Sùtô͘ Hêngtoān Tē cha̍p káu chio͘ⁿ

19:1 Tng Apolô tī Kolîmto ê sî, Pólô kengkòe khah téngthâu ê hiongtìn, lâikàu Íhu̍tsó͘ chhōe tio̍h kúiê bûntô͘.

19:2 Mn̄g in kóng:” Tī lín sìn Chú ê sî kámū niásiū Sèngsîn?” In ìn:” Bô. Goán chiônglâi m̄ bat thiaⁿkòe ū Sèngsîn chithāng tāichì.”

19:3 I koh mn̄g:” Ahne, lín sī chiapsiū siáⁿmihlâng ê sélé?” In kóng:” Sī kiâⁿ sélé ê Iokhān.”

19:4 Pólô kóng:” Iokhān só͘ kiâⁿ ê sī hóekái ê sélé, i kā in kóng, tio̍h sìn tī i āubīn só͘ beh lâi ê, chiūsī Iaso͘.

19:5 Tī in thiaⁿtio̍h ahne, sūi hōng Chú Iaso͘ ê miâ niá sélé.

19:6 Tng Pólô ēng i ê siangchhiú hōaⁿ in ê sî, Sèngsîn lâikàu in tiongkan, in chiū kóng pa̍tchióng gúgiân hām ūgiân.

19:7 Tāiiok ū cha̍pjī ūi lâmsū.

19:8 Pólô ji̍pkhì hōetn̂g hótáⁿ kángtō ū saⁿkògoe̍h kú, kap lâng piànlūn koh soatbêng iúkoan Siōngchú koktō͘ ê tāichì.

19:9 M̄ku chi̍tkóa ngēsim koh pōege̍k ê, tī chènglâng ê bīnchêng húipòng chi̍tê Tō, i chiū līkhui in, iā kiò bûntô͘ kap in kehlī, chiū ta̍kji̍t tī Chhuilatlô͘ ê o̍htn̂g kap lâng piànlūn.

19:10 Ahne chhîsiok nn̄gnî, só͘í tòa tī Asea só͘ū ê lâng, bôlūn sī Iûthàilâng ásī Hilīnî lâng lóng thiaⁿkòe Chú ê chintō.

19:11 Siōngchú ēng Pólô ê chhiú, chòchhut te̍ksû ê sînjiah,

19:12 sīmchì ū lâng the̍h Pólô sinchiō͘ⁿ ê chhiúkin ásī ûikin, hē tī pēⁿlâng ê sengkhu, liân siâsîn mā līkhui.

19:13 M̄ku, ū kúiê cháu kangô͘ leh kóaⁿkúi ê Iûthàilâng, ǹg hiaê hō͘ siâsîn hùsin ê lâng, katī mā lia̍hchò ēsái ēng hoatsu̍t ēng Chú Iaso͘ ê miâ, kóng:” Goán hōng Pólô só͘ thoân ê Iaso͘ ê miâ, bēnglēng lí līkhui.”

19:14 Iûthàilâng ê chèsitió͘ⁿ Sūkióa ê chhitê kiáⁿ, mā leh chò chitkhoán tāichì.

19:15 Hitê siâsîn ìn:” Iaso͘ góa chaiiáⁿ, koh kóng Pólô góa mā chai, ah lín sī siáⁿlâng?”

19:16 Hitê hō͘ siâsîn hūsin ê lâng, chôaⁿ thiàu khílih in ê sinchiō͘ⁿ kongkek in, phah iâⁿ in, tìkàu in thǹgpaktheh koh tio̍hsiong, án hitkeng chhulāi tôcháu.

19:17 Tòa tī Íhu̍tsó͘ ê Iûthàilâng ahsī Hilīnîlâng lóng chai chithāng tāichì. Chiū kiaⁿùi in, koh Chú Iaso͘ ê miâ mā siū chunchông.

19:18 Ū chiokchē íkeng sìnChú ê lâng, chhutlâi kongkhai kóngkhí in katī kòekhì só͘chò ê tāichì.

19:19 Māū chinchē kiâⁿ siâsu̍t ê, theh in ê chheh lâi khǹg kuitui, tī chènglâng ê bīnchêng panghóe sio. Hiaê chheh ê kèchîⁿ chóngkiōng iok gō͘bān gîn.

19:20 Chiū ahne, Chú ê chintō puttoān tiánkhui, tōa hengōng.

19:21 Kengkòe chiahê tāichì liáuāu, Pólô chiàu Sèngsîn ê chíín, koatì beh kengkòe Mákîtùn kap Akaia khì Iâlō͘satléng, koh kóng: Kàu hia liáuāu, góa mā tio̍h khì Lômá chi̍t chōa.

19:22 Chiū phài nn̄g ê chō͘chhiú, Thêmô͘thài hām Ílahto͘ sengkhì Mákîtùn, i katī iau tī Asea.

19:23 Tāikhài tī hitê sîchūn, tī Íhu̍tsó͘ ū hoatseng kap chintō iúkoan ê bē sió liáuloān.

19:24 Inūi ū chitê miâchò Típítiu ê gînchhiō͘ⁿ, i ēng gîn chò Atíbí ê sînbiō, hō͘ hiaê saihū thàn bē chió chîⁿ.

19:25 I chiū kā kap i kāngtô͘ ê saihū chūchi̍p óalâi, kóng:” Kokūi, lín chai lán sī khò chi̍t tô͘ leh thànchîⁿ.

19:26 Lín kā khòaⁿ leh, chi̍tê Pólô m̄niā tī Íhu̍tsó͘, mā chhaputto tī choân Asea ê kéng-lāi, soatho̍k chinchē lâng līkhui, kóng: Ēng lâng ê chhiú só͘ chò ê m̄sī sînbêng.

19:27 Ahne, m̄niā lán ê sūgia̍p ē ū hō lâng khòaⁿkhin ê gûihiám, kohkhah ē hō͘ lán úitāi ê lúsîn Atíbí ê sînbiō hō͘ lâng khòaⁿ bô tiám, liântài choân Asea kap thong sèkài ê lâng leh pài ê Atíbí mā ē sitkhì i ê uihong, i chiū pī siaubia̍t.

19:28 Chènglâng thiaⁿliáu lóng chin hùnnō͘, tōasiaⁿ hoah:” Úitāi ê Íhu̍tsó͘lâng ê Atíbí!”

19:29 Kuiê siâⁿchhī chôaⁿ loan khílâi, in lia̍htio̍h Pólô ê tangphōaⁿ, Mákîtùnlâng, Kaiiû kap Alíta̍tkó͘, kuitīn lâng chiū kā in sak li̍pkhì hìⁿhn̂g.

19:30 Hitsî Pólô siō͘ⁿ beh li̍pkhì kûnchiòng lāibīn, bûntô͘ pèngbô tôngì.

19:31 Iáū kúiê Asea ê koaⁿoân sī Pólô ê pêngiú, phài lâng khì khǹg i, mài mō͘hiám ji̍pkhì hìⁿhn̂g.

19:32 Hitsî hìⁿhn̂g lāi lōan chhèngchhèng, chitlâng hoah chitkhoán. Tāipō͘hūn ê lâng m̄chaiiáⁿ ūisiáⁿmi̍h lâi chia.

19:33 In án kûnchiòng tiongkan chhōa Ale̍ksantāi chhutlâi, inūi Iûthàilâng kā i sak khì thâuchêng. Ale̍ksantāi pí chhiúsè kiò tāike anchēng, beh ǹg in piānkái.

19:34 M̄ku in chitē chaiiáⁿ i sī Iûthàilâng, chiū chêsiaⁿ hoah:” Ū kàu úitāi à, Íhu̍tsó͘lâng ê Atíbí !” Ahne itti̍t hoah, tāiiok ū nn̄g tiámcheng.

19:35 Hitê siâⁿ ê sukìkoaⁿ lâi antah chènglâng liáuāu, chiū kóng:” Íhu̍tsó͘lâng à, siáⁿlâng m̄chai Íhu̍tsó͘ siâⁿ ê lâng sī tōa Atíbí sîn-biō kap án thiⁿ-sîn Tiū-su hia lo̍hlâi ê sînsiōng ê siúhō͘chiá?

19:36 Kìjiân chithāng tāichì bôlâng ētàng hó͘ⁿjīn, lín tio̍h léngcheng, m̄thang jiásū.

19:37 Inūi lín só͘ lia̍hlâi ê lâng, in m̄sī chiahê biō ê chhió͘ⁿkiaphoān, mā bô húipòng lín ê lúsîn.

19:38 Só͘í, siatsú Tíbítiu hām hiahê kap i chòtīn ê saihū kap jīmhôlâng ū chengchip beh khòngkò i, hoattêng ū kó͘tēng khuitêng ê sîkan, māū chóngtok pānlí lín ê sò͘siōng.

19:39 Lín nāū pa̍thāng tāichì, iā thang chiàu ónglē lâi kongtn̂g pānlí.

19:40 Inūi kináji̍t ê jiáuloān, sūsi̍tsiōng sī bô lí-iû, goán bô-hoat-tō͘ ǹg lâi cha-mn̄g ê téngsi kóng chhengchhó.

19:41 Kóng soah, chiū kiò tāike tńgkhì.

       2025.09.10.  Siukái tī Lâmthâm