósū siū símmn̄g, i sī ánchóaⁿ tit tio̍h ihó ê,

4:10 lín tāike kap só͘ū ê Íseklia̍t chènglâng tio̍h ài chaiiáⁿ, khiā tī lín bīnchêng tittio̍h oânchoân ihó ê lâng, sī chiàtio̍h hō͘ lín tèng si̍pjīkè ê Násatle̍k Iaso͘ ê miâ, Siōngchú hō͘ I tùi sí kohoa̍h ê.

4:11 I chiūsī kengchheh só͘ kì ê, lín ê saihū só͘ tàntiāu ê chio̍hthâu, soah pìⁿchò khíchhù ê tē it teh chio̍h.

4:12 Chí ū tùi I chiah ē tittio̍h chinkiù, inūi tī thiⁿē jînkan Siōngchú bô sió͘ⁿsù pa̍t ê miâ hō͘ lâng thang khò I ê miâ lâi titkiù.”

4:13 Tng chènglâng khòaⁿtio̍h Pítek kap Iokhān hiah lìn ū támsek, mā chaiiáⁿ in sī bô tha̍k kòe siáⁿmih chheh ê phó͘thong lâng, chiū lóng chin tio̍hkiaⁿ, iā jīn chhut lâi in pat kuntòe kòe Iaso͘;

4:14 koh khòaⁿtio̍h hit ê hō͘ in ihó ê lâng hām in khiā chòhóe, chôaⁿ bô ōe thang ìn.

4:15 In chiū kiò Pítek kap Iokhān līkhui hōegī thiaⁿ, hō͘siong chhamsiông:”

4:16 Lán tio̍h ánchóaⁿ chhúlí chit nn̄g ê lâng chiah hó? Inūi tòa tī Iâlō͘satléng ê lâng lóng chaiiáⁿ in si̍tchāi chòliáu chi̍t hāng sînjiah, sī lán bē tàng hó͘ⁿjīm ê.

4:17 Kiaⁿliáu chit hāng tāichì tī chènglâng ê tiongkan koh chài thoâniông, lán tio̍h kéngkò in bē sái koh hōng Iaso͘ ê miâ lâi ǹg lâng kóng tōlí.”

4:18 Chiū kiò sùtô͘ lâi, kìmchí in koh hōng Iaso͘ ê miâ ǹg lâng kánglūn iāsī kàutō.

4:19 Pítek hām Iokhān khiok ìn:” Tī Siōngchú ê gántiong, thiaⁿ lín ê, ásī thiaⁿ Siōngchú ê khah tio̍h, lín katī siō͘ⁿ khòaⁿ māi leh!”

4:20 Inūi goán só͘ khòaⁿtio̍h, só͘ thiaⁿtio̍h ê, bē tàng bô kóng.”

4:21 Hia ê koaⁿoân inūi bînchiòng ê iânkò͘, soah chhōe bô honghoat thang pān in, chôaⁿ koh chi̍t pái kéngkò in liáu, chiah pàng in chhut khì. In móe chi̍t ê lâng lóng oló Siōngchú só͘ chò kîbiāu ê sū.

4:22 Inūi án chi̍t ê sînjiah tit tio̍h ihó ê lâng, íkeng sìcha̍p gōa hòe.

4:23 Pítek kap Iokhān pī sekhòng āu, chiū tńgkhì in ê tangphōaⁿ hia, chiong chèsi tió͘ⁿ hām tió͘ⁿló só͘ kóng ê ōe, lóng ǹg in pòkò.

4:24 In ta̍k ê thiaⁿliáu, chiū tângsim chhut tōasiaⁿ kîtó Siōngchú kóng:” Chú à! Lí sī chhòngchō thiⁿ, tē, hái kap kîtiong bānmi̍h ê Siōngchú,

4:25 Lí pat thongkòe Sèngsîn, ēng Lí ê po̍kjîn, chiūsī goán ê chó͘sian Tāipit ê chhùi, kóng: Bānkok ūisiáⁿmi̍h tōa siūkhì? Bānbîn sī ánchóaⁿ kèōe bô hāukó ê tāichì?

4:26 Tēchiō͘ⁿ ê chèng kunông lóng chúnpī hósè, só͘ū ê léngsiù mā chūchi̍p chhamsiông, beh kongkek Siōngchú, íkip I ê só͘ boahiû ê.

4:27 Hilu̍t hām Púntiu Pília̍pto, kap gōakok lâng, Íseklia̍t lâng, kójiân chūchi̍p tī chit ê siâⁿlāi, lâi kongkek Lí só͘ siatli̍p ê sèngkiat ê po̍kjîn Iaso͘,

4:28 lâi chò Lí ê chhiú hām só͘ tiāⁿtio̍h itchhè ê tāichì.

4:29 Chú à, taⁿ kiû Lí kàmchhat in ê khiónghat, koh sió͘ⁿsù Lí ê po̍kjîn hótáⁿ soaniông Lí ê tōlí,

4:30 siângsî iā chhunchhut Lí ê chhiú lâi ipēⁿ, mā thongkòe Lí só͘ sènghòa ê po̍kjîn Iaso͘ ê miâ lâi kiâⁿ chēchē ê sînjiah.

4:31 Tī in kîtó liáuāu, chūhōe ê só͘chāi chiū iôtāng, in lóng pī Sèngsîn chhiongmóa, koh ū ióngkhì lâi soankáng Siōngchú ê ōegú.

4:32 Chèng sìntô͘ lóng tângsim ha̍pì, bô lâng kóng i ê châibu̍t sī siok i kòjîn ê, tāike lóng chiong só͘ū ê theh lâi kongke ēng.

4:33 Sútô͘ ēng tōa koânlêng lâi kiànchèng Chú Iaso͘ ê kohoa̍h, bînchiòng mā tittio̍h tōa unhūi.

4:34 In tiongkan bô chi̍t ê lâng ū khiàmkhoeh, inūi ū chhânhn̂g, chhùthe̍h ê lóng bētiāu, chiong só͘ tittio̍h ê chîⁿ kau hō͘ Sútô͘;

4:35 chiàu ta̍klâng ê suiàu pun hō͘ in.

4:36 Ū chi̍t ê tī Kupílō͘ chhutsì ê Lībīcho̍k ê lâng, miâ chò Ioksek, Sútô͘ kiò i chò Panápa(Ìsù sī anùichiá).

4:37 I iā bē katī ê chhânhn̂g, chiong chîⁿ the̍h lâi kau hō͘ sùtô͘.

    2025.08.18. Siukái tī Lâmthâm